沛公甜品 (已結業)

第一次食沛公是在荃灣, 當時都頗出名的. 但試了千層蛋糕實在是很失望, 滿口都是cream. 昨晚食完晚餐後路過沛公, 原來已開了分店在尖沙咀, 看見有榴槤沙冰, 我這個榴槤迷又怎可能放過它呢. 待應服務很好很體貼, 大約等了5分鐘終於等到杯沙冰了. 沙冰上有些一粒粒的東西初時以為是榴槤肉..但原來是類似榴槤啫喱的東西. 整杯沙冰只是有少許少許榴槤肉, 不夠甜不夠香榴槤更加是久奉. 主要原因是料不足, 一杯榴槤沙冰其實要做得好只要榴槤足料便可. 其實沒有心做好甜品就不用做, 這樣只會令食客失望. 我想我會遠離沛公了~~

提早一天與爸爸吃父親節晚飯當晚約9時入座 時間尚早所以無需等位 店舖環境感覺一般 原因是整體色調為青色 一來此色不能提起食慾 二來拍出來的照片不美重量級芒果班戟 ($33)雖然是重量級 但看起來size不大芒果比例偏多 吃得到的粒粒芒果肉cream份量適中 班戟皮極薄 基本上是吃不出每層中間有班戟的吃起來毫不覺膩 並沒有一般cream=膩的感覺 而且是細滑的 所以整體來說感覺十分輕盈 飯後吃也是可接受然而我個人不太喜歡此班戟皮 我寧願它最外那層厚身一點 會更有口感青檸芝士班戟($26)由於上面那件感覺輕盈 所以決定再叫另一件此款heavy得多! 此款該在tea time時吃吧吃得出濃郁的芝士味 每層中間是芝士 所以口感亦較實吃過幾口已經覺膩 而且太creamy 有點像吃牛油的感覺我倆原以為會有清新的青檸味 但發現一點青檸都沒有!問店員後才知道所謂青檸 只是用來「吊出芝士味」不知是店方misleading 或是我們理解有問題呢?附上青色的小鐘

同田會長一齊去試新野,行過見到喱間甜品都唔錯,於是就去試下了,因為人多要等,等梗時順便睇下d甜品,睇落幾吸引wo,入面以青綠色同白色為主,感覺上太青了,對眼有點唔舒服,叫左雲中落日(芒果餡),即係芒果腸粉($26),同曲奇千層班戟($20)~!芒果腸粉,個賣相一般,味道亦好普通,個皮整太厚,芒果切得細粒食落有點散,加上又酸酸地之下,麻麻地~!曲奇千層班戟,最想試佢既千層呀,可惜冇晒日本青梅個味,只好試喱個,個賣相唔錯,睇落好似係幾巧功夫整既甜品,不過食落就一般,好甜同比較漏~!綜合來講一般,不過喱次試唔到最想試既榴槤同日本青梅千層,so有機會再多次呀~!

食完晚飯和老婆行下街, 老婆話有間甜品舖好似好好味, 咪試下啦! 門口有位姐姐仔給我地試食千層芒果班戟, 試下又唔係好甜, o岩晒我地兩個, 咁入去試下佢地的芒果千層班戟! 好好味, 好多芒果又唔係太甜, 另外叫多個蜜瓜沙冰解下渴呢! 這個沙冰都好正, 最緊要係夠味和夠凍!

之前行街經過見到有好多芒果甜品,作為芒果的愛好者,一定要試下。今天在附近吃完晚飯,特意過來買甜品回來跟同樣愛好芒果的媽媽分享。一早諗定要一件心花怒放同芒果千層蛋糕。不過我見有勁量版,當然要勁d啦。不過賣餅哥哥話今天正在做優惠,+$15有芒果千層蛋糕。我其實第一次試,都唔知有咩分別。哥哥就話勁量版口感好d,有多一倍的芒果肉,聽完之後,毫不猶豫揀左勁量版。由於晚飯吃得太飽,而且回家已晚,甜品沒有即晚食,雪左一晚先品嘗。心花怒放($33)賣相一流,以芒果砌成的玫瑰花已經引起食慾。玫瑰花下面係pancake包住芒果布甸,不過我就覺得布甸味道麻麻,有d似酒樓沖粉整個d布甸的味,而且布甸亦無芒果肉,好在玫瑰花唔酸,有好肉,幫補一下。勁量版芒果千層蛋糕($33)超好味~~真係勁多芒果肉,啖啖都有。可能芒果肉多,所以cream的份量也剛好,很好味的甜品。

吃完拉麵感覺總像是欠點甚麼,行到這裡門囗友人提議不如吃點甜品吧！入到來坐下侍應大力推薦了這兩款甜品。沛公拼盤----紅豆腸粉椰汁做的外皮味道甚淡質感硬實,內裡的紅豆雖味濃但也是雪得極硬!胚芽好立克布甸----味道古怪質感嚡嚡的是像一件以前涼茶舖做得非常削的糕點多過似布甸.朱古力千層----濕的班戟皮朱古力味若有若無,吃起來韌韌的全無蛋香.對內裡口感偏軟的開心果全無興趣。名字好像是沛嫂拼盤吧！除了兩粒酸的士多啤梨外其它也是罐頭貨,這件千層囗味不同但質感和以上的一樣.結果和友人每款試一口便被秒殺！急急放下銀両奪門而逃.

食過McLovin's唔想咁早返屋企點飽都要食埋個甜品先滿足朋友話想去沛公點知去到撞啱9點幾係宵夜時間就勁多人喺門口熱住等左起埋30分鐘白裡透紅$22即係用椰漿攪嘅皮包住紅豆餡紅豆蓉太多食落去好膩同埋本身麻麻地鍾意食紅豆覺得唔鍾意心花怒放$33係沛公嘅signature dessert班戟包住嘅係芒果布甸上枱嘅時候個賣相令我唔想銡落去破壞個芒果花天氣熱食呢個涼涼地嘅甜品真係心花怒放芒果千層班戟$26每一層都充滿好多cream唔太甜不過呢每層cream太厚搞到cream嘅份量多左d好膩雛菊清酒燉雪梨好香嘅清酒同菊花味好清新糖水好潤每一啖雪梨都充滿住菊花香一d都唔令我失望嘅熱食糖水芒果椰汁黑糯米$26我唔鍾意食椰汁同黑糯米所以冇意見木瓜紫霞仙子$20 / 芒果紫霞仙子$24即係利賓維+泰國黑珍珠及西米嘅糖水底冇咩特別環境非常狹窄坐得唔舒服相比起對面嗰間五X同X坐得舒服d有人請唔駛錢多謝晒^3^

被這件沛公新品「心花怒放」吸引了雙眼目光少量的cream讓芒果花平穩站在pancake上芒果花好甜pancake皮包著的餡原來是芒果布甸吃時冰冰涼涼，有不同的層次的感覺其實真係唔捨得食望見心花怒放吃後心滿意足如在夢中聽著悠揚音樂輕輕地隨風飄P.S. 尖沙咀店光鮮乾淨企理，店員殷勤服務，幾舒服感覺

約友人去尖沙咀上樓食中式私房菜，之後覺得唔盡歡，於是周圍行行找糖水舖，見到沛公甜品便入去試試。 甜品款式唔算多，試咗佢主打嘅甜品。 裝修簡單，位同位之間比較迫，坐得唔太舒服。 味道相當不錯，用料足，不錯!心花怒放，芒果片整成一朵靚靚玫瑰花，下面係班戟包住芒果布甸，幾特別又好味，夠大路!沛公拼盤，用好立克做成嘅木槺布甸，唔太甜，ok! 紅豆腸粉，幾特別，還有朱古力千層蛋糕，有開心果粒粒有咬口，但朱古力味唔夠!勁量牌芒果千層班戟，芒果肉頗多，由於太多忌廉，所以好“漏”!

食完正餐生日飯，遊蕩了一會後自然是找甜品店做下場，雖則人不是物無四個胃，但我相信一個胃都可以分四格的，其中一格當然是放甜品，甜魔永遠都認同甜品是放在另一個胃的。這間甜品店以前有聽過其名，但位置不方便我，當然不會專程去試，現在尖沙咀開了分店，正好就在生日飯局那附近，因利乘便就走進去了。入去的感覺不算太好，雖然綠色的格調很舒服，但有一股異味持續著，希望只是個別情況。看店裡的報章知道這店榴槤甜品很有名，但暫停了榴槤類的供應，嘛我不好榴槤沒差喇。之後在餐牌看到千層班戟這個相當吸引的項目，在搜挖一輪後沒發現更吸引的東西，就選了青檸芝士千層班戟了。當班戟送上時就知道沒選錯了，這種一層戟皮一層cream的甜品，你說難做雖說不上，但功夫加上心機再加時間絕對令懶人卻步，以這個價錢還有相當的份量真的很超值。平時吃千層糕喜歡打橫一層層的吃，但這個則要由上而下切下去放入口。戟皮和cream連續的口感交錯很有趣，一下是有蛋味，然後就變了青檸的清新，中間夾雜芝士鹹香，實在不錯。不過吃了一半開始感覺不到青檸的味道，應是青檸汁下得不夠吧，個人認為青檸可多下，芝士減一點會更好吃，再者份量不少的關係芝士味太重感覺有點膩。

琴日同一班朋友re-u食完野 行下行下就行左去呢間甜品鋪由於呢間同對面o個間都好多人排隊咁我地就2邊都等下吹下水影下相等左大約20分鐘就入得一入去就有個幾靚女既侍應姐姐(妹妹)充滿笑容咁歡迎我地個心真係未食先甜之後叫我就叫左個石板街千層班戟我d fd就叫左榴槤同埋紅豆千層班戟落單時候我都讚左下個侍應姐姐(妹妹)既笑容滿分由於我試過哂我同我d fd既千層班戟我個人覺得榴槤千層班戟味道最好 非常濃厚既榴槤味, 其次就係紅豆千層班戟石板街既味道對我黎講太淡, 下次可能要叫朱古力價錢就非常尖嘴價, 而且食完都唔係幾敢坐太耐 因為好多人係出面等緊位如果有機會再去尖嘴re-u 都可能會去番呢間食既不過好大部分既理由係個侍應姐姐(妹妹)滿分既笑容囉orz

之前每次經過都人山人海, 今次經過居然有位, 盲梗係要試下啦!3姊妹食得太飽, 所以決定3個人share 2件蛋糕 --- 千層特濃朱古力 + 千層栗子總括而言, 特濃朱古力唔濃, 栗子亦都唔太栗子...初出茅廬嘅時候好喜歡金龍船的千層芒果蛋糕, 本來以為可以尋回少少相關感覺, 可惜...

第一次去食係一星期前，果次係堂食，個高大男服務員幾好禮貌。芒果千層班戟 $26，好好食，質感又夠好，可以翻食。薑汁蜂蜜奶凍(類似呢個名)，就普通，唔值得試。今次去買外賣，就試勁量版芒果千層班戟$33，不過唔知乜野事，我又有講唔該又唔係來白撞，個女店員對我黑口黑面，態度勁奇怪，明明一個客都冇，有D好似我買外賣阻住佢咁，又唔見佢有乜野做緊，可能我樣衰啦？突然對呢間野印象差左好多，之前剛剛去完澳洲，大部份人對人都好有禮貌好好笑容又識尊重每一個人，成日都唔明點解香港人係咁，可能壓力太大啦？有D趕客tim，下次看心情再決定來不來買甜品，或者試下去荃灣果間。另外，我覺得勁量版芒果千層班戟不值得貴$8，食普通版的已經夠好食。

第一次食~之前以為得荃灣有.. 原來尖吵咀都有分店! 下午2點幾, 店入面冇其他客~~今次試左榛子千層pancake同埋粟子味千層pancake~粟子既好有粟子味~ 榛子o個個味好強勁~ 下次會再試其他味~

Yesterday, we celebrated a friend's birthday and ended up dinner with this gorgeous cake.Look at them roses! They aren't perfect, the cream and layering of the cake looks a bit sloppy and some mango slices were a bit..wilted? But we think that they still look pretty damn amazing! We walked right pass the dessert store, and immediately abandoned any other cake ideas that we had and went for it. We just hoped it tastes good.\And it did taste good. The layered crepes were so thin, it was so easy to