泰特色泰國餐廳 (已結業)

家人話想食芒果糯米飯，所以收工專程嚟哩度買，雖然佢出品唔係最好嘅，甚至會時好時壞，但都冇辦法，夜晚9點，係得佢度有！去到俾錢嘅時候，見到有酸辣豬耳，瞬間口水分泌，諗都唔諗就要咗一份（$45）返到屋企打開，個心跌落谷低！啲豬耳好多毛，我始終過唔到自己，成盒丟咗！

【性價比高一小時長龍🇨🇷驚喜泰式兩餸飯】之前有電視專訪呢間餐廳點喺疫情下逆境求生， 由餐廳變陣外賣兩餸飯，殺出重圍！幾日後，仍然念念不忘，唔去由自可，一去發現，竟然爆長人龍！？作為荃灣街坊，平時呢間泰式餐廳唔係好多人食(我反而更加鍾意呢間隔離嘅泰式餐廳)，東張西望加持之下變咗人龍店😆。不過講真價錢又真係好鬼抵，33蚊兩餸飯，去邊搵😂叫左三盒"兩份餸"，$40一盒，total都係$120咋！！食物質素非常驚豔！黃咖哩青咖哩紅咖哩任君選擇，而且食材真係好好味！食物質素遠超呢個價錢！✏✏✏✏✏✏✏👅味道：9/10🌌環境：- (外賣)👍🏻推薦：10/10 (撇除排隊呢個因素的話)______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作勁多餸菜選擇，選了6款✅紅咖哩青口茄子✅黃咖哩炸雞蛋✅青咖哩雞肉茄子✅肉碎豆卜炆豬手炆雞連皮蒜爆豆腐蒜蓉炒菜心✅菠蘿海鮮炒飯✅泰式炒河

時下雙餸飯當道據聞依間有泰式雙餸飯賣 🫡(前稱)我就食夠佢三餸飯 🤫//雙餸$30 三餸先$36其實我已經冇嘢可以挑剔 🥰不過可以排一排三餸排名以下有參考翻平時佢啲餸名~//1. 泰式肉碎茄子 🍆雖然今日唔多覺有肉碎但我欣賞佢啲茄子唔油膩 👍🏻介乎腍腍地又爽爽地之間入味又有茄子本身炒香左嘅味 Nice//2. 泰式炒粉絲 🍜非常正常 我冇補充啦 法官大人//3. 泰式香茅豬扒 🐖三個餸份量都中上 豬扒甚至有大概八件可惜肉質偏硬 香茅味欠奉算係一般豬扒 //不過始終我係由荃灣拎翻沙田隔左成9個字左右先食嘅所以我都相信即買即食會更唔錯起碼佢都夠熱 翻到屋企仲暖笠笠 👅//分數: 7.5/10 ✨36蚊依個CP值真係輾過好多舖頭味道好正常 不過唔覺係有咩泰式風味可能係我揀依三個餸本身都唔太泰式 sorry 🤭如果我住附近都應該會間中幫襯下伏味: 0/10 💩如果今日多啲餸揀就好了//📌泰特色泰國菜 Thai Special Restaurant 荃灣海霸街91-93號荃好景大廈1樓及地下F舖//#新界 #荃灣 #荃灣美食 #路德圍 #路德圍美食 #泰國菜 #雙餸飯 #兩餸飯 #小菜 #甜品

泰特色泰國餐廳🏝📍 荃灣海霸街91-93號荃好景大廈1樓及地下F舖★★★★★★★★★★★★★★★★★★★★★咁岩經過荃灣， 發現左呢間泰國餐廳有d 地道既特色糕點😍，而且價錢仲唔貴， 都算多選擇，行過路過可以試一試👍🏻😽🌟芒果糯米飯🥭 $28 盒我覺得呢個好好食😋，而且真係唔貴，一般既泰國餐廳都要賣幾十蚊😂。🌟菠蘿芒果糕🍍 $6件食落口既味道就好似飲緊菠蘿冰咁🙈， 口感都ok 既。🌟珍多糕 $6 件呢個直情係珍多冰既味道😂，味道都清甜既， 但我麻麻地呢個。🌟椰汁西米糕 $7 件呢個西米糕 上層係鹹既，裏面嘅西米都算幾大粒，都ok 既， 可以試一下👍🏻。整體推介指數：❤️❤️❤️🤍🤍★★★★★★★★★★★★★★★★★★★★★

外賣盒:無論買幾多款餸,都係「細」外賣盒.食物:得5款左右, 有雞,豬扒,炒河粉,咖喱魚蛋......冇菜!d餸凍既.買左香茅豬扒,一d香茅味都冇, 只係炸豬扒甘,唔好食!$33一餸或兩餸服務:夾餸短髮阿姐勁冇禮貌,貼錢買難受

Thai Special Restaurant is a Thai restaurant we walk by a lot whenever we're in the Tsuen Wan area. But on this evening we noticed a VERY long line of people. I don't ever recall it being this popular.Upon closer inspection, it appeared they had switched to the popular 2 Dishes 1 Rice takeaway trend.Menu is all in Chinese but basically two dishes costs $33 and so on. As it's take away, there is no 10% service charge.We decided to get two boxes.I had three dishes ($36) as the stir fry rice noodle

同朋友三人行係salon坐左6個鐘....3到都餓到傻左本身想食隔離間泰國嘢 但係等位唔知要等到幾時.....所以我地選擇左呢間叫左個2人餐 $398好似幾抵 啲野食都岩口味 不過我地3個太肚餓 覺得二人餐唔足夠填滿我地空虛既肚皮 所以再叫左半隻海南雞同一份生菜包燒豬頸肉厚切燒豬頸肉 肥瘦適中 唔會燒到太乾 好香口 冬蔭功海鮮湯啲湯好濃 略嫌咸左少少 但一啖湯一啖飯就岩岩好 飲完好開胃明爐烏頭魚真係有個火仔係下面燒住上枱咁條魚就唔怕好快凍左變腥二人餐條魚都幾大條 加上烏頭啖啖都係肉 好抵食蒜蓉炒芥蘭相比起其他野食 呢碟偏細碟 可以近排啲菜太貴.....半隻海南雞飯雞好滑好嫰 唔會太肥 色澤金黃 好夠油香 整速被清空生菜包肉碎都幾大兜 生菜份量亦好足夠 唔洗refill都夠包落左好多香料一齊炒 配上爽脆生菜 食幾多片都唔會濟另外個餐仲包左 白飯兩碗 泰式飲品兩杯 泰式甜品兩件

會去呢間到食呢，其實係因為佢係呢頭黎講，坐得鬆動，價錢唔貴…午餐黎講around $40-$55左右，bb車或者買餸車就放係樓下，帶小朋友上去坐定定食。一般想坐卡位，就11點半到12點半前都有卡位揀，之後就可能要等翻枱先有卡位。不過有背靠櫈坐都舒服嘅！不過環境略嫌暗啲同舊…食物方面，呢啲價錢唔望佢好食啦，不過佢喇沙味都好重，好食嘅！今次啲蝦都有6隻，有大豆卜咁大！一個大人食係夠飽嘅！服務方面，佢哋都好nice,你一舉手就即刻有人幫你，不過我哋習慣叫餐時嗌定幾杯水，岀餐都好快。另外，佢哋依家有like 社交平台 送甜品，多數係椰汁糕一件。因為之前拎過，所以我都唔好意思再問優惠

寫這個食評 真心貢獻者餐廳相信這些餐廳在荃灣已一段日子了但食物質素確實有待改善餐廳位於荃灣市中心非常就腳價錢亦相當抵樓下有兩間泰國餐廳就在附近相信政爭劇烈所以價錢有競爭性全單八折一行二人點了三個菜 食物質素 好大 改善空間鹽燒鰂魚非常唔新鮮啲肉霉嘅馬拉盞通菜牛肉蒸牛肉 仲差過我屋企樓下茶餐廳啲沙爹牛肉 啲牛肉乾嘅最好味係個生菜包 理論上成本好低 蛋生菜包裏面啲生菜有好大條菜虫但這餐廳價錢實在很 抵食 環境逆境舒適 服務員也算積極期望他們改善食品質素

又係每日要面對嘅難題 就係lunch要諗食咩🙂🙂🙂平時食完10點早餐 就開始諗定Lunch要食咩😂今日諗到15:00 突然間想食泰國咖喱 因為太肚餓 所以就狗衝左去路德圍覓食行過見到呢間真係有泰國青咖喱飯食！雙眼發光 因為青咖喱係好少地方有得食 而我見到下午茶係比午餐平$10 所以就試試佢豬肉青咖喱飯+熱檸茶$40 飯嘅份量好少 應該適合瘦身中嘅女士食 咁就Very good啦 而家呢好有椰香味 零舍開胃 我見到佢門口有芒果糯米飯賣 我見到都有好多人買 下次可以試下

閒日四人晚餐，原本諗住隔離多人嗰間泰國餐廳，但唔想排隊，見呢度地下知客話有八折， 諗返起N年前都有食過， 間中都會買佢啲芒果糯米飯外賣，印象唔差又唔使等位可以即刻入座， 唔使諗就上咗去。被安排坐窗口卡位，地方算舒服， 環境ok。點餐服務員正常， 似係泰國人為主，我哋讀出食物編號，佢即時實覆菜名無誤落單，好專業。雖然閑日但係都差唔多滿座，上菜好快，唔使等太耐就全部一齊上， 後加一碟蠔仔炒蛋都好快上， 整餐飯覺得食得舒舒服服。推介: 芒果糯米飯， 飯夠熱，似係新鮮出爐，椰汁夠香而且夠多汁， 芒果新鮮夠甜泰式香葉辣肉碎炒飯， 食落有啲似糯米炒飯，不過冇左煙韌感覺，少少辣幾惹味。泰式生蝦沙律， 生蝦新鮮， 泰式醬汁都幾辣， 炸蝦頭必食， 以為伴碟用，但原來都好多肉好好味

荃灣泰國野都好多選擇有間成日排長龍我地唔想等就去咗呢間其實又坐得舒服啲食物都唔算差正正常常錦叫咗半隻海南雞份量ok不過不失明爐烏頭 叫左青檸講真食明爐烏頭我又好少食到有金菇係上面😅味道都正常既佢有個A+B餐優惠價的我地就烏頭配左大蝦粉絲賣相真係麻麻利申我無掂過就錦上枱影的🙈味道我嫌淡左少少佢有話跟兩隻蝦如果想另加可加錢我覺得一般般唔值仲有青咖哩牛牛肉係一塊塊個d即係食沙嗲牛肉麵個隻都係一般個汁就正常既我諗下次都係試食第二間一般又未至於劣評唔想等想快先會去食😅Btw 侍應服務一般問問題唔想答錦，少黑面不過唔知係咪禁岩我地坐近門口Serve我地個個話得事既所以態度可以錦

今日經開荃灣路德圍諗住搵嘢食，之後經過呢間泰國餐廳，見到門口做晒promotion又話酸辣鳳爪$40/椰皇$15/燒鯽魚$70，諗住入去試下，點知入到呢一間餐廳成間都冇人。坐底之後問一個疑似係老闆娘嘅職員係唔係有呢個優惠，佢第一個反應係黑面，第二個反應係好不屑咁講咗一句外賣先有之後就行走咗。之後再問佢啤酒係大枝定細支，佢直程唔理我，叫佢啲員工答我係細支啤酒。我從來未遇過一個咁冇禮貌嘅員工，我以後都唔會再去呢一間餐廳

之前大食妹同朋友喺荃灣掃完街, 見到呢間泰特色泰國餐廳外面有賣甜品, 款式都幾多, 而且色彩繽紛, 就心郁郁買返兩件<桂花糕>大食妹好鍾意桂花糕嘅清香, 味道唔係好甜, 感覺好溫柔, 裏面仲有少量杞子但大食妹略嫌質感太過軟身, 冇辦法吉起嚟成舊咁食<芒果糕>呢份芒果糕比大食妹想像中嘅好食好多雖然芒果量唔係好多, 但椰汁味都幾重而且有大菜糕嗰種爽爽地嘅口感<椰汁西米糕>朋友食左呢個椰汁西米糕, 有驚喜竟然係鹹嘅, 非常少見, 大家一定要試試用葉包住嘅椰汁西米糕聞落唔係好香, 上面係椰汁糕, 鹹鹹地, 下面就鋪咗好多西米粒粒

1/4我地三人經過荃灣到路德圍想食泰國嘢，見有兩間，下面果間經已爆場，最尾去左樓上呢間食。我地點左八樣菜，全部都中規中矩，無乜特別好食，最後食到條泰式檸檬烏頭，味道超腥同d肉係*梅*嘅，即時向一位疑似老細著灰色衫戴眼鏡嘅人投訴，但係佢嘅反應話之前幾台客食烏頭魚都冇問題，轉頭走左去人地無問題唔代表我呢條魚冇問題，感覺好像比錢貼難受，佢完全無想過解決問題，到埋單時候佢當然唔會諗住行過嚟，叫左個男仔過嚟埋單，咁我地當然要睇清楚會唔會計錯數啦，咁個男員工眼神就不耐麻煩咁，之後再搵第二個女員工過嚟比我簽名，我覺得真係好奇怪最尾大家可以留意下佢地d員工無嘢做時係在玩電話，埋單後一句多謝都冇，現在嘅服務態度係咁㗎咩