江南瀨粉 (福榮街) (已結業)

深水埗有間食粉麵係朋友間都幾出名，主因係佢地話食過呢間豬潤好好味，咁岩今次出去買野，就係後面條街，行過少少就黎試一試佢賣點就係瀨粉，一碗瀨粉原來都好多份量，所以我加多2份餸已經好夠食，再加多2份小食同飲品，真係好飽雲吞好大粒，包得實，餡好足料，粒粒夠肉豬潤一D都唔韌，仲要好有味，真係好食過出面好多呢到瀨粉唔知我地平時食開個D，係比較彈牙實色，應該係手工野，就算清湯都唔會好淡，幾好味，冇咩味精，食完都唔見口渴另外我地配多左炸雞翼同蕃薯條，雞翼真係炸得好脆身，又多汁，好好味至於蕃薯條，條條都好大條多肉，佢呢到係配個泰式醬比你，都幾新奇，其實單食都幾好味值得一提既係呢到既檸茶，檸檬好新鮮，而且比足4塊你，一D都唔澀，茶底好味，好飲過好多茶記

約左朋友係深水埗見面，佢介紹話呢間小店既水餃好食，所以就過左黎試下。話時話都好耐無食鳳城水餃，多數係街食粉麵都係食雲吞多，唔係好多地方有賣鳳城水餃，所以我都幾期待。平日未到夜晚食飯時間，人唔算好多，但keep住都半滿狀態。我地睇menu揀左好耐，叫兩碗又驚太飽，所以最後叫左四餸瀨粉加份韮菜豬紅share。先黎韮菜豬紅，豬紅份量好多～～～韮菜當然都好多啦哈哈。勁鐘意食豬紅既我覺得好好食～個湯底稍為咸左少許，不過豬紅幾新鮮，唔會一patpat，食落口都幾香。然後到四餸瀨粉，佢既鮮製瀨粉同平時快餐店食到既唔同，佢係比較粗，無咁透明，似係彈牙版既烏冬咁。每條都粗幼不一，睇得出真係小店自家製，呢種感覺幾好，唔係出面咁易食到既野。鵝腸一啲都唔腥，清潔得好乾淨，亦都夠彈牙。竹笙正常發揮～唔係用漂白哂既貨，唔錯。紫菜都比得唔算少，而且處理過，完全唔會有腥味。水餃真係無介紹錯，大大粒，多餡，係木耳同蝦都多呀！！而且水餃皮唔會易爛，夠新鮮聽聞都係自家製，不過一份得兩粒，早知叫兩份啦！跟餐加左杯檸樂～為便宜抵食既一餐作結哈哈。

成日都見到D江南嘢 一直都唔知係咩決定一試！ 一入到去店面好乾淨 一坐落見到有一塊木板 入面寫左有咩係店入面最推介 一於叫份酥炸雞翼 點左一碗份加左幾樣餸 牛腩同牛根係必叫！牛腩唔會好乾 食落好有牛味唔會好似外面咁乾乾又無味 牛根好QQ不得了 餐仲有送杯豆漿 好扺食啊講翻D雞翼 勁勁勁嫩！ 外皮好香 唔知係咪有南乳香食完一隻又一隻 想減肥既我 都忍唔住食左三大隻。店舖仲要係會配酸辣醬💦一定一定係呢間店必必必點！提外話，店員姨姨好有禮貌 值得一讚！

今日嚟到深水埗呢頭尋下寶睇下有咩好食😋俾我地揾到間食江南瀨粉，見到瀨粉就好好奇係咪平時我地食開果隻瀨粉，所以膽粗粗就入左去試下🤪因為係六點幾時段不算太多人，所以坐得好舒服，下單係自助寫單型式，餐牌有好多選擇，有得叫set有得自選菜，我就叫左一碗紫菜台灣貢丸瀨粉，麻辣湯底，佢又可以揀米線同薯粉添，不過一場嚟到無理由唔試下佢嘅招牌瀨粉嘅。原來瀨粉都幾大碗下，同我想像嘅瀨粉有啲出入😂佢江南瀨粉原來係粗身啲嘅，食落口好得意好彈牙，好好食！而個麻辣湯底一啲都唔會好辣果種，飲落去清清地麻麻地好過癮架🤪紫菜好似同平時係香港食到嘅有啲出入，唔知係咪真係江南嚟嘅關係呢🤪🤪🤪貢丸就真係食落去無得頂，好彈牙好正啵！另外仲叫左碟酥炸雞翼🤩雞翼真係真心推介！佢新鮮炸出，仲有酸辣醬配埋俾你，仲好食過某間快餐店嘅脆香雞翼😍😍😍真心推介呢間江南瀨粉俾各位朋友仔，去開深水埗不妨試試佢！🥰🥰🥰

在深水埗福榮街有多家著名食店，看到電視節目曾推介過，這次便挑選了出名的江南瀨粉店。店中有十大必食推介食物選擇種類眾多。📍豬潤$10、牛筋$10、鳳城水餃$8配清湯瀨粉 $24、罐裝汽水$9豬潤有三塊，爽身粉嫰，稍有一點筋。牛筋煮得冧且入味，份量亦頗多。鳳城水餃皮薄餡靚，蝦仁爽脆，餡料味道不錯。新鮮的瀨粉質感很滑，但店家煮得太淋，一夾即斷，根本無法夾起完整的條狀，筆者只好用湯匙幫忙來吃。總括而言，食物味道一般，食店環境乾淨，店員服務態度尚可表受，可以一試。👅 味道：3/5💰CP值：3/5🕴🏻服務：3/5🔰餐廳環境：3.5/5🍽 餐廳：江南瀨粉🌐地址：深水埗福榮街108號地下

乜仔乜哥是小妹的最愛米線點，總以為雲南米線是最好吃的米線，可是一天友人帶我嚐了這店的江南手工瀨粉，原來美食真的有待發掘，不要過於偏執! 小店乃麵館一間，裝修企理，我和友人皆想試手工瀨粉，各點了酸辣湯底，我要鳳城水餃配籮蔔，友人點了魚肉春卷。湯底有鮮味，濃淡適中，食到豬骨和雞骨中甜鮮，絕無味精嗆喉，嚐得出湯底用心制作，而酸辣湯也做到夠酸帶辣香的效果。手工瀨粉較粗身，不是呈透明狀，卻是純白帶小話不規則狀，吃是有米漿的香，爽中帶腍卻又點彈牙，掛湯力強，配上酸辣湯汁，份外醒胃，湯內有芽菜，韮菜，花生，芝麻，增加了口感，伙伴酸辣湯十分惹味。論風城水餃，該自家製的吧，豬肉與蝦肉比例完美，有冬菇和筍絲口感鮮又扎實，很好吃的水餃。蘿蔔也是十分甜，腍中無渣，吸湯汁一流也。至於加配料都是5元至10元有交易，幾抵吃，口痕痕，大家點了炸雲吞，香脆好吃，唔錯，豆漿也OK的。專攻手工瀨粉，無得輸!1

瀨粉，廣傳係源自廣東省佛山市嘅著名傳統小食，平時去中國旅行或做野先有機會食到，喺香港就比較少機會食到正宗瀨粉，今日遲收工，就過咗嚟深水埗食下呢間瀨粉舖頭，老闆娘都好似係佛山本地人。呢間主打當然係瀨粉，我見嗌兩個餸都要三十幾四十蚊，不如直接嗌碗大嘅食，所以揀咗大大碗瀨粉($49)，佢可以揀清湯/酸辣/麻辣湯底。見天氣凍凍地，就揀咗酸辣湯底暖下個胃。一碗瀨粉有成13味餸，仲有啲係比較高質嘅食材，例如鳳城水餃、黃沙豬潤、雪花肥牛。呢到要特別提一提鳳城水餃，好大粒好足料，以呢個價位嚟講食到呢個質素真係唔話得。仲有呢塊黃沙豬潤，口感幾好，整得靚嘅黃沙潤係特別爽。除咗大大碗瀨粉之外，今次好胃口，仲叫咗個小食 - 酥炸蝦卷($28)，都幾意外地，蝦肉用料幾靚，呢味野一定要蘸泰式甜酸醬一齊食，最夾最好味!食辣野，唔整返杯凍檸樂點得，爽啊！店外招牌，喺深水埗鬧市當中都好易認。

今日去咗呢度食dinner，呢間舖頭出名係食即製嘅瀨粉。我未食過新鮮嘅瀨粉，就係畀呢樣嘢吸引咗就入去食。叫佐一杯豆漿嚟飲，覺得好甜，有冇乜豆味，唔好飲。喺度食瀨粉，就好似叫車仔麵咁樣，逐個逐個餸加，加下、加下，都唔平。我叫咗呢個「清湯鮮製瀨粉」$24 + 魚蛋$6 + 墨丸 $6 + 豆卜 $5。老老實實，魚蛋、墨丸嘅味道，真係好普通，一食就知道絕對係出面廠房交嚟嘅貨，係週街都食到嘅味，仲要係唔好味。個湯底講到出神入化嘅豬骨湯底，但係飲落去都係冇乜特別，而且味道都幾咸。呢度嘅瀨粉話係即製，個質地都幾滑溜，但係除咗話滑溜溜之外，就唔覺有乜嘢出色嘅地方，我覺得有啲過淋。

無線「香港美食第一街」訪問過嘅深水埗江南瀨粉，今次親身嚟到，啱啱響黃金商場側邊，好易搵到，地方闊落光猛清潔，平實又舒服。牛腩牛肚牛筋瀨粉（$54），愛牛嘅我唔洗怕有選擇困難症，目標非常清晰，最重要係呢碗已經有佢十大必食其中兩大 — —原汁牛肚、柱候牛腩，無講笑，件件大件厚身，淋得嚟有咬口，味道濃得嚟有牛香味，而自家製瀨粉同我以往食嘅好唔同，滑到有啲似米線，比米線粗身，軟熟微彈口，吸埋牛腩牛肚牛筋嘅香味，係我食到最好味嘅瀨粉。香煎墨魚餅（$28），佢個墨魚丸又係十大必食其中一員，所以叫咗客小食墨魚餅，5小件一碟，配上泰式酸辣醬（應該係😅我冇點，因為原味已經夠好味），彈牙可口，佢嘅墨魚丸有得外賣做打邊爐配料添。即磨咖啡＋檸檬，平日嘅下午茶時段送熱飲或豆漿。

其實之前已經試過佢地自家製嘅瀨粉架啦，今次再食反而想試下佢嘅薯粉！平時出去食薯粉，一係就滑到好難咬開，一係就咬到但係唔滑；不過江南瀨粉嘅薯粉原來都好出色！叫咗個魚蛋牛肚薯粉，個湯好清，但係唔係水咁，好入味。而個薯粉充竟然同時做到滑、煙韌、易咬！真係好好食！雖然好滑好煙韌，但係一咬就斷開，食完仲會覺得好實在一唔會覺得無食過麵咁。另外，佢地嘅魚蛋都一樣好出色！大粒之餘係非常彈牙，好好咬！好好味！其次想特別講下個雞翼一雖然只係普通炸雞翼，但係每隻都好大隻！仲好脆好脆好脆！食得出係用新油即叫即炸嘅！下次再嚟食一定會再叫炸雞翼！

心絲絲想食瀨粉...原來瀨粉都有專門店嫁！以車仔麵形式去揀餸揀麵揀湯底！呢間主打純手工每天新鮮製作的瀨粉..好吸引呀店主仲推介的十大必食..樣樣都想試大大碗鮮製瀨粉($49)，配蕃茄湯底由於款式太多..有選擇困難既岩哂又每樣餸都想食..所以點左咩都有既大大碗..有成13樣餸..瀨粉是手工製作的，難免粗幼下一，口感不錯，值得一試。口感煙韌，帶淡淡米香。多款配菜中比較欣賞黃沙豬膶好爽口。另一款自家包既水餸都好出色多料木耳絲大量好爽口。蕃茄湯清甜帶酸好開胃.湯中仲有唔少蕃茄蓉雪花肥牛配牛腩清湯米線（$42）牛腩軟淋仲有牛筋..兩想都很入味，軟硬適中。肥牛量都幾多..半肥半瘦..好有牛味酥炸雞翼5隻（$28）熱辣辣落台既雞翼香噴噴炸到金黃色又夠大隻呢個小食必點..勁推薦！雞翼炸完都仲好滑有肉汁！叫碗湯麵可加$5有豆漿 豆漿好滑仲要唔太甜..好飲最後值得一讚係點餐餐牌夠環保唔係用紙嫁！讚

話說今晚行完黃金 已經買左好多野 洗左好多錢 見自己一個 就決定去附近睇下有咩抵食既餐廳 經過福榮街比好大個霓虹燈吸引住 原來就係江南瀨粉😆雖然本身唔係好中意食瀨粉 但老闆娘話唔食瀨粉都有米線，薯粉，果然大把選擇，唔單止麵底多，餸既選擇都好多🙊 而且有十大必食 而我就嗌左牛腩，南乳豬手同紫菜 中意食辣既朋友一定要試下個麻辣湯底，好好味，又麻又辣，唔會太渴喉，一啖湯一啖米線好正😆除此之外，我極推南乳豬手同牛腩，可能你會話一牛一豬唔會好滯咩？ 個答案係唔會架！！！🤣 牛腩炆得好淋，好入味，唔會overlook，估計應該煮左好耐，而豬手就最岩d中意損骨既人，仲有兩至三舊，果然足料，而目唔算太貴最後叫左炸雲吞 強烈建議如果一個唔好叫 因為多到你食唔哂😂 雲吞有好大舊蝦 炸起上黎脆卜卜 簡直一流👍🏻

#大大碗鮮製瀨粉 🍜 ($49)大大碗貪佢樣樣都可以試😏 鳳城水餃人手包大大粒好足料🥟 另外有魚皮餃、肥牛、豬潤、丸類、豬肉、菜🥬 整體黎講餡料很不錯👍🏻 瀨粉自家製🍜 較一般食到的粗身😋 叫了清湯底味道較淡🤔 另可以揀麻辣湯底或番茄湯底🍅#酥炸鮮蝦雲吞 🥟 ($28)雲吞真材實料👌🏻 有兩粒蝦🍤 外層炸得夠香脆🥟 可惜鹼水味較濃🤔📍深水埗福榮街108號地下🚇 深水埗站D2出口Instagram: e.for.eat

深水埗行街，黃金商場對面見到呢間餐廳，因為已經肚餓，所以諗都唔諗就入去醫個五臟廟。入面𥚃面，見到枱、椅都排到好整齊，好乾淨、光猛，深水埗有咁乾淨企理嘅麵店真係唔簡單！喺餐牌第一眼就見到有大大碗鮮製瀨粉($49)，配料非常豐富，有豬肉、魚皮餃、鳳城水餃、黃沙豬膶、雪花肥牛、潮州魚蛋、台灣貢丸、墨魚丸、黃金片頭、木耳絲、豆腐卜、生菜同埋腐皮，有咁多配料先至五十蚊有找，就叫咗一大碗嚟食。上檯時見到都開心，因為實在非常多配料，其中啲餃子同丸都好味道，魚皮餃唔會好似某啲大牌子得個鹹字，鳳城水餃🥟夠飽滿，有成隻🦐做餡料，腐皮夠曬大塊，仲有粒魚蛋，好彈牙，正，我唔要瀨粉而揀咗薯粉，貪佢精營通透又夠滑。

今日去開深水埗，時間已經唔早，喺福榮街揾嘢食先，行過見到就決定試下呢間江南瀨粉。入到去見環境尚算寬敞，唔算逼夾，感覺整潔。睇完menu決定要碗三餸瀨粉加多個小食。🥢 清湯瀨粉配三餸:柱侯牛腩、鳳城水餃、魚肉春卷好大碗，啲餸完全遮住咗啲瀨粉。花生、芝麻、葱花放喺羹上，可隨個人喜好加入粉入面食。首先飲一啖湯，雖然係清湯，但都幾鮮甜，唔似有味精，因為之後冇覺得口渴。碗粉入面仲有啲韭菜同芽菜，非常豐富！瀨粉係呢間舖嘅主打，佢嘅瀨粉完全唔同平時食過嘅瀨粉，佢係比較粗嘅，食落係好滑同埋好有咬口，煙煙韌韌，而且仲有米味，好食！牛腩好大舊、好多，煮得好淋，而且好入味，非常出色，推介！水餃都係必食推介，超大隻、超足料，食到入面有蝦、肉、木耳等等，好新鮮，讚！魚肉春卷有兩條，食落有魚味、有咬口，唔錯。🥢 酥炸鮮蝦雲吞有6粒咁多。炸到金黃色，睇見都吸引。咬落超脆，熱辣辣，入面好多蝦，好足料，好正！2:30pm之後仲送送熱飲或者豆漿添，要左杯熱菜蜜，抵😆本店十大必食，今次試咗4款，食到超級飽，下次有機會會再試下其他～👍🏻