江仔記

營業中

休息中

突然之間想食潮州粉麵，所以去咗天瑞商場江仔記，我哋叫咗牛筋腩麵、魚片河、炸魚皮、腐乳生菜。❤️ 牛筋腩麵 $36👍牛腩一定要肥先唔韌，所以一定要同佢講牛腩要肥啲，如果唔係佢啲牛腩就會好瘦💛魚片河 $34🙂河粉係幼嘅河粉，好食，魚片就麻麻，唔夠彈性❤️ 腐乳生菜 $18👍菜嘅份量算多，佢係用西生菜，人哋鍾意食腐乳通菜，我就麻麻哋通菜，所以叫咗生菜，腐乳汁好食😋💛炸魚皮 $18🙂炸魚皮就一般般，因為可能儲存得唔夠密封，疏左氣，唔夠脆💛凍檸茶/凍華田 +$9/杯🤗味道正常推薦指數：❤️❤️❤️🤍🤍

屋企樓下商場有幾間食肆，但只有呢間江仔記我幾乎每個禮拜都食2-3次。雖然佢哋出名魚蛋河，但我最鐘意食佢哋嘅鮮蝦雲吞，蝦多爽滑彈牙。 不過比起啱啱開業時，宜家啲雲吞蝦肉少咗啲，味道亦淡咗少少，但比起其他雲吞麵店，仍然算優質。佢哋嘅辣椒油都非常正，夠辣又夠香。今日幫襯下午茶時間，點咗個雲吞魚片麵餐，35蚊送一杯熱飲。雲吞仍然保持水平，魚片彈牙有淡淡魚味。但麵冇平時咁彈牙，師傅應該重手咗啲。湯底濃味，但就咸咗少少，不過平時都係咁，冇計。不過我照樣加醋、加辣椒油，將每週朝拜的雲吞麵變成一場味覺盛宴！另外點咗檸檬茶，水平一般，平時就最鐘意點佢哋嘅奶茶更正，茶濃奶香。過幾日又嚟幫襯！

因較早前姨媽介紹話天水圍天瑞商場呢間「江仔記」嘅出品相當唔錯，所以我們都嚟食過兩次，覺得出品都一直保持得幾好，所以今日咁啱喺附近做完嘢之後，就特意搭兩個站輕鐵過嚟食個下午茶！一開始我們每人都叫咗碗魚四味河嚟食，等咗唔駛好耐就有得食喇，首先當時係飲啖湯先，味道係相當清甜香濃，唔會過鹹或過淡，魚蛋嘅質感係非常鮮甜彈牙，而且有濃濃嘅魚肉鮮味，完全唔會有腥嘅味道，而魚皮餃就超級足料大隻，差唔多係其他店兩隻份量，真係超抵食呀！至於河粉其實先係當中嘅主角，因店員話河粉係他們自設工場鮮製，所以河粉嘅質感係極之軟滑薄身，唔會又粗又「嚡」，所以我們決定同之前一樣，都係每人要叫多碗嚟食！第二碗我們就叫咗墨魚丸牛丸河，墨魚丸嘅鮮甜味比魚蛋更加突出，因真係有爽甜嘅墨魚粒，令到口感更加豐富，所以真係超鮮味彈牙喔！另外一樣要重點推介嘅亦都係他們特別秘製嘅辣椒醬，因加咗之後唔會祇係食到辣味，反而更加帶出魚蛋墨魚丸嘅鮮味，令人有種「食上癮」嘅感覺！所以我們每次嚟就算食完第一碗已經覺得飽，但都要叫埋第二碗嚟食先覺得滿意同滿足！

去探望姐姐之前去食個午餐先，好想食粉麵，就去左天瑞商場 江仔記，專注魚旦超過二十年始於1994，真係製左魚旦好耐呀﹗緊係要試下魚旦啦，我就叫左個自製魚片頭麵，好多魚片頭，好足料，好扺食，魚片頭彈牙，好重魚味，湯底有少少偏咸，麵底彈牙。

有次好夜收工想睇下商場附近有咩食，好多鋪都閂晒，誤打誤撞就入左黎呢間江仔記食魚蛋河。由於實在太餓既原因就叫左碗雙拼魚片雲吞河。佢雙拼每款送都係加多$7，算係合理。魚片都有好多同埋雲吞都新鮮，臨收鋪老闆都無趕我走，值得一讚

呢間嘢本身係天瑞最好食嘅麵店一路都有食開老闆好有禮貌甚得街坊歡心不過有時一粒老鼠屎就夠整死一銅粥自從店員轉左一班𡃁仔服務差左 嘢又難食左久唔久就聽到有人投訴我諗唔係得我一個咁覺得但我真係鍾意食麵 冇計就好似今日外賣叫左個牛腩拼片頭麵返到屋企打開得半份片頭 冇牛腩麵變左米線收我$40而我望住碗麵就好似食淨麵咁再望望張單 確係寫住牛腩拼片頭麵真係吹漲一碗麵竟然可以錯兩樣嘢證明班人做嘢真係是但求其就算好嬲 真心 冇下次

從前在灣仔工作，久不久都會過銅鑼灣幫襯一下江仔記，但公司搬了九龍後，真的很少過海，更加唔會專程走去食碗魚蛋粉⋯⋯自從江仔記殺入天瑞圍之後，又再可以和他重聚了每次都是一個人來，每每都係點魚蛋河，從一而終嘛剛巧今日和朋友入來辦點事，他們竟然話未食過江仔記，於是我就充當嚮導，帶他們過來走番轉星期六下午三時許，過咗飯市，唔算多人餐牌圖文並茂，相當清楚。這裡的店員一向都好禮貌，這點值得一讚腐乳通菜可分開上，感覺上來這裡比在銅鑼灣店，坐得比較舒服由於朋友第一次來，所以點了淨六寶等他們樣樣都試到魚四味，朋友選了依麵底。一向鍾情魚蛋河嘅我改食魚片頭米朋友點了牛腩金錢肚麵，朋友大讚其麵質爽口老實說香港已很少做得出色的魚蛋粉了，湯底真材實料，江仔記算是做得相當唔錯

和女兒外出晚膳，在屋邨商場內發現一間自稱是"正宗魚旦專家"的粉麵舖，決定去試試。餐廳裝修得和普通粉麵舖一樣，十分簡單，平平無奇。餐廳用餐的人頗多，座位都差不多坐滿了。既然自稱是"正宗魚旦專家"，我自然不作他選。點了一碗魚旦麵和一碗牛肚、魚皮餃麵。两碗麵的份量都算多，魚旦麵有四粒雪白的魚旦和两片魚片。而魚皮餃也很大很飽滿。急不及待咬ㄧ口魚旦，魚旦做得十分爽口彈牙，還帶着濃濃的魚香味，很鮮甜、很好吃呀！牛肚煮得很腍很入味，口感很好。可惜魚皮餃的外皮做得太厚，一囗咬下去時有點硬的感覺。幸好內裡的肉比較鮮美，味道還不錯。雖然我不知道"正宗"魚旦的定位如果，但這餐廳出品的魚旦確實做得出色!

一早放新年假的我，又懶得在家中煮粉麵吃，最快捷方便一定是去江仔記吃碗六寶河加半份炸魚皮，另外喝一火杯熱紅棗薑蜜，包我飽足。幸好我早一點來，因為沒多久米線，河粉，雲吞均售罄，太誇張吧。我是第一次吃江仔記平日下午茶，不知是否平時也這麼旺場?可能因為太多人光顧的關係，河粉湯底喝起來沒有魚味道，超淡的，我加了幾匙羹辣椒油調味。墨魚丸，魚蛋富彈性，墨魚丸更散發墨魚本身的香氣。當然不少得我喜愛的魚皮餃和魚扎，內餡扎實，用料實在，吃完還想再吃。熱紅棗薑蜜非常滋潤，甜蜜溫潤的紅棗蜜入口溫順，舒喉極致，對於我這個長期喉嚨不適的人來說可算不錯的飲品。

魚蛋雲吞湯米粉＠江仔記- 標榜使用自家熬製豬骨湯，味清淡，有點寡，加了少許魚露後，鹹鮮味迅即被提升- 芫茜、蔥、鹹菜、中芹添香，用上生蒜蓉，比起炸蒜更清爽鮮辣- 雲吞蝦鮮彈牙，豬肉甘香，齒頰留香﹔魚蛋彈牙滲出淡淡魚味*店位於屋邨商場，長者多，老闆極有耐心地滿足他們的各種需求

天水圍的江仔記開張了一段時間，今天有機會去試。原本是對麵很敏感的人，有時食了街外的麵會胃不舒服，但這裡的麵很出色，質感相當不錯，沒有「揀」味，食了也沒有胃不舒服。職員的態度也幾好，廚房是半開放式，感覺上幾乾淨清潔。餸方面，以魚蛋、雲呑最為出色（個人認為）。食過好多粉麵鋪的魚蛋，好多都有腥味，這裡的魚蛋就好新鮮！又爽口又彈牙，好喜出望外，好少係街食到好味的魚蛋。另外雲呑的餡，隻蝦好鮮，整體而言非常滿意！好少對粉麵有咁高評價，會再光顧！

以前食開銅鑼灣嗰間，比我印象係好污糟天水圍呢間好新淨，不過座椅就好高坐落有啲辛苦。叫咗個魚卷生菜兩個下午茶鴛鴦米粉。不失水準，啲面比銅鑼灣多好多聽聞牛腩都好好食下次再試。

今天正式放長假，懶得煮早餐的我索性去江仔記吃碗河粉做早餐好了。原本想吃六寶河，怎料已賣光，這麽早也吃不到，有點兒無奈，所以今次試試牛腩拼墨魚丸河粉~ (上次水餃中伏，今次死也不吃)河粉一如既往幼細絲滑，故不用多說~ 反而湯底沒有預期般牛肉味重，只是跟平日的湯差不多。牛腩肥肉太多了，吃完有點膩味，而且一點軟嫩感也沒有，比較偏硬，唯一優點其牛肉味重~至於雪白的墨魚丸保持應有水準，彈牙可口，且有著墨魚的鮮香，雖今天沒有魚皮餃與魚紮吃，但最少墨魚丸可以滿足我一半的食慾。當然也不少得喝樽裝可樂~

晚上不想吃太飽決定以粉麵代替飯在此店發現從未見過的魚六寶河便叫了一碗試試六寶分別是魚蛋，魚皮餃，魚扎，墨魚丸，豬肉丸和魚片全部各1粒魚蛋很彈牙魚皮餃不算好食與平常街市買的差不多魚扎挺有特色也是六寶中比較突出的食物餡料有點似素菜墨魚丸挺好的只是我食完黏牙豬肉丸和魚片很一般沒有突出之處河粉份量不多不過配上豬骨湯底味道不錯食完只有5成飽最後付了32元以份量作標準不算太抵食最可惜是沒有加底因為加底只是5元不算太貴

江仔記真是除了魚製品之外，雲吞，水餃真是不好點，完全不合格兼要劣評。數日前，平日我最愛吃的魚六寶都賣光了，所以被逼點其他配菜。之前聽家人說雲吞極度難食，我想水餃應該都是這樣的水平，但人總是要有勇氣去嚐嚐才知道好吃不好吃🙈，吃完後只可以說此乃中伏之作。水餃包得很鬆散，我未用筷子夾在碗中已經分開數節😨慘不忍睹，夾起來看又沒有基本的飽滿感，木耳，竹筍感覺不新鮮，蝦肉欠彈性，水餃裡面沒太多蝦肉的蹤影，豬肉內餡亦少之又少，所以說何其差。一是江仔記改善雲吞的味道及技術，一是不好再賣雲吞，別難為了喜歡吃水餃雲吞的客人嘴巴，包括我。