汀汀烤活魚 (已結業)

朋友提議熱辣辣天時食烤魚，叫左條沙巴龍等，湯底清清地揀蕃茄薯仔湯，點知龍等淹滿大量孜然粉，同蕃茄湯味道唔太夾不過勝在魚肉鮮味嫩滑，size不小，三百多元好抵食一邊吃魚時，先點了份鬼馬油條過口瘾，我地揀左雙拼，一半墨魚膠，一半蝦膠，油條非常香脆，配埋墨魚/蝦膠一齊食，入面爽彈，外面脆卜卜，口感討好，送酒一流海蝦大隻生猛，鮮甜仲有膏竹生係我至愛，健康之選！吸哂湯底好正芋頭粉粉的，預先炸過好香口。總結一下，環境比較迫及嘈不算舒服，不過食物新鮮，員工服務好，適合大伙兒聚會，粗魯啲玩得顛都唔怕！

忘了從甚麼時候開始，慢慢喜歡上吃魚這種食物，不論是蒸、炒、煮、炆、炸、煎，我也喜歡吃，近年更愛上吃「烤」魚。嚷得久了，今次終於相約來到一直想要光顧的「汀汀烤活魚」。 烤沙巴龍躉—酸菜湯底 ($278—小) 店員極力推介這種烤魚，那就點它吧。賣相果然吸引，是為皇牌烤魚也是最適合不過的。店員為我們加了點獨家製的豆豉。 就是這碗豆豉啦，是店長專為烤魚而設。店員提到清湯烤魚會缺少了烤魚應有的惹味感，所以就為我們附上這一小碗以獨門秘方炮製的麻辣豆豉供我們自己調味。放在湯中煮一會兒，果然聞落更香，而且食落更惹味，就是加了點點麻的感覺。 魚肉也蠻厚的，而且也蠻大件的，魚肉並不算嫩滑，但卻蠻彈牙的，酸菜湯底湯透在魚肉當中，而魚肉亦夾雜著惹味的豆豉，令香氣大大提升。

黎荃灣揾舊同事聚舊，他們介紹呢間位於三坡方的汀汀烤活魚，原來三坡方都有如美食街，成條街都係餐廳，好多選擇，而烤活魚我都係第一次。黎到餐廳都已經滿座，好在朋友有訂位，入到入面裝修簡單，人情味濃，老闆娘介紹好好，為我們一一講解餐牌嘅內容。先黎小食青瓜皮蛋椒鹽豆腐主角上場，烤沙巴龍躉跟蕃茄薯仔湯底，原來魚放入蕃茄湯都夾，料足味鮮，但魚上煱前先炸過，令其有多份香脆口感(因為有成員唔食辣，所以無選擇辣湯，老闆娘超推介辣湯)另外叫左個蟲草花豬肚雞煲---湯味較淡追加海中蝦水餃不可不提鬼馬油條雙拼分別釀有蝦交同墨魚交，炸至香脆就咁點雞醬食送酒正，加入雞煲吸晒湯再食又正

同事老提著荃灣有家汀汀烤活魚多麼好吃，好吧！趁月頭「身心充裕」就陪他一試！汀汀烤活魚在荃灣三坡坊，幸好這次有同事帶路，不然不熟路的人應該也要用Google Map 搜尋一番。店裡用上木桌木椅，頗有中式小店的特式風味。店外尚有一張長桌，要是有吸煙的朋友在就不用怕煙癮發作要經常離座了！原來除了烤魚鍋，還有雞煲、火鍋、海鮮、小菜等菜式提供，食物款式多多，絕對適合一家大細或大夥兒聚會！涼伴青瓜 $28打定主意來吃烤魚鍋，魚鍋上桌前先來點開胃菜~微酸帶辣的青瓜，爽脆有帶點青瓜本身的清甜，涼涼的正適合夏天，要是能再冰一點會吃得更暢快。滷水牛展 $48我最喜歡的牛展，切得透薄之餘金錢般的花紋還很漂亮，一碟份量也不少，最少也有十數片，蠻划算的！黃金墨魚餅 $38外層炸得香脆，內裡包著自家手打墨魚滑，墨魚細滑又無筋無渣，真材實料吃得滿口墨魚香。沾點泰式辣醬甜辣惹味，超有驚喜！招牌烤魽魚 $248主角上場了~~與同事選了微辣的招牌烤魽魚，餐牌上標榜的少骨絕對是重點XD下單時特地說明只能吃少辣，阿姐細心記下了還提醒我們一定要有一點辣才好吃，結果吃起來不會太辣在接受範圍內，而且的確很惹味！魽魚還是第一次吃到，

返工已經較晏, 隨便響荃灣搵飯食, 三陂坊呢邊既食肆會開得較夜, 就響呢邊搵食.見汀汀魚除左有魚之外, 仲有雞煲.要左半隻招牌雞煲, 肉件好多, 仲有洋蔥, 芹菜, 莞茜等等炒出香味, 侍應幫忙兜亂, 再等一陣就食得.雞肉夠嫩, 唔鞋口, 醬汁唔會太咸夠入味, 每舊肥大肉厚, 半隻都已經夠吃.另外要左即蒸海鮮, 有蒜茸蟶子同大扇貝, 蒜茸同粉絲非常多, 所以味道好惹味, 粉絲索晒左海鮮既鮮甜.大扇貝同蟶子肉厚肥美, 咬落爽口彈牙, 味道鮮甜. 仲有要個餐前鴨舌小吃, 鹵得夠腍又入味, 唔咸, 好爽口又開胃.

放工行街又遇上落雨天，只好找個餐店晚餐避一避。由於聽聞三坡坊比較多特色食品，我們二人急步避雨走到三坡坊。由於並不熟識該地方的餐店，我們二人便選了比較穩健的烤魚，這汀汀烤活魚位處轉角街，我們相信可逗留較耐時間便決定進去一嚐。店內比較簡樸，不佔上太多花朽裝潢。餐店內主要有小食、小菜、火鍋、雞煲及烤魚選擇，而前菜我們點了冰鎮菠蘿及椒鹽一口豆腐，冰鎮菠蘿口感清爽，菠蘿香甜，墊底放上一層碎冰令到菠蘿能保持清涼新鮮口感。椒鹽一口豆腐用一口大小上碟，椒鹽配以炸蒜粒蓋面。可能考慮到熱氣原因，豆腐外層沒有炸香，若是經過炸香定必更為可口，或許是考慮健康因素吧!!友善的店員推介我們一試蒜茸粉絲蒸大扇貝，於是便一人叫了一隻品嚐一番。蒜茸粉絲蒸大扇貝的大小真的比一般大，配蔥蒜清蒸粉絲，食下口感相當滿足。主菜我們選了"烤多寶魚配蕃茄薯仔味"，由於上菜時魚只烤至半熟，因此我們需要等待一會才能進餐。等了十多分鐘左右，魚的表面已漸漸轉色，我倆把表面的的伴菜便看到多寶魚的真身。由於魚本身已經細滑少骨，因此我們都能一口一口吃下。值得大家一試。多寶魚除了伴菜外還有豆腐乾及蕃茄，多寶魚的底部放了薯仔，可能已煮了一定時間，薯仔已

一向最愛啖啖肉，故很少食多骨多殼的海鮮。早日，老友約我到荃灣食【汀汀烤活魚】。要食魚？聽後呆一呆，但她讚到天上有，於是即管應約。【汀汀烤活魚】以傳統烤全魚作賣點，所以在門口已見到大魚缸，養著每日從街市入貨的活魚。為滿足識食的港人，店內提供烤魚火鍋、雞煲、游水海鮮及晚飯小菜。現更有幾款火鍋、雞煲逢星期二以全日半價作優惠添！店內環境簡潔、舒適、不侷促。落單前，先來品嚐每枱都有的脆卜卜花生，及叫支飲品潤潤喉。叫菜時，經有禮的服務員介紹下，得知有款魽魚少骨又多肉，而且可配不同湯底及辣度，於是我們選了【招牌烤魽魚】配以微辣的香辣湯底。上枱時，看到老闆特別訂來能保持均勻火力的「長方型爐」，服務員會先為我們推均魚上的伴菜，之後看到兩條肥美的魽魚，相當吸引。第一次食魽魚，估不到這款魚真的很少骨及啖啖肉，魚皮已預先煎至脆身，肉質結實嫩滑，好適合像我想食魚，但又怕有骨的人，正。湯底不太辣但惹味，跟伴菜很配合，如豆卜、豬皮、蘿蔔等都很入味。有魚當然要有肉，這以手打調整的【黃金墨魚餅】，肉質份外爽滑彈牙，沾上醬汁更和味。這兩味菜已佔了肚仔的八成，本想食個飯都不能，但又想坐多一會傾心事，於是叫了點小食。先有【涼

在荃灣做過facial，匯合男友醫肚去。今晚二人走到美食匯聚的三陂坊 (不是三坡坊好不好......)，一試>>>汀汀烤活魚<<<滋味。 享受鮮魚滋味之前，先來點小吃和小菜。椒鹽一口豆腐 (HKD42) 的香與脆實在教人沒法抵抗，脆皮薄薄的一層讓豆腐的細滑更易被品嘗，配以蒜蓉香辣，味道更為完美。 冰鎮菠蘿 (HKD33) 是純粹的新鮮，甜美味道是飯後極品，建議用畢正餐再細嚐，感覺就是一個圓滿的句號。 侍應大力推介蒜茸粉絲蒸大扇貝 (HKD48/隻)，也就與男友各吃一隻吧。扇貝肉厚而鮮甜，烹調時間恰到好處，肉質嫩滑，實屬上品，果然無介紹錯。蒜茸與粉絲也非常惹味，一啖不留的通通吃掉了。 是晚主角乃烤多寶魚 (HKD248)，湯底可自選辣度，冰與男友均不嗜辣，揀了蕃茄芫荽；不喜芫荽的話可以考慮酸菜、野菌或蕃茄薯仔湯底。多寶魚肉質上佳，魚骨不多，吃得安心自在 (冰就是很不喜歡挑魚骨的說)。上面灑了一點孜然粉，香味更勝一籌。配著湯底的蕃茄、粟米等一同進食，不用添白飯也吃得夠飽。

平時去愛雞煲都係去開出名食雞煲既店，今晚行過見到依間出名食烤魚既店都有雞煲食，所以同朋友決定做今晚晚餐招牌雞煲 :有分三種辣味選擇，有麻辣、香辣、蒜辣，平時多數都係食開麻辣味，今日心思思想試下香辣既小辣，睇見都流哂口水，好香濃既辣汁同芫茜一齊滾煮，雞肉大小適中，肉質好滑沾滿辣汁配飯一齊食，好惹味自家水餃:另叫左份水餃等食完雞煲後打邊爐咁食，水餃餡料有木耳同豬肉，皮薄餡靚，食得出豬肉好新鮮同木耳幾爽口蒜蓉粉絲蒸聖子王:叫左兩隻一人一隻，蒜蓉粉絲撈飯食不嬲都係絕配，聖子入口鮮甜，幾好味汀汀小炒皇:炒得好惹味同有穫氣，韮菜花同腰果口感爽脆，炸魚仔好香好脆，送酒一流，入面仲有紅椒、蝦仁，味道唔錯雞煲真係好食，下次再同多D朋友黎一齊開心食

我最鍾意既，就係食雞煲。係雞煲蔚然成風既時候，我鍾意食，係雞煲風潮似退既時候，我依然不改喜歡。今次搵左幾個一樣鍾意食雞煲既老死出黎聚，之所以要黎依間，唔只係因為佢有雞煲，而且佢既雞煲有加花甲，感覺特別。一段時間冇黎，水準依然keep得唔錯，麻辣雞煲既麻味，同埋雞件既嫩滑，一樣都係咁誘人。花甲鮮爽入味，不過以我愛海鮮既程度，依個當然係唔足夠既，所以我地食完雞煲之後就拿拿林食火鍋。首先係食火鍋必點既肥牛，跟住仲落左雞件，豬肉，同埋我專登點既貴妃蚌。我一向都好鍾意貴妃蚌個種好爽既口感，依個貴妃蚌幾新鮮，新鮮灼好之後抹下豉油食，索索聲，好過癮。其實我地係度算係幾反主流，因為差唔多枱枱都有喊烤活魚，不過佢既雞煲同火鍋配料都水準唔錯，我覺得食得開心。下次可能黎食下烤活魚，因為依個先係佢既招牌菜嘛，哈哈。

早前嚟過呢度食烤魚，過左一排又去左荃灣行街，再次光顧呢度。上次已經食過烤魚，所以今次想試下新野。望下餐牌，其實除左烤魚之外，都好多其他野食。象拔蚌刺身 $118睇鋪頭名完全估唔到會有象拔蚌刺身食，而且價錢唔貴。象拔蚌刺身下面有大量冰粒，令刺身得以保持低溫，同時令既象拔蚌刺身保持住新鮮爽口既感覺，當然仲有芥辣豉油配合。羔蟹雞煲 $348雞煲真係食唔少，但羔蟹雞煲就第一次試。呢個雞煲都好大個，用既係大隻羔蟹，蟹蓋反開好多羔，對於鐘意食蟹蓋既我真係一流！雞煲煮熟之後吸收晒精華，蟹羔連雞食，一啖蟹羔，一啖雞，夠晒惹味。羔蟹同雞呢兩樣野，估唔到都夾到。估唔到呢到會諗到羔蟹夾雞煲，而且出嚟既效果都唔錯。成日以為叮叮得烤活魚食，但原來叮叮不只烤活魚。

三坡坊是一個我喜愛的地方，因為一到晚上就十分熱鬧，各式其式的大排檔都在晚上開始營業。是夜我們揀了汀汀烤活魚，門外的海鮮亦相當吸引，店內已有很多食客，假如沒有座位的話，還可以到上層坐。餐前小吃是一碟花生我也是喜愛吃較脆口的花生店內主要是吃雞煲及烤魚，另有不同的火鍋配料，因為友人不愛吃魚，所以我們選擇吃雞煲。象拔蚌刺身 $118想不到這裏竟然有象拔蚌刺身，是新鮮即叫即切，大約等10-15分鐘。象拔蚌刺身切得晶瑩剔透，入口亦頗有口感，新鮮爽脆，沾上Wasabi更好吃，雖然份量不是很多，但價錢不貴，適合二人分享。羔蟹雞煲 $348雞煲的選擇也有很多，不過比較特別的是這個羔蟹雞煲，還是第一次蟹配雞煲，滿足了友人愛吃蟹的慾望。一上枱已經很吸引，大大隻蟹蓋，打開可以見到入面很多膏。蟹肉吸收了雞煲的精華，所以有辣的刺激感，蟹膏很甜很好吃。雞煲內的雞肉很多，分量十足，先嚐一口雞肉，帶有微微麻辣的感覺，雞肉不會太老。雞煲內的配料很多，有莞茜、花椒、八角等，令到整個雞煲都很惹味，因為我們吃完雞煲已經很飽了，所以就沒有用雞煲的精華來打邊爐。店內還有傳單，惠顧滿$400可以平$50。還要提一提的是，逢星期二全日

荃灣三玻坊係一條隱藏在學校後面的小角落,全條路都係食火鍋,煲仔菜,避風塘海鮮等,非常熱鬧,周圍又有後生仔打籃球。 很喜歡這種氛圍。去了外表望落比較乾淨以四川式木頭牌匾作招徠的既汀汀烤活魚吃晚飯。叫了半份雞煲(148HKD),我們都覺得比想像大份,幾新鮮,好惹味,我們都很喜歡。未加水前加了厚身薯粉(20HKD),吸收了調味不錯的雞汁也令我很滿足。38元一碟的炸墨魚餅比想像大份,也做得不錯。78元的生蠔沒有意外地是新鮮的,不過太小太細份,至於牛粒(88HKD)有一半新鮮一半不很新鮮。整體來講係滿意,吃過旺角分店都不差。這裡的辣椒油挺惹味。個人覺得2人雞煲超夠吃。見到他們like facebook 就可以有半價汽水2瓶,還有其他種類的promotion offer。

好耐之前，同班朋友係另一個城市結識，個陣時既我地，最鍾意一齊去一間餐廳食飯，食既就係烤魚，計落都識左幾年，今年再飯聚，諗下食咩好既時候，比我發現依間烤活魚餐廳，就一於過黎試下。鑑於我地有人食得辣有人食唔得辣，我地就揀左個烤魽魚鍋，麻辣底，小辣。烤魚個配菜都唔少，有青瓜冬瓜芽菜蓮藕等，都係啲幾飽肚既配菜。先試個魚，其實個湯底唔算好辣，有少少麻痺既感覺，大家都食得幾爽。烤魚表面有啲孜然香味，有烤香味，而內裡就肉嫩白滑，骨頭唔多，大家瘋搶之下幾快就食哂，都食得幾開心。但我地自然係唔夠，跟住就落下場- 火鍋，喊左牛肉粒，竹笙，豆腐， 等配料。而當中最值得一提，既係鬼馬雙拼，亦即係將蝦膠或者墨魚膠鑲入油炸鬼，店員建議我地兩種食法: 一，直接蘸泰式酸辣醬食，二，放入鍋度煮黎食。我自己就比較鍾意直接食，因為鍋煮既話就食唔到油炸鬼既香脆，而入面既蝦膠爽滑，幾好味。算係比較有特色既菜式，唔錯。

事緣上次同阿J幫襯過呢間餐廳後，比佢哋嘅優質服務留下深刻良好印象，加上海鮮夠新鮮，今日又心血來潮想食蟹，決定外賣自取一隻回家加餸。阿J 想食奄仔，上次笑容滿面的女服務員立即幫我地揀一隻又大又生猛的俾廚房。佢問係咪用薑蔥爆，如果係靚奄仔，當然用油鹽水浸或者清蒸，這樣才食到蟹最原本的香味。有阿J在，當然用清蒸。返到家，隻蟹仍超熱，一開個蟹蓋，濃濃的蟹香撲鼻，但蟹膏不算多，帶稀亦不香，好在蟹肉鮮甜，多肉有彈性，挽回不少分數，但喜歡食膏的阿J 就難免有㸃失望了，嚷着說下次要去鯉魚門食靚奄仔.......