泰妃雞 (已結業)

早2日原本去飲茶, 點知朋友推介呢間野試下海南雞.於是又試下啦.叫左半隻雞同一油飯一白飯.奶茶同埋青檸SODA...雞, 唔錯幾好味香同埋好滑不過D油飯唔係好香, 朋友既白飯唔洗試, 望到都知硬.杯奶茶有D怪.地方細左D坐得唔係咁舒服囉都OK既~

正宗的海南雞飯一試令人回味, 但跟惡劣的服務態度仍有一段距離,,,,,,久候半小時,我仨被安排入坐到貼牆的二人小餐枱, 強加小圓櫈於通道上以供三人使用,,,,要求更換有三個"正常"位", 郤換來令人氣結的對待,,,,,不要的話要等下一張, 當安排妥另一批人安坐原先給我們的 "枱" 後郤跟我們說 - "下一張枱的安排也是一樣的, 都是在通道上加位的,,,,要嗎,,,,,一個令人目定口呆的答案; 被反問為什麼不早說, 要讓人家白等時, 得到的答案是 "繁忙時間都是這樣的", 瞬間手上的餐牌已被搶回, 正式向餐廳投訴時竟沒人理會, 一副滿不在乎的樣子, (反正都會滿坐的), 沒想到香港還會有這種有恃無恐的服務態度, 簡直是令人費解, 亦留下了深深的壞印象

經常到這間泰國餐廳食野，因為佢的確可以俾到D幾唔錯的野食，例如海南雞就做得好好，好滑，每次我地都係叫半隻，價錢係比一般貴D(好似$80半隻)，但真係幾好味，夠鮮、夠嫩、夠滑。上次ORDER咗一個咖哩豬扒，都幾好食，D豬扒好嫩，完全冇鞋既覺感，剛好，D咖哩又香又唔會太辣，夠過癮！兩個人每次消費都係150~180左右，平就唔算平，但D野食就真係唔錯！不訪一試！

食物水準：主菜海南雞飯—雞肉一般，飯尚可稍多油地方太擁擠，出品慢。可能人手問題，招呼九流。兩人去要你坐細檯單邊，對住兩個陌生人，四眼相對無言！張檯細到放四碟飯已無位放其他菜，只好以最快速度解決埋單。老板的咀臉跟所有生意好的小餐廳一樣：快d過主，出面大把人等緊位！見你食完已大叫兩位呢邊，等你連咀都唔抹就閃。

海南雞癮起，立即捉靚女一齊去找海南雞飯吃。灣仔附近有兩間泰字輩的專門店(泰紀雞和泰國人)，我們選了前者。我餐牌都不用睇，想也不用想就叫一個海南雞飯套餐，而靚女就揀左泰式豬脾飯餐，大家share食。海南雞是一貫的嫩滑，又有雞味，雞皮更加正，回味無窮，靚女也對這雞讚不絕口。油飯是偏向乾身，如可多油一點，會更對我口胃。至於豬脾飯，相信炆既時間好夠，瘦肉也夠淋，肥肉豬皮更加起膠似的，口感一流。飲品是最差的一環，凍檸茶無厘茶味，又唔甜，水準之差令我想起在英國讀書時那中餐館的凍檸茶。$42有好味的雞飯食又有野飲，滿足了！

尋晚去左時代，搵地方食飯，老婆話灣仔有間佢好多同事話好食ge 泰國雞，咪去試下law。去到原來叫泰妃雞，坐低費事諗，兩個雞飯，加杯特色飲品，我老婆叫多碟通菜。雞飯黎到，好大碟油飯，雞放飯面，原來係碟頭飯，即係唔係海南雞咁款，一個飛機餐盤分開擺晒落一隻碟。食啖飯先，好硬！食多啖，都係硬，油味無，正路應該有油香，唔得！試下雞，算滑，不過搭左D 胸就好"鞋"，整體唔覺出色！D 特飲夠大杯，加五蚊算俾足貨！最後，終於食晒成碟飯，但係個胃頂住，可能飯硬唔消化，又可能椅矮，坐得唔舒服，頂住個胃。埋單，兩飯，兩特飲，一通菜，盛惠$105。總括黎講，位窄，椅矮，飯硬，雞一般！唔會再黎！

媽媽一直好鐘意食海南雞飯 所以今次睇到openrice後帶佢來食!lunchtime時間...等左大約10-15分鐘有位了...見左個海南雞飯同沙爹肥牛河海南雞飯 ($40): 雞好滑好林好林!(也未至於"梅")~ 一d都唔肥不過就冇雞味...最直係個汁! 味好好而且幾辣! 好惹味! 加返唔少分! 個飯不知所謂...冇味而且一舊舊...嚇死人...不過撈左d汁好少少 (我地叫伙計畀多碟汁我地!)沙爹肥牛河 ($30): 幾好~ 沙爹好多好香! 肥牛亦都唔太un~ 河粉幾滑...份量不算很多不過也足夠...以這價錢和質素也算超值~

味道一般, 坐位及侍應可行的位置超迫, 想舒舒服服食一餐便要找別的分店

好耐都未食過一d有味道既雞 ,抄野食都好好味,一再推介!!!!!!!!!!!!!!!!!!!!!

在銅鑼灣試過泰妃雞及灣仔分店試過泰妃雞, 豬骴飯等. 40多元, 不算平, 但好食. 最好就是,全都去了骨(除了雞翼). 服務以銅鑼灣好點, 給人友善不迫的感覺. 但灣仔分店, 由於多數是中午去食, 人很多. 待應全都是後生仔, 效率是很快, 但給人壓迫感及沒有銅鑼灣店那種友善感. 泰妃雞-有5-6件連外皮的, 但沒有中間那層黃肥糕, 但有些人仍然會覺得外皮肥了點. 對我來說ok. 飯都沾滿淺黃雞油. 配上一小碗泰式醬料, 份外好吃. 豬骴飯-也是連外皮, 帶有小許脂肪在中間, 較雞肥, 但仍不算好肥. 但也很好吃, 入味, 但沒有太減. 值得與朋友去吃.總括來說這兩味都很吃, 所以都是店中較貴的2道餐. 本人最愛它們都沒有骨, 擔擔都是肉. 味道份量適中, 最重是有心製作. 是值得再去的.

海南雞飯成行成市，到底哪個好？人各有異，無謂爭拗。以自己味蕾作判斷，去嚐嚐以此名為號召的雞飯，先試泰妃雞。泰式海南雞飯連餐飲收40元，不算貴，但不能說平。雞肉嫩滑，雞皮爽脆，但雞胸肉較‘鞋’皮稍為韌。油飯份量驚人，但味道普通，不吃也沒有太大損失。泰式酸辣醬惹味，令雞件，特別是油飯，生色不少。總算試過，有點失望，雖然不值喊面，但可以肯定會隔一段長時間，才會考慮是否再來幫襯。

上星期六同個女去灣仔鄧肇堅中學考劍橋英文試, 考完再去試這店的海南雞, 仍然保持水準, 雞好滑, 飯好香, 色澤金黃又不油膩. 本以為個女食不到一碟飯, 嘩她自己食哂, 真係好少見. 食完重話下次要再來, 好味!

到朋友介紹的這間店鋪吃午餐鋪頭好細，我們兩人坐在近門口的二人枱上，都幾迫下，邊食邊擔心會唔會被滴濕叫了一個海南雞飯，一個海南雞冬蔭功河雞是不錯的，夠滑，又不太肥，至少不會看見成層雞油點雞的醬汁也不錯，我朋友強烈推介，但個人覺得普通黃薑飯。。。可能我地掛住傾計，遲下食，變成一舊舊，只係食左少少至於冬蔭功河，ＯＫ喎，其實我唔多鍾意食冬蔭功，唔鍾意酸味，但呢間又做得唔錯最後加兩杯凍飲

2008年3月25日下午12:30 三個人去o左呢間食lunch, 老細成日話好食, 佢好鐘意食雪o野, 佢鐘意無原味o既肉, 好鬼古怪! 可能佢響外國生活o左十幾年, 食慣o左!我要o左海南雞米:雞–無肉味, d肉好滑, 但係食落d肉好似用d唔知咩物料”那”過, “那”到有d霉霉地, 口感好怪.米–用o左銀絲米粉, 湯底有唔少味精.服務差, 哥哥仔無禮貌, 又粗氣粗氣, 好x叻咩! 你o禁o既價錢比D o禁態度同質素人地, 直係希望佢有應有o既結果!無下次, 40蚊一set海雞米, 超級唔值o羅!

仍是兩味招牌菜值得叫人返兜，海南雞飯仍是即叫即上，豬髀飯稍等有得吃，出菜時間符合這裡的格局。金黃色的泰式雞汁飯，是日的濕潤了一點，一段時間無來味道如一，吃完仲殘留著一分濃郁飯香，唔錯，海南雞是依舊的散修修，雞是肥了一點，流量太快，吃時還是熱辣辣．油膩膩，還是喜歡吃凍雞多一點，較泰國人海南雞比，這裡貴一點而質素明亦穩陣多一點。又試試滷水豬髀，炆得鬆嫩入味，皮夠厚亦起膠，配埋酸菜夠形夠格，很不錯，淺嚐過，回味。