泰屋 (東成里) (已結業)

除夕唔想出去迫....黎呢度同朋友食飯...4個人叫左:燒牛仔骨- 唔食牛...朋友話ok燒羊扒- 好多肥膏...同埋太燶!!泰式鳳爪- ok..不過好辣...青咖哩雞- 勁入味...送飯烤餅一流原條鱸魚- 幾滑...唔錯蝦餅- 熱辣辣....正..蒜蓉烤餅,碎杏仁烤餅- 幾好味..不過唔夠熱...服務ok...d人超級忙...不過都有主動換碟同加水..d野唔係特別平..不過如果坐外面會幾好feel...

薑餅人駕車到元朗食平安夜大餐, book唔到室外位, 室內很逼, 枱與枱距離很近, 我坐近路口位, 成日俾人撞到張凳呀.燒物叫左燒鱔–肉厚但唔爽law.燒蝦–肉爽新鮮, 唔會難食得去邊.辣椒膏炒鮮魷–唔辣, 幾油, 但無乜鬚既? 我吔係揀左成隻鮮魷去炒架喎, 有點騙人啊!咸魚炒通菜+什菇–無咸魚香.綠咖哩雞- 雞肉幾多, 叫左個原味naan點咖哩汁吃.薑餅人飲左兩杯lime soda.服務和食物都很普通, 不值專登駕車來吃.

12月26日晚上同老公去撐檯腳，覺得環境舒服，很有風味！老公揀了1隻大花蝦(~$100)及1隻大扇貝(~$80)去炭燒，又揀了靈芝菇、杏鮑菇及泰國小椰菜(~$50)用馬拉盞炒。大花蝦很好味，大扇貝都鮮味，但有點過火，不夠嫩。可以自己去揀海鮮及蔬菜，覺得幾特別！其實，仲想食炭燒蠔($88半打)，但見到咁大隻，兩個人食半打，怕會滯，就冇得試其他食物，唯有放棄。然後，點了辣咖喱牛腩($65)及蒜蓉烤包($22)，牛腩薯仔都好腍，好好味，辣度可接受，不是太辣！(我們是食得辣的人)兩個人食唔到好多款式，下次希望同多幾個人去，可以食多幾款食物！服務ok，加茶勤快，但唔叫就唔會換碟！代客泊車個位仁兄叼著支煙去車，搞到我部車有陣煙味！

昨晚一行七人到來,沒太多人,order1)辣酒花螺..我無食,我姐姐話好爽口好鮮味2)海南雞飯...未食過咁難食嘅飯,又淋又爛又無味,Ｄ 雞又生又多血....唉3)燒魔鬼魚...幾香,Ｄ肉質以瘦肉.4)炸鱼餅...幾好食,好正宗5)烤餅...淨食都好味,外脆內軟.6)雞肉青架喱..唔好食,無青架喱味,雞肉又"鞋"成碗無 乜食過."香辣屋"那個青架喱就非常正...7)雞絲湯河..給仔仔食,河粉幾滑,但個湯好咸.8)炸豆腐拼芋角..唔錯,芋條好夠芋味.9)馬拉炒雜菜..依然野味夠水準.10)蒜蓉牛油雞翼..細妹話好夠味.11)泰式海鮮炒貴刁...好多料,Ｄ蝦又大隻又脆.12)原隻菠蘿海鮮炒飯...同上次一樣咁好食.連一杯凍飲３個椰青$830

簡生出差回來,補祝他日生(只過了一天), 也慶祝我自己重生一週年,昨晚約埋蕭先生和蕭太太來到這裹,正如好多綱友話,這裏環境好有泰國Feel,在中午時巳訂了位, 7:00pm準時到達,入內巳坐滿了一半人,天氣清凉,我們選了露天座位. Order 了８種食物.1)咖喱蟹...好大隻, 個汁好好未,辣度適中,用來点面 飽真的好正,不過最可惜隻蟹有点削,肉質不夠實.2)馬拉盞炒雜菜...都好野味,只是油了些少.3)法式牛油雞翼....這個就一般般,蕭生話無味.4)炸蝦餅....好彈牙,好香.5)沙爹半打...這個是全晚最差..肉質好硬.6)菠蘿炒飯...很有水準,不太乾又不太濕,甜甜酸酸..正7)蒜蓉法飽...好香口,淨食好過点咖喱8)烤餅一份...這個点咖喱最好,還有甜品送..蕭生話好好食大部份食物都好有水準,服務唔錯, 经過一天辛勞,坐在這裹的環境,感覺如渡假,真係是幾好的享受....連３支啤酒共$670, 由蕭生做老板...多謝!我們離開時8:30pm, 但己滿座了

當晚Book了7:00pm 露天位, 一入到去的感覺, 好有泰國Feel, 仲以為自己去了泰國, 哈哈~~ ! 荷葉燒鯖魚- 鯖魚在BBQ檔Order的, 即場用荷葉包住燒. 條魚熟得剛剛好, 仲好Juicy!鐵板蠔仔蛋- 唔錯! 蠔仔好肥美.沙嗲串燒- 雞肉比牛肉好食.海南雞- 唔錯! 有雞味.咖哩雞- 唔係太辣! 雞肉好滑.原味及蒜蓉烤包- 蒜蓉味好食D!菠蘿炒飯- 原隻上, 入面好多料: 墨魚, 蝦等等... 服務方面: 只會加水, 唔會換碟. 雖然檯底點了蚊香, 但始於新界地方, 所以比蚊針了幾下... 鳴鳴!

因為同事讚好,於是一行九人到泰屋試試, 整體上是一頓吃得高興和relax的晚餐. 首先,一入餐廳已有種到郊外的感覺, 我們是坐室外的, 周圍有不少植物, 而檯下更有蚊香, 給予我一點安全感. 至於吃的方面, 海鮮檔的雖說不上是一級新鮮(你也不會期望泰國餐廳有游水海鮮吧!), 但質素確是不俗, 我們點了烤大蜆,烤蠔和一pack的蟹腳, 三樣都值得推介. 還有香芋焗飯亦不可錯過, 最後,當然還有甜品, 起初我按menu叫了芋頭糕,南瓜糕,千層糕和西米糕,每件$7,我便各樣點了兩件,怎料原來是一件開四件(西米糕除外,但仍比別的泰國餐廳大兩倍), 即是說其實一件(只係$7)已經夠四個人吃,而且味道不會太甜又好味道,芋頭糕和南瓜糕味道真的很香濃,而千層糕也帶著豐富的椰香, 記得食埋至走呀

早前睇電視節目介紹已經好想o黎試o下，但睇完食評，講到好差，所以都無o黎過，但禽日朋友仔生日，佢話想o黎試o下，所以就去搏o下。一去到就去o左海鮮bar揀食物，隻珍寶大扇貝真係好大隻--個殼，我o地3個人商量之後都係唔要，揀o左其他4樣海鮮，是晚食物有﹕1. 炭燒大蜆肉半打- 鮮甜, 但有沙2. 炭燒美國大生蠔- 超正, 成隻手掌咁長, 肉好厚, 食完一隻都飽3. 泰式避風塘長腳蟹- 好正, 好惹味4. 椒鹽魔鬼魚- 有o的失望, 因為睇完食評之後話椒鹽好食, 所以揀o左哩個煮法, 但因為沾o左粉炸, 我本人唔鐘意, 因為好"滯"，所以覺得唔好食, 下次要試番燒, 應該會好食o的5. 馬拉盞炒什菜- 麻麻地, 唔夠馬拉盞味6. 炸蝦餅- 好食, 好爽口, 唔同出面食開的得o的粉7. 牛尾煲- 味道唔錯, 因為太飽, 我只食了少少8. 柚子沙律- 無乜特別9. Naan Bread(原味烤包) - 無乜特別, 我比較喜歡油酥餅多o的10. 串燒半打- 麻麻地, 肉太硬總金額$9xx (我bf俾錢, 所以唔知總數幾多, 我之後要俾番一半佢)我o地一行3人叫o左10碟食物, 每碟份量都唔少,

我都有預早book位，但去到都仲要等十多分鐘，我坐室外大，感覺少少逼，d service麻麻，但海鮮bar果位姐姐就好好service，唔錯，唔知係咪星期日多人，我地叫左好耐都未有得食，而且隔好耐先黎一味，吹海鮮果邊，佢果陣就話黎緊，吹烤餅又話整緊，但我地坐果個位見到d師傅明明冇整緊餅，睇佢整果d又已經出哂比其他客，但我地果d等到頸長都未到，食餐飯食左足足個半中，我從來都未過食一餐食咁耐，而海鮮o既價錢泊得住西貢、鯉魚門，o係元朗講都幾貴，最估唔到就係連埋單都慢過人，叫又耐，等佢找錢又耐..........唉........

繼上次走入元朗食大榮華之後, 係9月16日一行十二人又再次殺入元朗去試朋友介紹既泰屋, 今次我地一早預定好坐位, 因知道該處雖然比較偏僻, 但一樣好多帽名而來。我地大約6點半已到達, 那時已經有頗多人, 我們入座不久已急不及待四處參觀, 室外環境好有泰國風味, 如天氣稍涼可以選擇坐於室外, 另外室外還有一個海鮮檔供人客挑選食物, 還可以讓客人用燒烤形式去烹調。不過我們今次沒有挑選海鮮, 因我們認為食海鮮要去西貢布袋澳或東涌東星樓食才好食。是次埋單不算太貴, 只是大約$1200左右, 俾預期中少(因為我們今之食了很多東西及飲了很多飲品)．到晚上大約9點半走, 餐廳外仍然有人在等位入坐, 真是熱鬧。

上星期日去過,環境就一流,但服務就bad bad!!Order 咗d食物,吹兩三次都未到(我feel倒佢漏單),跟住經理同我地講:同你取消咗啦!!咁即...埋單囉!! 食物水準一般,話時話九龍城個d xx餐廳好過佢,不過你要講feel就..

心血來潮，叫了家人一起去試泰屋。搭的士去，短短的車程不知怎的竟有少少去旅行feel。室外的環境的確很正，不過我們都折服在冷氣的淫威下，選擇了室內座位。　食物選擇很多，點菜都幾頭痛；左挑右選十多分鐘，我們終於點了：串燒半打($48) - 可以雞、豬、牛各二，每款都很有水準很美味!印尼咖哩雞($58) - 不算惹味卻香滑可口，沾薄餅吃都幾美味!Naan bread($22) - 媽媽最愛食原味薄餅，這裡的出品新鮮熱辣都不錯~~香蒜椒鹽爆軟殼蟹($78) - 賣相一流，不過炸粉太多，吃下去軟殼蟹毫不香脆，很一般...脆炸海臚魚菘伴青芒沙律($118) - 是廚師推介所以期望甚殷，但食下去太油膩予人反胃之感；撥開面層的魚菘，油跡處處，狀甚恐怖。由於太惡劣，我叫了經理來，他很有禮貌的幫我取消這個order，反而令我有少少尷尬...果仁薄餅($22) - 取消魚菘想再點，但因太滯食不下主菜，改點甜甜的薄餅。比較之下，我們都覺得原味較好!鮮什果涼粉冰($28) - 賣相超靚，內含很多生果，味道也不差，唯一缺點是涼粉較少芒果西米露($22) - 不是預期的清甜，而是濃稠稠的甜蜜味；平日我會很鍾意，不過

由於weekend，預早book位。環境ok，幾有格調。curry crab 同酥餅一齊食，好正！個柚子salad...yummy!另外，甜品真材實料，西米露好好味！不過，侍應比較少，水都要自己refill.

食嚟食去都係銅鑼灣、灣仔和尖咀，想比個驚喜男友，諗咗好耐，終於決定嚟泰屋，貪其resort環境和風味食物。交通尚算方使，與西鐵站相隔只是步行距離。我訂了室內位，因為怕蚊。可能附近有農田，整個泰屋範圍充斥着「牛屎」味，個人認為都係室內位好坐喲。我們沒有理會menu上的食物，專攻海鮮bar的炭燒海鮮。這裡的侍應十分友善，用心地為你介紹食物和烹調方法。我們從海鮮bar枱揀了半打加拿大桶蠔、半打大蜆和一隻有手掌般大的帶子，全部炭燒，原汁原味ma。桶蠔十分肥美，男友食不停；我最欣賞喲大蜆，非常鮮味，保留了少許海水味。帶子略嫌燒過火，邊位較韌。甜品要了芒果黑糯米，熱辣辣的黑糯米帶少許甜味，同超甜芒果一齊食，一絕！非常滿意的一餐，服務、環境、食物皆是。

呢間嘢個環境好有泰國feel~ 室外就太熱喇, 不過如果天氣涼d都唔錯呀!我地一家五口(五個大人)叫咗:1)海南雞飯- 唔應該係呢到叫2)串燒一打$96 -好好食好大舊!味道好3)燒雞半隻$120 -好好食!一定要叫! 味道好+又夠香+滑+嫩4)butter chicken -唔啱我食5)牛gun黃咖哩-味道好好!不過牛gun太硬喇!6)garlic naan bread -一定要叫好正好香!點黃咖哩會好過點butter chicken! 好太兜呀7)馬拉盞抄菜- 都幾好味天氣太熱坐出面就食得辛苦d, 不過好有feel同埋味道都幾好!如果黎飲杯啤酒食吓串燒同d朋友黎傾計都唔錯!bar抬又有電視睇!好有外國feel!值得再去!