法國小屋

營業中

休息中

今日去開元朗搵食，去左呢間地點比較遍既餐廳，估唔環境雖然唔大但係意想不到。 門面裝修偏向外國風情，餐廳雖然唔大但係食物十分意想不到。 瑞士雞翼雞翼十分入味，上菜時仲係熱，雞肉質地嫩。 牛油蒜蓉番茜煙肉意粉呢個意粉賣相好靚，睇到十分足料，醬汁好夠，番茜味好突出配埋香牛油味，真係好好食。 明太子蟹肉意粉呢個意粉睇落都好少女心，粉肉色既明太子汁加左d櫻花蝦 ，仲有木魚絲，成個意粉都好靚，食落去啖啖明太子汁，入面帶有蟹肉，份量都好多，意粉軟硬度適中，好好味，呢個都係必食。 玉桂蘋果窩夫新鮮製造既窩夫好鬆脆，唔會好似食一舊粉既感覺，做得十分好食，配左玉桂蘋果，有清新既感覺，加左粉少焦糖醬十分多層次。 法國皇帝批呢個批係人生中第一次食，賣相好高級專業，食落去好溫暖，表面酥皮薄脆，入面鬆軟溫暖，帶有粒粒杏仁，杏仁味突出，真係意想不到，第一次食呢款甜品。 自家制朱古力朱古力飲落去質地好濃厚，朱古力味香，非一般沖出黎既朱古力，十分飲。 千層焗薯薯片軟度好好，好香薯味亦帶點牛油香，表層酥脆，食落2層口感，食完都想繼續。入元朗一定要試，足料夠味份量足。食物質素意想不到。

聽朋友介紹元朗有間出色嘅小店，就帶埋女朋友一齊嚟撐枱腳餐廳嘅環境唔算大，好彩早少少到，好快就坐滿了，建議留定位穩陣聽朋友講呢到嘅杏仁批同意粉都好有風味，一於試下佢。自家製朱古力 （熱）$38朱古力味好香濃，面層嘅泡泡質感好smooth，整體口感都好幼滑，同埋唔會太甜，天氣凍一流。千層芝士薯片 $48由好多層嘅薯仔切片加埋芝士同煙肉一齊去焗，薯片口感外脆內軟，芝士熔化埋一齊，帶啲creamy texture，煙肉嘅咸香亦都令到成個味道更有層次感，非常推薦！秘製瑞士雞翼 $38雞翼非常入味，肉質保留到肉汁唔會鞋口，而且唔肥，色澤都好靚，好食。好多層嘅薯仔片加埋香噴噴嘅芝士真係好正！明太子蟹肉意粉 $88滿滿嘅櫻花蝦，再鋪上不斷扭動嘅木魚絲，大量嘅粉紅色明太子醬，剩係賣相已經好吸引！ 一夾起已經聞到好香嘅明太子味，醬好多唔洗就住食，味道剛剛好，每一啖都有鱈魚子脆卜卜嘅口感加彈牙意粉好正！牛油蒜蓉蕃茜煙肉意粉 $78香濃嘅蕃茜香草味，加埋牛油香氣，令人回想起置身係外國田園嘅感覺。鐘意食香草嘅一定唔可以錯過！份量真係好多，好滿足！玉桂蘋果窩夫 $56窩夫嘅口感鬆軟，蘋果烤焗過碗埋玉桂亦都係經典

放假就需要脱離吓平日嘅生活環境鋪頭因為唔係對住繁忙馬路入到去個人感覺節奏都變得慢落嚟🎵臨近晚餐時間就決定提早食dinner第一眼就睇中咗明太子蟹肉意粉❤️一上枱就見到上面木魚隨住熱力不斷郁動未講味道單憑夠熱哩樣就要加分👍而味道方面好有驚喜夠Creamy亦有唔少蟹肉下次再嚟絕對係encore之選😙第二個pasta本身叫辣肉腸鮮蕃茄長尖通粉不過當日改咗做芝士鮮茄肉醬長尖通粉蕃茄係用新鮮而唔係用茄膏因為真係食得出果種酸味😂唔係平時食到嘅肉醬味飲品就揀咗荔枝梳打同凍水蜜桃茶唔係果啲人工合成嘅香味飲品每杯啲材料都係真材實料有荔枝或水蜜桃喺入面甜品就叫咗法國皇帝批，即酥皮杏仁批🥧強烈建議食到一半主食先嗌佢新鮮出爐真係好好食😋表皮酥脆，內部鬆軟杏仁片經過烤焗都好似薯片咁脆利申我係唔飲杏仁霜嘅人雖然食個批嘅時候都會有啲杏仁霜嘅味道但係我今次係完全接受到仲要覺得好好食😋哩個又係一款下次encore item

元朗美食實在好多，今日食完正餐之後，見到呢間法國小屋，主打各款法國地道美食，就即刻去買番幾份甜品，返屋企慢慢嘆。餐牌有各款意粉、咸窩夫、批、小食、甜品、飲品，仲有廚師精選套餐，好多選擇。招牌咸牛油焦糖窩夫：一格格既窩夫，質感鬆軟，裝滿焦糖和朱古力醬，仲有味道特別既咸牛油，多種口感在口腔內互相交融，令我一試愛上。半份即焗蘋果批：蘋果批底厚度適中，上面鋪左一片片蘋果和果仁，賣相吸引，咬下去蘋果帶微酸而香甜既味道，酥皮做得好出色。法國皇帝批(酥皮杏仁批)：果仁香口，焦糖醬甜美，整個批既酥皮很鬆脆，每一啖都非常可口，令我十分滿意。招牌煙肉千層芝士薯片：一層一層既薯仔，夾住中間既煙肉和芝士，口感實在太豐富。總結，食物質素好高，配搭得宜，難怪經常人流不絕，值得支持既小店。

久違嘅聚會，一定要搵個舒適嘅地方慢慢食嘢🥂，今次揀咗元朗嘅法國小屋。餐廳藏喺巷仔度，有啲歐風小店嘅風情，裝修簡約又有格調，彷彿行入巴黎嘅一角。揀咗廚師特選套餐，由頭盤到甜品都好有心思。法國龍蝦湯 & 田園沙律：龍蝦湯濃郁順滑，充滿海鮮鮮味，配上香脆麵包更加滿足。田園沙律清新怡人，醬汁剛剛好平衡，唔會太酸或太甜。明大子蟹肉意粉 & 西梅汁西班牙黑豚肉飯：蟹肉意粉鮮美，醬汁濃郁唔膩，每一口都飽覺海鮮鮮味。意粉軟硬啱啱好，吸收醬汁後更加美味。西班牙黑豚肉飯帶來另一種層次，黑豚肉嫩滑多汁。招牌咸牛油焦糖窩夫 & 蘋果批：焦糖窩夫外脆內鬆，焦糖甜味同咸牛油香味完美結合，讓人難以忘懷。蘋果批為經典之作，蘋果餡香甜唔膩，配合牛油酥皮香氣，為美餐畫上完美句號。法國小屋係一間適合細味嘅歐陸小館，餐點水準高，係一個適合聚會、閑談嘅理想場所下次想悠閒享受法式風味，呢度絕對係一個唔錯㗎揀選！

多年無見的朋友相聚，選了一間隱藏在元朗小巷的法國小屋，環境優雅寧靜，佈置簡潔帶點法式風情，特別適合細談近況、慢慢享受美食。餐廳的氣氛令人放鬆，座位寬敞，不會有壓迫感，無論是朋友聚會還是小型慶祝，都非常適合。這次我們選了廚師精選套餐，先來兩款前菜：法國龍蝦湯：濃郁的海鮮味道非常突出，入口滑順，還帶點胡椒香，絕對是暖胃之選。田園沙律：用上新鮮爽脆的蔬菜，搭配輕盈甜甜沙律醬，簡單但非常開胃。主菜方面，我選了明大子蟹肉意粉（$168）：意粉口感剛剛好，吸滿蟹肉的鮮甜，帶點明太子的鹹香，每一口都充滿層次，整體味道濃郁但不膩。朋友選了西梅汁西班牙黑豚肉飯（$268）：黑豚扒肉煎得很香肉質嫩滑，帶點油香，配合酸甜平衡的西梅濃汁，提升了整體的味覺體驗，配飯非常惹味。配菜有番茄和椰菜花。最後的甜品部分，我們點了招牌咸牛油焦糖窩夫（半份）和蘋果批：咸牛油焦糖窩夫：外脆內軟，焦糖的微甜與咸牛油的鹹香互相襯托，這個絕對是我食過數一數二高質的窩夫，非常適合香港人口味，做得酥脆口感非常輕盈，完全沒有甜膩，口感豐富！蘋果批：蘋果餡帶點微酸，與鹹香酥脆批皮成絕配，必食甜品！整體來說，這頓飯非常滿足，無論是環境還是食物

今日同朋友嚟元朗覓食，佢話呢間法國小屋好多人介紹，我地都嚟湊下熱鬧。呢到主打甜品，但都有意粉同鹹（甜）品，lunch set等。我地先叫左個招牌千層芝士薯片伴沙律一齊食。熱辣辣焗起，片片薯片加上拉練效果嘅芝士，好夾又邪惡，好味道，搭配清新沙律可以平衡下。午餐另有跟配飲品。之後就食甜品，揀左呢到大熱嘅窩夫同蘋果批。招牌窩夫如果有點選午餐，可以優惠價$28追加半份招牌窩夫。窩夫烤得非常香脆，食落又有蛋香，口感又好，外脆內鬆。好味到我地再追加窩夫🤣香蕉朱古力窩夫賣相好吸引，同樣鬆脆香口，朱古力醬配搭香蕉甜得嚟唔會覺得膩！真係好味道！蘋果批因為呢個見網民話好食，但真係已經幾飽，所以點左半份，真係非常推介!!一片片蘋果片鋪係表面，仲有焦糖醬，重點係個批底好好食，比起坊間好多甜品店出色好多，而且呢款蘋果批我覺得更加好味，批底唔會太厚，酥脆可口。佢聖誕期間都有推出左唔少菜式，可以試下。

1️⃣芝士鮮茄肉醬意粉一嚟到已經聞到香噴噴嘅芝士味同埋迷迭香 Rosemary 香味. 肉醬同芝士十分多, 好足料, 蕃茄鮮甜, 迷迭香 Rosemary 十分新鮮, mix 落 意粉一齊食, 豐富味道！提升層次！2️⃣招牌窩夫半份（加配）窩夫口感脆口得嚟, 內面鬆軟, 面頭嘅牛油味好特別, 唔係飽飽滯滯嗰種, 整體唔會好甜, 仲好有心思, 靚靚聖誕裝飾, 好有節日氣氛🎄3️⃣鮮奶抹茶（升級）職員好細心, 主動問我需唔需要少甜或者走甜. 抹茶味濃, 有after taste 抹茶甘味濃, 喜歡！4️⃣雙層 Tiramisu 巴斯克芝士蛋糕一個蛋糕滿足我2個慾望😆上層係 Tiramisu, 口感軟熟, 濕潤度剛剛好 冇乜酒味.下層係 巴斯克芝士蛋糕, 口感幼滑, 係咖啡味. 仲有一個 好 cute 嘅 聖誕老人, 令食欲大增 🎅🏻💚現場有一台閨蜜, 表示因為好味, 所以今日帶朋友來吃🤤💚全日 不收 加一服務費.☃️❄️🎅🏻🎄 .☃️❄️🎅🏻🎄 .☃️❄️🎅🏻🎄

想同朋友過一個悠閒嘅下午，所以特登去咗元朗嘅窄巷去食午餐——法國小屋。餐廳以純白設計為主，搭配幾幅掛畫，營造出簡約又具格調嘅氣氛。雖然店面較細，但食物質素好高質，店員亦非常熱情主動。店外亦有室外位，如唔介意坐室外，亦別有一番風味明太子蟹肉意粉意粉份量非常充足，意粉口感煙靭，加入白酒調味帶出香氣，搭配豐富嘅蟹肉和明太子，鹹中帶微辣，令人食慾大開，一啖接一啖牛油蒜蓉番茜煙肉意粉意粉同樣煙靭，蒜香和牛油香氣十足，而醬汁亦十分Creamy，煙肉亦很好食

作為大西北居民，沒想到竟在元朗找到一間很有溫馨特色嘅「法國小屋」，店主浩愛法式料理，除了西餐外，顧客也可訂做旦糕！餐廳環境靜謐，燈光柔和，讓人一入到去就感受到一種放鬆溫馨嘅氛圍，非常適合與三五知己聚餐或者有個人me time享受美食的時刻！今次我和閨密去，難得一聚，這小店的溫馨氣氛也很吸引我們我們點咗幾道菜，首先係「三文魚牛油雜菌炒蛋煙配喬麥窩夫」。呢道菜色彩繽紛，盛盤時就已經令人食指大動。炒蛋綿滑，三文魚嘅煙燻味道恰到好處，牛油嘅香氣更係為整道菜添上咗一層濃厚嘅風味。雜菌嘅加入令口感更加豐富，搭配喬麥窩夫，既有鬆軟嘅口感，又帶有一點脆口，真係好好味！！再來就係「田園沙律」，蔬菜種類多，夠新鮮！沙律醬也清新可口，唔會太重味，吃完後感覺好清爽。飲品方面，我選咗「水果茶」，裡面有柚子、藍莓及士多啤梨，茶味不淡不濃，很開胃！ 我朋友叫了「鮮奶抹茶」，濃郁嘅抹茶香味配上滑順嘅鮮奶，味道相輔相成，而且賣相很漂亮！最後，我地試咗「明太子蟹肉意粉」，意粉煮得適中，Q彈有嚼勁，明太子同蟹肉嘅風味融合得非常好，每一口都充滿滋味。明太子有一點辣鹹味，加上蟹肉嘅鮮甜，我地覺得呢款菜真係值得推薦！整體而言，這

呢法國小屋，我之前一搬入嚟元朗住就已經聽好多同區人介紹，今日終於去一嚐，小店人氣高，我唯有買外賣，反正住得近。聽聞窩夫係要必點嘅item, 😋就叫咗個香蕉朱古力窩夫同士多啤梨窩夫，拎到返屋企都仲係暖笠笠！賣相好吸引，食落外脆內嫩而且好飽滿同香！朱古力同埋香蕉夾起嚟食落唔會好甜！士多啤梨口味酸酸味咪又可以中和，真係好味道！Tiramisu咖啡我第一次飲，一直Tiramisu都係甜品咁食，估唔到夾做咖啡都幾好飲，夠晒特別！好似食緊tiramisu咁但又有咖啡做底。Creamy香滑十足，再加埋咖啡香，正！至於另一大亮點我覺得就係Apple Pie!如果鐘意apple pie嘅一定要試下，我地要做半份，好足料好飽，蘋果煮得岩岩好又夠香甜，一片片鋪係表面，加埋脆口批底，愛apple pie的必試！

今日好幸福，認識咗呢一間元朗嘅法國小屋餐廳，真係餐廳就好似個名咁，置身於法國旅行咁享受，食物質素好高，而且環境優美，真係好特別，如果響元朗住嘅朋友，一定要泥試呀，而且呢度嘅食物質素好高，份量十足，真係可以包住肚咁走，而且佢哋嘅意粉甜品都係好出色，頭盤我一定要推介佢哋嘅明太子意粉，我每次見到身邊嘅朋友都係一定要叫，而且佢哋嘅味道濃郁，真係香噴噴，賣相吸引啦，仲有佢哋嘅甜品都有好多款式，例如有士多啤梨味，香蕉朱古力味，朱古力，仲有雲呢拿雪糕，真係一流呀，而且全部大大件，幾個朋友一齊分享就啱啱好了，而且價錢經濟實惠，真係唔錯，而且新鮮嘅食物即叫即整，全部都係熱辣辣，而且呢度嘅飲品都好多選擇，我真係非常推介佢哋嘅朱古力，真係大大杯，當然都好好飲，而且呢度嘅服務質素都好高！

元朗人都聽過法國小屋依個名，但未必知佢嘅位置。依間小店位置喺後巷，地方唔算好大，但食物都幾多元化。小食、main、飲品同甜品都好多選擇，樣樣都好高質，值得一試🤗🤗🤗法式龍蝦湯唔會太鹹，調味適中，帶有少少creamy嘅質地😬😬招牌千層芝士薯片每一塊嘅薯仔都切得好薄身，就好似食緊薯片咁，加埋芝士，提升左口感之餘，仲加添左鹹香🤤🤤秘製醉雞翼看似最平平無奇嘅雞翼越難整得好食，醉雞翼嘅酒味超級入味，食落又帶有酒香味😋😋明太子蟹肉意粉依個配搭真係令人一啖接一啖，明太子同蟹肉嘅份量都好多，每一啖都充斥住明太子同蟹肉，又夠creamy好好食😝😝😝招牌咸牛油焦糖窩夫食過幾款窩夫都覺得咸牛油依款冇得輸，越簡單嘅就越好食。窩夫焗到熱身，咸牛油融化係表面，一咸一甜極之邪惡😋😋😋奶蓋白桃茶依杯奶蓋茶我覺得好飲過出面嘅手搖飲品店，鹹香嘅芝士奶蓋配上甜甜嘅白桃茶，一鹹一甜，飲到最後都會飲到奶蓋嘅味道👍🏻👍🏻Tiramisu 咖啡Tiramisu就食得多，Tiramisu 咖啡就比較少見，味道層次豐富，苦澀得嚟帶啲朱古力香😍😍

香噴噴幸福浪漫小店喺門口都已經聞到一股窩夫的香味一入到去就畀幸福的感覺包圍餐廳營業到九點半一入到嚟聞到嘅窩夫香味令到我哋決定選擇揀一個咸一個甜再加小食1.煙三文魚牛油雜菌炒蛋配蕎麥窩夫這個咸窩夫組合既健康又好味仲配咗沙律，食完完全冇罪惡感2. 招牌千層芝士薯片見到佢招牌就叫一個，原本以為好似薯蓉咁，原來係一片片， 芝士味香濃， 真正薯仔， 一片片每一層都有牛油香味，即叫即焗嗰種香味真係一聞到就好想快啲食3. 香蕉朱古力窩夫去到尾覺得點都想食返個甜嘅窩夫😋就叫咗這個香蕉朱古力窩夫窩夫唔會好甜配埋朱古力同埋香蕉外脆外內香蕉朱古力配搭永遠都唔會唔好食窩夫上面有好多焦糖同埋朱古力醬，食落唔會覺得窩夫太乾， 甜度都好適中，食得返香蕉嘅香味餐單入有好多食物嘅圖畫都覺得好特別餐廳有很多時日推介今日食唔到咁多，下次再嚟試下餐廳有特色食價錢公道，物質素高下次最想嚟試下呢個雙層巴斯克芝士蛋糕

呢間餐廳係一條小巷入邊 係一間好精緻嘅小店 餐廳入邊座位唔多 侍應好親切 我成日都嚟食呢間舖頭 性價比極高 嘢食好高質 好想推介俾大家👍🏽👍🏽👍🏽法式龍蝦湯飲龍蝦湯最驚就係啲勁鹹嘅 呢個啱啱好 龍蝦味好重😋😋明太子蟹肉意粉呢個配搭一定唔會唔好食 份量好多 明太子同蟹肉多到唔使錢咁 食晒啲意粉仲有勁多料 好creamy😍😍千層芝士薯片芝士味好重 鍾意食芝士加薯仔一定好鍾意呢個👍🏽👍🏽鹹牛油焦糖窩夫呢個甜度啱啱好 有少少鹹鹹地 窩夫好香脆 呢個價錢仲要唔貴 比起普通糖水舖高質好多 非常推薦👍🏽👍🏽👍🏽醉雞翼唔好睇個樣普普通通 係超級好食 成餐最surprise就係呢個 而家諗番起都好掛住😭😭😍Tiramisu咖啡味道正正常常 影相好靚😍呢間係名副其實嘅小店 人哋問我元朗有咩好食都一定係推薦呢間 cp值超高 簡簡單單嘅調味已經係好好食👍🏽👍🏽👍🏽