汀汀烤活魚 (已結業)

三坡坊食肆雲集，就算不是住個邊都應該會知道到了晚上，食客都客似雲來，十分熱鬧！之前去荃灣個邊番工已經留意到一間吃烤魚的店，一直心思思想試，想不到這日去開荃灣與朋友竟然即興烤魚當晚餐，一人吃一條魚吃真是大快朵頤！當晚見到有不少的街坊食客、大班年輕人和一家大細圍起來吹水吃飯，氣氛都隨即升溫。留意到隔離枱的四個大男生仲encore烤魚鍋，我與朋友都跟風點了招牌烤鉗魚。烤魚同時打邊爐，一次過滿足兩個願望～又多了一間食店選擇了～火鍋配料有拼盤類、肉類、海產類和丸類，餐牌上另有指明是特色菜式或推介，所以點菜時也會比較注意這些提示～招牌烤鉗魚 少骨 $248今次的飯局遇上一個不好辣的朋友，所以就點矜不辣的烤魚，但我會用特色菜式裡的辣椒和辣椒油用來調味，味道更香口惹味！蔥蒜豆卜酸菜配上青瓜白蘿蔔，咸甜集於一身，惹味非常！咸菜應該用糖去腌，酸megd幾醒胃，又不會酸到變臉～烤魚有辣或者走辣，個人偏愛酸菜Mix辣湯底的口味，但同行朋水不太吃得辣都有方法！另加辣椒醬！酸辣可以完美邂逅～除了烤魚，也有品嚐店子的特色菜式，其中辣到好過癮又惹味的炒手和口水雞與烤魚同樣出色，與友人成晚吃到熱血沸騰！靜待鉗魚時，點了

過開荃灣搵朋友食飯, 上次黎過三陂坊好多野食, 今次諗住試下其他餐廳.呢間汀汀好似幾特別, 而且除左烤魚仲有雞煲, 雖然大熱天時, 但朋友鍾意食雞煲, 一於入去試下先.要左個花甲雞煲, 滾左一陣就兜均炒下佢, 漸漸D花甲就開口, 海鮮襯新鮮食, 花甲都幾新鮮爽口, 但就偏瘦唔算太肥美. 而D雞, 肉質炒完都算滑, 但覺得唔夠濃味, 個醬汁偏淡口, 雞煲濃味D會更加惹味.

話說，PJ 最近因家𥚃屋苑的水喉意外而有家歸不得，每晚都要出街搵食，亦因為這樣，令我們多了幫親以往很少會去的食肆。而今晚，我揀了阿J 未試過，其實我自己都未試過的-雞煲火鍋。雞煲並唔係咩新出菜式，喜歡美食的PJ 幹麼未試過?原因好簡單，因為阿J一向覺得雞煲係又濃又肥又唔健康的食物，但實情係咪咁樣? 四個字- 喜出望外。一入店，說實話，由於阿J 好少到這類型食肆，她有點不太自然，攪到我都有點唔知坐邊好。笑容滿面的女服務員過來幫忙，安排了一個既沒有風位亦不會熱的座位給我們。跟住到揀食物，這店出名烤活魚，但貪吃的我倆又怕吃完這魚後肚子再沒空間食其它野，加上見到這裡的雞煲有較清的湯底選擇，一於決定試下，而笑容滿面的女服務員全程超有耐性的為我們介紹各種食物，抵讚。雞煲叫了較特色的茶樹菇豬肚雞煲(半隻$198)，湯底份量十足，豬肚新鮮爽口，茶樹菇香味十足，而主角雞肉嫩滑，湯底味道清甜，喜歡原味如阿J 口味的會喜歡。其實兩個人齋食呢個煲都已飽了大半，但由於我不是正常食量的人，所以當然要繼續order。阿J 一向喜歡食田雞， 見Menu有薑蔥炒田雞($78)，當然要試吓啦。一上枱，先比佢個份量嚇一嚇，

最近香港很熱，熱得每天也流很多汗，可是不知爲何，越是熱的天氣，就越想吃一些更熱的食物。例如雞煲，越熱就越要吃，越吃就越出汗，好像很爽的感覺這夜便相約了好友來了荃灣吃雞煲止一下癮~這家汀汀烤活魚其實招牌菜好像是魚煲，可是這夜是因雞煲癮起，還是毫不猶豫地決定吃雞煲。雞煲的款式也有很多，可是卻讓我們看到雙雞煲（$198）！向職員查詢一下才發現是雞&田雞放在一起吃！雞煲平日也吃得多，但「雙雞煲」即雞&田雞兩款一起吃是真的第一次試！職員看到我們兩個女孩仔竟然喜歡吃田雞也有點驚訝！雞有半隻，田雞也很足料，田雞腿早已切好。職員首先會幫忙負責把雞炒熟，再教細火煮一會，可以吃的時候會再通知我們！想不到炒香了的田雞肉吸收辣汁後來味道更佳，芹菜味好香呢！雙雞煲香氣十足，微辣口味很適合我們這種想吃惹味的但又不能吃太辣的人！調味剛剛好！我還食了很多洋蔥，因為吸收了雞煲的精華，很好吃！打邊爐配菜到來之前，我們還點了一個佐酒小食：炸蝦餅（$48）配泰式甜酸醬。賣相有點像切好了的炸豬扒，蝦膠也很彈牙，炸得香口，不過較爲薄身。火鍋配料方面便點了招牌魚卜（$58）滑嘟嘟，口感有點像花膠，但又帶點脆卜卜的感覺。打邊爐當然不

今日收工突然興致勃勃想打邊爐 同事推介一間位於荃灣叫汀汀烤活魚 即便同friend去試一試 果然沒有失望。一進店 已有店員招呼 有一小碟花生 由於有兩款煲 最後選了蟲草花豬肚雞煲（半隻）推得一讚很有藥材味 雞不老 好吃。值得一提係個炸蝦餅 炸得剛剛好且彈牙滋味 其他食物也很新鮮好吃 點了一份炸魚角、竹笙、涼泮青瓜、山根配合湯底滋味得黎又唔好太熱氣 也沒有味精很多的感覺今晚吃到很飽很滿足 會再黎👍🏻👍🏻👍🏻

原來荃灣三坡坊有好多野食架! 見到汀汀好似唔錯! 好采時間仲早! 即刻有位!之後入去睇下MENU~原來佢唔單止有唔同既烤魚食...仲有雞煲食既!另外仲有小菜, 海鮮, 剌身等等...然後我既選擇困難症又黎啦! 好多野都想食! 最後朋友決定叫烤桂花魚...其實佢可以2食, 即係有部份用黎滾滾下打邊爐, 另一部份就烤! 但我地就叫左原條上~佢有分不同既辣度湯底揀,或者唔辣都有, 我揀左泡椒湯底少少辣!魚黎喇! 好香好香! 勁大條! 滾左一陣就食得! 食落好入味! 而佢既魚肉係彈牙既!而佢條桂花魚本身又煎煮過再烤, 魚皮很脆! 正呀!泡椒味唔會越食越辣, 啱啱好!另外叫左個佢地推介既鬼馬雙併!係將蝦膠同魚膠釀去油炸鬼度! 可以就咁食, 脆卜卜!亦可以當打邊爐滾黎食! 好味呀!我地一行2人食唔到太多! 因為條魚已經好大呀!下次同多D朋友黎先! 可以食多D其他野! 

三坡坊不嬲多美食，但烤活魚呢間未食過，所以今次就一家大細出動去試一試😋 中式烤活魚咁耐以來只係食過一次，仲要係上海，所以咁難得香港都有，真係要try try。冰鎮鮑魚：先來個小食，來自南非的冰鎮鮑魚，非常貼心地已切薄片，仲有wasabi同豉油沾上吃，一點腥味都冇，而且肉質彈牙，仲好鮮甜，新鮮👍🏼烤魚鍋：之後就來了主菜－烤桂花魚鍋。魚，湯底同辣度都有得揀。我們點了唔辣的蕃茄薯仔湯底，有好多芫茜，下火又清新。湯底也都好足料的，有蘿白，粟米，豆卜，豬皮，一點都唔hea👍🏼 至於條桂花魚真係要讚一讚，外脆內滑！外皮香脆，內裡的肉質鮮美又滑，而且條魚既size很大，4個人食剛剛好！雪花肥牛片+豬肉片：肥牛的雪花分佈都算平均，唔會太肥，食落既口感都唔會膩，但係肉不太嫩，不過牛味就十足。之後點了打邊爐必備的響鈴+生蠔：這裡的響鈴似係用平時街市有得賣果隻，口感酥脆。而個蠔就真係抵讚！大大隻不單只，熟咗依然飽滿，食落仲鮮味十足，正。鬼馬雙拼：很有心思的墨魚滑釀入油炸鬼，外脆內彈牙！放入鍋裡吸收一下魚湯精華仲鮮甜，仲keep住脆卜卜。

來到汀汀烤活魚，當然要吃烤活魚，一行幾人吃了一個烤桂花魚。配一個辣湯底，上來的時候本已熱氣甚郁，那鮮紅的色澤令人不自覺流下汗來，筷子卻都已經伸出去了。有幸搶到幾大塊桂花魚肉，烤過的魚表皮有一陣脆脆的香味，但被香辣的味道搶去風頭，吃下去舌頭浸滿很香的花椒味道，而魚肉則是很嫩滑，而且所幸魚骨也不多，吃得好暢快!

汀汀烤魚，唔係淨係得魚食 ,佢有魚煲，，雞煲同蟹煲，任君選擇，最後我地揀左羔蟹雞煲羔蟹雞煲， 個煲一黎到 已聞到好香， 店員仲會即場示範佢既炒功，係你面前兜匀個煲，淨雞煲食得多，好少加埋隻蟹 ，所以一黎即刻食隻蟹先，蟹多膏，蟹肉一食落去唔會覺太濃太油，又唔會搶晒蟹肉既鮮甜味，雞肉份量多，肉質嫩滑,吸晒煲入面醬油味，好入味，唯一美中不足係由於同行有人唔食得辣，所以個煲我地選擇左唔辣，唔辣既雞煲 就好似食剌身冇三文魚一樣 好似爭咁樣野咁 遇到咁既情況而又鐘意食辣既可以叫店員俾佢地秘製辣油， 更加野味冰鎮鮑魚， 這道菜係店員極力介紹，真係冇介紹錯，廚房好細心咁幫手切埋片， 三個字可以足夠形容，爽，鮮，甜，配埋芥辣豉油食味道更佳煲又食完 鮑魚又清埋，之後先係戲肉， 個煲加湯黎打邊爐 ，本身雞煲醬汁夠味 ，用黎打邊爐真係最適合不過，肥牛，響鈴一定要食唔洗講，叫左碟手切雪花肥牛，脂肪同肉均匀分佈，食落有口感又有牛味，食牛食得多，唔想成日打邊爐食牛咁悶，可以叫黑豚肉食 ，同牛肉唔同，豚肉脂肪比例較多，浸耐左都唔會韌，豬肉味好出，唔會話淨係食到d湯料味，油炸鬼用黎打邊爐有冇試過？ 呢度既鬼馬雙併認真鬼

提早同爸爸慶祝父親節，之前佢話同朋友食過汀汀好好食，所以今次決定帶佢黎回味一黎度坐底叫左個小食- 冰鎮鮑片 ，店家係用南非鮑魚再切一片片上，呢度有3隻，切片上可以慢慢享受咀嚼，鮑魚味鮮甜爽口，冰鎮形式上菜夠原汁原味黎到汀汀烤魚緊係要試佢既招牌菜色 - 烤魚鍋，有4款魚選擇（沙巴龍躉、烤魽魚、多寶魚、桂花魚），湯底同辣度都可以自選，配合唔同人唔同口味既需要因為今次有老人家一齊食，所以湯底選擇左蕃茄薯仔湯底（無辣味），健康d又無禁熱氣！唔好以為個湯底好普通無特別，其實個湯好多料有芫茜，蘿白，粟米，豬皮豆卜等配料，加上烤魚外皮酥脆，令到個湯好特別食落好有泰式感覺！桂花魚係我至愛，黎到見到勁大條（本身以為係2條），仲要大大條得黎肉質勁滑，真係4個人食都唔夠喉條魚吸收哂個湯既精華，越食越入味食完魚後,個湯底點可以浪費，當然要再加湯打邊爐今次點既牛係雪花肥牛（小），未去到最特級果隻，價錢較平，所以肉質唔夠嫩，但牛味都重，唔錯！生蠔係叫廣島蠔，價錢平，但已經勁香蠔味好正 食完個口都真係留有一陣陣既蠔香味黎多個鬼馬雙拼，係油炸鬼再加入佢地自己手打既墨魚膠，可以就禁食又得，沾落火鍋食又得，2個食法都

一個月前食過一次汀汀, 一個月後已經忍唔住要食得次呢到既雞煲，今次我地3個人...叫左1隻雞,多到好似2隻雞咁！今次朋友食得辣, 我地叫左小辣一比原味更加野味 ! 食到差不多，waiter幫我地加湯，好明顯加既湯唔係水黎, 因為入面有好多料架 ! 跟住就要講下打邊爐既配料啦～安格斯牛 ：牛味超重！ like yummy牛骨髓 : 份量都算多, 又大條, 滑lulu, 我最鐘意食 ! 魚卜 : 我老爺好喜歡 ! 好大舊 ! 娃娃菜 : 份量小左d...

星期日晚同屋企人去左荃灣，媽子想食烤魚所以諗起呢間🐟叫左好多野食，證明我既餓底係遺傳🙈👄烤桂花魚 $328👉🏻因為我地唔想食辣既，所以配蕃茄薯仔湯底，清d~桂花魚好滑，仲好大條！夠晒4人食～魚肉亦無因為烤住而變老～。👄象密蚌刺身 $118👉🏻呢個我超like,好爽口同新鮮～但份量多d就好了～。👄蒜泥白肉 $42👉🏻夠蒜香，薄薄地凍凍地配上小辣，味道一流～豬肉肥瘦適中～。👄冰鎮菠蘿 $33👉🏻呢個好受歡迎，極快被消滅！菠蘿下面有冰座住，好夠凍，菠蘿亦夠甜唔酸～好開胃～。👄安格斯肥牛 （小）$168👉🏻小份都已經好多，花蚊仲好靚，色澤亦夠新鮮～。👄粉絲蒸聖子 時價$38/隻+人工費👉🏻叫左4隻，幾大隻，但"un"左少少。。👄海鮮拼盤 $188👉🏻有青口、大蝦、花枝、蠔同菇～花枝好肥美同鮮甜👍🏻～。👄魚泡 $58、芝士腸 $24、牛骨髓 $38👉🏻放落去烤魚度一齊煮好似打邊爐甘～味道正常～。👄飲品 $15👉🏻啤酒要另外喺士多order，所以要即pay。客人都可自備紅酒。

依間店其實之前去旺角成日行過見到琴日去荃灣順便去食埋其實本身以為好辣既果啲川菜店原來我誤會左烤活魚既意思原來食完個鍋既魚再用入面湯打邊爐小妹係超級鍾意食魚依個真係岩晒我講下啲野食先烤桂花魚 $328揀左蕃茄薯仔做湯底，無甘熱氣～桂花魚好大條以為會「鞋」，但原來好滑～。安格斯肥牛 （小）$168見隔離格碟肥牛幾靚，所以叫份細既試下。但原本細既都已經好多。肥牛d脂肪紋幾靚，煮熟後口感唔錯～。海鮮拼盤 $188有青口、大蝦、花枝、蠔同菇～大蝦好新鮮，上枱時仲郁架！花枝肥美鮮甜～。魚泡 $58、芝士腸 $24、牛骨髓 $38放落去烤魚度一齊煮好似打邊爐甘～味道正常～牛骨髓亦唔係間間有,滑嘟嘟好味~魚泡即係魚腸，吸晒d湯味嚟食好正~。飲品 $15/支烤魚都算燥熱，所以每人叫支樽裝野飲～因為小妹好易熱氣生飛滋

每次夏天到都好想食d滾下滾下野, 因為真係好正 今次一於食下呢間都幾出名的烤魚店點了一條香辣烤多寶魚, 店員好細心介紹多寶魚係滑啦, 而且香辣會令到魚肉味更鮮 我地就點左中辣, 試一試到底有幾辣啦 另外亦點幾道小食, 最最最正係墨魚頭, 食之前以為係炸魚旦之類咁, 但原來真係一口墨魚, 無乜粉, 而且好爽口! 真係好有heart

放工約埋朋友去試下呢間烤魚，係一個整不起眼既地方，店員介紹左烤多寶魚試下，本人就好辣，所以叫左中辛辣，果然冇介紹錯，魚肉鮮甜香滑，就算烤到尾，魚肉依然滑溜，一點也不韌，加上湯底非常夠味，配料亦充足，湯底竟有豬皮，豆卜，蒜頭，香蔥等，非常野味，食完魚再送，湯底依然好味，不用點醬食，正