沛公甜品 (已結業)

今次係cwb 行街路過呢間沛公甜品好似幾多人, 又見到出面有禁多榴槤product~所以就決定一試 (筆者係榴槤控!)裝潢好新淨, 座位亦好寬闊餐牌有好多款拼盤同榴槤product, 貓山皇甜品都可以佔左成版! 真係specialised仲有好多款千層pancake, 可惜筆者實在太飽了, 叫唔到個千層pancake食先黎個榴槤朱古力, 88蚊好大杯, 岩哂同朋友share本身諗住都係好流質普通飲料, 點知飲禁多超濃稠, 好像飲緊淡淡榴槤肉咁建議食到好飽既朋友仔可以點其他light d 既product朱古力粉幾特別, 同一般餐廳有少少唔同, 呢個奶味比較重榴槤味爆哂燈, 雖然入面冇榴槤肉, 但因為好"杰"既關係, 飲落都好有口感杯上面仲有幾粒榴槤布甸仔點綴下~ 另外點左呢個有料腸粉 - 雲中落日簡單d講就芒果腸粉, 腸粉皮太厚, 同埋質感太硬好多芒果肉, 幾新鮮, 另外佢加左少少cream 入去令到個腸粉更有層次感唔會話芒果歸芒果, 腸粉還腸粉咁~

Vi 一向好中意食榴槤, 今日同朋友o係銅鑼灣食完飯意猶未盡, 就黎沛公食個甜品, 沛公出名食榴槤, 好耐之前黎過, 主要係食千層蛋糕, 今次再黎, 見到多左勁多款榴槤甜品, 仲有熟食, 睇到眼花撩亂~Vi同朋友最後點左"榴盤" 姐係有3款甜品既拼盤, 分別係榴槤焦糖燉蛋, 榴槤千層同榴槤糯米糍, $198其實幾貴下, 但係呢度用左D24榴槤做甜品, 都可以話係一分$一分貨既~榴盤分量都幾大, 本身以為做左拼盤, 每樣野既份量會細d,點知都係regular size, 咁比單叫抵食好多~先係榴槤焦糖燉蛋, 焦糖燉蛋亦係Vi好中意既甜品, 今次呢個榴槤焦糖燉蛋就係combine左Vi最中意食既2樣野,燉蛋質地幾滑, 表面焦糖好脆身, 一食入口有好香濃既榴槤味, 入面真係有好多榴槤肉!!好味道, 中意食榴槤既實中意, 係真材實料既榴槤焦糖燉蛋之後係呢度既主打榴槤千層, 千層皮好薄身, 入口軟滑, 中間亦有夾住唔小榴槤, 但略嫌太多cream,食多幾啖會好漏, 同埋榴槤份量無焦糖燉蛋咁多, 但依然係唔錯既~最後呢個榴槤糯米糍Vi就覺得麻麻, 因為皮好粉好林, 不過入面就有好多榴槤肉, 朋友就

Located in Causeway Bay, Dessert Playground offers a wide range of desserts especially those with durians. This restaurant is very eye-catching because of the very greenish decoration  The tables and chairs are green and there are a lot of pictures hung on the wall We are led to sit in a corner. The staff are well mannered and nice, they recommend to us the famous desserts in this restaurant  There are also desserts that are not made with durians. I ordered a set called "Sir's platter"- Horli

位於銅鑼灣的沛公甜品，愛吃榴槤的朋友一定要去試試！地方都幾大，餐廳以綠色為主，坐得舒適！沛公的榴槤甜品多不聲數，千層班戟最為岀名！但除了榴蓮，其實也有不小味道和種類的甜品榴槤甜品非普通貨色，而是D24貓山王，榴蓮愛好者應該一試。榴盤 $198此甜品：榴槤法式燉蛋，榴槤千層班戟，榴槤糯米糍三款選用貓山皇榴槤，質素都不錯，很濃郁的榴蓮味！榴槤法式燉蛋3種中最好食的一種，燉蛋嫩滑，上面的焦糖燒得夠脆，香脆薄身！榴槤糯米糍內有啖啖榴槤蓉！榴槤極多，可惜皮有小小過厚身，是較為飽肚的甜品！榴槤千層班戟也有啖啖的榴蓮絲，配上軟滑的忌廉，非常合適！千層班戟皮薄，難怪是最多人買的甜品！

我媽媽身爲榴蓮控，今天她生日，一早決定要帶她來！沛公，一間榴槤甜品岀名的餐廳，很多地方都有分店，知名道幾高的！店內的裝修有輕鬆談天説地的氣氛，以綠色為主調，此是他的招牌色。最平的布丁，千層班戟蛋糕，價錢由$10 起，超值！由於我不愛榴蓮，選了非榴蓮的甜品套餐！78蚊有3種甜品，非常底食，適合有選擇困難的我！芒果千層班戟班戟皮薄有小蛋香，夾著一層一層的軟忌廉，十分漂亮！芒果千層班㦸有許多層，雪得夠凍，食落口中不會太甜太膩。忌廉加上芒果，口感層次更豐富，三種中最愛的甜品！白裡透紅名字好可愛，其實係椰汁加紅豆腸粉。紅豆一粒粒很足料。好立克布丁好立克愛好者的我覺得不太甜，不會像茶餐廳飮好立克，沒有死甜的感覺，更適合怕甜的人士。上面有胚芽增加口感，很好！沛公其實還有很多味道選擇，非榴蓮愛好者也可一試！士多啤梨，藍梅，朱古力的甜品都有哦！

這沛公分店開張冇耐。店內光猛清潔，店員主動又有禮！點了榴槤咖啡。對！是活生生的榴槤肉游在齋啡中。下圖是已被攪後嘅樣。很強的榴槤味，榴槤肉很滑，冇太多的糖。咖啡味敗給榴槤味。 還有紅荳沙($28)，本以為平平無奇所以冇影相。食落幾好味。少少甜，有陳皮香味，而且有不少百合和次實。正氣之選

要數多種榴槤甜品，表表者一定係沛公。榴邦$128榴槤甘露，糯米糍，榴槤心中，因曲奇沒有就轉了榴槤腸粉。腸皮加椰汁所以雪白如奶，加榴槤肉打cream比例高,皮做得夠滑身。個西米露在於香同食能就差一截，因做成了jelly,對想食到又濃又綿的榴槤肉，感覺遜色一點。而個糯米滋好多係包住勁多榴槤蓉，一咬成口陣味就湧出啦，大大粒餡又多。沛公絕對係愛食榴槤架人的潮聖地, 一客2個人分，又可以一次話試多幾種出名东3甜品。 

眼闊肚窄@沛公甜品 Dessert Playground銅鑼灣耀華街25號丹納中心2號地舖吃完韓燒有點熱氣, 友人建議再吃甜品糖水才回家,時間尚早就行到TIMES SQUARE後面的沛公甜品，也方便食完可以乘車回家。什麼? 想吃傳統的中式湯水當然有啦, 石斛燉雪梨$58, 原個雪梨可以滋潤下，唔會太甜仲有雪梨自身點酸味，飲完喉痛聲沙都改善。加上雪耳同杏仁同紅棗，冬天養生暖身。一件LADY M 要$75, 香港的千層蛋糕始祖只是賣數十元 , 同樣由薄如蟬翼的CREPT搽上CREAM,夾上綿綿的果肉令人一試傾心。大大件紅豆千層28元，連cream都打了紅豆係入面，每口都散出淡淡紅豆香。因銅鑼灣食糖水甜品的地方不多, 過了9時門口就迫滿人等位,旺上來要排半小時以上

數年前曾吃過沛公的千層班戟，不過味道普通，就沒有想過再光顧. 不過這次沛公來到屯門V City擺booth，而且一件抹茶紅豆班戟也只售$10，故打算買來一吃，試試經過數年，甜品有否進步!商場職員安排我們於旁邊排隊等候12:00 正式開售，不過沛公甜品的職員居然讓其他客人於他的店前另排一行，令到乖乖於旁邊輪候的客人全被插隊了. 不知道是大家慣了被人插隊而不出聲還是甚麼原因，居然沒人反映這安排失當的問題. 至於慣了遇到不公平的事都一定要出聲的我，當然要向該攤位的員工反映，不過沛公的男負責人只推說他都沒辦法阻止插隊的問題，還聲大大的向我說，你一定可以買到蛋糕的!!! (其實我想說，現在並非買到蛋糕與否的問題，是有人插隊你沒阻止，還任由客人再於店前另排一行，其實只要他出一句聲，叫想買蛋糕的客人，排大會安排的隊伍，已能解決問題.)最後，我受了負責人送給我一肚子的氣，以及一件抹茶紅豆千層蛋糕回家. 如果你問我好不好吃，我會說，$10 一件是食得過，不過原價廿多元的話，你不妨到各大連鎖蛋糕店買蛋糕吃，至少，你不會遇到錯了仍然聲大大待客的店員!!!

是日氣溫只有單位數，晚飯後想吸取多一點暖氣，中式糖水實屬不二之選。本想去聰嫂碰碰運氣，但她的人氣多年來實在有增冇減…… 天寒地凍，唯有轉移陣地至附近的「沛公甜品」。它的榴槤甜品最為著名，但今次試試其他，點了「老薑湯滑豆腐 $32」和「紅棗桂圓燉雪耳 $52」。豆腐一看就知道是福記，而老薑湯亦沒有特別，挺失望的。紅棗水能補氣血，配以有平民燕窩之稱的雪耳，是我這老少女的恩物。材料豐富，味道清甜，滋補好喝。只是雪耳質感偏腍，個人喜歡爽身的。

一想起榴槤甜品，就會想起沛公甜品，店舖有賣很多榴槤製成的蛋糕、飲品。榴槤更不是普通貨色，全是D24、貓山王。店舖用的全是綠色枱櫈，綠綠無窮，與招牌貫徹一色。貓山王榴槤沙冰將貓山王榴槤打造成沙冰，沒有因為沙冰而退減了榴槤的味道，就是基於榴槤果肉多於沙冰的關係，舌頭已經沈溺於香濃甜美的榴槤韻味之中。榴白甫放下榴白，芳香撲鼻的榴槤清香隨之而來。一邊是馬來西亞貓山王榴槤蓉，另一邊是燉鮮奶蛋白，首先吃一啖榴槤蓉，榴槤滋味在口中俳徊遊蕩。再吃一啖燉鮮奶蛋白，奶滑蛋白充滿奶香。拌勻吃蛋白可彌補到榴槤的粗糙口感，大增了層次感。香港甚少以榴槤為主題的甜品店，當然沛公也不會獨沽一味只做榴槤甜點，但大部分有關榴槤的甜品也可在這裡找到。有時找不到味道相投的人，家人朋友都抗拒的話，這裡可能會找到你想要的幸福空間。

今晚的宵夜是沛公的貓山王花式榴冰，貓山王榴槤雪榚口感綿綿，貓山王獨有味道涼爽之外夾有香甜，果然係榴槤界之王。另外以手指餅伴榴槤雪榚，可以用手指餅沾點雪榚一齊食，口感又不錯。呢度以貓山王做的甜品款式非常之多，所以呢...可能要經常來才能一 一品嚐。哈哈!!

一向知道沛公的榴槤「臭」名遠播，是晚突然榴槤癮起，就拉同幾名愛榴槤的友人到耀華街的沛公甜品大過口癮！沛公有一樣過人的優勝之處，就是他們那榴槤的老字號，說起榴槤啊千層蛋糕啊一定想到他們。香港甜品店雖愈開愈多，但一間極具特色的卻極難遇上，所以沛公屹立不倒自然有其原因。 這間分店開在銅鑼灣時代廣場後面，逛街走累了，電影完場了，晚飯吃過了，就連口癮突襲都可以來，非常方便。沛公甜品的裝潢以綠色為主打，令人聯想到的就是一埋新鮮的生果。店內燈火光明，白色光管打出明亮感，同時令人感覺舒服放鬆。甫坐下店員即親切招待，沒有日本餐廳的恭敬感，反而多了一種本土的人情味。「阿姐」一面忙碌地做，一面問我們要吃點什麼，又同時介紹著店內的特色甜品，阿姐很忙，但阿姐很棒。 桌上黑底配白/綠字的餐牌，清楚寫上「貓山革命」四隻字，感覺這場榴槤之爭開火在即，特別在這間玩食字的餐廳有一份獨有的傲氣。 「榴白」就是一個好例子，榴槤鮮奶燉蛋白（$128），成了「榴邦」中英勇的愛將。 榴槤熱氣，配上鮮奶燉蛋白卻有一種獨特的中和感。感覺有點滋潤，同時滿足了口癮。底層的鮮奶蛋白柔滑溜口，入口就如直流喉嚨

這晚在銅鑼灣吃完晚飯之後，大家仍有點意猶未盡，於是在附近找來—間甜品店吃甜品。沛公甜品位於耀華街，就在時代廣場附近，地點位置甚為方便。餐牌上有一頁「榴邦」，整整—頁都是各式各樣的榴槤甜品，選擇多得叫人眼花繚亂，適合喜歡榴槤的朋友。榴槤黑糯米 $98黑糯米口感煙韌而富嚼勁，配合香滑軟腍且味道香濃的大啖榴槤肉同吃，既飽肚，又美味。花式榴冰 $98榴槤雪糕味道濃郁，入口香甜滑溜，配上香脆手指餅同吃，軟與硬的強烈口感對比，令人印象難忘！

冬天通常會去熱食甜品，不過對於我這個從不戒口的女仔來說，什麼時候都可以吃冰凍的甜品。這天來到銅鑼灣，一於和同樣愛吃榴槤的好友一起去沛公吃榴槤甜品。一早就知道沛公出名千層班戟，以前都吃過覺得不俗，近年她在味道和種類上增加了不少變化，特別是加入了我們這班榴槤愛好者的至愛——貓山王榴槤。 甫到門口就見到很多外賣的甜品，有千層班戟、布丁、千層班戟蛋糕等，價錢由$20至$100不等，多買更有得平。 一段時間沒有來沛公，感覺上她已經升格為榴槤甜品專門店，除了店內大大個招牌寫住「貓山王專門店」之外，連店內的桌椅，都換為榴槤的青綠色，就好似在榴槤屋裡享用甜品一樣，榴槤粉絲當然喜歡。 乍看餐牌，才知道原來有很多款式，不只招牌的千層班戟有很多口味，還有熱食糖水供應。而我這次專程拜訪她的榴槤甜品，同樣有很多款式，例如榴槤脆、榴槤雪條、榴槤鮮奶燉蛋白，連飲品都有榴槤奶昔、榴槤沙冰、榴槤咖啡等多款，簡直叫我大開眼介。 第一次來吃，小試牛刀點住兩款甜品先。首當其充當然是貓山王榴槤千層班戟（$88），每一層忌廉都被一片薄薄的班戟分隔著，小匙羹輕輕一切就是一大口，清楚見到每一層。吃一口，感覺是在吃一