池記 (已結業)

假期玩完AIA中環嘉年華出去都日夜，都行一段路先到去到食野，因為太累想坐個舒服位置抖下。眼見池記唔洗排隊就入去食都真係第一次去食。 平均套餐都是HK$110 魚旦河入面魚旦是好又爽又彈滑，個湯都好清好飲。 炸醬撈麵，微辣味道將麵條和炸醬混合均勻食用， 麵身更有彈性有嚼勁 小吃有炸雲吞賣相好吸引味道和口感都豐富，易入口又脆卜卜。 熱的薏米水 入口幾特別入面有薑的味道，天氣冷冷飲過薑味飲品的確很舒服。 菜心 這個套餐是牛筋蘿白菜飯 菜飯非常好不油淋，完全易入口 雲吞竹昇麵 真的要講講呢個麵，店員建議+$2 試下，話滑的同彈口， 來到真的不覺得需要+$2去食,完全同普通麵一樣非常普通。 糖水好味又滋潤 不過個名有時同食物都有的出入，大家都留意下 好貴真係好貴5百幾蚊埋單，服務唔算好好。 來到要求要獨立一張枱都需要我地搭枱，結果都不能一張枱。 亞姐的確唔太友善，始終都係旺區都要注意下。

又係中環核心地段搵食🍜 午餐要清淡時就揀咗池記食番個細擁💖池記中環舖有兩層😎 刻意整成中國古典風設計🧐 中午繁忙時間還好早到，都唔駛等位，但就預咗要搭枱架喇🙄原來池記呢家都搞晒套餐，一個麵搭小食再加杯野飲咁，收你一百左右😥中環價係咁上下，不過在場都幾多遊客叫咗個雲吞牛腩麵，佢湯底應該係有啲梘水味，未至於那喉，雲吞實淨有料，可惜蝦肉唔係新鮮，無乜蝦味🍤，牛腩尚可🐃 麵身反而做得唔錯，彈牙無黏👍小食又黎多次炸雲吞，其實同湯雲吞庄係一樣，炸起身唔算特別精彩，皮唔太脆，又唔覺佢係鮮炸起🙄豆漿呢就真係好甜囉，連鎖店仲要旺區唔好期望太多，價錢上面講咗唔平😛

陪日本朋友去長洲點知走船😂佢好餓我又唔熟路嘅情況下喺中環站附近搵食帶佢食吉野家m記覺得佢會心諗我食大家樂我又唔甘心行到咁上下見到池記！🤩諗住可以食到唔失禮港式麵食睇都冇睇餐牌就衝入去（我知池記貴但係冇諗過咁貴）一開餐牌，哇🤓八九十蚊食個lunch 哈哈哈只怪自己太年輕太衝動午市套餐，有飲品，仲有一款小食。我叫咗魚蛋魚片麵+薏米水+菜心。菜心係正常嘅😂😛唔會好霉好老魚蛋麵好食，食得有魚味（好重要啊！）魚片同麵條都好彈牙！係好味嘅✨日本朋友點咗雲吞麵，佢話好好好好味😂（誇張到）我幫佢個套餐叫咗海底椰，佢見啲雪耳咁奇怪掂都冇掂😂😂但我食落好足料，好夠甜，都係上品🌸💖其實食碗麵食到咁貴，窮擰表示有啲肉赤，不過味道好可以，一個套餐有三樣嘢就算啦😂🙈故事最後我有啲唔好意思要朋友畀咁貴，請埋佢食🤘🤘🤘

人人食池記， 都係因為雲吞麵， 而我係為咗個米粉。 今日揀套餐， 粉麵加小食或糖水再加飲品一杯，88元。米粉香滑，配腩汁湯好夾。 叫吉列豬扒加甜酸汁 點知係泰式甜酸醬，少少失望。 薏米水去驚喜，清潤唔甜又多料。都幾抵食。會再黎。

話說晏晝出開中環做嘢，做完嘢之後諗住搵個地方食下午茶，醒起中環原來都有間池記，又想食下雲吞麵，於是就幫襯池記嘅下午茶。店舖面積闊落，有兩層樓，而且人唔很多，所以入去之後都可以隨便坐低。檯面冇餐牌，但係我要主動問侍應，佢先比餐牌我，略嫌佢哋唔夠主動細心。我點咗鮮蝦雲吞麵，雲吞數量適中，但係麵份量比較少，所以食完都唔覺得飽，雲吞嘅蝦算新鮮，口感唔錯。因為唔夠食，所以點多咗兩隻滷水雞翼，味道唔錯。最後套餐送嘅杯凍豆漿，下午茶餐嘅份量唔多，但係都要＄70左右，下午茶嚟講算幾貴。

I often passed by this restaurant but never had wanted to try given the long queue and the relatively expensive prices against the food. A friend suggested coming to this place for lunch so it was my first visit here. It was around 12:5p.m. on a weekday and we only waited for like 10 min to get a table upstairs.There were so many combinations of food for their lunch sets and I ordered 牛筋麵 with a snack of 紅油三寶(雲吞,鯪魚球,水餃) and 熱豆漿 at a cost of $86.Our food arrived very soon. The noodles itself were

麥奀雲吞麵家族，源自戰前廣州雲吞麵店池記的創辦人麥煥池。池記是祖庭，在香港子孫皆以麥氏為號，稱麥x記（另有何洪記），此店應與他們無關。此店成功地令人聯想到優質雲吞麵，我在中環品嚐此店出品，則覺得雲吞麵是凡品，下列數款才屬優品。此店在中環「快餐街」能立足，蓋因成功地把雲吞麵店快餐化 !把傳統食品靈活配搭成數款套餐，多用 + = 公式計價，說服數口精明的中環人。平均80至120元一位。很取巧地，把下午3時後的非繁忙時間，定義為「晚餐時間」。略有名氣是下列的牛筋撈麵套餐（100元）。牛筋麵外賣會較為黐牙，在中環「作戰」時充作糧草則適合，以形補形，強筋骨，填肚補充能量。牛筋頗多。最弱是蘿蔔，很大塊，全不入味。番薯糖水不過不失，你可能嫌它不夠薑。粥類質素佳，因粥底靚，肯落本。最堂皇是「金衣蟹皇粥」餐（125元）。小食方面全部有水準，如快餐店，推薦吉列豬扒，有6大件，厚厚的，比大集團快餐店優質。可選醬汁，我食泰式甜酸醬，醬料比美泰國菜店。金衣蟹皇粥賣相靚，蟹味不算濃郁，合格水平啦。豬潤粥餐水準更好（100元），豬潤粥甜美鮮濃。炸鯪魚球是高水準，脆而鮮。口碑最一致是凍薏米水，有益又好味，有些食店仿製

性價比超低的一碗餛飩麵。一碗細蓉要$45, 比其他餛飩麵店已經貴一大截，唔緊要，好食就得啦。見到碗麵真身，哇，真係好細碗的細蓉，手掌仲大過佢，以老娘的胃要食2碗先飽，唔緊要，好彩我唔肚餓。食落可能好好食呢，又唔係喎。。。麵硬到一個點，好似食緊乾草，餛飩好少少，不過只係同普通麵店賣的差不多味道，人地個d仲大隻d😂😂😂加上餛飩加左胡椒，有層辣味好古怪，個人感覺佢係畫蛇添足🤡睇黎以為去d外國人眼中出名的餐廳前要三思，十間有九間性價比都低都無能

由於今日一早起身到下午時間都未有食過嘢落肚，差唔多餓到「反肚」，所以即刻喺周圍附近中環干諾道中嘅「池記」食過極速下午茶！我們叫咗雲吞麵同牛筋麵嘅麵質相當爽口彈牙，而且都幾幼身，湯底嘅味道都幾鮮味濃郁，雲吞皮都幾軟滑薄身，蝦肉亦好爽甜彈牙，而且都幾大粒，至於牛筋就燜得好腍好入味，質感相當煙韌軟滑，而且份量十足，差唔多有四件，感覺都幾抵食！另外有杯跟餐飲品，因一開始都有提過就係差唔多「反肚」，個胃唔係太舒服，所以想飲啲熱嘢，初頭以為豆漿祇係得凍嘅，諗著叫另一樣，但店員就話有豆漿有熱㗎，所以我們就叫咗熱豆漿，味道都幾清甜香濃！

我本身很喜歡去池記食豬手麵。 食麵之餘每次都食海底椰糖水及薏仁水. 上個月(即17年12月時)曾經到九龍灣的池記進食。 薏米水完全沒有薑及糖。我告訴侍應，侍應竟然說是 因為客人覺得太甜所以少加糖。那薑呢？根本就是找藉口。今日到中環進食同樣的東西， 細件的豬手可以進食但大塊的豬手硬得無法咬入豬皮及筋。我告訴侍應 通知廚房豬手煮得未夠身及更換一件細件又淋的豬手給我， 之後便繼續進食糖水及薏米水.食完了豬手仍未到。 叫第二及第三次才給了一塊小的豬手給我。 雖然沒有大塊的那麼硬， 但很無奈 ， 豬腳筋仍未煮得淋， 無法咬下去。 由於趕時間就算了。離開時告訴侍應有關情況。 侍應竟然對我說 下次如果怕豬手凍了會硬 可以叫他們翻熱。 我告訴這個侍應 問題不是豬手凍而硬，而是豬手根本沒有煮好， 所以才會硬。我心想他們不要回覆好了。回覆反而令我覺得這間公司根本不注重品質亦不著重服務。雖然池記是一間很有名的麵店，但近來的情況確實令我很失望。 希望公司自己會有改進

平日星期3 10:30am，行過唔想食快餐就入左去。叫左個雲吞/水餃麵餐($38，包杯嘢飲, 凍奶茶另加$4, total $42 埋單。水餃有水準，大隻足料，麵好彈牙，但湯就淡左dd。嗰時間得10個客only，但碗麵要等成15分鐘先有得食, 唔好諗住少客會快d, 樓面/廚房人手都少左，趕時間唔應該入去。

這天放工後7點要在中環上堂, 所以便在上堂前找個地方醫肚. 上個月和朋友在中環池記吃晚飯, 吃了二百幾蚊, 送了四張$6 coupons. 於是便決定再去幫襯中環池記, 順便用下張coupon.入到去已有很多人, 幸好還有位, 不用搭檯. 下午茶由2:30pm至到7:00pm, 有3 個set, 贈送飲品. 我揀了多蔥的牛筋麵配熱薏米水, 都只是$40, 減埋$6 coupon, 埋單只是$34, 確實非常抵吃呢.首先來的是熱薏米水, 薏米份量都有1/3, 味道很不錯, 飲完個胃暖笠笠, 值得推介. 因小妹要求, 牛筋麵要多蔥, 所以蔥的份量也較多, 不錯! 牛筋有四舊左右, 都夕幾冧, 白蘿蔔好甜, 湯底味很濃, 麵質又爽口, 所以呢碗牛筋麵好好食. 宜家想起都想去再食. 

中環有很多間出名麵檔。平價有權記，沾仔記。中價有麥奀記，羅富記。貴價有黃枝記等等，我們全部都食過。今次就和同事去試食池記。第一次幫襯又知道價錢唔平，或多或少都有些期望。要齊人或過半數先比入坐。店內裝修非常之普通，但勝在位與位之間不會太窄。伙計沒有特別摧趕落單，可以慢慢睇清楚想食乜，基本上都有幾多配搭和選擇，細心看餐牌一遍，才清楚不同配搭是什麼價錢，大圓枱每個坐位都編有獨立號碼，伙計送餐時就不容易搞亂。同事要左牛筋麵。她說牛筋夠冧和入味，麵軟硬適中，湯底濃郁，是她喜歡的味道。桑寄生蛋茶，甜度適中，有濃郁桑寄生味，不錯。唯一美中不足是雞蛋還有些蛋殼附著，處理得不太好。我就食豬手麵，麵質爽口，可惜豬手骨太大豬手肉太少，近乎無肉食一樣，味道也只是一般而已。小食是水餃，雲吞，鯪魚球各兩位。三樣味道都OK，只係比想像中細粒。油菜味道都非常好。熱薏米水加了薑，加了一大粒蜜棗，有三分一杯薏米，味道唔錯，材料充足。店外是33度高温陽光，店內冷氣明顯不夠，我和同事吃到最後都滿頭大汗。

突然想食碗雲吞麵，走左去中環池記。單叫一碗$42，嚇! 下單時姐姐話有下午茶套餐，近7pm仲有，咁咪套餐囉，因為佢話送杯飲品。正當唸跟飲什麼，阿姐話薏米水啦， 哦，好！送上來時，感覺似足那間出名奀細的店子，番開都有4粒一口雲吞。入口，麵身有頭+ 彈牙，my favor. 雲吞味道ok，肉味多過蝦味。今回驚喜，竟是杯飲品! 外觀，薏米量有1/3杯。喝一口，嘩，原來係生薑薏米水。若果現在是冬天就更正啊!因為冇餐牌， 唔知幾錢，心想應比單叫貴少少，直到姐姐放下張單。。什麼$40，仲平左？! 哈哈，頓時覺得自己走運，賺左!

夜媽媽喺中環放學，近10點真係死城一個，冇乜好食。見池記未打烊，即管入去一試。之前總係覺得佢太貴，甚至比麥奀、麥文嘅更貴，所以都係無衝動入去食。嚟一間廣東麵家食嘢，基本盤一定要試返碗雲吞啦！自古以來，雲吞都係小食，所以包到細細粒一啖一粒最啱數，所以，沾仔所謂首創嘅乒乓波咁大嚿嘅雲吞，覺得始終都係gimmick居多，一啖食唔哂其實唔係咁鍾意。另外，其實包雲吞嘅形態度都好重要。包一粒雲吞總要留條尾，真係可以靚到好似一條金魚尾一樣，放湯時散開，真係好似欣賞緊條金魚游水一樣！池記絕對做到了，係我食過咁多間雲吞麵麵家之中，尾部形態最靚嘅，而並無之一。其他好多時唔係條尾太短，就係包嘅時候手心揸得太用力，將條尾撳實咗。可惜，用料方面比較遜色。蝦嘅size ok但肉質唔爽有d韌。雲吞並非全蝦雲吞，有10-20%豬肉左右，調味適中。驚喜之處係食到又少少大地魚乾加咗入去撈餡，散發那種獨特嘅香味；儘管如此，由於蝦嘅質地差，整體上令到成碗雲吞完全失色。正所謂色香如何好，總要靠味道！$50一碗真係完全唔值，試一次就夠，不會再有下次。