汀汀烤活魚 (已結業)

好少可帶媽媽出街食飯，因為佢好慳錢，唔鍾意外出。今日適奉媽媽同阿姨去仁濟醫院覆診，終於有機會同佢o係街食飯。因為好多野阿媽都唔食，所以我帶左佢地去食烤魚。汀汀烤活魚幾年前食過，不過印象有D 模糊，今日去再試一試。三個人叫左條烤桂花魚。上台等佢烤多陣就可以食喇!個湯底都幾辣, 辣到脷都麻了!魚肉比想像中滑, 因為一般烤魚經過香烤都要偏乾+熟。呢條算處理得唔錯，都落左幾多香菜去調味，愈烤愈香辣。條魚食得七七八八，店員就幫我地加湯喇！我地再加送點左烏冬，水餃，墨魚膠，芋絲個D黎打邊爐!不得不提個水餃真係好得，ｏ係餐牌見到係推介所以試既皮薄，餡夠多，又keep 到d 汁，值得一試!

荃灣係我成日去既地方, 烤魚亦都係我常食既菜色~今日同朋友食餐飯, 我又帶左佢陪我食烤魚~我地約7點入座, 閒日晚市未爆滿, 可直接入座雖然呢度叫汀汀烤活魚, 但係見都幾多人叫雞煲我地第一次黎都係叫魚試下先啦餐廳推介香辣桂花魚, 我地都好聽話點左~~仲點左幾隻蒜蓉粉絲蒸大扇貝, 蜂巢豆腐, 金菇黎打邊爐10分鐘左右啦, 烤魚就到喇, Size 都幾大~條魚本身都烤到黃金色, 賣相幾唔錯~~煮多一陣我地就先食魚啦! 肉質夠嫩, 而且煲多左一陣都幾入味~魚肉辣辣地, 唔錯~而個湯底呢就有一般香菜既味道, 幾夠辣, 唔食得辣既人要注意喇蒜蓉粉絲蒸大扇貝呢個本身係貪得意叫下, 都幾大隻幾新鮮,個味都調得岩岩好, 唔太咸~如果有多D 粉絲就Perfect 喇

湯汁香料味濃，魚肉鮮嫩煮極都唔（鞋），充滿麻香味唔辣（叫小辣），最愛泡椒，剁椒略咸。另外多次都係食桂花魚，見星期二魽魚半價即管一試，魚味都有，若以價錢（桂花魚較貴）相比略勝一籌☝🏻。以後每月至少食一次👍🏻👍🏻👍🏻👍🏻👍🏻（題外話係老闆娘同伙記啲服務態度都極好，抵讚）✨嚟緊會試食雞煲、花甲雞煲同胡椒豬肚雞煲，即使唔試新嘢都一定會食烤魚✌🏻👏🏻👏🏻👏🏻👏🏻👏🏻

佢啲桶蠔又夠新鮮又好食， 不過星期二食呢有半價就抵食啲， 食得辣呢最好嗌中辣會更加惹味，太好食唔記得影相一定會再幫襯。如果嗌咗鹹酸菜 ，千祈唔好成盤倒曬落去， 如果唔係就會好咸。下次試嚇佢啲海鮮都好似好正

秋風起, 終於都有點涼意, 係時候去打邊爐。 除左傳統既“烚下烚下”, 雞煲也是大受歡迎。荃灣三坡坊, 短短小巷內有多間以打邊爐為首既火鍋店。其他幾間都較麻甩, 同行又有女仔, 於是選擇之前食過, 味道都唔錯既“汀汀烤活魚”。除左魚煲雞煲, 仲有羔蟹雞煲可以揀, 10月係食蟹既季節, 梗係揀呢個有蟹又有雞既雙拼煲, 一次過滿足食兩味要求。另外火鍋配料款式多多, 仲有小菜供應, 實有一款岩心水。羔蟹雞煲 $348, 味道有麻辣,香辣同蒜香揀, 因為汀汀既小辣已經非常辣, 所以都係選擇惹味既蒜香。 個煲黎到, 面頭鋪滿蔥同芫茜, 滿到就瀉咁。等左陣就滾起, 店員幫我地撈勻, 除左有雞有蟹, 仲有紫洋蔥, 越滾越香噴噴, 令人好期待。蟹好大隻, 斬件放入煲, 而且好新鮮, 蟹蓋蟹鉗好多膏又好多肉, 蒜香滾到蟹殻好香口好惹味, 連殻都‘損’埋。雞既份量好多, 雞肉好嫩滑入味, 加上蒜香既惹味, 越滾越好味, 送飯一流。整體非常惹味, 湯汁好濃郁, 原來雞加蟹一齊打邊爐係可以好好食。雖然個煲又雞又蟹好多料, 淨係食雞同蟹都好足夠, 但係都額外叫多碟手打墨魚丸 $58, 因為汀汀既墨魚丸真材實料,

By comparing this chicken hot pot, with larger varieties and better qualities. And of course, its not buffet and more expensiveI learned a lot of special hot pot food terms fm this menu, special thx to my frd KenThe first one is called Omasum,  its the stomach in ruminants of cows, which is used to aid digesting and absorbing water and magnesium.By comparing with those I ate at some other chinese restaurant, I think this is very soft and easy to chew! the Flavour isnt quite obvious though.this i

在門口被這家店的優惠牌子吸引了當時是晚上7點多店內的人不算多我們點了一半隻雞是花甲雞煲半隻香辣小辣花甲mix雞煲是第一次兩者都幾入味小辣來說不算太辣雞的肉質不錯加上微辣的味道可以送幾碗飯然後我們點了一個特級安格斯肥牛在價單上是比起普通肥牛貴了一點但肉質看上去是很高級的我和友人見到都吃了一驚大叫了一聲是...高級的肥牛...肉質厚 在加入了雞汁的湯底下入哂味 雖然量不是多但是因為厚身的關係都夠飽的兩人吃了500多用了他的優惠兩個人來說這個價錢的確是幾優惠物有所值

食物素質挺好。火鍋食材普通。為麻辣湯底用料足夠香。湯底連魚一起價錢有些貴。魚尚算新鮮，應該系即叫即做。但樓上夥計對吸煙客人視若無睹。以對夥計作出投訴，但依然說不知客人食煙。

整天都被女友REJECT的汀汀, 今日終於有機會試! 波友入葵青區踢球, 順便落汀汀吃活魚! 同MK不同, 這間超難找, 原來在內街囉, 整條街都是火鍋店有好多熟食, 但我們一早瞄準火鍋, 當然不會上當食飽了個肚!叫了烤桂花魚一大條, 因為少骨又多肉又滑, 我們男人最怕麻煩, 最喜歡這種!中間一條大骨早已經取走, 本身桂花魚又骨少, 所以夾起來啖啖都是肉! 魚尾同魚肚位置超滑, 不過煮久了會有點辣, 最好叫侍應快快加湯, 不然會辣到不能吃我們又叫了生蠔補一補, 超巨型的生蠔煮完都不縮水, 蠔肚超JUICY又鮮味一, 完全不會苦!奇奇呢呢叫了牛骨髓, 有女人一定不給叫! 又滑又好似粉腸+腸粉的口感, 好好味! 而且超大碟, 不明白為何有人不喜歡吃

呢度係我嘅其中有一個飯堂，特別鍾意食呢間，不論係打邊爐/雞煲/烤魚～今次叫咗個羔蟹雞煲，一次過可以滿足兩個願望，又可以食蟹，又可以食雞～蟹蓋已見到好多黃，蟹新鮮多肉，好味！！鷄肉滑同好惹味～ 成鍋滿滿的，好抵食～另外仲叫咗蒜蓉粉絲蒸大扇貝，大大隻多肉，粉絲吸晒啲汁好味，好滿足～材料新鮮有水準，員工殷勤又有效率～ 逢星期二價錢更加抵食，所以變咗我嘅飯堂～

同最愛食辣烤魚嘅媽咪撐枱腳～叫咗個大桂花魚，魚多肉少骨，肉滑，好味，推介！！涼拌木耳，酸辣適中，爽口，好開胃～哈哈，媽咪太鍾意，叫晒餐牌唔同種類嘅豆腐：蜂巢豆腐，好少地方有得食，第一次見，質感好特別，好味～再叫多個椒鹽一口豆腐，好惹味香口～另外，要讚員工，我哋狂詢問，佢哋都好友善，服務主動，有效率～

同老公去荃灣搵野食，去到呢條不嬲多野食既食街，見到汀汀烤活魚。之前0係旺角食過唔錯，估唔到荃灣又有分店！一入門口，佢地服務好好，好熱情招呼同介紹食物比我地。雞煲同烤魚都係招牌菜，我地兩樣都想食，甘最後老闆娘推介下揀左烤魚。老公食魚唔鍾意多骨，鍾意滑，所以揀左多寶魚。火鍋料選擇都唔小，因為得兩個人，各樣都點左少少。汀汀有樣野好好，就係火鍋料有半份揀，可以切合二人需要。《泡椒烤多寶魚》烤魚上枱時係未滾既，有人會幫我地搞一搞，撈勻條魚。等10分鐘左右先滾起，期間香氣四嗌，令人好期待。終於滾起可以食喇！魚好大條好足料，魚肉好滑，無乜骨，亦好新鮮。口感方面，由於魚係預先煎過，所以魚皮有少少香口，但裡面保持住好嫩滑，抵讚。味道方面，魚肉有鮮味，而且吸收左湯底既味道，酸酸地帶微辣，幾惹味。整體黎講，口感同味道都唔錯，如果湯汁可以再濃郁一點會更加好。火鍋料方面，我地共點左7樣：二人肥牛、醉雞件、三拼餃、腐竹、炸芋頭、金菇、生菜。《二人肥牛》份量真係岩岩好二人份量，牛魔怪可以叫返普通牛。牛牛質素佳，半肥瘦，脂肪分佈好均勻，入口夠油香亦夠牛肉味。《腐竹》係我既最愛，打邊爐一定要食。半份已經好大碟，好新鮮好

當一班人杷聚時，老是常出現既問題又來了! 就係食乜好?放題?好似最近係某人既生日食過了。打邊爐?又打邊爐? 上次聚果陣咪食過囉。咁不如食雞煲啦?又雞煲?有冇啲新意呀?講新意，突然諗起間係朋友口中得知既鋪頭。聽朋友講間野係類似雞煲既食法，不過隻雞變做魚姐。但用魚黎做材料，條魚唔會散咩?好彩冇朋友食過，於是抱住好奇既心態去嘗試!結果入到去，班友又話驚魚煲煲完條魚會散冇野食，所以結果佢地叫多個雞煲。冇啲嘗識精神過左陣，條魚游埋黎，睇落好似都好大條，有少少擔心食唔晒....真係好似老板咁講 ，又好係幾滑喎衰鬼。重點係，無論我眼中定口中，都淨係見到好多肉肉肉肉，好少見到有骨，而且條魚好似煲極都唔散咁，食左成個鐘成條魚形仲係到。佩服佩服。hard sell都講句，老板，你好野!其實我地成班都唔食得辣，所以好有先見之明，叫左份冰鎮菠蘿(不過其實都係因為佢個名，而好奇究竟呢冰鎮菠蘿係好似平時既冰菠蘿咁雪到佢凍定係點)。結果上到黎係咁...喂，冰上面放左啲冰，會唔會hea左啲呀。點知一放落口，呀，又真係幾鬼凍，而且佢d冰都keep得好耐，最少15分鐘先見佢有少量水份。呢份菠蘿感覺上係原隻菠蘿，味道唔似係

旺角汀汀開了九年, 我也被門口的那條人龍嚇到不敢去排。最近荃灣又開了一間, 收過風知道應該無需排隊, 立馬就帶同囝囝老公一同出發去果然不用排隊就有得吃感覺是選擇超多的, 火鍋用配料跟熟食也有, 主要是賣炸的跟四川的惹味開胃食物, 椒鹽一口豆腐更是火鍋之必備, 現在幾乎每家火鍋都有了一家人就點了大花甲雞煲啦, 超多莞茜蓋面, 我對莞茜味非常敏感但又吃雞時又吃不出, 可能是因為莞茜比較新鮮啦, 外面其他雞煲的莞茜都黑黑的, 看了就不想吃一大隻雞吃了很久都未吃完, 而且還有花甲...超肥美啖啖肉, 好彈牙雞肉都好幼嫰又不會肥, 雖然是冰鮮雞但都還保有雞味其實想不到一隻雞那麼多, 不過囝囝說還想吃響鈴! 明顯新鮮炸起, 滾一滾依然脆卜卜, 皮薄而不韌, 風味絕佳最後我點了生菜清一清腸胃, 雖然好爽口, 但生菜好吸辣, 要小心最後, 下火柑桔一支!不太甜又解渴, 火鍋必備!

荃灣三坡坊晚市多，該區人應該知道^_^當日老公放夜，所以就去睇下食咩好啦向來鍾意食魚既我，見到汀汀烤活魚外面放了不同新鮮活魚在魚缸。立即好想食，就同老公入去試下啦入到去睇餐牌，原來除左烤魚，仲有雞煲、蟹煲、不同雞煲，火鍋^_^仲有小菜，種類繁多^_^火鍋配料都有特別款式^_^鬼馬墨魚膠蝦膠，自製餃類，但今次得兩個人食晤到咁多粒，下次叫埋朋友黎先再試啦^_^由於老公晤鍾意食太多骨的魚，所以問店員有什麼推介。店員高度推介魽魚$248，少骨魚肉滑^_^叫有小辣，主要晤想蓋左魚鮮味原條魚加上湯底和配料，的確好好味^_^份量兩人食剛好，慢慢食，又幾好^_^加左三樣配料^_^蜂巢豆腐^_^火鍋必選牛骨髓、響鈴^_^加上辣湯底煮，超入味店員還推介冰鎮鮑魚刺身$68隻，小店比較少有，就試下^_^又幾鮮甜睇下鋪頭周圍，原來睇星期二全日半價下次一定叫班朋友黎食^_^店鋪仲有其他優惠，真係要參考下^_^咁食更抵^_^