泰屋 (東成里) (已結業)

食物一般，價錢略貴，環境不算特別，以前都吃過幾次，但今次覺得新收的泊車收費不合理，以前係免費的，現在要收$20，仲要計埋入張單度再加一，實收$22，這樣的露天食飯地方，地方也算偏遠，公交缺乏，好少泊車要收錢，我問侍應為什麼連泊車費也要計入單內一起加一，她不耐煩地答是停車場收的，R頭，未聽過停車場有加一服務費，如果我們一顆人有4、5架車要泊，豈不是要成百元！車友要留意。

因事陪朋友入元朗，由於身懷貴重物品，在品流較雜的潮豐一時轉念，跳上的士來到泰屋。泰屋已來過數次，環境是最大賣點，是佐敦店不能比的，地點是最大缺點，之前來時，兩次迷路，一次坐的士。這次坐的士，來回各花30元/20元。服務每次都是等位為最差的一環，曾訂了位到了仍要等45分鐘，這天未滿座，即使比訂位時間遲半小時仍可入座。朋友說自己現在是嘴刁的食家，被男友慣得刁嘴的我，也發現一山還有一山高。泰屋一直水準穩定，並非每道菜都最出色，但總有幾道做得不錯的。可是這次或是不合朋友口味，或者朋友點菜的問題，她只吃了一點便放棄了，330元+的士錢，真不好意思了。朋友點了：1.冬蔭蝦湯($78)-朋友覺得不錯，個人認為一般，不夠熱（用火爐上，可是坐在露天地方），蝦很霉很霉。2.泰式香葉炒飯-中上，朋友吃了一點便停手，我吃了很多，可是不夠熱...比之前吃的式佐敦店差了一點。3.胡椒中蝦($88)-朋友說是點失望，覺得做出來的效果不及預期，我認為是蝦問題，中蝦是基圍蝦，而且太多香料。4.串燒半打-朋友吃剩了一點，主要問題是不熱，我也有點失望，因這兒有燒烤檔應比其他店好，可是似乎是炸出來的...總括而言，朋友不滿意

住左元朗幾年，聽到區外朋友讚好後第一次幫親，因我對泰國菜興趣不大。當(日)打電話訂位食晚餐，小姐說未必一定準時有位(可能生意太好)，我二人到後見到吾小吉枱(多數客渣車或打的，如由元朗西鐵行，10分鐘到)，D客7點後先到，枱有分室內或室外，我竟擔心天氣選室內(有電視睇)，但見到室外景幾raw,下次試。1. 小食: 脆炸鲜蝦膠釀皮蛋($62)花型賣相,冬皮蛋放於脆熱蝦膠,一囗一件 仲食到重皮蛋味,值得推介.2. 香酥油酥餅 ($28)有3件, 幾香及有層次,但吾算好熱,可能等影相關係.3. 泰北地道豬手煲 ($78)豬手多,凸晒出煲,吾係水汪汪同你玩尋寶遊戲果種,豬手多肉,炆得算淋.4. 清邁鐵板蠔仔蛋($78)好多蠔仔混蛋放係熱辣辣鐵板上,同台灣柯仔煎係兄弟,我加湖辣椒粉更好味.5. 泰啤 (细支) ($15，有啤妹)有印度菜，自選海鮮BBQ,待下次試,泰feel裝修幾舒服,當日上菜速度同服務都ok.

朋友一直都推介食的泰屋, 由於很多地方都要試, 一改要改日期, 終於來到此店了朋友之前2人一直叫得不多選擇, 今次一同四人...可嘗多一些菜式選了8樣東西多..只可記下某幾種吧1.)皮蛋蝦餅.不愛皮蛋的我, 都嘗了一口....真的不錯, 因皮蛋是有一種苦味我不喜歡的, 但當他們合在一起炸又另一番風味, 可其夾...2.) 印度薄餅....叫了一個原味一個椰絲甜味...真的對不起呢...甜味真的不是我味兒3.) 雞煲翅....雖然等了很久...但很真才實料, 意想不到

雖然居住元朗多年，最近都習慣到九龍區用餐，所以元朗區的食肆已經很久沒有光顧了。今天友人主動提出在新港酒店後面的泰式餐廳，指此餐廳的每一角落帶著泰國的風味，所以便帶我們到餐廳感受一下。我們六時多到達，但餐廳外的停車場已經有七成滿，可以聯想到其受歡迎程度。今天天氣稍熱，所以餐廳室內部份的地下早已滿座，移玉步到二樓，也有不少顧客。這裡也有「啤酒小姐」為你介紹啤酒，只可惜我們都不喝酒，所以我們見她來的時候已經示意我們不需要了。馬拉盞炒通菜($55)通菜炒得很夠鑊氣，而且菜表面沒有泛油光，被炒過之後依然保持青綠。通菜中夾雜著蒜茸粒，帶著微微的蒜茸香，加上口感比較爽滑，不錯。不過泰式的醬料馬拉盞反而不太突出，可能蒜茸的味道實在太霸道。酥炸南瓜栗米餅($55)這個做得較為失色。不知道餐廳是否即叫即炸，但即使是即叫即炸，此菜也是放置很久之後才上菜。因為本身並不熱，而且外層因放置太久變至韌，幸好本身油份不多。至於餡料，入面最多的是麵粉味，內裡的南瓜少得過份。至於在餅外面的栗米，被一層炸粉包著，不但沒有任何味道，而且質感比沒有栗米更為差。由於整件餅只有淡淡的麵粉味，所以配上泰式的酸甜醬才能把此清淡的味道帶

2010-07-17星期六晚事一、我同六個朋友一早Book左台，諗住慶祝生日，去到佢先話我地知無位。果度係博愛後面，如果一早知佢訂左台都當你無到，我地就唔打的入去食喇，你估易入咩！二、餐廳分開室內同室外，我地輪室內無位，最後再輪室外，結果等左50分鐘，果陣都差唔多九點！本來餓都變唔餓！三、一坐低，侍應就俾少杯水我地。想叫人落單，叫極都無人。四、最精彩既係──突然落大雨！我以為佢做得露天餐廳，天雨應變應該無問題。點知佢全個露天場係落雨之後，只係將個簷蓬拉出同拎左一把遮出黎，全場得一把！我地成班朋友同幾台食客都要自己搵地方哩。我朋友（斯文女仔）問個manager幾時先可以坐室內，佢manager完全唔理，就咁行過，完全唔理人。我朋友追到入室內餐廳，個manager淨係識講「等等」，朋友問佢等到幾時，個manager答唔到，繼續叫我地等。激到本來斯文女仔話：「你呢句說話我地聽左好多次喇！」五、最後我地一行七人要冒雨打的去元朗搵野食，已經九點幾，又濕又餓，咁樣慶生。泰屋上上下下既應變、服務態度好野到你唔信。

幫媽媽慶祝生日, 一家12口一同光顧朋友介紹的泰屋星期日晚上很多人光顧啊, 還好一早BOOK好檯環境是不錯的, 6月頭, 不是坐在室內也不會太熱 訂檯時特別註明有幾個小孩 + BB, 請他們為我們留個好位置, 好讓我們放好BB車又不怕阻到人想不到是在吸煙位附近!!! 唉, 還好沒有太多人吸煙 (可能別人都見到我們一桌子小孩子, 不好意思狂噴煙吧)食物方面總的來說是不錯的, 價錢合理, 但因為人多, 難拍到好照片, 哈哈!印象比較深的是椰汁咖哩羊, 有很多椰絲, 很香~~~皮蛋蝦餅口感很特別, 醬汁很開胃, 不太吃皮蛋的朋友都吃了 人手不太足夠, 常常叫不到服務員來幫忙, 但不算太嚴重, 而且服務其實不錯捧蛋糕來的年輕女侍應很歡欣的說: 個蛋糕好靚喎, 一定好好食喇!還和我媽媽說生日快樂呢! 下次會再來的!

今晚被人帶到去食呢間泰國菜...原本抱的期望唔高..但食完後覺得都有水準5個人, 有2個唔食辣的..叫左椰汁咖哩羊($58): 半好淋, 一D都唔騷!! 好食~NAAN BREAD($22): 正, 一客6大件GARLIC NAAN BREAD: 唔錯, 不過冇咩GARLIC味泰式炸蝦餅-正! 點埋個少少辣的汁..海南雞(半隻)- 雞好滑, 墊底的青瓜都好好食~ 個汁好野味越式地道豬手煲- 豬手炆得好入味和好淋馬拉盞炒雜菜: $13/100G, 揀左D皇帝菜, 幾種菇, 同泰國茄子, 泰國茄子好爽甜, 好好食~凍椰青: OK柚子薑蜜: OK梛汁西米糕($10): WA, 好大件,係平時的2個, 好香椰子味, 西米仲有D芋頭粒, 好好食~ 呢個真係好好食~ 仲外賣半打返屋企椰汁千層糕同芋頭糕: OK啦, 不過熱的~椰汁芒果西米露: !! 好香椰奶味, 好足料, 應該係加左原汁椰落去.. GOOD呢道的氣氛好好~ 我地坐戶外的~都好舒服~ 環境都唔錯唯一唔LIKE的就係其中一個WAITRESS..三催4請甘, 好像我地冇錢俾甘..

除夕夜, 去了再試下吃這間餐廳....對上一次去已經是 4 年前了...記得上一次都幾好味的....但今次.......我地叫了 ~肉骨茶 - 冬菇起碼有 10 隻, 排骨有 5-6件左右... 佢比個爐仔''興''住... 但飲落去完全唔得, 一啲都唔似肉骨茶 >_<印度咖啡雞 - 表面成層厚厚既油.... TERRIBLE印度薄餅 - OK菠蘿炒飯 - OK, 呢個幾好味...馬拉盞炒通菜 - 麻麻地, 好肥...其實佢環境 OK 既, 坐 OUTDOOR都唔錯, 但如果佢野食改良下一定會好好多囉......

地點: 方便駕車人仕 / 坐的士 環境: 地方大, 室外有暖爐, 傘. 食店氣氛: 富泰國風情 食物: 有即點即燒的海鮮BBQ / 傳統餐牌海鮮: 新鮮但貴 大頭蝦 $128/隻 鮑魚: $ 78/隻 如一人一份, 都幾重皮 ! 想慳 d , 都可叫傳統餐牌的菜色. 蝦餅 $58 (6件): 勁好味, 夠大件 串燒: 大大粒肉, 吃2串都飽都暈. 白咖哩: 咸了點......浪費了咖哩汁. 酥餅 $20 (3件): ok 生菜肉碎包: ok, 略嫌不夠生菜呢 ! 總括來說, 多選擇, 味道算好. (不過, 味精重了 d d ..... 食完要飲多d 水 !)

星期日於南生圍參加完一個無單車踩的單車團，之後在近近地在元朗晚餐，被帶到在博愛醫院附近的「泰屋」，主打泰菜，亦有印度/印尼風味食味供應。由元朗西鐵站步程約10分鐘，環境優雅，可選坐室內或室外。是晚共點了10款食物，印象最深係個生菜包最好，酸辣口味非常開胃，其餘味道還可以，總之是環境與氣氛比食物好；平均消費每位約90元，不算貴。年底前東亞信用卡結賬消費滿250元送芒果黑糯米1客，份量頗大。不過店內全無顯示提醒客人有此優惠，不問就會錯過，明顯店家並不想送…佐敦也有一間同名的，不知是否分店。

男朋友仔話有朋友介紹泰屋唔錯, 所以就渣車車黎呢度試試星期六既晚上8點半左右, 唔洗等位, 仲有好多位, 我地選擇左坐室外~ 環境幾靚幾relax, 都幾適合二人世界sweet架行入d, 有幾個"檔口仔", 有d海鮮可以自行選擇~ 不過我地唔係好岩, 所以只係order餐牌上面既野食~飲品係菠蘿沙冰 同埋 芒果沙冰 - GOOD!!食物方面, 兩個人食唔到幾多野, order左：1. 蒜蓉包 - GOOD!!2. 白咖哩雞 + 原味薄餅 - VERY GOOD!!3. 蝦餅+皮蛋 - VERY GOOD!!真係唔係講笑求其GOOD架

谷氣到唔寫唔得!!!見呢到近近地又有位泊車阿媽又想食泰菜咁就黎~但十分失望….由於怕多人又冇訂位,所以6點到去到,果然係冇乜人,見天氣太熱,梗係坐室內啦!但入到去都係唔涼既?!同坐外邊冇分別,只係唔會俾蚊咬!而且如果係保持25度,都避免太熱掛。待應帶位到一張4人枱,但只係放左2份餐具,我地坐左成10分鐘,佢都未有意欲幫我地擺位,只係識攞4杯水,放低就走人,當時又唔係好多枱客,佢地又冇野忙喎,真係忍冇可忍,我就向位部長示意仲欠兩份餐具,個部長就點左其中一個待應做,~但都係佢慢慢黎做囉!睇好餸菜就叫人黎寫啦~最搞笑係佢唔係企係隔離聽你講,而係企到老遠,好似你有傳染病咁,當時環璄又嘈吵,點菜好似同人嗌交咁!!!要講到好大聲!肉骨茶 似係一鍋冬菇排骨湯,有藥材味可言,冬菇多過乜, 排骨得個幾舊,湯既表面好多肥膏,而且係超咸,所附送既油炸鬼得3舊仔,超迷你又漏氣,浸落湯好耐都咬唔開!蝦餅 過得去啦,但個醬就甜都漏,頂唔順~要佢攞過傳統既甜辣醬食先覺好味d~半打沙嗲(牛豬雞各兩串) 一黎到就見到,唔係燒係炸既,好失望~牛豬好鞋又乾,雞係好味少少,但好係好乾,沙嗲醬都麻麻.....香辣咖喱羊 個咖

人物：James, Sylvia, Ibby, Tigger and Pooh今晚踏入黎元朗黎試下間泰國野，之前係佐敦食過都ok．喱度環境幾正，可以坐出面或者入面，太熱就唔好坐出面喇！會有蚊蚊架，一路食，一路都聞到ｄ蚊香味．１．泰式金邊粉：不過不失咁喇！２．芋頭飯：煮得濕左ｄ，我鐘意乾身少少會好ｄ．３．豬肉碎生菜包：好死辣，攪到唔知食左ｄ咩味落口．４．蒜蓉包：好香，好好食，推介．

今日我們一班同事慶祝,本應開開心心,原來比錢吃飯都要受人氣.我們order咖喱蚧,肉碎生菜包,大花蝦,馬拉盞通菜,亞拉斯加蟹,青咖喱雞,柚子沙律,冬陰公夠酸又夠辣~~~好好味,泰式魚爐香氣撲鼻,最後芋頭焗飯,芋頭夠香.唔知係唔係換了大,比我幾個月前好食好多,唯一最唔好食就是甜品,我們order千層榚,西米榚,及南瓜榚,真是實在太難吃,話明甜品 應該是甜,但居然是咸,叫了侍應來通知她為何是咸,她張這碟甜品放了水吧,而水吧位亞姐用兇狠的眼神望過來我們處,咁真係好難食嗎?後來侍應回來說給我們聽水吧同事話冇問題?她便行了去,啍!唔通整甜品個位味覺失調,咁你不如退休返泰國執牛屎.最憤怒就是侍應時常同水吧個亞姐成日 雞啄唔斷,講泰文又大聲,我們叫了她好多次加水,好像借聾耳陳隻耳,服務態度一流,早單聲下次如果阻住二位亞姐傾計,咁不如早些收工.整體來說,食物味道一流,但服務九流.