更多
2023-08-06
355 瀏覽
江戶壽司秀📍紅磡民泰街53-73及73A-C號地舖黃埔日本菜愈開愈多間!最近發現原來以前板長位置有間omakase。所以我哋擇咗日去品嘗一下!好好彩當晚老闆娘在場招呼周到,所以先知道原來店內所有同魚相關嘅畫,都係出自日本大阪名畫家谷口先生嘅作品!最大型果幅畫用咗10 年時間去畫,每條魚都運用咗一條真嘅魚印落去再精細勾畫番紋理,所以像真度特別高,亦都非常之精緻!絕對係一間藝術氛圍高嘅餐廳!餐牌Menu 大概有3個價位,分別係每位$880, $1280 同 $1580。價錢上嘅分別主要在於刺身食材同埋有冇日本生蠔食。🔅前菜雜菌涼拌菠菜 ,磯燒海螺 ,日本白粟米海螺質感柔嫩又彈牙!第一次食日本白粟米,唔好提佢白雪雪冇乜顏色,果種甜並非一般粟米嘅清甜!🔅刺身刺身部份最值得讚係擺盤非常精美!食材配搭都幾新鮮,特別運用左比較多嘅海苔醬,對提鮮好有幫助!🔹間白魚、拖羅蓉配新鮮海苔酸汁🔹松葉蟹凍配紫海膽🔹牡丹蝦加凹貝 旁邊有個甜度有8度嘅蕃茄,配埋米做淡雪鹽!蕃茄加鹽原來一啲都唔會奇怪,因為蕃茄甜度比較高,加咗少少鹽,更加可以幫佢中和一下!配搭好新鮮!🔅生蠔獨眼龍仙台生蠔,表面加咗酸汁,所以食落好開胃
📍紅磡民泰街53-73及73A-C號地舖
黃埔日本菜愈開愈多間!最近發現原來以前板長位置有間omakase。所以我哋擇咗日去品嘗一下!
好好彩當晚老闆娘在場招呼周到,所以先知道原來店內所有同魚相關嘅畫,都係出自日本大阪名畫家谷口先生嘅作品!最大型果幅畫用咗10 年時間去畫,每條魚都運用咗一條真嘅魚印落去再精細勾畫番紋理,所以像真度特別高,亦都非常之精緻!絕對係一間藝術氛圍高嘅餐廳!
🔅前菜
雜菌涼拌菠菜 ,磯燒海螺 ,日本白粟米
第一次食日本白粟米,唔好提佢白雪雪冇乜顏色,果種甜並非一般粟米嘅清甜!
刺身部份最值得讚係擺盤非常精美!
食材配搭都幾新鮮,特別運用左比較多嘅海苔醬,對提鮮好有幫助!
蕃茄加鹽原來一啲都唔會奇怪,因為蕃茄甜度比較高,加咗少少鹽,更加可以幫佢中和一下!配搭好新鮮!
🔅生蠔
獨眼龍仙台生蠔,表面加咗酸汁,所以食落好開胃!
獨眼龍本身肉質肥美,入口非常Creamy,甜味重!
師傅再自己整咗梅酒啫喱,同生蠔一齊食口感更加豐富!
食完生蠔之後,師傅為我哋送上一個好似生死戀嘅拖羅卷!
外面用咗黃豆做嘅豆紙,入邊包住炙燒大拖羅中拖羅、山葵蓉/同埋紫蘇葉! 拖羅入口即溶,肥美甘香!完全係味覺嘅一大享受!
又熱又細滑嘅茶碗蒸,中間食返啲熱嘢好暖胃!
進入壽司還是之前最後嘅一個燒物。
呢度菜比較儀式感重少少,因為要做個煙燻效果,所以上菜時先為你打開玻璃蓋。
蘋果木煙燻金鯛配海膽醬,同埋京蔥絲
🔹真鯛 - 油脂味香,加咗海苔更能提鮮
🔹北海道帆立貝 - 師傅加咗經過自家煎炒間白魚而成嘅魚粉,充滿咸香
🔹紫海膽配磯之雪 - 海膽份量多又鮮,好滿足!
靜岡蜜瓜 + 綠茶奶凍黑豆
個人就非常之鍾意個綠茶奶凍,因為做到綠茶味濃郁又甘甘地之餘,亦都不失奶味!味道個平衡做得好好👍🏻
張貼