江南

營業中

休息中

好耐無食上海菜喇，今次黎到依間位於中環嘅中菜餐廳要好好品嚐一下✨餐廳上菜速度好快，侍應都幾友善，就算平日六點幾，客人都係滿滿㗎！.🔸江南水晶肴肉 hkd78肴肉有一層豬皮一層蹄肉，有少許似食果凍嘅口感，食個陣可以點少少黑醋，豐富味道之餘亦平衡豬肉嘅油膩感❤️.蘋果絲拌蟹肉冷麵 hkd88輕輕拌勻蟹肉﹑蘋果絲﹑青瓜絲同紅蘿蔔絲，配上Q彈嘅冷麵，加上清爽嘅調味，清新又好味！.江南水晶素菜餃 hkd48食起黎有嚼勁嘅水晶皮包住豐富蔬菜餡！.金網豚肉鍋貼 hkd58煎得酥脆嘅鍋貼包住滿滿嘅豬肉餡，一咬就有湯汁流出黎！.火腿津白 hkd98鹹香嘅金華火腿絲同茨汁提升咗蔬菜整體嘅甜味啊.香芒酥脆魚柳配泰式辣醬 hkd98炸得酥脆嘅魚柳好滑，點少少辣醬加上香芒粒一齊食，味道唔錯！.粉紅佳人 - 紅心番石榴甘露 hkd58裡面有番石榴粒﹑西柚粒同少許西米露，味道微甜，份量都啱啱好✨

突然想食中菜，見到ifc有間食上海菜嘅餐廳 @jiangnanbycrystaljade 啲菜式幾特別又多樣化，就入咗去食～ 餐廳裝修雅致，都幾多人食～🍭蘿萄絲酥餅($58)我最喜歡係呢個，個造型真係成個紅蘿蔔🥕咁！而且好肥好可愛😂 味道都好食！酥脆香口！🍭特色小籠包($68)一共係3款口味，包括黑松露帶子，蝦頭油鮮蝦同冬蔭公，顏色都各有不同！好特別！而且粒粒飽滿多汁～🍭涼拌海膽茄子($88)茄子排得整齊，上面鋪滿金黃色海膽粒，賣相唔錯，夾埋醬汁清爽好味！🍭蒜泥黑豚肉卷($88)呢個會另外附送醬汁，都幾辣下，店員知我地唔太食得辣，體貼話可以俾豉油我地點～ 但點辣醬汁會惹味啲！豚肉卷包得幾精緻！🍭火腿津白($98)上湯煮嘅津白，加上金華火腿，健康又清新～🍭重慶水煮牛肉($168)很大的一盤！牛肉份量多而且幾嫩滑，仲有好多薯粉喺底，條條沾滿水煮汁，幾正！我地叫左少辣都食到～🍭蔥油拌麵($63)呢個好味道！簡單的配搭，香蔥、醬油同麵撈埋一齊食，好滋味！🍭蔓越莓煎餅($58)煎餅成日食，但蔓越莓口味真係第一次食！一向聽講蔓越莓對女士好有益！呢個煎餅整到成朵玫瑰花咁，口感煙韌，睇得又食得！

位於中環IFC嘅「Jiang Nan by Crystal Jade 江南」有中國菜系包括「京、川、滬」嘅經典美食，今次同女友嚟到環境好大舒服，透明茶壺好特別🫖🤣🤌🏻特色小龍包（3粒）賣相好靚，紫色係黑松露帶子，紅色無冬蔭公而黃色係蝦頭油鮮蝦💛 😛皮薄餡靚，黑松露帶子味最出味，而冬陰功小籠包第一次食好新穎🤣酸酸辣辣，而鮮蝦入口亦非常鮮甜🤌🏻辣麻醬肉燥湯拉麵 手帶拉麵🍜 配辣麻醬肉燥好香濃，入口比較辣少少但係好食，醬汁食耐會比較膩，飲番杯茶☺️就最好🤌🏻香芒酥脆魚柳 配百香果醬 魚柳外脆內嫩，用上芒果、百香果醬好清新💛 醬汁亦有唔少芒果肉🥭 甜甜地咁同魚柳好夾同好食🤌🏻酒香醉雞（脾位）醉雞好正😎 雞肉嫩滑而且好香醉雞嘅酒味，要做到入晒味都唔容易😛加埋杞子甜甜地一齊食，而且仲要係脾位啖啖肉🤌🏻羊肚菌萵筍 羊肚菌營養高又好食，口感爽脆，師傅將萵筍切到一條條麵咁好考刀工👍🏻🤌🏻韭菜盒子(4件) 皮薄料多，鍾意食韭菜嘅朋友一定都會鍾意，佢個皮都整到好鬆脆😚好吸引🤌🏻粉紅佳人係紅心番石榴甘露嘅甜品，粉紅色賣相好吸引，食落似楊枝甘露咁🤣 紅心番石榴味好新鮮嘅果香味，比較少見嘅特式甜品🥰🚩江南 中環金融

江南 (中環)📍中環金融街8號國際金融中心商場2樓2018-20號舖👔自從沒有在中環上班之後都好耐冇去IFC 食飯！🍚🤓過往熟悉嘅地點已經轉咗做江南！📍佢嘅位置好方邊，基本上就係機場快綫✈️直上到2樓就會見到，就算平日都充滿人氣！💃💃🍲佢地菜式啲porfion比較輕量，所以單點項目都可以鬆手啲叫多幾款，咁樣可以豐富啲！💁🏻‍♀️以下就係今次order咗嘅items，整體都覺得高質！雖然價錢都比較經濟，每道基本款嘅菜式都唔洗$100，但由食材選料到調味以及烹調手法都可以話係出色！🔅江南水晶素菜餃 $48🔅金網豚肉鍋貼 $58🔅冰鎮柚子漬白玉苦瓜 $68🔅江南水晶肴肉 $78🔅香芒酥脆魚柳 配泰式辣醬 $98🔅火腿津白 $98🔅蘋果絲拌蟹肉冷麵 $88🔅粉紅佳人 （紅心番石榴甘露）$58👍🏻咁多道菜次中最喜愛係🥟金網豚肉鍋貼 同埋🍜蘋果絲拌蟹肉冷麵。🥟金網豚肉鍋貼能夠做到噴肉汁效果💦，食嘅時間要小心肉汁太熱會辣親個咀 🥵（因為我就係中咗招😜）。餃子外皮亦做得好煙韌而又香脆！🍎🍜蘋果絲拌蟹肉冷麵 非常適合夏天！用上蘋果絲感覺好清新，醬汁配料方面酸酸甜甜，又帶有麻醬香，冷麵條亦有彈性，非常惹味！😋

📍江南🗺️中環金融街8號國際金融中心2樓2018-20號舖一向都鍾意食上海嘢，就搵到ifc有呢間翡翠餐飲旗下食江南菜嘅餐廳～ 價錢喺中環黎講算抵食，夜晚仲有點心可以叫😍⚡️蘿蔔絲酥餅（2件）$58呢個好可愛！係蘿蔔造型🥕🥕 黎到熱辣辣，咬落酥脆，內餡滿滿嘅蘿蔔絲😋⚡️特色小龍包（3粒）$68(黑松露帶子/蝦頭油鮮蝦/冬蔭公）(3粒）有三粒小籠包：❤️ 冬蔭功呢款係酸辣嘅，真係有啲嗆喉😆💛 蝦頭油鮮蝦🦐咬落去會爆汁所以要食得小心啲🤣 味道幾鮮！💜 黑松露帶子嘅黑松露味幾香🖤⚡️涼拌海膽茄子 $88茄子份量都好多，上面有海膽乾粒(?) 細細品嚐都食到海膽嘅鮮味，茄子都好軟淋😌⚡️蒜泥黑豚肉卷 $88呢個其實係蒜泥白肉嘅概念，將黑豚肉同青瓜片卷埋，可以自己加蒜泥同醬汁🧄 醬汁係辣嘅不過幾惹味，唔食得辣嘅可以問服務員攞豉油😉⚡️火腿津白 $98我食上海嘢必叫嘅津白😝 有火腿嘅鹹香同湯底嘅鮮👍🏻⚡️重慶水煮牛肉 $168呢個好抵食啊！又大盤足料，又好味🤤 牛肉好嫩，唔韌，配料仲有寬粉、萵筍、金菇等～ 我地唔係好食得辣又想食水煮牛嘅就叫左少辣🤣 呢個辣度就接受到😬⚡️蔥油拌麵 $63主食叫左蔥油拌麵🍜 蔥油味道好香

IFC一向俾人感覺昂貴，原來商場內都有一間價錢中等，性價比好高嘅中菜廳！Jiang Nan主打江南菜，款式多樣化，上海菜、四川菜、北京菜都可以食到。餐廳裝潢都高貴典雅，而且主要係包廂座位，私隱度高！特色小籠包一共有3款口味，分別係：黑松露帶子、蝦頭油鮮蝦、冬陰功。三款小籠包都味道出色，小籠包皮做得夠薄，入面亦盛載滿滿嘅湯汁！冬陰功小籠包最特別，中泰fusion，入口係香辣鮮香嘅冬陰功湯汁，正！黑松露帶子小籠包都唔錯，黑松露香氣撲鼻，帶子增添鮮味！蒜泥黑豚肉卷黑豚肉包住青瓜，層層相間，賣相好靚！黑豚肉肉質結實，蒜泥味道香濃，青瓜嘅清新恰好平衡膩感，食起來非常清爽！主菜點咗招牌重慶水煮牛肉，牛肉份量好足料，而且用料都好靚，牛肉嫩滑肉味又濃！我最鍾意底下嘅薯粉，滑捋捋，吸收湯底嘅精華，好正！甜品推薦蔓越莓煎餅，好似車厘子咁，造型可愛突出！煎餅外皮金黃，內裏煙韌，帶有淡淡蔓越莓嘅果甜，完美嘅飯後甜品！另外仲點咗杯特飲，有兩隻可愛嘅冰沙鴨仔，消暑又清涼！

記得IFC有間老字號上海菜館翡翠拉麵小籠包，去到先發現原來已經轉咗名叫「江南」，翻查一下才知道其實是翡翠拉麵小籠包的副線，除了經典上海菜，還提供一些創新菜式，和各式外省風味點心。餐廳格局和印象中差不多，都是行大眾化路線。點了幾道菜，價錢不算貴，而食物無論是食材質素、賣相和味道都有一定水平，是一間有保證的上海菜館。🥢點心🥟江南水晶素菜餃 $48餡料豐富，皮薄而煙靭，味道亦好豐富，出色👍🏻🥟金網豚肉鍋貼 $58全鮮肉製造，皮薄餡靚，湯汁豐盈鮮香，再加上一塊脆脆增加口感之餘亦非常美觀。🥗前菜🫑冰鎮柚子漬白玉苦瓜 $68好清新的菜色，白苦瓜爽甜，加上柚子汁好匹配酸酸味好開胃🍖江南水晶肴肉 $78肴肉鮮甜，味道剛好不會過咸，沾上鎮江醋一流。🍽️主菜🥬火腿津白 $98金華火腿切絲，重點在用高湯造成的芡汁，剛好娃娃菜能夠掛上，鮮甜味美。🐠 香芒酥脆魚柳 配泰式辣醬 $98魚柳酥炸夠香脆不油膩，配上香芒令味道更勝一籌。🍲主食🍝 蘋果絲拌蟹肉冷麵 $88冷麵非常煙韌彈牙，拌上秘製醬汁和配菜，絕對是一流，必點推介。甜品🍧粉紅佳人 （紅心番石榴甘露）$58使用了新鮮番石榴，還有果肉，味道不太甜，非常合口味。如

同朋友喺中環IFC shopping完見到有 間新中菜, 門口餐牌見到食物相片都非常吸引，於是就選擇喺呢度食晚餐。呢度裝修簡單舒適，侍應姐姐非常有禮，簡單地介紹幾款菜式。我就揀咗夏天最啱食的幾款菜式。涼拌海膽茄子賣相一流， 茄子擺放像一個小山丘，頂部鋪滿金黃色海膽，配上醬汁，非常開胃。韭菜盒子非常喜歡食韭菜的我，呢個菜式相當滿意，皮鬆化餡料多。三角海鮮餃餃子的皮是紫藍色，仲有金漆點綴，靚到唔捨得食。皮薄餡靚，精緻的點心。水蜜桃🍑鬼馬蝦球我覺得呢個菜夏天食最啱，油炸鬼，新鮮蝦球，醬汁係沙律醬混入水蜜桃，清新可口。火腿津白用上湯煮成嘅的津白，再加上金華火腿，清淡又美味。蘋果絲伴蟹肉冷麵爽甜的蘋果絲伴上新鮮蟹肉，再配上冷麵，清爽又清新。蔓越莓煎餅蔓越莓非常有益，含水楊酸及維生素C有助美顏及保健，廚師非常有心思，煎餅煙靭，口感非常。再配上兩杯夏天特色凍飲, 今餐非常滿足。

位於IFC的精品中菜，環境有格調，感覺舒適🍀蘿蔔絲酥餅紅蘿蔔造型🥕底部有Oreo碎，賣相滿分💯口感外脆內軟，充滿蘿蔔香🍀特色小籠包有三款顏色嘅小籠包：黑松露帶子、蝦頭油鮮蝦同冬陰公，味道各有特色，一咬開即刻爆汁🍀涼拌海膽茄子造型咁靚嘅茄子已經相當有好感🍆配醬汁酸酸甜甜好開胃🍀火腿津白娃娃菜煮得啱啱好，軟硬度適中，芡汁又唔會太濃稠☺️🍀重慶水煮牛肉水煮牛肉辣味好香，一開始食就會食唔停口🌶️除咗牛肉仲有薯粉同萵筍，配料相當入味🍀蔥油拌麵蔥油拌麵好香口，麵質幾唔錯，怕太乾仲有湯可以一齊食🍀蔓越莓煎餅造型精緻🌸煎餅好睇又好食😋仲擔心得個樣😅口感軟糯，蔓越莓酸甜度適中

朋友話想食上海菜🥢，約左係IFC商場既江南💖，位置方便，環境也不錯。😊青蘋果及西柚特飲🍆涼拌海膽茄子清新開胃前菜。🥢韭菜盒子(4件)很喜歡這道，外皮炸得香脆，裡面滿滿的韭菜。🔺三角海鮮餃(2粒)外型好精緻，味道亦很好，入面的海鮮好新鮮彈牙。🍑水蜜桃鬼馬蝦球清新水果菜色， 名字嘅鬼馬即是油炸鬼，而蝦球結實爽口👍🥬火腿津白蔬菜健康，浸在上湯入味。🍎蘋果絲拌蟹肉冷麵適合現在炎炎夏日，清新美味，新鮮蟹肉足料。🍓蔓越莓煎餅花花形狀好有藝術感， 外脆內軟煙煙韌韌，好正😍

呢排好鍾意食中菜，中環做完野就去咗ifc 內的江南Jiang Nan 食江南菜！餐廳私隱度好高，服務都好殷勤周到！蘿蔔絲酥餅（$58）蘿蔔造型嘅酥餅躺在朱古力餅碎製成嘅泥土上，賣相可愛！蘿蔔絲酥餅外層鬆化，層次分明，入口毫不油膩！特色小籠包（黑松露帶子、蝦頭油鮮蝦、冬陰功）（$68）三款小籠包都各有特色，皮薄餡靚，好多湯汁。冬陰功小籠包盛載嘅肉汁正正係冬陰功，味道辣中帶鮮，好特別。黑松露帶子味就充滿松露香，蝦頭油鮮蝦好鮮，岀色！蒜泥黑豚肉卷($88)豚肉卷住清新嘅青瓜，配搭蒜泥喚醒味蕾，惹味又清爽嘅一道冷盤。重慶水煮牛肉($168)水煮牛肉份量慷慨，牛肉好高質，好有肉味，肉質軟腍，底下仲有薯粉，滑溜掛湯，不過水煮湯底就略嫌唔夠香辣。火腿津白($98)娃娃菜用高湯浸煮，味道鮮甜，金華火腿增添鹹香。蔥油拌麵($63)幼麵麵質唔錯，口感彈牙帶韌性！整體比較清淡健康，但個人都係鍾意邪惡d，多d蔥油，香味會更加提升！蔓越莓煎餅($58)好似一幅畫咁靚嘅甜品，擺成一朵花咁，藝術感十足！煎餅都好好食，煎至外皮金黃香脆，內裏煙煙韌韌，甜度啱啱好！另外仲點咗一杯荔枝爆珠梳打特飲，飲品上放咗兩隻黃色鴨仔，

👧🏻😋👅🍽✨造型點心一絕😋-江南 Jiang Nan by Crystal Jade🇭🇰 中環金融街8號國際金融中心商場2樓2018-20號舖 🇭🇰-🥟特色小籠包（3粒）$68💯蝦頭油鮮蝦, 黑松露帶子, 冬陰公各有特色, 個人最鍾意鮮蝦勁鮮甜一第一下咬落去飲到D汁直頭似蟹粉咁甜-🥕蘿蔔絲酥餅（2件）$58✨太罕見了! 蘿蔔形象既蘿蔔絲酥餅 (雖然係紅蘿蔔樣😂) 勁靚; 酥皮勁脆, 蘿蔔絲好幼滑-🥩 重慶水煮牛肉 $168💯$168! IFC! 咁多牛肉! 勁抵食! 水煮湯底唔會死鹹, 入面有寬粉, 金菇同萵筍, 啖啖滋味-🍜 蔥油拌麵 $63✨拌麵本身乾身, 附上一碗熱湯撈蔥油; 蔥油加上乾蔥絲勁香, 麵條彈牙滑身-🥬火腿津白 $98💯鹹香上湯浸滿津白, 火腿絲鹹香十足, 令本身鮮味既津白更提升一個層次-🍵茶位✨玫瑰花茶清香淡雅, 店員有提醒浸4-5分鐘先至飲會更加出味

翡翠拉麵小籠包旗下嘅江南坐落於IFC，平日只係七點座無虛席，仲好多外國人慕名而來涼菜方面叫左個涼拌海膽茄子，面頭超多海膽碎乾，茄子沾滿燒汁，仲有少少花椒油味更香，一條條食唔停喺上海菜餐廳當然要叫小籠包，有個三隻味道嘅特色小籠包，個冬陰功勁出色，酸辣平衡，入面肉餡吸收晒冬陰功湯精華，超juicy 鍾意食辣嘅我哋叫咗重慶水煮牛肉，牛肉好大塊但都好入味，肉質鮮嫩，香麻鮮辣我哋驚唔夠飽就叫咗個蔥油拌麵做主食，但原來就咁食唔使配肉類已經好夠照，蔥油味直頭係齒頰留香最後甜品蔓越莓煎餅既莓味餅皮軟糯，包住香滑蓮蓉，兩啖食晒岩岩好

小朋友開始放暑假，入完長洲玩到散晒，出到中環食晚飯（江南JIANG NAN)，我們點了一個燻魚：沒有骨及甜甜地，適合我家小朋友吃，宮保蝦球：帶着略少微辣，肉質彈口，涼拌螺片：一口清脆，正，好合適夏天感覺，鮑魚飯：賣相好靚，飯粒粒均勻，鮑魚味香濃，當然不能少得甜品，流心角饀會自然會流出來，還有小朋友最愛嘅特飲，又可以拍照，又好飲。

🌳特色小籠包黑松露帶子、蝦頭油鮮蝦、冬陰公三隻味都幾特別，個人比較中意蝦頭油鮮蝦，蝦味濃郁，食嘅時候仲有爆汁😆🌳涼拌海膽茄子好少見到咁精緻嘅茄子，擺盤滿分💯味道相當開胃🍆 🌳重慶水煮牛肉湯底味道濃郁，辣得黎好過癮，非常香口🌶️仲有好多配料，全部都好入味☺️🌳火腿津白上湯整得好好食，津白軟硬適中，我地對呢個菜讚不絕口🌳蔥油拌麵蔥絲好香，麵質彈牙，調味幾好🍜🌳蘿蔔絲酥餅 蘿蔔造型幾有趣，內外都係蘿蔔😂口感酥脆，擺耐咗食都依然咁好食🥕🌳蔓越莓煎餅蔓越莓味好突出，內外兼備，好睇又好味😋🦥江南 (中環)中環金融街8號國際金融中心商場2樓2018-20號舖