泰海鮮 (已結業)

上星期六約左班Friend入屯門三聖食海鮮，食完覺得幾唔錯，所以就想試下寫人生第一個食評，當日全男班一行7人走去左一間喺海鮮檔附近叫泰海鮮的酒家，成班人坐低後就睇餐牌la，但大家都好似有選擇困難証一樣，難以選擇🤣於是我就問下店員有咩是日推介，店員好用心同我地講解同推介左以下菜式比我地有:1)海鮮湯2)泰皇芝心蝦丸3)脆芝士釀焗龍蝦 👏🏻4)上湯焗龍蝦5)忌廉花甲烏冬6)香茅瀨尿蝦 👏🏻7)咖哩炒大蟹 👏🏻8)豉椒炒蟶子9)薑蔥煮鮑魚最後我地將枱面上所有食物一掃而空，大家都食得好開心亦覺得這間泰海鮮的海鮮新鮮，厨房手藝亦好好，整體我地覺得脆芝士釀焗龍蝦、香芧瀨尿蝦同咖哩炒大蟹都好正，我地仲諗住下次聚會再約返返來泰海鮮再食過tim。

19-4-2019 生日飯謝謝好友陪我一起山長水遠去三聖村食海鮮🐟🦀🦐想試好耐之前睇過飲食男女同網紅介紹見海鮮煮法幾特別就成日想去試下不過一黎遠 二黎好多朋友對海鮮敏感終於去左試 睇之前既食評介紹已經諗好左要食乜首先要去隔離海鮮街買海鮮再拎去店比佢地加工煮既！#鹽焗黃油奄仔蟹 好好食😋睇相就知 d蟹黃幾正！我係蟹痴 呢個真係正！當中有人唔食黃油，所以買左2隻黃油+一隻膏蟹！#白酒忌廉花甲烏冬 花甲自己買左d細花甲去餐廳應該係招牌黎既 但冇想像之中咁好食 而同行既友人直頭覺得唔好食添 個酒味唔知點解係未完全揮發既 隻味冇報導所講點帶出鮮甜味囉#必食豬扒面頭有炸白飯魚乾 不過唔係即炸既豬扒鬆軟 朋友話係最好食既一碟 #海鮮湯 原來呢個都係要自己去隔離執湯包煮$50有魚有瀨尿蝦同白沙蜆再用蕃茄薯仔滾湯海鮮味係有既 不過同行友人話好腥 我自己就接受到 瀨尿蝦味係超重#泰皇芝心蝦丸太大粒，面層有粒粒麵包 但蝦丸未至於好特色 因為我食過更好 芝士亦唔濃郁 多謝朋友和我慶祝😊由我揀餐廳同揀食乜餐廳室內冇位要坐出面 焗到死 風扇都冇 訂左枱都係咁買海鮮用左$200（3隻蟹）、$50海鮮湯、$60花甲埋

平時食海鮮都會選擇來到三聖邨。今次朋友介紹來到這間泰海鮮，推介它的另類煮法，就一行八人來試一試吧。因為唔知有咩煮法，所以都係侍應推介。食咗第一碟嘅白酒忌廉煮花甲配烏冬，真係好好味，酒味同忌廉味都好濃，有朋友話酒味太重，我就覺得啱啱好。我哋仲有食左芝心蝦丸、青山灣焗龍蝦、薑蔥鮑魚煲、咖喱炒蟹、豉汁炒聖子皇、海鮮湯等。整體上所有海鮮都煮得很美味，但咁多樣比較，我都係覺得白酒忌廉煮花甲最特別，覺得好難喺第二間餐廳食得番。推介！

今日同朋友們一起入屯門三聖食海鮮今日有房坐,可以慢慢食住債下計了.之後點食品了海鮮湯,泰皇芝心蝦丸,青山灣焗龍蝦,上湯焗龍蝦,白酒忌廉煮花甲烏冬底,香茅瀨尿蝦,咖哩炒蟹,豉椒蟶子皇米粉底.,薑蔥鮑魚煲海鮮湯-材料十足,大量海鮮,鮮味十足泰皇芝心蝦丸-蝦味好濃配合麵包脆,真係美味青山灣焗龍蝦-香口好味,不但香脆而且帶有鮮味上湯焗龍蝦-新鮮原味龍蝦,口口清香可口白酒忌廉煮花甲烏冬底-烏冬吸收晒日月精華,花甲鮮味加白酒清香香茅瀨尿蝦-新鮮瀨尿蝦走一走油真係香口加鮮味,在口中溶合鮮味咖哩炒蟹-蟹肉大隻新鮮好味道,咖哩辣辣地唔似有太多椰油,真係好正.豉椒蟶子皇米粉底-鮮味蟶子配合埋米餅底去食,更加好食薑蔥鮑魚煲-新鮮鮑魚味道,加上薑蔥更加帶出鮑魚鮮味

今天同三五之己一起入三聖泰海鮮食好野好快就有位,大家一人點一樣野食海鮮湯,泰皇芝心蝦丸,青山灣焗龍蝦,上湯焗龍蝦,白酒忌廉煮花甲烏冬底,香茅瀨尿蝦,咖哩炒蟹,豉椒蟶子皇米粉底.,薑蔥鮑魚煲海鮮湯-好多料,有瀨尿蝦,蜆,魚仔,薯仔令到個湯好鮮甜好味泰皇芝心蝦丸-外脆內暖,蝦味十足青山灣焗龍蝦-焗完龍蝦香口再加埋鮮味上湯焗龍蝦-新鮮好味道,龍蝦味正白酒忌廉煮花甲烏冬底-好香白酒味道花甲冇沙好味,烏冬吸收埋味香茅瀨尿蝦-鮮味十足,香口好味咖哩炒蟹-咖哩汁辣辣地,非常可口,而蟹肉實肉好味豉椒蟶子皇米粉底-蟶子好鮮甜味道薑蔥鮑魚煲-薑蔥的香味完全令到鮑魚味更好味,爽口彈牙

朋友提意在三聖攪海鮮聚會，那就定必選「泰海鮮」！早早致電餐廳訂位，告訴他們前來的人數及什麼想食的，餐廳會為你準備最新鮮的食材！鮮甜足料海鮮湯！店員説是用各式海鮮煲出來，給你看看湯渣就知。湯渣？芝心蝦丸，有濃郁流心芝士脆皮焗的超爽超鮮甜，上湯煲焗龍蝦白酒忌廉煮花甲烏冬底泰式香茅賴尿蝦，不辣但有香草味！咖哩蟹，蟹肉結實，還有蟹糕薑蔥鮑魚煲，鮑魚剛剛熟又淋又入味豉椒聖子皇米粉底這海鮮宴又豐富又美味，是三聖必食餐廳

同事介紹，難得約一圍枱，可以吃多點不同類型海鮮。海鮮另買，自攜到泰海鮮加工，手勢不錯入味。芝士焗龍蝦。最初以為是酒樓style配伊麵底果隻，結果是芝士與肉一起焗芝士焗龍蝦，打開兩邊，有肉又有芝士味，不濃不太入味，但勝在夠“脹”芝士焗龍蝦薑葱煮蝴蝶蚌。不是用炒，用清蒸奄仔蟹。蟹仔細細，咁多膏~~~海鮮湯湯渣。海鮮檔伙計送的，專登執三條配多蜆仔煮湯。湯汁好有味。友人用蜆仔送酒。奄仔蟹，紅“噗噗”芝士焗龍蝦砵酒蠔。其實是好味的，但送上枱時，以為是水牛雞翼豉椒蜆。濃味，惹味蒜蓉開邊蝦。令我唔太好蝦都想食多兩隻豉椒蟶子粉絲底上。本來餸okay但粉絲炸過就麻麻地，最好是不炸原味鋪底上另外加了椒鹽鮮魷，椒鹽九肚魚，炒菜。13個人，飲了2白1紅，加5支汽水，感覺......還可以再吃喝呵~~

難得到屯門區，去三聖村食食海鮮，係村中間位置，座位有好多，有室內室外，大牌檔風味，服務同上菜速度正常，海鮮新鮮，味道幾好，食得好滿足，今次一行六人，叫左六個菜同幾支啤酒，總共$21xx，平均每人$350。鹽水蝴蝶蚌胡椒味強，好似飲緊故椒豬肚湯咁，辣辣地味道夠濃，換個清啲配海鮮整會較好，蝴蝶蚌比我想像中大。芝士脆皮龍蝦呢個係佢招牌整法，個芝士脆皮真係好香芝士味又脆脆地，芝士味濃，有點蓋過左原本龍蝦鮮味，而龍蝦爽口。白灼蝦簡簡單單保留到蝦鮮甜，配上油加小許辣椒，鮮味更特出。清蒸東星斑蒸到岩岩好，岩岩肉甩到骨，而且魚肉好滑。蒜蓉粉絲蒸扇貝扇貝一個好大，粉絲分量唔會太多，而蒜蓉味夠。蛋白蒸蟹蛋白有好濃濃嘅蟹味，蟹肉不算太多，但有蟹膏，又是一個食到原本鮮味嘅做法。

假日同一班愛吃海鮮嘅朋友一齊入去三聖一聚，有朋友推介這裡，最緊要係抵食，而且師傅手勢好，今次朋友就在附近嘅海鮮檔買海鮮加工，這裡嘅加工費用一般都係由每公斤$56起，如配粉、麵、飯底，先至加收$60，其實人多平分都可以接受，龍蝦一般都係上湯或芝士配伊麵，朋友就推介芝士焗龍蝦配炒飯底，呢個真的十分好味，本身龍蝦肉質已經十分新鮮，肉質彈牙鮮味，但個飯已經吸收了龍蝦嘅鮮味，再加埋個芝士汁，入口個種感覺真係十分滿足，多加飯底都吃得落，呢個真係必食推介！另外嘅蒜蓉粉絲蒸大元貝，大大隻嘅元貝配埋蒜蓉粉絲，入口肉質夠晒彈牙爽口鮮味，再食埋浸滿了豉油蒜香嘅煙韌爽口粉絲，絕對要係另一個必食！個個都食得，當然要加埋啲夠飽嘅選擇，大大隻花甲就白酒忌廉煮花甲配烏冬，出來大大碟，個白酒忌廉汁十分香濃，花甲肉質彈牙鮮甜，加埋煙韌爽口嘅烏冬，轉個頭，就分得七七八八，我當然會堅守到最後！芝士飯混埋個白汁烏冬啦，正！除了可以為客加工海鮮，這裡本身亦有餸菜可點，泰皇芝心蝦丸勁推介，賣相唔算好特別，一個炸波波球，但這是落單即做即炸，外表炸得十分香脆，咬開時內嘅嘅流心芝士流出，差點被熱盪盪流心嘅芝士盪到！蝦肉肉質十分彈牙爽口，

是晚八點幾肚腩男伙同兩男子即興入三聖嚐鮮，預左人多車多，諗住去食興記都要排個幾鐘，行過見到泰海鮮咁岩話有位唔洗等，就二話不說放底行裝出去買料shopping再返黎俾佢加工。第一道菜係冬蔭湯浸蜆。味道偏甜同太水，睇圖都見到。懷疑香料落唔夠之餘仲忘記加椰奶，真係似飲茄水。系泰國餐廳飲到哩個質素係唔合格的，可以稱得上為難食。聖子加工選擇左幾特別既鼓椒炒加炸米粉放底。出到黎味道未算驚喜，唔夠鑊氣。聖子皇勝在食材新鮮肥美，口感爽甜。脆米粉係過癮香口既，唯太硬身。蒸扇貝，哩味菜係毫無技術可言，只要夠多蒜同粉絲預岩時間再用熟油淋面，屋企整都無可能會撻Q一人拆一隻膏蟹，本來係我最期待的。看圖都見到海鮮檔呀姐無呃我，真係爆膏！加工就選擇左用鹽焗方式，出到黎係dry左同無味。唯有靠海鮮本身鮮味搭夠最後仲叫左個泰式炒飯，什豆炒飯加幾片臘腸，鑊氣係有既，亦都炒得好乾身，點知一啖食落去鹹到好似食左口鹽咁。其實我地仲嗌左個蒜蓉炒豆苗，係幾大碟同好食的。咁又一餐，未計料錢每人約400，對返個題其實點泰法呢？感覺此店名過於實喎大佬

至細鐘意食海鮮，大過咗都係咁鐘意食，不過就得得有要求咗好多啦，作為美女要控制體重，要用QUOTA，緊係盡量食最好嘅今次食呢間海鮮，都係男友介紹話好食，咁就比面佢食下啦 薑蔥鮑魚煲(10隻)，薑蔥鮑魚煲，薑蔥味香氣十足，配合鮑魚好惹味，彈牙可口必食豬扒 ，極高質，比起一般食到嘅豬扒都鬆化軟腍，而且份外可口，$96海鮮湯，勁足料，都只係$18一位，清新可口，令人齒頰留香一上台已覺好悅目，十足孔雀開屏嘅「蒜蓉粉絲蒸大元貝」10隻，加工費每隻$15，共$160相當大隻又鮮味，肉質可口，配合吸收了充足汁嘅粉絲，相得益彰，無得輸呢餐太豐富又好食，已經叫定男友再帶我黎食下啦

星期六下午同朋友一大班人食飯，話有間屯門海鮮唔錯，心諗去到咁遠食？！不過食完覺得非常值得！下面就係果日嗌既餸：白灼九節蝦聽佢介紹唔係度度食到九節蝦，一場黎到就試下。佢既肉好爽脆，非一般，加埋食蝦必需之物辣醬油，係唔錯，值得一試。薑蔥鮑魚煲平時好少食鮑魚，因為唔覺有咩好食，但朋友叫左，試過後，因正係配料！大廚應該用呢個煮法煮咩都好食。鮑魚未食曬，薑蔥已經就快無曬。豉椒蟶子皇配煎米粉底煎米粉係第一次食，幾得意，都幾好食。野味食法，加埋淺味既米粉底中和，唔錯既菜式。大大條蟶子係有驚喜。海鮮湯清甜鮮香，無落味精，完全係用海鮮既原味煮出黎。如果食左Ｄ濃味菜式，一定要叫呢個黎飲，推介！白酒忌廉煮花甲配烏冬就咁睇個樣以為同一般忌廉烏冬無分別，一食落去，一股濃烈酒香出曬黎！雖然有忌廉，但呢道菜食極都唔會膩，正。必食豬扒聽個名都覺得串過人，一咬落去果種鬆軟就明點解係必食，的確同一般豬扒唔同。除咗有咬口，味道都一流。泰王芝心蝦丸呢個蝦丸真係無得頂，大大粒蝦丸包住融化咗既芝士，大啖到唔可以一口食曬。芝士味超濃郁，一人一粒剛剛好。砵酒焗筒蠔平時都食開生蠔，好少會食熟蠔，但呢道菜完全無令人失望。比酒焗完後，啲鮮

九龍人表示十年都唔入一次屯門，所以對於屯門有咩好食真係一無所知。係屋企人話年尾要食好D，提議入黎食海鮮先知原來屯門出名食海鮮今次一食真係大開眼界！入到黎附近買左一堆海鮮之後，再黎到呢間餐廳加工。不過我呢D做細嘅就梗係咩都唔駛理，un un 腳等食大餐第一個上菜嘅係呢度嘅招牌豬排。雖然話係入黎食海鮮嘅，但都係要食D肉嘅，而呢度嘅豬排又係大力推介嘅。一食落就明白點解叫招牌，豬排肉超級嫩，唔會食到一條條zip晒係牙度個種。調味又正，唔會太鹹。唔係誇張，係真係從來冇試過係街度食過咁好食嘅豬排作為專業家庭主婦嘅媽咪即刻問係點整，侍應話師傅係人手打出呢個口感出黎，聽到都覺得個加工費值回票價！跟住就到白酒忌廉煮花甲配烏冬底。個人覺得呢個係一個好新穎嘅食法，至少我冇諗過係大排檔feel 嘅餐廳會有咁嘅菜式白酒味超級出！食得出落得好重手，同平時係西餐廳食開個白酒煮意粉嘅級別唔係同一個層次！花甲嘅鮮味冇比忌廉蓋過左，呢個汁配埋烏冬食係一流，夾到停唔到手！呢個薑蔥鮑魚煲又係正！海鮮其實用呢D簡單嘅煮法就已經好足夠，去保留佢本來嘅鮮甜味。鮑魚口感好彈牙，醬汁嘅份量同調味岩岩好，可以襯托到鮑魚自身嘅鮮味。不過個

一直想約朋友食返餐海鮮, 於是上網搵, 睇到位於屯門三聖既泰海鮮好多好評, 決定成班人去食.十二個人叫左十碟野, 我地食海鮮為主, 果然無令我失望, 當日每人平均消費$320左右,性價比算高, 因為的海鮮好鮮甜, 又大件. 超讚!下面幾款係我覺得好食既推介!白灼九節蝦見到個名好特別就叫黎食, 原來呢種蝦唔係周圍食到, 我都係第一次食. 口感好彈牙爽口, 唔似平時食開既蝦, 肉質比較實. 蝦殼都比平時既蝦硬小小, 但剝起黎反而方便左, 唔需要剝好多次先食得.豉椒蟶子皇配煎米粉底蟶子平時都會食, 但咁大件既蟶子都係第一次食. 蟶子食落好鮮甜爽口, 加埋豉椒炒更加帶出蟶子既鮮味, 而煎米粉底吸收晒豉椒同蟶子既汁, 食落鬆脆又唔會覺得必食豬扒個豬扒同個名一樣, 必食! 平時食既豬扒炸到口感好乾, 但呢間既豬扒先油炸再用秘製醬汁快炒, 食落唔乾而且仲保留到肉汁, 相信事前對塊扒做了不小功夫. 令加了洋蔥和魚仔乾食落更香口.

談起食海鮮, 流浮山,屯門三聖,鯉魚門, 屯門三聖的海鮮性價比是最高的.有朋友來了香港,於是順道帶他們來品嚐屯門三聖的海鮮.白灼九節蝦 $160蝦,每次食海鮮都必點的.D蝦雖然細隻, 但十分鮮味且彈牙, 而且很易碌.店員說九節蝦只有屯門三聖才能吃到,其他地方都吃不到.薑蔥鮑魚煲 $200熱騰騰的薑蔥鮑魚煲, 起菜時已聞到香噴噴的薑蔥味. 鮑魚撈上薑蔥汁,十分惹味.重點在蔥,蔥吸收薑蔥和鮑魚的鮮味,又淋又好味.必食豬扒 $96高度讚賞!!!要必食!!豬扒感覺不會油膩,大小切得剛好,不會太大件.肉質彈牙,不似出面街吃的豬扒普通.秘製醬汁撈上豬扒上,更顯酸甜醒胃。