沙田新強記燒鵝海鮮酒家

營業中

休息中

成日都見有人推薦，好想一試🥰今日同屋企人路過，終於可以一嘗啦yeah!勁近地鐵站，行過去5分鐘都唔洗👍🏼入到去，都幾懷舊好有老香港嘅感覺！入面樓底都幾高，有啲水晶吊燈添呀！好復古嘅感覺！🤭佢有好多點心，有冠軍古早味點心，好多外面比較少見，例如燒腩卷，黑芝麻卷….都好有特色🤩最後揀咗個燒腩卷，炒飯，同馳名嘅燒鵝啦😜瑤柱蛋白炒飯 $98好大碟！有好多瑤柱，咸咸香香好正😝仲要好多蛋白!!啲炒飯粒粒分明，好乾身，炒得好好，有水準！！性價比高👍🏼燒腩卷好耐無食過😮‍💨好懷念！！用咗南乳醬去配，非常之地道🥹入面有芋頭+一大塊腩肉🥰個包皮好軟熟有咬口，好好味🤤新強記燒鵝（例) $190真係有小小貴，但係好出名🥰所以點都要嗌！！！一到見到份量又覺得ok😆好大碟咁！啲肉又幾多，最正係好多皮，一咬落去爆油爆汁，好正😝

#新強記 燒鵝～乳鴿～雞粥#80年代回憶 #味道不變 小時候住新界，放假的日子最愛踩單車游走吐露港，記得那時候可以在大埔租車、大圍還車，然後老豆帶我們去新強記吃乳鴿和雞粥... 現在老豆已升職外公，到我都和他寶貝孫女帶他去新強記，他竟然說忘了曾經帶我去過～ 好啦，沒關係，再吃出新回憶就好！#沙田新強記雞粥 一定要選雞粥！餐牌上分成三個大小，最大的是$198，例牌就$138，位就只是$60，思前想後我們原打算叫一個例牌，竟然受到店權阻攔，原來所謂的一位已經是整整的一鍋，分成碗的話也有差不多四碗！黃黃的色澤證明真的用雞熬出來，綿綿的口感，充滿油香💕性價比超高！#金牌燒乳鴿 $78一隻感覺有點小貴，但來到這裡一定要吃！上桌發現也蠻大隻的～肉厚多汁，十分香口，這小朋友一口氣吃了三隻脾😂#茶雖然我們主打不是喝茶，卻被清新茶香有回驚艷到～水夠熱、茶夠香，解解膩，剛好！

#母親節 兼媽媽生日 當然要帶媽媽去 #食好西以前去親大圍火車站都見斜對面有間好似好特別嘅酒家今次一於同屋企人去 #懷緬過去入到去都真係好有舊式酒家嘅感覺 呢啲真係買少見少亦都估唔到平日晚上 都幾乎枱枱都坐滿客人果然係 #馳名大圍 上網search吓先知原來佢地出名食 #燒鵝 #乳鴿 有唔同嘅招牌菜式配以小菜套餐 $758#新強記燒鵝皇 $190 （例）#招牌菜 果然招牌菜 肥瘦都算適中 而且過皮都算脆唯獨牌得四份一隻 所以額外叫多個例牌 咁就足足有半隻🤭不過搞笑在佢唔係真係俾半隻我哋🤣🤣 而係用咗隻大碟 俾咗兩個例牌我哋所以好明顯 皮嘅色水唔同 肥瘦都唔同😂😂#金牌燒乳鴿 （兩隻） $78/隻都真係熱辣辣上枱 絕對符合酒家嘅質素#生磨杏汁白肺湯 $238（例） 杏汁味獨出 湯料仲可見有用瘦肉 雞腳 一齊煲唯獨唔夠乳白色 #自選小菜 兩款#椒鹽鮮魷 $128大大嚿 件件都見到啲灑足椒鹽#上湯海味雜菜煲 $128夠晒大大煲 仲有好多粉絲添最後仲有 #糖水 贈送#紅豆沙 #綠豆沙 任君選擇最估你唔到嘅係 佢碗糖水真係幾好食😋煲得嚿沙得嚟 啲紅豆又粒粒分明👍🏻雖然門口有 #代客泊車 但留意

大圍雞粥乳鴿酒家✨✨晚市光顧的時候，設有《超值乳鴿餐》$350，套餐包括三款餸菜，有兩隻完整的乳鴿，例牌雞粥，金銀蛋時菜，乳鴿兩隻共切成八件，紅燒乳鴿的味道濃郁，新鮮！口感嫩滑、肉質飽滿多汁，乳鴿皮金黃鬆脆，必吃！沙田雞粥也是必吃之一！作為沙田三寶之一的沙田繼續，口感又綿又滑的雞粥，吃得非常惹味！米粒帶有微香且更有口感，雞件融入雞粥之中，雞油不會令粥底油膩，反而更加惹味！金銀蛋時菜，是莧菜，足料的皮蛋鹹蛋，非常豐富！另外，點了《粟米龍躉斑塊》$188，半煎炸的龍躉，肉質鮮嫩多汁，香脆的口感，非常高貴的龍躉，啖啖肉，粟米汁配飯一流！還有《蜜汁叉燒王》$158，做出外焦內軟的口感的叉燒，半肥半瘦，容易咀嚼，非常入味，美味的燶邊，配搭香甜的蜜汁，惹味非常！

我今日去咗位於沙田嘅新強記燒鵝海鮮酒家同朋友食飯❤️❤️ 我哋兩個點咗三個餸 都已經超級飽🌟菠蘿生炒骨-酸酸甜甜好開胃，粉亦唔厚食落都係肉 我個人黎講最鍾意🌝🌟金牌燒乳鴿-皮薄肉嫩 ，肉汁豐富 乳鴿都大大隻 好juicy🌟南乳吊燒雞（半隻）-香脆惹味，雞肉嫩滑，配上南乳醬一流🌟紅豆沙-唔會太甜紅豆亦唔硬，非常好吃🌟⁠南瓜西米露-把南瓜打成蓉加上西米露，甜度適中，南瓜味亦很濃烈，配搭不錯 我個人來說很喜歡

大圍站旁的老牌酒樓，主打燒鵝，乳鴿和雞粥，平日的晚上人氣也挺足的，而且小菜價錢不算很貴，味道有水準！椒鹽鮮魷（１２８元）滿滿一大碟，每一件都包裹著薄薄的脆漿，炸得外脆內爽滑多汁，味道帶點辣味，再配上喼汁，更突出鮮味和解膩金牌燒乳鴿（７８元）基本上每檯必點的一道菜式，乳鴿吃起來外脆內嫩的，有豐富的肉汁，而且醃得非常入味，不會沾調味料都好吃！沙田新強記雞粥（６０元／位）雖然只是叫了１位的份量，但也是滿滿的一大鍋！雞粥吃起來非常綿滑，每口都是濃濃的雞香，而且還放了新鮮的雞件下去，吃起來更嫩滑，不會煮到變老的雞件！

這間位於大圍老字號的舖頭無論早茶或者晚市都是非常成功，難怪咁多年屹立一定有個原因超值乳鴿套餐兩大隻紅燒乳鴿淨係見到賣相都已經流晒口水兩隻乳鴿紅燒熱騰騰紅卜卜的放上枱非常香噴噴 。 脆皮肉嫩肉汁鮮味成隻碟都係肉汁 。 而且厚肉非常。亦都唔會有肥膩嘅感覺。 兩大隻可以食過滿足。沙田新強記雞粥同樣地，全個粥有少少黃色 。一睇就知雞油十足雞味十足。 吃落去果然非虛，雞味濃郁，粥的口感綿綿的，加上啖啖雞肉，落足料落重料，美味非常，果然係舖頭的代表作之一金銀蛋莧菜同樣地，非常足料，蔬菜新鮮，可以帶來清新的感覺唔會太過油膩，配上金銀蛋蒜頭等等外觀美麗，味道又美味另外散叫 粟米龍躉石斑塊龍躉石斑塊首先經過油炸 肉質鎖緊喺入面保持鮮嫩 外面脆卜卜 。加上美味粟米汁。 調和口感不至於太熱氣。大大嚿龍躉石斑塊非常豪華，可以用這些方法做出更加巧大師傅功夫，一啖一啖的魚肉，真係好好味呀。蜜汁叉燒王一邊係瘦叉燒 一邊係肥瘦叉燒無論兩邊都非常非常好食全部都係厚切，口感滿足蜜汁甜美就算肥叉燒的部份，脂肪位置也是非常爽口，我認為這個叉燒王每次來親新強記都一定要叫就咁食，一邊飲酒，或者配上白飯，都係非常配合的，100分

新強記係大圍的歷史非常悠久，老字號大名配合酒家招牌三寶：新強記燒鵝皇、金牌燒乳鴿、沙田新強記雞粥✨我同朋友兩個人分別叫咗燒鵝皇、海鮮孖寶B餐、強記雞粥，已經食到好飽😍果然係老字號，招牌菜式真係好好食，唯一美中不足係，太飽試唔到金牌燒乳鴿🙈唯有下次再試！➖📌新強記燒鵝皇(例)例牌比想像中大份😍外皮燒得好脆，肉質厚實且肉汁豐富，每一啖都充滿鵝油香👅➖📌沙田新強記雞粥雞粥好有驚喜😍粥底綿滑且充滿雞油的香氣，雞件肉質嫩滑，酒家更用砂鍋烹煮，令雞粥更有風味👍🏻➖📌海鮮孖寶B餐📌白灼海生蝦白灼海生蝦配合辣椒豉油，帶出蝦的鮮甜味同時味道不太單調🦐📌金銀蛋時蔬金銀蛋好滑好鮮甜，配合湯汁同時蔬，令口感更豐富🥬📌送:陳醋雲耳

呢度出名嘅小菜有燒鵝，乳鴿，雞粥，所以點都一定要試一下個招牌菜。今次點咗個雞粥再加馳名嘅小炒王仲有西檸雞，見呢啲菜式都係佢餐牌上推介的。雞粥仲有大中細嘅選項，點咗個例牌，夠晒兩個人食，雞粥好足料，入邊有好多件雞，而且粥底好有雞味，因為到佢嘅雞油滲透晒落個粥底度，同埋仲配有香蔥同薑絲，令佢更加有咬口。小炒王嘅蝦乾好大隻，仲有啲土魷係一啲都唔韌，好入味，咁配有韭菜同埋脆魚仔同腰果，食落夠口感，同埋全部熱辣辣炒出嚟，建議配白飯。 西檸雞俾我想像中大碟，佢用咗橙同檸檬去整，個汁檸檬味重，咬落香脆，鍾意香口嘢嘅就好啱食，而佢嘅檸檬汁，亦都會中和咗炸嘢嘅油膩感，最後都食晒成碟！好想試埋佢個乳鴿，但係以上啲餸，兩個人都食到太飽，唯有留返下次先試。值得一讚嘅係啲菜式全部上枱都係熱辣辣，坐得舒服嘅小炒餐廳！

成日去大圍，但都未食過｛新強記｝本身對佢無咩期望，點知又真係幾好食😋值得一試！✴️沙田新強記雞粥✴️粥底綿密厚身，帶有淡淡嘅鹹味，不過雞味唔突出～雞件keep到嫩滑，不過份量唔多，得大概5-6件🙌🏻✴️豉椒炒大蜆✴️好惹味🔥大蜆真心大隻厚肉，欣賞！✴️金牌燒乳鴿✴️乳鴿熱辣辣，新鮮炸起一定好食🤤皮好薄好脆，鴿肉好juicy ，成件事唔啱好❤️‍🔥✴️椒鹽九肚魚✴️九肚魚軟腍腍，炸衣透薄鬆脆，而且真係有椒鹽味，好不錯👍🏻👍🏻

這間屹立大圍多年的新強記，有最好的下午茶孖寶。別家餐廳也會有孖寶，但未必夠它平，就算同樣咁平，也未必夠它多選擇和好味道。今天和幾個老友茶聚，叫了10款點心，即是5套孖寶，超級抵食。炸物推薦鹹水角和蘿蔔絲酥。新鮮現製，鹹水角煙韌鹹香，蘿蔔絲酥飽滿清甜。包點推薦合桃包和燒腩卷。合桃包有幼滑內餡，燒腩卷有厚切荔芋和腩肉，香噴噴。蒸物本來推薦蒸雞絲粉卷，可惜已售罄。此外，來到新強記怎可以不食雞粥呢？小鍋雞粥顏色夠深，一看就知雞和粥已融合一體，不會雞還雞，粥還粥。味道鮮甜，雞肉好吃，連薑絲也好味不辣呢。

新強記係大圍老字號酒家。好多朋友推介佢哋嘅招牌燒鵝，乳鴿，雞粥好出色，今日入嚟試試。店內很大很闊落，門面及裝修有懷舊風味。午市時段好多食物選擇，有午市特價燒味飯，點心，小炒，招牌乳鴿餐。叫咗呢個乳鴿餐，都幾吸引。雞粥先上枱，一大煲，份量好足料，粥好棉，雞肉都幾多舊，雞肉嫩滑有雞味，推介。乳鴿2隻，分切成8舊上碟。燒得幾靚。皮燒得香脆，有肉食到，唔會太瘦。整得好惹味。亦係推介。金銀蛋時蔬，即係湯煨白菜仔，拌以雲耳，調過味嘅肉碎，蛋白及皮蛋。白菜仔清清哋，健康啲。2人食嘅話，女士都足夠。下次有機會想試埋佢哋嘅燒鵝😍。

今日我哋嚟到新強記食點心😊都幾多人，要搭枱點心紙嘅選擇都幾多幾吸引蘿蔔絲酥外皮香脆，裏面有一絲絲嘅蘿蔔新強記蝦餃王足料，有兩隻彈牙嘅大蝦健康合桃包呢個點心都幾有驚喜！之前飲茶嘅時候未食過呢一款嘅點心。佢有香甜嘅味道，裏面有椰汁漿，粒粒脆口合桃在裏面，味道同口感都好好鳳爪排骨飯最愛嘅蒸飯組合，經典嘅味道，入味金針雲耳蒸雞飯感覺健康，金針雲耳嘅配合埋蒸飯幾好味，蒸雞剛剛熟，雞肉質地好滑同埋好入味叉燒腸腸粉外皮好滑，叉燒同埋芫荽嘅餡料配搭好好味，加埋豉油，正！蟹籽燒賣皇燒賣大大粒，上面嘅蟹籽都幾多，豬肉同蝦肉餡調味都幾好，好味 佢哋嘅蝦餃同埋燒賣都有兩粒嘅份量選擇，啱我哋兩個去食，可以試多啲唔同點心開心嘅早茶😊如果食晚餐，佢哋嘅沙田雞粥、乳鴿、燒鵝都好出名，晚市嘅話我哋之後都可以留意吓😊

今日去大圍行街，約埋阿媽去飲茶上網搵原來呢度有間老子豪嘅茶樓，阿媽話呢間應該開咗好耐㗎啦！門面唔難搵 一睇就睇到一個古色古香嘅裝修點心都大同小異，不過仲有啲比較懷舊嘅嘢食好似臘腸卷 咖喱蒸鮮魷，而家都唔係周圍有！仲有芝麻卷我見呢間主打燒鵝就嗌咗碟比較抵食嘅燒鵝飯， $68如圖所見好大份亦都有好多件燒鵝，有空嘅多肉位置亦都有 肉小皮多肉嫩嘅位置，阿媽鍾意選仲搭幾條新鮮冇油嘅菜心！啲飯係比較硬嘅絲苗白米鵝肉嫩滑又新鮮點埋一啲好有酸梅味嘅酸梅醬，味道一流！ $48.一份嘅鹹菜豬肚，一上枱有啲驚喜！竟然係原煲上勁大煲好抵食豬肚嘅份量好多鹹菜亦都係仲有好多枝竹㖭啊！真係大件夾抵食，豬肚亦都好厚肉彈牙又爽口大力推介 $128嗌咗半隻油雞，油雞肉非常嫩滑豉油，亦都醃得入味！食到我舔舔脷因為有午市孖寶再加$58有半隻燒乳鴿，嗌嚟試吓，亦都非常之出色！呢度嘅家禽都比我哋試勻晒🤣🤣真係不分上下，全部都好好味🙂‍↕️🥰點心方面咖喱土魷亦都好出色地厚肉，唔會一浸梳打味，而且份量非常足我比較欣賞嘅點心就係呢個叉燒腸！個粉皮做得超級好！彈牙得來又煙靭最好味嘅腸粉之一！鯪魚球超級大粒，亦都非常彈牙，撈嘅材料亦都好平均

每次黎到大圍都會經過呢間酒樓，因為佢真係好近地鐵站，G出口一出就會見到，所以今日決定同屋企人入嚟試試佢。入到黎已經覺得好有懷舊氣息，見好多街坊都會幫襯，果然係老牌地道酒家。我地2點黎到啱啱好就係下午茶嘅時間，下午茶真係好抵食，$38.8就有兩籠點心，我地分別叫咗奶黃包、虎皮煎尖椒、金珠鹹水角同埋豉汁蒸鳳爪，每一份都各有特色。個人最推薦就係虎皮尖椒同鹹水角，虎皮尖椒大大件，咬落真係啖啖肉，唔會好油，加埋豉油真係一流！而鹹水角金黃香脆，炸得啱啱好，黎到香港真係一定要食！加$58仲有一隻燒乳鴿，我哋梗係唔放過呢個優惠，即刻加咗1隻試吓，乳鴿燒得啱啱好，皮香肉嫩，仲有小小脆，果然係招牌之一！而點心方面，我哋就叫咗香港必食嘅蝦餃燒賣，可以揀2件同4件，因為想試唔同野，我哋就揀咗2件。蝦餃飽滿，而且蝦肉鮮甜，絕對冇偷工減料，燒賣亦都好足料，唔會好似其他咁用肥豬肉包。蜜汁叉燒腸（$34）：一件有6件，咬落淡淡肉，皮薄足料，推薦！個人認為呢間酒樓絕對可以再戰！