泰屋 (東成里) (已結業)

上星期同男友行完街由元朗搭的士入去唔駛跳標~ 9點鐘到都要等位~ 入座後等左5分鐘都冇人黎抹枱~ 叫左1位用冬陰公湯(d蝦肉梅既,但湯味道幾好,不過$48好細碗)咖哩雞(dd辣~幾好味)蒜茸烤餅(冇蒜茸味)咸魚炒介蘭(有咸魚味)扎肉湯粉(湯底夠味~ok)椰青(好甜^^)

8月23日19:00新老頂約了裝修佬談尾數問題，竟成陪客。參加了有家歸不得的飯局。裝修佬發版，要了下開：泰式拼盤：有串燒數串(分不出雞、牛、豬)，無肉味，魚卷、蝦餅，食感好而食味不突出。炒雜菜：素菜不是我杯茶，清鮮味不強。泰咖哩配式薄餅：辣度一般，不夠香；配餅口感好，香、、脆兼備。泰式明爐烏頭：酸辣味淡，但俺蓋了烏頭的鮮味(也許本來已不鮮)，但我仍偏愛大榮華的白水和母親大人的豉汁烏頭。侍應招呼可以，地方開陽。飯局在10:15完畢，回家最少花1.5小時，早上深圳上班時間09:00，最後決定回深圳宿舍罷了(1小時內)。

歷時五日的江西之旅結束，減肥計劃失敗了，不過卻換來開心豐富的回憶。當然也有累，回來後第一件事是睡!　睡醒懶洋洋的處理好雜務，又到下午茶時間。媽咪提到想食泰屋，想起一至五有抵食茶餐，一於又試試；龍先前都未幫襯過元朗店的，又同來，哈哈，又一起增肥了!　茶餐食物有5項可揀，飲品也有4款特飲或茶啡選擇，索價$38，的確幾抵。食物點評如下：　印尼串燒沙爹-可選雞豬牛，我們選牛。沙爹醬有濃香花生味，然牛肉較韌較硬；好處是成品夠熱，都算ok。　泰式雞絲湯河-湯底很弱毫不吸引，雞絲味如雞肋沒有吃頭，是很失敗的一味。　印尼炒貴刁-除了加入鮮蝦去炒，味道與廣式的乾炒牛河沒有分別，連多油的程度也是一樣。不過都有一樣抵讚的，就是當中的牛肉又嫩又美味，比起沙爹牛肉串受歡迎多了!　食物普遍水準比晚市差好多，份量不小，結果吃剩不少。　飲品方面，媽咪對咸金桔蜜表示欣賞。其實媽咪很少會稱讚飲品的，所以算是難得了。至於我，去開泰式餐廳，我很沒新意的總選珍多冰，可以咬有口感嘛；泰屋出品的珍多冰味道較清，加入了海底椰粒，都不差。龍就選了紅豆冰，夠稔夠香，我只覺差一點點甜。　其實此店最好還是環境，茶市人又不多，坐室內靜靜的、涼

補寫番父親節黎呢間野食...一心諗住特別d啦點知一肚氣...兩個星期前已經打黎book, 佢仲教我點去跟住個日我爸爸去到個度..話無我既booking, 仲梗硬話你無book...死啦!個日好難搵位架麻需然後來都俾左張我地, 但都食到背脊骨落啦!個環境確實幾ok既...其實d野食都唔錯服務就真係差到極點...可能佢唔憂做啦無第二次.....

星期六下午3:00一行3人去到, 當時跟本唔多人, 但竟然要我們座最近廚房的位置, 當然唔座啦, 選了一個較為好的座低. 有幾多蚊.叫了以下食物:黑椒香葉炒中蝦幾香, 但蝦完全唔新鮮, 蝦肉梅嫁紅咖哩雞好水, 啲雞係雪的雞脾肉, 好差馬拉盞抄雜菜無特別印度烤包算係最好相信都唔會再去, 太差喇.

好朋友多次話要帶我黎呢度食野，今日卒之有機會喇，我們一行五人，四大一細大約21:30左右到，可能比較晏啦，所以唔駛等位。一入到去，我即刻問乜我地去咗泰國芭堤雅咩，乜咁似既。我地坐咗响outdoor最角既一張枱。言歸正傳，我地今晚食咗以下既野﹕海哲青芒沙律–好辣，但辣得幾好味，加上有生洋蔥，正。冬蔭功–用料幾足，但份量少咗啲。馬拉盞炒通菜–菜幾甜，啲蝦米好香。燒蠔半打–超好味，隻隻都大大隻，好鮮好正，必食推介。不知名辣飯–好朋友話好味，但唔記得個名，都唔錯，辣辣地，飯身幾香幾柔軟。咖哩蝦–好朋友終極推介，真係幾得，香滑咖哩配大頭蝦，個汁送naan一流。蒜蓉烤餅兩份–配咖哩食真係絶佳組合。西瓜汁一杯–由於好朋囡囡唔食野，呢杯野比佢囡囡飲既。睇過之前啲post話呢度service唔得我又唔覺，起碼我舉親手都唔駛10秒就有waiter飛身出現。加上有免費拍車，最後埋單都係$618，唔錯，會再encore。

呢間餐廳D環境同食物都ok, 但D男伙計部長的態度就一D都無改善, 次次食都成$700-$1000. 都係咁態度. 真的不之所謂

之前聽過好多人都話呢間好食...自己又成日經過都入黎試下,所以星期二就一行5人黎食泰國菜喇..我地book定台先,怕無位,但係黎到都仲有好多位可能唔係假期掛,出面果個涷檔好似少左海鮮種類咁,不過我地叫左燒魔鬼魚(可能要調味,係最耐先上,幾好味)泰式爐魚(條魚好滑^^)黑椒香葉炒中蝦(勁香口,又夠野味,必食)鮮蝦金柚沙律(sweet左少少,我比較中意木瓜沙律)酸辣鳳爪(呢個好鬼辣呀,中意辣既朋友可以試下)青咖哩雞(好CREAMY,好香椰奶味)印度烤包(好大塊,用黎點烤包最正)馬拉盞炒通菜(都可以,BUT我老豆話超好食)燒吊蠔半打("算"蓉味好重)最後叫左個香芒黑糯米,呢個好多椰汁,好MATCH,我最中意呢個^^都OK抵食呀5個人食左8百幾蚊一定會再去

lee間餐廳已經來過幾次, 覺得唔錯, 所以想推薦一下.海鮮: 炭燒大頭蝦-好好味, 燒原之後都唔鞋, 而且好彈牙, 多膏, 價錢偏貴, $110/隻(大). 燒多寶魚-有泰式醬汁, 外脆內軟, 好味, $180一條大的, 都ok. 炭燒生蠔, 朋友話好好味, 有海水味, 煮得剛剛好, 唔會太熟又唔生, 因我唔食的, 佢地話好抵, $80/6隻, 都ok大的.燒牛仔骨, 出奇地好味, 初初以為會無咩特別, 因為是朋友提議的, 食落又ok, 比想像中好, d肉嫩滑無雪味唔鞋. 個人認為油蘇餅較薄餅好味, 咖哩方面都ok, 但唔夠熱, 不過不失. 特別一提d菜炒得夠鑊氣.

我真係好激氣，唔止我，連我屋企人都係。13/5就係母親節，想同屋企人開開心心食飯慶祝，明知道呢d日子一定會多人，已預先book位，一星期前打去book，我一行20人，book 12/5 夜晚7:30，打電話去book位時已講明要求，"要室內地下，因為有輪椅o既屋企人，行唔到，唔能夠上1/F，另外有孕婦怕熱而要求室內，當時接電話個staff只係話未必會有圓table，有可能只係安排到長table;，冇講到其他野。到尋日11/5下午，我接到個電話，泰屋打o黎話俾我知，佢地安排唔到table俾我，聽到已經好嬲，我booko既時候佢地冇話我知有問題，到食飯前一日先打電話話冇位，有冇攪錯？！我當然同佢地理論啦，佢地話1/F同outdoor都有位，叫我轉，之但係我已一早request佐，如果1/F同outdoor得o既話，我洗乜request indoor地下呢又，如果佢地係冇table，咁就唔應該接我呢個booking。佢地仲要大聲過你，不斷咁講唔俾我講野，最差o既係佢地竟然cut我線，不知幾咁嬲，仲要唔肯承認係佢地失誤，而推落我度，話佢地1/F 同outdoor有table，係我唔要，咁o既服

我真係好激氣，唔止我，連我屋企人都係。聽日就係母親節，想同屋企人開開心心食飯慶祝，明知道呢d日子一定會多人，已預先book枱，一星期前打去book，我一行20人，book 12/5 夜晚7:30，打電話去book位時已講明要求，"要室內地下，因為有輪椅嘅屋企人，行唔到，唔能夠上1/F，另外有孕婦怕熱而要求室內，當時接電話個staff只係話未必會有圓枱，有可能只係安排到長枱，冇講到其他野。到尋日11/5下午，我接到個電話，泰屋打嚟話俾我知，佢地安排唔到枱俾我，聽到已經好嬲，我book嘅時候佢地冇話我知有問題，到食飯前一日先打電話話冇枱，有冇攪錯？！我當然同佢地理論啦，佢地話1/F同outdoor都有位，叫我轉，之但係我已一早request佐，如果1/F同outdoor得嘅話，我洗乜request indoor地下呢又，如果佢地係冇枱，咁就唔應該接我呢個booking。佢地仲要大聲過你，不斷咁講唔俾我講野，最差嘅係佢地竟然cut我線，不知幾咁嬲，仲要唔肯承認係佢地失誤，而推落我度，話佢地1/F 同outdoor有枱，係我唔要，咁嘅服務態度，野食再好環境再好都保唔番。

o黎得呢度, 其中最大o既原因梗係食環境啦, 如果想食又地道又抵o既泰國o野, 可以去九龍城, 唔駛黎呢度了.環境真係好似泰國, 相信o黎呢度搞「香江大舞台」會比華富村適合, 睇完show行過隔離食泰國o野, 一站式服務, 叫旅發局考慮o下.食物好有水準, 有室內室外, 溫馨提示-大家夏天最好唔好坐室外, 盞食左都唔生肉, 香港o既夏天分分鐘熱過泰國(泰國通爽空氣好), 想同大自然接觸都唔好搵自己苯.價錢合理, 係唯一果個燒大蝦比較貴, 成舊幾水一隻, 其實同自己去街市買D蝦o黎燒分別唔大, 不如食燒魔鬼魚仲好, 反正個汁一樣.免費泊車, 如果買左架新車好恨"渣", 布袋澳流浮山都去到悶, 不妨去試試呢間.

It happened on the Valentine Day. The original menu disappeared. I wanted to eat thai food, but waitress said you can only order BBQ food. OK...OK... Consumer cannot order thai food in a thai restaurant !!! ???Then, I went to the seafood bar to pick some dead creatures. There were a lot of customers crowded around the seafood bar, waiting their services. The restaurant forced customers to order BBQ food, but there were not enough workers at the BBQ bar!!! The restaurant management knew h

It happened on the Valentine Day. The original menu disappeared. I wanted to eat thai food, but waitress said you can only order BBQ food. OK...OK... Consumer cannot order thai food in a thai restaurant !!! ???Then, I went to the seafood bar to pick some dead creatures. There were a lot of customers crowded around the seafood bar, waiting their services. The restaurant forced customers to order BBQ food, but there were not enough workers at the BBQ bar!!! The restaurant management knew how to ea

十人飯局，有人建議這間餐廳，時值星期日，勉強訂到室內的位子，室外座位更搶手。先來些小食，海蜇沙律是穩陣之選，蒜蓉牛油雞翼和皮蛋釀蝦膠只屬一般，前者不香，後者偏乾。接著到咖哩類，點了兩款，黃咖哩牛肉味道頗淡，咖哩羊肉比較好。有咖哩豈能無烤餅？Kashmiri naan 及garlic naan都又熱又鬆軟，水準比其他菜式好，Roti就略為遜色。室外有個燒烤檔，顧客可先看貨色再落order, 我們點了幾款燒烤食品，其中燒蜆不算很新鮮, 但吃下去也算甜美；燒羊架也好味, 第一輪分贓不勻要encore。另外燒魷魚、大眼雞和魔鬼魚也不錯，但肉眼扒就燒得不好, 外層燶但內裡太生.還吃了馬拉盞通菜和冬蔭功，不過不失。而可以不點的有蠔仔蛋和辣椒膏炒桶蠔，前者好油膩，後者我無食，見到賣相已覺漏。甜品有各式糕點和芒果糯米飯，味道還可以。大部分菜式一般，燒烤及烤餅較出色，可主打這兩項。服務方面，人手有點不足，周末惠顧的話，似乎要有心理準備。