泰屋 (東成里) (已結業)

其實呢個食評應該係一個月前ge事,不過唔記得寫,e+補番..某個星期六,晚上8:30左右,冇訂枱,朋友駕車,大家都係第一次去,有個朋友搭bus時見到roadshow介紹提議去的,4個人..服務感覺人手不足,但環境要坐outside 才感覺有泰國feel,果次我地好好彩,冇訂位都可以坐到出面,而且果日唔係好熱,我諗如果坐裡面冇咁好feel,味道係幾純正ge泰國菜...魔鬼魚叫左兩份,一份椒鹽魔鬼魚...幾好味.呢個下次都會再叫,仲以為好貴,$60都夠4個人食,自己出去揀另一份燒魔鬼魚,呢個一般,因為用石紙燒,唔乾身,唔夠香,燒左好耐,追左兩次..好似係馬介休炒什菜,炒得好好味,最重要唔太咸,自己出去選擇菜,好多款菜,鍾意炒多d都得,亦有幾款炒法,照重量計算,我地少左$68,炒夠$100我地都應該食得晒,因為真係好好味冬(隱)公..好飲,每人有隻鮮味ge蝦,都唔算細隻咖哩牛腩..好好味,d牛腩好夠淋,我地叫左一碟飯,每人食少少燒蠔6隻..$88...ok啦,我較like食生蠔有兩款薄餅..都ok唔記得仲有冇叫其他野食啦,好似係咁上下.. $620

第一次with my boyfriend 去叫左半打燒生蠔, 柚子沙律, 燒西冷, 2隻燒扇貝and 菠蘿炒飯Very nice! 第二次4個人去, 食埋串燒, 咖哩, 活蝦刺身, 燒大頭蝦...雖然係好多人, 但我會再去!

七一紅假同家人一行六人去食,我地book左6:30pm,所以唔係等就有位,不過去到都已經有好多人,車位都只係淨返一兩個.我第一次去,環境都真係唔錯,尤其係outside,但我地怕熱,所以book左係室內.室內坐得好迫,又人多,所以好嘈吵!當晚我地叫左: 咖哩蝦- OK,無想像中咁吸引,不過咖哩汁算多, 可以點薄餅;豉椒炒梘 - 得殼,D肉唔知去晒邊,梘殼雖大,但D肉好 唔知點解好細粒,同炒得唔惹味;明爐魚- 都OK,無乜特別;香茅燒雞- 普通過普通,D肉仲有D唔熟,近骨位好紅;燒魷魚筒- OK豬肉生菜包- D豬肉炒得麻麻,過酸,好似白灼豬肉碎咁;其他食物- 真係好一般食物味道真係好普通,好多泰國菜館都好味過佢! 只係食環璄! 不過侍應唔夠,加水又要猛搵邊度有侍應,搵到都必未有機會行埋o黎你張枱,有個著恤衫o既男人,應該係經理之類,無禮貌,黑口黑面,懶忙咁樣!不知所謂!同埋單後連多謝都無句!我地六個人埋單$1100左右,食物都真係不外如事!

每次去泰屋都係坐露天位,個feel幾好,天氣涼涼地唔錯!我最鍾意食「原個南瓜炒飯」,(我係愛蝦之人),我鍾意既係佢放面既大大大頭蝦(有成隻大手板咁大),非常棒!隻蝦真係好味呀!個炒飯都唔差,不過冇用南瓜炒,只係放入個南瓜內,d飯同食菠蘿炒飯d料一樣呢!仲有個「油酥餅」,18蚊3塊,其實係薄餅咁,用來點0加哩汁食,不過呢隻"酥餅"唔點汁食都好味,記得趁熱食啊~每次去我都係多數叫呢兩個餸之餘,仲會叫下「泰式炒什菜、青0加哩-牛肉、蝦餅」~「串燒、拼盤、0加哩雞」就麻麻地,食過一次,第二次唔會叫~

今日挑起條根去食喇,見人人都話正,而我之前試過打去BOOK台次次都話要8:30PM後,又次諗住8:30PM後都試下啦,點知佢地個CAR PARK都FULL埋,BOOK左位都要等,仲要唔知幾時,眼見門口有成3-40人等緊,所以都放棄左.而且比你有位都唔方好食,因為太多人了今日諗星期五應該冇星期六日咁多人,就WALK IN一試,7:00去到,好彩都仲有位,不過要OUTDOOR,心想都OK,玩下情調都不錯~HAHA餐廳好細心O係每張台既台底都點左蚊香,同埋SET左好多風扇,所以bb都冇扭計.亦冇蚊咬,感覺都唔錯~~而野食方便都幾好,都有水準(可能有時太多人會影響食物既質數,但我呢日去既時間,的確係唔錯)叫左:1) 串燒豬肉$48/半打味道好,咬落鬆化,不過2個人食半打都飽左7成lu...2) 曼谷炒通菜$48好"野"味!!小小辣~~3) 椰汁咖哩海鮮$68個汁好有椰香,感覺清新,海鮮都ok,唔會"梅"4) 芒果沙冰$28比較淡左d,不過有芒果肉咬下.5) 白飯冇玩花臣!其實味道都幾好味,不過就太多人去,好多時book左都要等好耐,而車位一full左就要泊門口d路仔.呢樣野係最唔好,大致都ok

以前聽講呢度環境特別,成日都好想試下,終於早2個星期一行6人來到,打電話訂位時佢地已經話唔單保有outdoor table,又話來到再等位之類,結果去到出面真係full晒,於是我地坐左係室內.其實室內裝修本來都ok既,但table興table之間好逼,可以話一張貼一張,所以仲嘈過茶樓,張凳又好唔舒服,6個人得5張凳,等左好耐先有人理下我地.最慘係d service真係完全唔掂,上菜慢不特止,等左成晚叫左無限咁多次都無人加水,最後我忍無可忍,自己走出去個水吧度想羅壺茶返埋位,但有個類似經理既物體又唔比,話自己得閒會幫我地斟茶,結果又係等左起碼10分鐘先過來,最後到佢羅住壺茶走埋來既時候,有d人即刻羅住個杯衝埋去,真係仲慘過難民營!講真佢地d食物真係一般,大把泰國餐廳好味過佢啦,而且我見到露天既座位,亦唔係真係咁特別,可能係香港人真係太少見呢類比較鄉村既環境,所以先會咁多人,但無論如何我以後都唔會再幫襯!

本來食物質素都ok, 但埋單等左15分鐘都未搞掂, 走去佢櫃台到睇先知佢個system down左, 所有單都check 唔到, 要人手計, 但完全無同客人交代過, 催下佢又叫我地等, 又等左幾分鐘, 都係冇人理我地, 見有個好似高級d 就拉住佢叫佢快d 埋左張單先, 佢搞左一輪, 計錯晒d item, 我地再覆一次我地食左咩比佢聽, 佢又再走左去計, 又等左幾分鐘, 之後黎張單都係唔多arm數, 我拿去同個經理講, 我食左9個字, 埋單等左超過40分鐘, 你仲好意思收我加一服務費? 呢d 咩服務黎? 人手計單都要搞甘耐? 仲要一句唔好意思都冇?? 叫佢cancel 個加一佢又話要再計又要再等下先, 我話仲等你?! 我即刻比cash 佢, 佢仲要on99甘係到數下數下甘成分鐘都未數完, 都唔知發夠夢未!!!埋張單前前後後足足搞左超過45分鐘, 仲要一句唔好意思都冇講過, 淨係一味叫我等, 都唔知呢間野點做生意!!!!

我好同意亞frank既評語, 因為我同佢既遭遇差不多,我早一星期訂好位, 餐廳話會安排坐戶外, 點知去到要坐室內,如果係坐室內,用不著去老遠的元朗去泰菜啦,都算,我地一行兩架車,有一架先入去,之後一架個門口哥哥仔唔比我地入,叫我地走,去博愛醫院泊, 我地話係因為你呢度有車位, 我地先來, 佢竟然話出來食飯都唔爭在,跟住我地電聯已入去的朋友, 佢話車場入面仲有位,根本個哥哥仔就自己搞唔掂混亂既場面,就求其老點人走.之後,坐低等了幾個字都冇人招呼,出去點海鮮既攤檔又鬼咁多人,只得一個亞姐落單,好似係街市咁,到起菜時又錯漏百出,永遠唔對單, 又落漏單, 至於食物質素就冇樣好, 海鮮唔夠新鮮, 例如生蝦剌身, 炭燒蝦又唔夠炭燒味, 其他泰式熱盆又唔係特別好食, 椰青又唔夠凍,所以真係唔值得遠道而來.

屋企人生日, 上左電視介紹, 見近近地去試下....7 個人, 主要order都係果d 自選料的菜式, 有以下幾樣1. 辣酒花螺1 打--- 唔太辣, 酒味唔太重2. 蒜蓉蒸帶子2隻--- 係成隻手咁大果d, 佢地建議燒, 不過其他幾樣都係燒, 怕太熱氣3. 燒大蝦4 隻--- 開邊燒, d 蝦好靚, 隻隻都有膏, 燒完唔會好干4. 蕉葉青魚--- 用蕉葉包住黎烤, 配埋個酸辣汁幾好食5. 燒京都骨--- 燒得幾好, 肉入面仲保留到d 汁6. 炒雜菜2碟-- 一碟蒜蓉炒, 一碟馬拉盞炒, ok, 冇乜特別7. 炒飯2 碟--- 一碟泰式, 一碟印尼, 都唔錯我地坐室外, 每張枱底都有蚊香, 尚算可以....價錢稍貴......

D食物都幾好味，但係唔入味，我飲左一杯芒果沙冰，重有串燒、魔鬼魚同烤餅,D食物好好味﹗

5月27日，即係尋日。我己經一早打電話到你哋間餐廳訂位。但係我到咗，竟然要等成一個鐘頭鬆啲。到咗之後，我先點燒烤嗰啲野食，點乜知，又慢又唔係好食個人。咖哩蟹不但不入味，反而有啲啲唔新鮮。魔鬼魚唔好食，叫咗3杯珍多冰內到乜。而且又脾多咗一杯。叫了好多次先做，哩餐【叫得辛苦，食得辛苦】。所以廣告是相信不過的，因為它總讓你留下一個好的想像，然後等我哋中計。

20/5/06星期六去食,勁多人等位,好彩之前訂左位,只係等左半個鐘.入到去環境唔錯,幾好feel,可惜台與台通道太窄,唔知係咪多人關係.點野食,燒蠔比想像中冇咁好食,d咖哩都唔錯,燒日本青魚正!!燒法好正,好多汁,值得一試.燒蟹腳又貴又凍又唔好食,唔抵!!生蝦刺身都唔錯,好多泰式醬汁都好特別好好味.可惜人多仕應又小,得一個師父燒烤,個爐又細,所以提議大家點左燒烤食物先會好d,唔使等咁耐.而10張台得兩三個人服務,加茶都要叫五六次先得,食物大致上都幾好食,環境特別但太迫,服務就唔夠快因人手太小.

06年5月13日去泰屋..由於接近母親節... 一星期前已訂枱訂了七點半... 但去到之後...已經有差不多廿幾人係度等呀待應姐姐竟然話訂了枱都要排隊入?!我地等既期間.. 仲不斷有訂了枱客人詢問.. 最後我地6 人等了1 小時15 分鐘先入得去..=_=之後的.. 我想都有成5/6 十人係出面.. '_'食物我地叫了D 快又簡單既..春卷, 炒菜, 烤餅, 炒飯...春卷-> 叮叮公仔春卷?炒菜-> D 菜好老啊...烤餅-> 好似係超級市場個D.. 我煮仲好食個佢...其他的.. 蝦呀... 個d.. 成個幾鐘都未來.. cancelled... =_+

本人在13/5早上打電話去訂位, 訂左20.30, 還confirm有free parking, 當我20.00再打去confirm時, 他們都覆我ok, 之後我們一共駕了兩架車由荃灣入去, 點都估唔到去到時, 佢竟然話full booking, 冇枱兼冇車位, 佢話19.30 book 左枱D客都冇得入, 我話要等, 佢就叫我們立即走, 唔去阻塞佢個門, 嘩.....咩服務, 咩世界, .....我提意大家都係唔好去, 浪費時間, 浪費金錢...

禽日我地專登去食泰屋.5個人..去.望個餐牌..好似唔知叫乜咁叫左一個咖喱蟹..青咖喱粟子雞..同埋配烤餅..真係黎左個餅凍晒.都未黎個咖喱..蟹唔係特別好食我覺得..又唔係大隻..好普通架野..泰式金邊粉..係有好多大蝦..不過味好似唔係好夠羅..同出面果d差唔多..叫左半打燒生蠔..我覺得係d汁好食..唔係d蠔特別好食羅.不過80蚊都唔係貴..就係叫咁多野..都係400蚊落樓羅..因為都唔知食乜...係個環境幾好..坐outside喎不過d服務就真係...差羅..尤其有個女人..好勢利..我地叫佢唔應..d飲紅酒呀..鬼婆叫佢..就理佢地..叫佢落單又唔理..叫左幾次都唔理..d乜野態度呀..而家又唔係無錢俾呀...