泰海鮮 (已結業)

之前休漁期，所以朋友仔都無乜意欲去搞海鮮餐。家陣9月了，係時候出黎了之前幫襯過呢道，味道唔錯，又有啲新鮮嘅煮法，所以又再黎幫襯。上網見呢道好多熱門嘅菜式，花多眼亂，所以我地叫店員發辦，但都一定要點返個白酒忌廉花甲烏冬，因為之前食過超級好味,一定要再食先黎招牌菜泰皇芝心蝦丸，個脆面一粒粒好似立體版蝦多士咁，好味又鬆化，一流豉油皇大蝦入味但唔油，蝦又好肉、多膏砵酒焗桶蠔個面少少脆，又有好香酒味。重點係肥大肉厚，隻隻都大同厚過包紙巾，大大啖咬落去超爽龍蝦保持一貫水準，整得唔會老，夠彈牙食完一輪飲返個湯先，好足料，啲薯仔吸哂海鮮嘅精華，搶住食，好快就無哂油鹽焗奄仔蟹越是期待越是美麗，鹽焗雖然要等耐少少的，但絕對值得，因為咁整可保留蟹到嘅鮮味，肉汁及肉味留返哂喺蟹身入面。屋企一定整唔到，所以呢樣係必食之選雖然已食咗好幾樣海鮮，但大家都仲好快咁清咗呢個指示要點嘅白酒忌廉花甲烏冬。花甲爽，烏冬又入哂花甲嘅鮮味、忌廉同酒嘅香味，絕配好食固之然重要，呢道黎過幾次，味道都無失手。另外價錢絕對平民價，試過去深井x記食燒鵝加幾個小菜，每人都差唔多4百落樓，呢道埋單都係差唔多呢個價，但享受完全唔同。

上個星期六又再約左班Friend入屯門三聖食海鮮，上次食完泰海鮮唔錯👍🏻，所以今次又再去泰海鮮返尋味，今次我地人小啲，6點鐘一行4人到酒家，入店坐低後就睇餐牌，但大家同上次一樣都係好似有選擇困難証難以選擇，於是我地就問店員有咩是日推介，店員好用心同我地講解同推介左以下菜式比我地有:1)海鮮湯2)泰皇芝心蝦丸3)上湯焗龍蝦👏🏻👏🏻4)忌廉花甲烏冬5)鹽焗奄仔蟹 👏🏻👏🏻6)砵仔焗桶7)豉油王大蝦👏🏻👏🏻最後我地好快就將所有菜式一掃而空，大家都食得津津有味亦覺得這間泰海鮮的海鮮新鮮，厨房手藝亦好好，整體我地覺得上湯焗龍蝦、豉油王大蝦同鹽焗奄仔蟹特別正，我地今次再返來泰海鮮完全係非常正確的選擇，最重要係價錢公道👍🏻，所以各位嚟三聖食海鮮，記得要簡泰海鮮👍🏻👍🏻😋

上次試過呢間餐廳，覺得煮法很特別，今次想食黃油奄仔蟹，又有啲想再食佢嘅白酒忌廉蜆烏冬，所以再黎試多次。隻奄仔蟹好多膏，鹽焗正！不過比較細隻，一人一隻先夠喉。另外食咗蜜汁桶蠔，好大隻，大隻過隻碗，雖然桶蠔始終冇廣島蠔咁鮮味，但啖啖肉都食得好開心。豉油蝦都好大隻，但個人始終覺得白酒忌廉蜆烏冬都係最正，好味又飽肚，值得推介！今次一行四人，所以今次食嘅海鮮種類比較少，食埋龍蝦都係大約$400一個人左右，都算抵食。值得一再推介。

在友人打牌後一行九人到三聖邨泰海鮮搵食，坐下才知要出去買海鮮的，見到發記好似比較多人幫襯，就買左蟹，蚸，魚-2味，聖子......都不貴啊，大約$1600買料後就比番酒樓煮, 另加多3個餸，飽到呢新鮮美味可口😊😊😊

打算食海鮮，上OpenRice 睇下，發現屯門三聖邨有間泰式餐廳專門製作新派海鮮菜，緊係要去試下啦！尼間餐廳有基本嘅泰菜，不過假如要食海鮮的話，廚師只係代煮，所以大家去餐廳前，要先响外面買海鮮，俾餐廳嘅侍應，佢地會先幫你計算海鮮重量，之後再揀好製作嘅方法，就可以坐定定等食喇冬陰公湯煮花蛤，花蛤為酸辣嘅冬陰公湯帶出鮮味，花蛤放湯後仍不失鮮甜，好味道砵酒煮桶蠔，砵酒煮嘅味道一般！泰式芝心蝦丸，脆口嘅流心芝士蝦丸，一定要趁熱食，否則涷左之後就有少少油膩！陳皮蒸鮑魚豉椒蟶子皇煎米粉底，脆脆煎米粉配埋濃味嘅豉椒蟶子真係好夾本來以為嚟尼度食泰式海鮮餐，點之到最後又唔係好泰，下次要再嚟尼度試下泰菜至得！

之前成日同朋友食海鮮都係去西貢、鯉魚門，但今日有機會同屋企人去食，突然諗起上次去過屯門感覺也不錯一於就試下，帶埋老婆同女兒去食。周末下午一點多入到去屯門三聖，搵海鮮檔買海鮮，然後交比酒樓處理，見到這間高朋滿座，非常專業，不久就已經可以有得食。我的女兒來過吃一次，話呢度嘅泰皇芝心蝦丸一定要試，海鮮以外本身想叫粉麵飯，佢話食完呢個都好飽，原來真係，芝心𥚃面啲芝士好似瀑布咁爆出嚟。冬蔭公湯煮花甲，夠酸辣又醒神，花甲好肥又鮮甜。未食過青山灣焗龍蝦，上網睇得多 但都係第一次食，芝士焗得香，龍蝦又大隻。我次次食海鮮必吃的豉椒蟶子皇米粉底，蟶子皇夠壯鮮甜，平時永遠覺得帶海鮮去都會俾人偷工減料，呢度你係覺得加料，但米粉底有少少失望比較硬。夠香夠熱的胡椒薑蔥鮑魚煲，鮑魚鮮甜又淋是太太最愛。炸生𧐢也不錯，火候控制得剛好，大隻香脆又creamy。人人都食得好開心，而且樣樣都係海鮮，非常滿足。

一年通常都會去一次三聖邨食海鮮，因為價廉物美，本身今年很想去容龍海鮮酒家食一次晚飯，慶祝朋友生日，但是太遲訂唔到位，於是轉番去返三聖邨食。在海天、冬菇亭和泰海鮮之間，想了很久吃哪一間好，最後還是吃呢間，食過幾次，又非常信得過，每次也不要令我失望。星期日來到，十二點就可開飯，我最喜歡就是這樣，不用等。我太喜歡食蟹，叫了避風塘炒肉蟹，蟹夠大隻，而且避風塘味道一流，有點野味和夠辣，我唔吃辣嘅就覺得最啱。泰皇芝心蝦丸次次都會食，好大粒，我朋友食得好驚喜，最搞笑嘅係呢個蝦丸大到可以做埋生日蛋糕。叫了個冬陰湯花甲，辣味夠，花甲鮮，又夠大隻。青山灣芝士龍蝦焗得剛剛好，而且龍蝦肉大得來又好爽。本身想叫蒜蓉粉絲蒸蟶子，但最後想叫個麵底，於是叫了豉椒蟶子米粉底，都幾好食，蟶子炒得勁好食。胡椒薑蔥鮑魚夠厚夠味，熱辣四射。再叫一個豉油王炒麵，炒得好好，又不太鹹，不過冇乜特別所以冇影相。但六人慶祝生日，每人都有得食海鮮，而且價錢又太貴，一定好過去西貢或者鯉魚門。

我是出名的海鮮精，超喜歡吃海鮮，不過海鮮吃得多，也想試止新奇的食法。於是，趁著假期，約朋友去三聖吃這間「泰海鮮」，泰國風味的海鮮，特別有睇頭。在屯門三聖邨輕鐵總站行去「泰海鮮」路程才五分鐘不到，方便!泰皇芝心蝦丸是超牌菜式，超大一粒，熱辣辣送到上檯已經非常吸引，咬一口，天呀! 蝦丸很爽很彈牙啊! 但吃的時候要小心，因為蝦丸內有芝士汁，小心燙口。芝士很香濃，配上脆香蝦丸，不會太膩。超級香的薑蔥鮑魚煲，愛薑蔥的朋友會忍不住把蔥都吃光光。鮑魚很大一隻，彈牙! 味道很鮮，但又不會太韌。冬蔭公花甲湯，大推! 冬蔭功味夠辣夠酸，改以花甲配湯，味道很清新但又不失鮮味。花甲很多，花甲肉也非常美爽口鮮甜，飲到停不住口。青山灣焗龍蝦，這是很特別的煮飯，龍蝦開半，上面有一層焗過的芝士，配彈牙龍蝦肉，有別於一般上湯煮法，味道也很不錯呢! 豉椒蟶子皇米粉底，蟶子皇超大隻，又爽又甜, 但米粉底有點乾身有點硬，一定要沾上豉椒汁吃啊!因為已經吃了薑蔥蠔，所以我們選了吃酥炸桶蠔! 脆卜卜好惹味! 蠔好大隻呢!還有吃海鮮不能少的辣羔炒肉蟹，雖然說辣，但其實是有點點泰國獨有香料味，不是真的很辣，但很香很惹味! 蟹很大隻，似

趁住天氣好假日相約了家人一齊去三聖食海鮮，朋友推介了這裡，師傅手勢好，價錢相對合理，海鮮湯嘅材料十足，一大大隻賴尿蝦及大量嘅海鮮一齊煮成嘅海鮮湯，味道鮮甜美味，還有大大份嘅煲湯材料！而泰皇芝心蝦丸就係必食推介，外面用上麵包粒包住芝心蝦丸炸，外面十分香脆，蝦丸肉質爽彈，咬開中間還有流心芝士，十分美味！今次就點了份上湯焗龍蝦，龍蝦肉肉質十分彈牙爽口鮮味，配埋上湯煮味道更鮮味，大大隻家人十分滿意！豉油王鮑魚都十分入味，咬開彈牙煙韌十分新鮮！加埋個豉油做小小嘅點綴，將鮑魚嘅味道提升！最緊要係夠晒新鮮！家人喜歡油鹽焗奄仔蟹，蟹膏肥美，蟹肉肉質鮮甜，份量適中，唔會因為食完而覺得油膩而食唔到其他食物！呢個人多都會叫嘅白酒忌廉煮花甲烏冬底，花甲肉質彈牙爽口配埋個白酒忌廉汁，味道更鮮味，還有煙韌嘅烏冬，沾滿了白汁入口味道十足！家人都十分滿意今次嘅安排！

趁7.1假期前夕，到了屯門三聖村探望朋友，順道一試出晒名的海鮮作午餐朋友揀選了「泰海鮮」作為今次聚舊的餐廳，貪其沒時限，可以慢慢食慢慢傾。這間餐廳位於屯門三聖村商場地下，由西鐵屯門站再轉乘輕鐵#505便可直達三聖站，到站後過對面馬路便是三聖村商場了。餐廳正門餐廳其中一角我們一行4人，點了以下幾款海鮮1. 薑蔥鮑魚煲肉質厚實彈牙，薑蔥惹味開胃，略嫌不太夠熱，熱辣辣上檯會正好多。2. 冬蔭公湯煮花甲冬蔭公湯味道適中，不會太酸太辣，正花甲既份量都算多，粒粒飽滿之餘都沒有沙，好味。3. 青山灣焗龍蝦放上滿滿芝士拎去焗，淨睇黃金既賣相已經冇得輸龍蝦大隻，肉質彈牙，但略嫌芝士太多，食落會有膩既感覺。4. 泰皇芝心蝦丸大大粒，外層沾上一粒粒麵包糠，第一啖食落脆口，再來就是新鮮彈牙既蝦肉，咬開蝦肉之後就是流心芝士5. 豉椒蟶子皇米粉底蟶子皇果然是堅大隻，而且新鮮，再加上用豉椒嚟炒，開胃惹味。米粉底略嫌硬左少少6. 辣羔炒肉蟹肉蟹相當大隻，而且都是新鮮的，肉質彈牙。醬汁食落似似地冬蔭公味總結 : 如果諗住嚟三聖村食海鮮而又唔想食中式既話，呢間食泰式既海鮮餐廳大家都可考慮一試。

距離上次去三聖吃新鮮海鮮已經是好幾年前了！一連3天的假期，第一天就跟朋友去屯門三聖食海鮮🦞點解話泰式風味！？因為他們的冬蔭公湯煮花甲好好味，不比泰國差喔材料豐富，味道又不會太辣，很適合香港人口味呢薑蔥鮑魚煲鮑魚煮得剛剛好，所以食落好彈牙，醬汁也很適合配飯呢！接下來2道菜是給芝士控的推介喔青山灣焗龍蝦在龍蝦🦞表面釀了厚厚一層的芝士雖然我不太好芝士，但芝士跟龍蝦一拼食的口味又幾得意喎！泰皇芝心蝦丸表層是麵包糠，食落很鬆脆可口咬一口蝦丸就會有香濃流心的芝士流出來芝士控一定喜歡💕豉椒蟶子皇米粉底這可以說是經典小炒吧！將米粉餅搭配蟶子和豉椒汁一拼食米粉底雖然偏硬，但卻吸收了豉椒汁的蟶子的鮮味而且蟶子超大隻呢～另外，用米粉做餅底感覺蠻新鮮的辣羔炒肉蟹我覺得味道帶有一點點的冬蔭公味，但不會很辣啦最後又點少得酥炸桶蠔呢這可以說是我們食海鮮都必點的食物除了香脆可口之外，今次的桶蠔仲好大隻好肥美「泰海鮮」對屯門區的朋友來說交通很方便在屯門西鐵站坐505號輕鐵去兆康總站落車徒步約5分鐘就會見到，有興趣的朋友不仿試下

早前食過泰海鮮，由於質素實在不錯，所以再和家人來吃。只是位於三聖村的泰海鮮，在三聖輕鐵站走大概七分鐘便到。這店裝修很平實，但服務員服務殷勤。我們點了泰皇芝心蝦丸，有看脆的麵包粒在面，炸得十分香脆，而裏面是熱辣辣的流心芝士，正。冬蔭公湯煮花甲，可以飲冬陰功湯之餘，亦可以食到非常飽滿肥美的花甲，冬陰功湯不會太辣，適合香港人口味。青山灣焗龍蝦，最鍾意這製法的龍蝦，因為有好多芝士喺面，對於芝士控來說，是一種不能抗拒的誘惑。豉椒蟶子皇米粉底，蟶子皇非常好厚，肥美，啖啖肉。薑蔥鮑魚煲，好入味，鮑魚肉質彈牙，不錯酥炸桶蠔，肥美的桶蠔，點些喼汁，非常惹味。辣羔炒肉蟹，海鮮要吃蟹才夠盡興，這肉蟹非常厚用，入味。總結： 泰海鮮算在食海鮮來說，性價比不錯，食物質素高，而且廚師制法亦很好，是一間值得推介的海鮮餐廳。

都有一排冇來過呢度開餐，又係時候要食番一餐美味海鮮宴，約埋幾個好友前來品嚐一下，當然菜式梗係離不開用各款海鮮烹調，點左幾款必吃美食就開始品嚐係未食之前先飲番碗熱騰騰海鮮湯，入口啖啖鮮甜海鮮味，配埋用料十足湯料一齊食夠晒鮮接住有至愛美食龍蝦，用左上湯焗等龍蝦肉吸收晒湯汁嘅香味會更入味，食落會更香濃同時食到蝦肉爽滑口感又飽滿鍾意食蠔嘅我又點會唔食砵酒焗桶蠔，桶蠔肉質飽滿入口香滑啖啖肉汁滲出，同時又食到砵酒香味再來有泰皇芝心蝦丸，基本上呢款係人氣美食首選，大大粒蝦丸包住香濃芝士粒，入口外脆內軟食落特別滋味滿足再來有白酒忌廉煮花甲烏冬底，嗰陣濃郁嘅白酒香味特別撲鼻，而且份量十足唔至可以食到一碗咁簡單熱辣辣香濃忌廉汁加啖啖鮮甜花甲肉，簡直係完美配搭食法又可以滿足大家食慾一舉兩得，一餐海鮮美食又品嚐完畢。

去過屯門青山灣都知道除左有個靚靚沙灘泳水外，係隔離仲有個可以品嚐美食嘅好地方佢就係三聖，一入去已見多檔海鮮，大家可以係度揀啱自己心水海鮮再攞去加工，就可以品嚐一餐美味海鮮。是日同媽媽前來朝聖去左呢間人氣地標酒家開餐。先來有呢度必食小食之一泰皇芝心蝦丸，真係未食過咁大粒蝦丸，唔知食落口感又如何，先食一啖外脆內軟再食一啖，已食到香濃芝士同鮮甜彈牙蝦肉口感飽滿再來有砵酒焗桶蠔，蠔肉大隻份量足，入囗蠔肉肥美又多汁食得海鮮又點會冇龍蝦食，點左上湯焗龍蝦原汁原味，食到鮮嫩蝦肉同鮮甜蝦膏再飲碗足料海鮮湯特別鮮味海鮮菜式一樣接一樣到豉油王鮑魚，平時食清蒸今次用豉油王煮，吸收醬油香味入口肉質軟綿味香濃另一款值得品嚐就係白酒忌廉煮花甲烏冬底，未食過咁煮真係唔知咁好食，一入口已食到有濃郁香甜酒味，烏冬每條沾滿湯汁食落更香滑，連埋花甲肉鮮甜更加鮮味十足最後一款係油鹽焗奄仔蟹，賣點之一係食到香濃飽滿嘅蟹膏滋味一番，咁又品嚐完一餐海鮮美食。

今日同朋友去左屯門三聖村探朋友，約左朋友喺樓下泰海鮮食個午飯，因為哩度出名食海鮮。最初諗住佢叫做大排檔，個裝修會好地道，去到原來裡面佈置都好精緻。因為我地人多，所以入左去房坐，入面勁多獎杯。第一個海鮮湯已經不得了，超級鮮甜，平時最多都係飲魚湯，蟹湯，但咁足料嘅海鮮湯真係第一次飲啊，魚，超多蜆，大大隻癩尿蝦，甜得不得了，諗起都回味啊！跟住就豉油皇鮑魚哪，鮮味，肉嫩而彈牙，賣相仲要好唔錯啊！然後我地左四隻龍蝦，不過用兩種方法去煮，有朋友想食傳統上湯，有朋友見有焗嘅都想試試新野，佢個焗法連芝士焗，好香口，芝士控唔好錯過，兩隻煮法都好好，不過我都係鍾意上湯多D。跟住食左個芝心蝦丸，哩個煮法好耐都無食過，以前去飲喜酒好多時都會食到，一粒粒嘅面包包住蝦丸，而家好多煮法都簡化左，只係用面包糠就算，好有風味。跟住仲叫左個好鮮甜嘅油鹽焗蟹，見到佢上枱已經好精神，列隊而至，食落去味道仲好鮮美，仲要勁多膏添，非常甘香。豉椒蟶子皇都好好味，估佢唔到仲有個米粉底，沾埋佢D汁食，真係正。佢個炸子雞都好外脆內嫩，值得一試啊！本身以為哩度好中式，點知另一驚喜係佢嘅白酒忌廉煮花甲烏冬喎，個汁好好味，花甲肥嘟嘟，我地咁多