沙嗲王 (已結業)

琴日約friend夜晚睇戲 7點上到去點完餐就一直等 因為趕住7:40個場 所以都無點個啲寫明要等15-20分鐘個啲餐 叫左白咖喱豬扒加一個吉烈豬扒冬蔭公粉絲見15分都未有 就已經催左一次 結果朋友點個份白咖哩25分先上 我既更慘 30分先有結果就係得10分鐘急急腳咁食認真 兩個餐 最正既係個冬蔭公湯底 濃郁得黎唔會太辣 就住啲湯食粉絲一流 而且相當開胃反而個吉烈豬炸過左龍 有少少燶味 結果我係要浸落個湯到食 至於個白咖哩就一般 似白汁多過咖哩 朋友食左一半都話覺得膩

石鍋泡菜海鮮湯配飯不能吃辣就不要吃了，因為真係辣到飛起，整個湯就只有辣的味道。海鮮就有比較多的蝦及少量的魷魚，蝦肉質有少少甜甜地，挺好吃，魷魚不會過韌，整體來都可以。附送的溫泉蛋～半熟的蛋黃做到流心的效果，配飯幾好食

旺角女人街附近好多食店，而呢間永遠都好多人係到排隊。但宜家呢間都可以用app拎飛啦，大家可以用the gulu!預埋時間就黎食，唔駛企係到等咁耐！先叫雞扒蔥油太陽蛋飯，呢個飯好似冇咩特別。但超好食，個飯充滿蔥油香味，雞扒煎到個皮好脆，而雞肉好滑嫩。加埋太陽蛋的蛋汁撈飯食，真係好正架！奇脆雞蕃茄湯米線，有3,4舊炸雞粒。呢個炸粉唔會太厚，而且會另上唔浸落湯係最好嘅做法。而米線個湯唔算太香，反而清湯會香濃過呢個味。貴族焗飯，呢個好滿滿芝士，好香，不過唔算太特別。小食分別叫左軟殼蟹、蝦棒同娃娃菜。最好係維娃菜，佢有淡淡奶香，味道未食過，超正！

隨着MONSTER HUNTER熱沙爹王又出現呢個MONSTER HUNTER既餐艾露貓都幾得意呀MONSTER HUNTER藥水都有呀仲有佢個舊菇既賣相都幾搞笑我見到隔離枱都點咗黎食佢仲要食個咩藍咖哩唔知好無味呢但我係冇點佢啲MONSTER HUNTER嘢食既叫咗個咖哩豬扒飯佢個碗咖哩味甜甜地但係啲汁係完全凍既唔知放咗幾耐豬扒都脆口但唔多汁既跟住仲有個鐵板雞扒飯兩款唔同既咖哩汁 但味道一樣但呢杯咖哩汁早過另外一碟但仲熱啲添呢個鐵板雞扒外皮脆 有肉汁加上鐵板有種半燒烤味幾好食呀特濃朱古力真係幾重朱古力味但甜味更加重我覺得幾好飲既

太掛住佢嘅名物白咖哩豬扒飯，以香茅醃製嘅豬扒依舊鬆軟，調味夠入味，啖啖肉，正呀！仲有另一主角白咖哩汁，香滑惹味，一碗份量足夠撈三四碗飯，只用汁撈飯都夠食！不愧為名物！另外嘅牛油雞翼一客4隻，每隻皮脆肉嫩，熱辣辣上碟，一定要趁熱食，唯牛油味偏淡！

好多年無嚟過沙嗲王，今次係因為其中一位朋友仔有沙嗲王現金券而決定呢次聚餐地點，諗返對上嗰次嚟仲係海盜主題。坐低後睇餐牌，選擇比以前少，特別係小食，我哋四人每人揀咗一個午餐另加兩個小食。芝士焗牛柳飯粒，牛柳幾好，唔韌，但汁嘅味道唔特出。慢煮豬軟骨飯配溏心蛋半隻，豬軟骨夠淋又入味。白咖喱香茅豬扒烏冬，豬扒都幾好，唔係醃到好鬆無晒肉味嗰種，白咖哩湯溫和微辣。鐵板嬌嫩巨脾飯，雞脾係燒得唔錯，好嫩滑，但係淋汁上去係無吱吱聲，鐵板係裝飾。印度薄餅，無配咖哩汁。一口炸雞球，雞肉可以，外層唔會太厚。芝士焗年糕，芝士可以拉絲。涷紫薯鮮奶配珍珠，好味略甜。抺茶鮮奶配西米，抺茶味唔太濃，都係甜咗少少。

約齊人Mon Hunt！有打MH嘅獵人，好似我咁對猫飯絕對無法抗拒！一知道沙嗲王出左就點要擠D時間出黎試試佢！即刻約齊一班機友去試試佢啦！！不過係等位方面，沙嗲王從來都無令人失望。一到晚飯時間，唔等返最少30分鐘你唔洗旨意可以入到去食野～終於入到去，望住個餐牌價錢都唔洗睇～　特別野全部要哂ＸＤ採集任務！特產大啡菇 $63名個方面，就絕對係吸引哂獵人黎做任務，但坦白講，食物方面就真的普通，與平日沙嗲王中食到的Menu 大同小異，不過不失。但造型取勝，呢個大啡菇，外形真係無得輸。預備狩獵！燒肉調配中！$72同上面一樣，係造型上係特別，同加上食用米紙將日文打上去，形造MH感覺，但食物味道就普通。採集任務!瘴氣之谷礦石 $38左至右: 回復藥 $ 37 鬼人藥 $37 解毒藥 $ 37 最令獵人心動，一定係呢三支野！造型根足遊戲之餘，味道亦不錯！加上享用完此三支藥劑後，更可以將此樽帶回家！！我當然唔會執輸，洗乾淨帶返屋企啦！！ＸＤ

趁假期同老公出去行街，出到嚟旺角，有啲肚餓，我話好耐冇食過沙爹王。沙爹王係以前一齊補完習一班同學仔嘅飲堂嚟。剛剛十二點左右，所以直接入座就得，走個陣就見到要等位了。白咖喱香茅豬扒飯:以前覺得好神奇，嘜咖哩可以做到白色架？ ！ 第一次食過就愛上左佢嘅味道，我自己超唔食得辣嘅，食呢個完全冇問題，冇嘜辣味，但有淡淡嘅咖哩味。一邊食一邊以前拍拖補習啲回憶番曬嚟。味道依然，保持到水準。避風塘軟殼蟹:份量偏少，好多避風塘炸蒜放係蟹上面。軟腳蟹肉有啲”梅”，可能唔係太新鮮。對於我嚟講太辣了。青檸柑梅密配蘭香子:叫任何野食可以飲品半價呀！飲落偏甜，一般。

又黎到午餐嘅時候，附近冇咩選擇，咁啱有優惠券，於是就同友人一行四人去食沙嗲王。店舖環境舒適，但服務態度欠佳。白咖喱香茅豬扒飯$57每次食都一定會叫嘅白咖喱豬扒飯，保持一貫水準，豬扒份量大，有4塊，白咖喱汁無得輸。芝士焗牛柳粒飯配紅酒牛排汁 $79好味推介！列入近期之作。牛柳粒十分入味，配上芝士同埋牛扒汁，好食唔肥膩，送飯一流。避風塘軟殻蟹 $68（標準）避風塘配料充足，軟殼蟹新鮮鮮甜，值得一試。避風塘脆豆腐 $39豆腐外脆內軟，非常惹味。鐵板嬌嫩巨脾飯 $68雞髀非常巨型，肉質鮮甜嫩滑，同沙嗲汁幾match。脆蝦棒 $33蝦肉爽口彈牙，無肥膩嘅感覺，仲有沙律醬提供，非常好食。整體而言，餐廳質素唔錯，但飲品就略嫌普通，而且會送優惠券及辣椒油，不錯。👅好味指數: 7/10 💸抵食指數:7/10 🍽餐廳環境:7.5/10 👨🏻‍🍳服務質素:6/10 ❤️呃like指數:7/10 💃🏻回頭率: 70%

呢到真係好耐冇黎啦，今日突然想食返啦。對上個次食應該都係中學了🙊所以真係隔咗幾耐下。 呢度出面食白咖喱 今次都點左個下午茶白咖喱雞扒飯。😋味道不變都係咁好食🤤🤤🤤但雞扒就小左啲另外都點左杯紫薯珍珠奶茶，正正常常啦都...幾香紫薯香👍🏻同埋都叫左個薄餅 食完係好飽 呢個都可一試 但佢得兩舊

今日農曆初二，好多行街舖頭都無開，唯獨食肆依舊燈火璀璨👀個陣已經8點幾，唔想再諗食咩，就搵咗女人街間沙嗲王食平時食沙嗲王，都無大排長龍，但今晚都好多人😯我哋等二人枱，最後都等咗20分鐘先有得入🤔上到二樓，其實都見到有吉枱，但可能人手不足，無人執枱，所以遲遲未能入座今期沙嗲王同大熱monster hunter搞Crossover，整咗個special menu，每一款食物都係一種任務，同埋特色能量飲品🤡但我對原本menu比較有興趣，所以就無叫到。另外，佢仲有個精選二人餐，計過每位比散叫貴多10幾蚊，就有餐湯同埋Haagen dazs雪糕，都抵食架☺️如果啱食都不妨可以叫下。由於想食粉絲，最後就散叫咗日式蟹粉豆腐鍋配飯($70)、自選沙嗲香茅豬扒粉絲($56)、避風塘炒軟殼蟹(27週年優惠-$59)、韓式蜂蜜芥末醬雞翼($42)叫咗$30以上既菜式，就可以半價加配嘢飲，所以就叫咗杯士多啤梨雪香同埋芒果椰汁冰配西米日式蟹粉豆腐鍋：次次嚟沙嗲王都必點，上面舖滿一層咸香既蟹粉，仲有金黃色既蟹王膏，配上熱騰騰既日式滑豆腐，真係好滋味不過份量實在太多，食食下會好膩，未試過食得哂😂沙嗲香茅豬扒粉絲：呢個

最近令到全香港男士日夜癲倒唔覆訊息既「芒亨」，而家唔駛打機先有得玩啦，連現實生活都可以體驗到😆Menu整得好似，連d字眼都同個game到一模一樣👍🏻fans一定開心死😍成場都有好多龍既貼紙，好有氣氛我地㨂左野飲，強走藥同解毒藥，飲完可以跑好耐同解下新年中既懶惰毒🤣🤣最開心係仲可以帶走個樽做留念添🎉食物㨂左炒聖子，咖哩包同招牌白咖哩豬扒飯。香茅豬扒好入味，加埋咖哩汁真係食到lam哂脷😋😋

年初三的晚上，街上不太多餐廳可以選擇，剛好路經此地，上一次想吃亦因太多人未吃到，雖然亦大概需要等十至十五張飛才到，時間上都大概需要半小時，但比預期快！算是等了十五分鐘多些就已經有位置了面門沒怎麼拍照望請見諒跟男友一行兩人上了1樓，被帶到二人座，場內人都坐滿，但因為位置較入，所以即使按了點菜都還是未必即時能夠獲得服務，或許亦因為新年人手不足吧！因為跟Monster Hunter聯乘合作主題，所以男友更雀躍了窗上都貼滿了Mon Hun貓咪就都比較方便的擺位，資料性的枱紙以及有點清潔不足的杯子及碗因此我就自助的抹了碗才使用這十分可愛的餐牌，為這個主題加分不少期待下一次會有mon hun小豬出現在餐牌上平日的餐牌，還是有吸引我倆的pizza先到桌的是忌廉海鮮湯配貓棒薄餅忌廉海鮮湯配貓棒薄餅 $39 ★★★★預備狩獵！貓大廚特製海鮮湯！忌廉海鮮湯屬於性價比高餐品，$39蚊價格內裡包括了數粒蜆肉、蟹柳、魷魚及蝦而且貓棒薄餅沾上湯後薄脆不膩，十分可口！唯一美中不足就是上桌時碟邊不修邊幅，滿是湯品但因為味美物廉，所以可以接受煙肉菠蘿鮮茄醬Pizza $38 ★★★今天的料好像特別多，不知道是我的錯覺還

In my on going quest to go to as many theme type restaurants in Hong Kong, I came across Satay King. A mainstream branch of restaurants serving Thai/Singaporean/Malaysian dishes. Previously they did other themes such as Pikachu and One Piece. Now, they have focused on the video game, Monster Hunter. Now, I don't play Monster Hunter but boyfriend does so I relied on him to tell me what the theme was all about. He just kept telling me it was cat themed. Umm...ok.In keeping with the  theme, the ent

沙嗲王成日都有同啲遊戲動漫合作搞主題食品，今次有近期大熱既芒亨，點都要去朝聖下嘅。普通野食就唔多講啦，講下今次嘅主題食物先，我叫左個預備狩獵！燒肉調配中！呢款燒肉其實係用雞髀整成，三款醬汁可以任揀一款，我就梗係一於試吓啲特別啲嘅，所以就揀咗個藍咖哩！雖然藍色嘅咖喱真係好核突，但原來真係好好食架。佢有啲似沙嗲同咖喱嘅混合體，識落完全無違和感！我哋另外仲加左印度薄餅點埋啲咖喱，真係超正呀！至於隻雞比呢佢整到好似燒肉咁，外型都幾得意，味道方面有食過沙嗲王雞髀嘅人都知道佢隻雞比係超好食嘅，勁juicy而且一啲都唔鞋，整體來講超正！另外我哋仲叫咗兩杯野飲，一杯解毒藥，一杯回復藥！解毒藥其實係青蘋果荔枝薄荷特飲，飲落都幾清新。而回復藥係藍蝶花乳酸，味道都幾特別，不過我就唔太鍾意啦。飲完之後嗰樽仲可以拎返屋企添！呢個主題完之前一定要再去多次！啲食物實在太得意啦！