波士冰室 (已結業)

難得假日，今天決家試一間之前沒有嚐過的餐廳，看到波士餐廳這麼多人排隊，便打算進去一嚐，步進去看到裝修滿有懷舊香港的感覺，坐下來看到餐牌，肚子便發出陣陣嗚叫，看見咖喱牛腩飯是推介，便叫了一客。女朋友便點了一客瑞士雞翼撈天使麵，咖哩牛腩飯味道平平，可是常餐的多士確實是不錯，雖然不算價廉物美，但也可以一試。

波士冰室一向鍾情港式茶餐廳式的早餐，荃灣都算頗多同類型的選擇。最近試了波士冰室的早餐感覺很不錯啊！選了早餐D, 蕃茄薯仔排骨煎蛋螺絲粉，配牛油多士，感覺蕃茄湯落足料去煲，有埋排骨湯渣，非常美味，螺絲粉夠晒淋，平時最怕早餐點的螺絲粉煮唔夠時間會無味兼硬,呢個螺絲粉早餐絕對無令人失望，值得一吃再吃👍🏻另外，吃早餐最愛點番杯熱華田，波士冰室杯熱華田都夠晒大杯，沖得不錯；再食埋件脆口的牛油多士，呢個早餐夠晒飽，大滿足。

成日都講，貴唔一定好食，平唔一定難食。今次又一例證。早餐，十居其九王牌沙嗲牛麵組合。呢間波士冰室組合為：沙嗲牛肉公仔麵 拼 櫻花蝦沙滑蛋、牛油厚多士。入得呢間就梗係波士上身，先唔講餐牌 拼 同 併，咁都有兩個字，一睇都 R晒頭。敵不過肚餓唯有order先。先黎 櫻花蝦炒滑蛋、牛油厚多士，大家先想像下櫻花蝦有幾大粒？你地睇相再望塊多士，厚多士？再睇下，牛油呢？塊包係多士不過雪白如無，乜都無，叫侍應俾牛油，原來是原碟返廚房補牛油...回返碟野返黎，先定一定神，睇清楚仲有無加料，你知啦，原碟回廚房都大風險。再睇睇份沙滑蛋，我以為食緊老麥早晨全餐果份蛋。一路不費力開口咬著塊厚多士，望著炒蛋，不禁幾句粗口。不過，當一啖食得晒既炒蛋擺入口，佢又帶俾你蝦米蒸水蛋既味道。沙嗲牛肉麵上枱喇，一睇個麵the 晒皮無黎精神訓係度，你就知，個麵先煮定擺碟等左好耐，臨出前再補湯。一入口，果然無錯，軟𣺉無味。但撞上勁咸無比既沙嗲牛肉，直迫味雷極限。有味無味梅花間竹衝擊你。再來杯飲茶，無奶味無茶味。呢份早餐呢份價錢，作為波士，呢個係失敗作，枉你餐牌食物改名改到天花龍鳳水蛇春咁長，都係不外如是，粗制濫造。

原本係上一層入左香港地，之前曾經係其他分店食過乜都好差，唸住係第二區試下比多一次機會，不過入左去之後，我係一個透明人，揮手叫人當隱形，結果我決定吳食，走都係一個透明人😨終於我行落一層去波士餐廳十二點前仲有早餐食✌️✌️✌️✌️✌️（1⃣️吉列🐟柳➕腸仔➕櫻花🦐炒蛋➕🍋茶其實仲有一塊厚多上，知道自己食吳曬，所以叫待應吳使比我，免浪費😊櫻花🦐有口感，炒蛋又夠滑腸仔比一般平日食既好味，🐟柳炸得夠熟又夠脆，脆粉不太厚，可以食到好多🐟肉😋紅茶夠熱又夠濃郁，🍋充足，好味👏👏座位寬闊，價錢適中，食物品質吳錯，各侍應又有禮貌👍👍

復活節假期沒有外遊，繼續留港銷費，很多購物商場都有大減價，去了荃灣千色匯，買咗隻過千元的煮食鑊，原價接近兩千元，仲送多一隻小煎pan，保用五年，有排煮。之後去了附近的波士冰室吃個地道tea。呢度風格賣弄懷舊裝修，餐牌、嘢食都係玩復古。可能假期特別好生意，店員都好忙，所以，張椅有咁多冰粒都無人理。叫咗兩個餐，一個係法蘭西多士配熱啡，另一個係常餐: 瑞士雞翼撈天使麵、炒蛋、丹麥多士配熱奶茶。價錢合理$76。丹麥多士比較油。炒蛋唔錯，幾滑。瑞士雞翼好腍，好甜。天使麵無味，完全吸收唔到啲瑞士汁，呢種情況好少見。西多士好食，裡面搽咗花生醬，所以，食落特別香口。奶茶、咖啡質素OK。

波士冰室喺荃灣都開咗一段日子成日都想試不過一路都冇時間今日終於同呀媽去咗試呢度嘅早餐佢嘅早餐時段竟然係去到12點 簡直係我呢啲中意訓覺的人的恩物呢度嘅裝修係懷舊茶餐廳嘅感覺 見到由招牌到座位 都有舊式茶餐廳的味道坐低左叫咗個早餐 沙嗲牛肉公仔麵加炒蛋 飲熱奶茶好快炒蛋同牛油多士就黎到 炒蛋都幾滑 有啲櫻花蝦係蛋上面 但我個人就唔係咁中意櫻花蝦 反而個多士好好味 熱辣辣 牛油味好香 沙嗲牛肉公仔麵都幾出色 重點 個麵係出前一丁呀😀唔洗加錢都食到仲有好多沙嗲牛肉 一啲都冇偷功減料 不過沙嗲味唔算濃 可以改善下另外值得一提係佢個下午茶餐牌 好吸引😍大家下次都不仿去試下！

難得同男朋友出荃灣行街~諗住試下d平時無咩食過既野。行行下經過千色店見到有間綠色好sharp既舖頭男朋友就提議不如晚餐係呢度解決~入到去見到裝修得好似一間舊嘅冰室，隔離枱仲坐左幾個外國人話說佢呢度有好多選擇，有選擇困難症既男朋友仔話不如嗌晚餐所以.....我地嗌左2個晚餐。仲加左杯雜果冰椒絲通菜炒鮮魷本身諗住好普通啦，點知估唔到個鮮魷可以噤淋，好好食！蝦醬豆卜蒸腩片味道偏濃，d豆卜蒸得好入味，而d腩肉蒸得好淋。送飯一流！雜果冰完全係兒時味道呀！今餐食得好飽，下次再去試埋其他野先

星期日返完教會約埋亞妹去食午餐，要搵個有地方泊車嘅商場都唔係咁容易，於是返咗去荃灣千色𣾀睇下有啲咩好食!唔知係咪好耐冇黎呢個商場見到呢個舖位已經改咗做‘波士冰室’！一行五人有張圓枱又幾好喎😍睇吓波士日報有咩好食先午餐咖喱牛腩飯附送羅宋湯加一杯飲品滑蛋吐司，啲蛋好滑呀！紅豆冰加綠茶雪糕瑞士汁雞翼天使麵，必食天使面煮得剛剛好唔會太硬唔會太淋芝士魚柳焗意粉，個汁好好味炸雞比芝士農夫包，個包好香脆，我哋成個食晒仲有叫咗一杯我嘅至愛蛋白杏仁茶，令到成餐飯10分完美

放工自己喺荃灣搵野食，黎到哩間以為只係裝修得靚啲嘅茶餐廳，但好有驚喜放工唔想再點例餐，喺餐牌上搵到哩個焗芝士魚柳飯賣相已經好靚，出到黎上面嘅芝士仲滾緊熱辣辣芝士量非常豐富，直頭做到少少拉絲嘅效果飯係炒底一齊食口感非常豐富，香濃得黎唔會覺得膩魚柳份量都好多，又大塊口感嫩滑而且帶芝士咸香好正想飲左好耐嘅紅豆冰上面球雪糕可以揀唔同味嘅雲呢拿比較淡混埋底下嘅紅豆一食食甜度剛剛好紅豆有起沙，好有誠意下次再黎食

娜娜今日放半晝，在荃灣一個人隨便吃慣常都是去翠華。但今日突然想起，早幾次去翠華都有烏蠅飛來飛去，杯奶茶又唔得、試極都不見有進步，我又何必與同胞們擠在一起，不如試試千色匯的餐廳吧～在OpenRice 搜尋了一下，見這間裝修還不錯，又有娜娜至愛的常餐，便獨毒一試。常餐12時起供應，共兩款，今天特別想「創新」的娜娜便揀了平日不愛的瑞士雞翼撈天使麵，隨餐有北海道牛乳炒滑蛋及丹麥多士。炒蛋配多士是娜娜在茶餐廳最愛的配搭❣️而這裡使用丹麥多士，除了予人「高人一等」的感覺，口感亦確實特別鬆化，配滑蛋更是好吃瑞士雞翼有3隻算是有良心十分入味，雞骨輕輕一咬便跟雞肉分離，不會讓要保持儀態的靚女們吃得狼狽最後是餐飲，見杯凍奶茶色水不錯，娜娜滿心期待，怎料沒有茶味亦沒有奶味，差點以為自己點的是冰水

又到星期日揾野食嘅時候，返完教會又同屋企人去荃灣食午餐兼下午茶，最近開咗一間波士冰室喺城市廣場，我家嘅Boss話要去試吓。波士冰室十大必食之選，我哋都叫咗幾款嚟試，包括咖喱牛腩飯、瑞士雞翼、奇趣芝士雞腿農夫包、懷舊雪糕紅豆冰、冰波咖啡。由於已經到下午茶嘅關係，有啲係有套餐，好鬼抵食。食物質素相當唔錯，要讚一讚個咖喱牛腩，筋腩比例適中，咖喱味香濃，剩咗嘅咖喱汁最啱點埋農夫包。我農夫包考得好香脆，原來包裏面仲有乾坤，係有芝士海鮮飯，好抵食同飽肚！最正杯凍咖啡，啡味香濃，唔知茶餐廳咁有浸酸味，而且中間大大粒嘅冰係由咖啡雪成！

荃灣千色店不算大，但五臟俱全，該有的衣服鞋飾全部有，行一逛都已經用兩至三個小時。正正在荃灣千色一期裡面，一間叫做Boss冰室，正確是波士冰室，哈哈，我和她為了方便，就走進食晚餐。本來見到門面都已經有一種懷舊感覺。一入到去見到餐廳的擺設就更加有懷舊feel。例如餐廳用了懷舊的鐵閘來分割每枱人客，即刻聯想起電視劇的古裝戲。我最喜歡食的是瑞士汁雞翼。這是十大必食号外的其中之一。$40有四隻。瑞士汁雞翼甜甜鹹鹹，肉質好嫩，雞翼尖都食得一乾二淨，食完一隻想繼續食。黑松露炒蛋厚多士，$42。一送到上枱面的時候，未食都已經聞到好香的黑松露味道。炒蛋上面的黑松露份量都不少。炒蛋火候剛好適中，裏面還食到有一點點蛋汁，炒蛋不會炒得過老。厚多士的確是厚多士，連同黑松露炒蛋和厚多士一同咬下去，嘴巴裏面都是滿滿的，哈哈。懷舊香蕉船朋友至愛。$32一客。見到朋友食得那麼開心，我都忍不住再叫一客。看到香蕉船就已經看得出廚師的心思。上面有很多忌廉，又有士多啤梨醬拉絲畫花，又有一些七彩脆脆糖，還有威化餅整成的皇冠。童年回憶的片段即時湧現在腦海中。上面除了有香蕉之外，亦都有朱古力和茉茶雪糕球。用來做飯後甜品簡直一流。忘了

今日放假，特意跟家人去食早餐，較早前睇過報紙，見佢介紹波士冰室，懷舊感覺有另一番風味，故此都知一定要試，去到門口約10點左右，今日是閒日都見有十個客正在排隊，入到去都不忘影幾張懷舊相，好明顯見到老闆好比心機去營造一個懷舊效果,講返食方面，價錢上早餐有5個，平均都是$35，36元，我叫左個沙嗲牛肉麵配多士炒蛋，我老豆叫咗個帶子火腿通通粉，食物都好快到，可能因為人手問題，細細一間店，有約5個服務員，食物好快到份量都好大，並且味道唔錯，奶茶及咖啡，都好足料，值得再來多次，唯一美中不足嘅就係沒有自動提供水，要客人叫才有。

千色匯我就成日當佢天橋咁使, 估唔到依家都開左幾多間餐廳, 最近冰室好流行, 今日經過見門口裝飾到好懷舊幾得意, 咁岩下午三點幾, 一於唻個下午茶啦！我就叫左餐肉蛋治, 老公就叫左常餐, 有煎豬扒公仔面, 北海道牛乳炒滑蛋配既仲唔係普 普通通既白面包, 係揸滿牛油再焗過既面包, 食落口又脆又重牛油味！至於個滑蛋都好出色, 用鮮奶炒零捨滑, 我地依一餐最最推介係杯冰波凍奶茶, 奶茶就飲得多, 但連冰都雪左做奶茶就第一次試, 本身奶茶茶味好重, 但又唔會冇左奶味, 個比例好好！最後我地忍唔住食埋粒冰添, 試過咁多間冰室, 依一間非常推介!

好一段時間未有逛過荃灣千色匯，這夜路過見到>>>波士冰室<<<搶眼招牌，門口 那份號外「十大必食」非常吸引；碰考不用排隊輪候，所以直接入座。 十大必食之外，也有很多不同選擇，配備各式套餐，應有盡有。 是夜選擇了奇趣芝士雞腿農夫包(HKD65)。烘得香脆的農夫包，中間被掏空，放入芝士焗飯。麵包上蓋內層塗抹了牛油，彷如一片餐包。麵包內的炒飯加入雜菜粒，顏色營養俱豐富；炒飯粒粒分明，配上芝士醬，加倍香口。雞腿是炸雞髀，可謂「冇得輸」的配搭；雞髀外層炸得香脆，但內裡沒有被抽得太乾，仍然保存到當中水份，令雞肉非常可口。 原味冰波凍奶茶(HKD24)以奶茶作冰塊，好處乃在冰塊溶掉後不會沖淡奶茶味道， 飲畢一整杯奶茶仍舊香濃，味道始終如一。圓滾滾的冰塊外型，有夠可愛，提升賣相。