沁沁麫 (已結業)

新年假期去赤柱行吓，又真係好耐無去過，但記憶中赤柱真係無乜好食，編排行程時決定西灣河食飽先，才慢慢坐巴士入赤柱。咁西灣河有乜好食呢？？睇吓 openrice 就搵到一間湯麵小店，這間小店5年前去過，當時記憶都幾深刻，當時小麵店初初新開張，我都已經幾睇好它，湯底真材實料之餘又好味，仲要無味精，菜式特別有心機的製作，從 openrice 見到有很多好評，一定要試下有冇退步或者再有驚喜。這間小麵店就係。。。沁沁麪。我點了招牌沁沁麵、馳名醉雞卷、還有一杯熱檸檬水。醉雞卷先上，肉眼可見已經感覺到雞肉係好滑，鼻都聞到好香酒味，但係要忍住唔食，要等埋碗沁沁麵幫佢哋影張全家福先才食。等多陣碗麵都到了，成碗麵同以前個樣完全唔同晒，真係要嗱嗱臨影完張相要快啲食😅人蔘湯味道好鮮甜，一D 都無苦澀味道，店員仲會溫馨提示你要飲多D湯係有益，真的很細心。醉雞卷真心好食，雞肉滑，醉汁並非只係單純花雕酒，係甜與咸與苦與酸味之間。。。我都無好細心去咀嚼，只係覺得麵好食、湯好飲、配菜又夠，加埋醉雞卷係錦上添花，好想快D食晒去，細心品嘗就留返下次啦⋯⋯😆埋單都仲係七拾幾蚊。。無來5年一樣有驚喜👍🏻

今次人生第一次寫食評😛能夠激起我要寫噤多字就係呢間沁沁麵😍第一次到訪唔知食嘜好，又驚食人蔘雞湯麵會好苦🤔穩穩當當最好都係食蕃茄麵🍅🍜個茄湯堅真好夠茄🍅半隻溏心旦又堅好味😋拉麵又好食👍🏻仲有半個蕃茄，堅係好豐富👍🏻同場仲有好多客人🧑‍🦱👨‍🦳🧔👱🏻‍♂️👨‍🦱佢哋全部都係疑似係熟客，店員、老闆同顧客有講有笑，高談闊論，好似好熟咁樣🤝仲有店內牆上面有好多個展示箱，全部都係放晒玩具🪀應該係老闆嚟珍藏玩具，全部都好靚，我問店員姐姐可唔可以俾我影相，佢話隨便影，仲有話老闆知道我影相佢會好開心😃呢個老闆都堅真係幾搞笑🤪味道：⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️抵食：⭐️⭐️⭐️⭐️⭐️回頭率：⭐️⭐️⭐️⭐️⭐️

東區尋找同路人食店第四彈沁沁麵今晚入黑天氣開始凍起上嚟，老婆又夜收工要買外賣比我食，唉😮‍💨真係覺得自己慘慘地😢誰之買咗個好正嘅外賣返來比我😍老婆抵錫🥰講到東區同路人食店就無理由唔提呢間沁沁麵，因為佢哋係出名要求高又好食👍🏻曾經係好多議員指定飯堂老婆買咗沁沁飯同沁沁湯比我補補身💪🏻沁沁飯秘製臘味雞油焗飯全部臘味好好食又不油膩，臘味好食過蛇鋪嗰啲臘味，個飯係有味飯，同樣不油膩，軟硬適中又夠香，唯一可惜的係外賣都放咗喺度一陣，食時不夠熱。沁沁湯秘製人蔘雞湯個湯係老火湯，鮮甜好飲，湯內重有幾舊豬骨同埋一舊雞，咁啱我嗰舊係雞髀，雞髀同骨頭用來煲過湯，滲透晒人蔘味入去，又滑又好食，個湯又好飲，正👍🏻食完個飯飲完個湯全身都熱辣辣，真係最啱今晚天氣食

第一条评价就俾哩间店因为实在有滴火大。随手搜下附近有咩好食，见到咁多好评就入来哩间，真系中招。酱汁没味道，面唔弹牙，猪扒同香肠好嚡，冬菇系唯一算ok食得落。以后唔好轻易信评分啦。

又是一間麵店，這一間好似在西灣河都幾出名，所以都專登坐車過嚟試，在門口睇咗一陣餐牌，都好似係如好湯好麵一樣睇唔出係乜嘢地方菜式，只係一堆不同湯底不同配搭嘅麵，再加上不同配菜配搭成一碗湯麵，但形式又唔似車仔麵。望住餐牌都好懷疑一件事，$45蚊一個人蔘雞湯麵？究竟有冇人參㗎？$27蚊一份醉雞卷？究竟係咪微型㗎？所以決定入去就係試人蔘雞湯麵同醉雞卷呢兩樣野啊😏落單後醉雞卷很快就到👍🏻睇落都好大碟，份量十足👍🏻雖然只係$27蚊，聞都聞到好香花雕酒香，放一舊入口，雞肉結實而又不鞋口，雞肉算係幾滑，很久以前曾經食過一間上海老飯店的醉雞，由於花雕酒味又酸又苦，所以我認定了醉雞係不合我口味菜式，但係呢個醉雞卷有花雕酒味之餘但係又唔酸又唔苦，相反雞肉有啲似鹽焗雞咸，酒汁竟然係甜甜哋，咸度也十分夠，一啲苦味與酸味也沒有，相信店主在這個酒汁上真係落咗唔少苦功👍🏻好食👍🏻可以俾滿分💯沁沁麵即係人蔘雞湯麵，雞肉絲係煲湯雞肉，原來我都睇少佢，但雞肉絲滲入人蔘味，竟然好味😋溏心蛋很溏心，鹵水味十足，配上健康的黑木耳及西蘭花🥦份量都幾足，上海拉麵夠彈牙，滲入人蔘雞湯味又不會掩蓋了麵粉味，十分好食👍🏻👍🏻👍🏻最後湯，原

今晚因為朋友話西灣河有間黃店我未試過，抱住支持心態去吧，坦白講之前一直都有留意，但係就正正因為唔知你其實賣乜野食，簡單啲講係冇焦點，都唔知賣什麼地方菜式，所以一直沒有幫襯。今晚終於一嘗了，結果呢！！！沁沁麵，麵底沒有煮鬆開（一舊舊），雲耳似是薄猪皮，介紹話個湯底係雞湯，仲叫我飲哂去，有益咁話，結果呢…..大半留下，算！凍檸茶！！！ 好想問是否係涼茶底？？？結果又留下，我唔想係哩度講啲太刻薄說話，始終係同路人，明就明嗰種，好唔明白點解可以咁大膽嘅？好希望老板真係要睇睇邊度有改善空間，比啲心機啦，唔好辜負同路人。

開始從新振作工作可能放低工作太耐有一點力不從心從難關出發舉步維艱進度不如理想這兩天天氣有點涼星期日一早起床肚子十分餓天氣涼了正想食羊腩煲、打邊爐、臘味飯之類…..臘味飯？？那就突然腦袋浮起一個影像那影像就是沁沁麵的招牌飯:沁沁飯半年前曾經食過一次一試難忘但去西灣河都要半個小時車程所以小妹謹慎起見先打個電話去沁沁麵問吓先早上九點多致電竟然有人聽電話中人說12點會準時有沁沁飯於是乎便立即梳洗出發早了10分到達在門外已經聞到飯香喚起了沁沁飯的味道已經大流口水我立即坐下就點了個沁沁飯沁沁飯依然如半年前的好味臘味夠𣺉鳮夠滑飯粒一粒粒的十分企身又熱辣辣入口很香真的無法形容還有香脆飯焦食完呢個飯真係大滿足真不枉專登而來🤪

最後一日喺北角做嘢，一早計劃了收工後去西灣河一間餐廳去食好嘢，原因是早前去過呢間餐廳覺得好好味，但由於上次去已經食咗嘢在先，未能試佢個招牌臘味飯，所以今日一收工便立即由北角去西灣河，呢間好味道又抵食的餐廳就係沁沁麪👍🏻8點3到達，一坐低便立即間店員:仲有無沁沁飯？(因為知道佢哋個臘味飯出名，經常賣晒)，店員說今晚已經賣晒💥我心情仿如晴天霹靂😭然後在他的餐牌揀了叻沙辣湯麵配金菇肥牛。麵送到上來，賣相都不差，試一啖湯底，味道十分分濃郁，辣度輕微配上香料味道十分匹配，再用以配上拉麵，是十分好配搭，最值得一讚是肥牛，沒有肥肉但又十分鮮嫩，一啲都唔勒，整體成碗麵都好好食，十分滿意。唯一美中不足的是始終未能食到我最想食的沁沁飯，唯有等下一次吧！

來過沁沁麵N次，以往次次都飲有凍、有熱、有常溫最的自家製羅漢果茶，這裏的羅漢果茶沒有落糖，雖然非常好飲，但多飲了亦會有些厭；所以近近兩次去想試吓其他飲品，心想凍檸茶、凍咖啡怎會比得上茶餐廳的質素，怎料一試難忘；凍檸茶茶味濃郁帶檸檬香味，凍咖啡香濃順滑，絕對遠勝普通茶餐廳質素！大家下次去心心面記得試吓他的凍檸茶或凍咖啡喇。

大家千萬唔好俾佢平民化嘅裝修同住家嘢食咁既外表誤會，野食既水準係好高好「有溫度」😋首先講下沁沁飯，其實係秘製臘味雞油焗飯，睇返個飯焦好似有少少心形咁💛🤣一上菜就聞到好香濃既臘味香氣，佢入面有臘腸、潤腸、臘鴨、滑雞，每款材料都有兩件，我地一人一件share岩岩好👍🏻我平時唔中意食潤腸，因為好怕佢啲內臟腥味😖但今次試食左佢既潤腸都接受到，腥味唔算重😝臘鴨啲肉質緊實，咸香同鴨肉味岩岩好👍🏻滑雞更加唔洗講，真係嫩滑多汁💯起初都擔心油飯好油，但食落又唔會覺得油膩😆仲要煮到粒粒分明，真係好考功夫‼️沁沁麵必試既一定係佢地既醉雞卷💛真係一試難忘！27蚊有6件醉雞卷已經覺得佢好抵食😍而且雞卷既肉都好緊實但咬落好滑唔會韌💕醉雞卷亦都有好香濃既花雕酒味，好味到朋友食完醉雞卷會飲幾啖汁😂最後冇影到相既係佢既自家製羅漢果茶💕羅漢果茶要好飲唔可以太淡、太濃、太苦、太甜😂我覺得呢間既羅漢果茶係各方面都平衡得唔錯👍🏻食飯時飲啖可以中和臘味飯既油膩，食完飯又可以清清醉雞卷後既酒味～所以無論食咩我都配埋個自家製羅漢果茶🤣我平時唔算特別中意食中式野，但今次呢間無論係價錢定食物質素都真係驚艷到我🤣而我覺得有溫度係因為啲菜式好

Always my favourite place for comforting & healthy soup noodles! The soup has an aromatic Chinese herbal flavour, and everytime it’s served, the waiter would remind us, “Remember to finish the soup! There’s no MSG, 100% homemade!” Indeed, you wouldn’t feel thirsty at all after savouring the noodles and slurping up the remaining soup. And also worth mentioning is the generous portions of the chicken and black fungus! Finally, I love so much that this resto is a paid subscriber to Now TV so you ca

💛💛💛沁沁麫💛💛💛山長水遠去到西灣河，跟黃藍地圖搵左依間黃店。座位比較窄，係一間食完就走，唔係用黎慶祝或打卡既餐廳😂。醉雞卷 $27依間餐廳最吸引我既地方一定係醉雞卷😍。成日食醉雞都會食到成口骨，依到既醉雞卷無骨架，真係啖啖肉。肉質好好，一啲都唔硬，好滑🤟🏻。醉雞最重要既就係個汁，又濃又香，最後我地用黎撈麵食😚。馬來西亞娘惹咖喱辣湯麫（金菇肥牛配烏冬）$45個湯底有少少淡，不過都算可以既，最緊要唔太辣🤪。肥牛有啲韌，總算咬得爛既😂。米線唔錯，好過食烏冬！沁沁麫 $45個湯底真係有人蔘味，好彩唔係好重，因為我唔太鍾意個種甘甘地既味😂。由於個湯底好清，我地加左醉雞啲汁落去個湯到，成件事好食左😎。配料有肉絲、溏心蛋、西蘭花、黑木耳，都算多配料🤪。個烏冬似係噹噹個啲垃圾烏冬，建議嗌其他麵！價錢咁平就是但啦🤷🏻‍♀️。埋單$125（無加一）

想食好耐終於有機會食到啦！一坐低店員就介紹佢既招牌沁沁飯本來見到係雞油飯驚佢太油膩但見佢咁有誠意就試下啦點知又真係有驚喜喎！佢啲雞件小小偏咸岩岩好用黎送飯加埋潤腸臘腸，食落唔會好油膩最緊要係個飯，味道唔咸唔會油膩但又岩岩好～下次再黎一定再食！另外朋友叫左沁沁面但因為太餓唔記得影相湯底用人蔘雞湯，店員仲要好好叫我地記得飲下個湯飲落又真係好好飲！加埋肉絲同其他配菜好滿足！食完又唔會覺得口渴～下次黎一定要試佢個醉雞卷！

未變黃店前已經試過一次 事隔幾年再次幫襯 裝修依舊 座位約20個 入到去俾我感覺好整潔同老闆好nice！一入到門口就講左一句「沁沁食啱啱開煲 要唔要試吓？」我就話睇下先 因為我係想嚟食麵🤣但當佢再補多句「唔係成日有㗎喎真係唔試？」同埋佢煲飯傳過嚟嘅臘味香氣 我就忍唔住要左一碗👍🏻值得一提嘅喺事隔咁耐再嚟價錢都係冇點變過 良心小店💪🏻💛·沁沁飯 - 秘製臘味雞油焗飯$45（配菜：臘腸、潤腸、臘鴨、滑雞）老闆話呢個飯係佢有一次去露營嘅時候研發出嚟嘅 雞油飯冇想像中咁油膩 反而係粒粒分明 好有咬口👍🏻啲雞肉煮得啱啱好所以肉質鮮嫩多汁 臘腸同臘鴨都臘味香濃 尤其是臘鴨 因為肥Glor本身麻麻地臘鴨 但佢嘅肉質緊實濃香 又唔會太鹹令肥Glor回味無窮～·大胃王袐汁撈麵配上海拉麵 $52（配菜：特大冬菇、雞翼、豬扒、雞肉腸、西蘭花、豆卜）特大冬菇真係唔係講笑 兩舊加埋有成隻手掌咁大 上海麵夠哂煙韌 反而其他配料都係正常發揮 值得一讚嘅係雞翼同豬扒都炆得好入味 雞肉腸係用咗我最愛嘅廚師腸🙌🏻·醉雞卷 $27未見過咁平嘅醉雞卷！仲要有6舊！食落雞肉都好有酒味啊 如果酒味再濃啲就perfect啦～#𝙛𝙚

喺討論區D人講到沁沁麵好食到識飛咁🧐，今日同朋友專登去東區法院傍聽，其實就係要試吓呢間叫沁沁麵。我哋點咗討論區最多人推薦嘅人蔘雞湯麵、大胃王秘撈麵、醉雞卷同羅漢果茶。人蔘雞湯麵呢個湯比較溫和，清甜味重過藥材味，飲落好好飲幾舒服😋，材料同麵就普通，但係隻旦好入味好好食，下次可以試吓配米線。大胃王秘撈麵隻冬菇好好味，又大件又腍又入味😋，個汁甜甜地好開胃。醉雞卷就麻麻哋，酒味不太夠，雞肉就幾嫩滑。羅漢果茶唔多似以前飲開果D，幾濃味幾好飲，令我以後對羅漢果茶改觀，凍飲仲透心涼。一生人第一次寫食評，係因為一邊食一邊感受到小店很有誠意，嘢食啱唔啱食都係其次，但係每位店員都係落力去招呼客人，食物又盡力做到最好，值得加許💪🏻