泰越概念 (已結業)

<<世界級芒果蟹肉炒飯>>一間泰式同越式菜都有既餐廳, 當中仲有小小fusion野, 玩下新意思咁, 裝潢都好好好舒服⠀⠀⠀⠀⠀⠀⠀⠀⠀芒果蟹肉炒飯: 絕對係必食推介, 個蟹肉(+雞蛋)炒飯本身已經好香好足料, 連埋啲芒果又甜又入口即融, 必定要試!⠀⠀⠀⠀⠀⠀⠀⠀⠀荷蘭包雞: 大大粒雞係入面, 好重香料味, 呢隻味道出面好少食到, 都幾推介⠀⠀⠀⠀⠀⠀⠀⠀⠀金沙炒鮮魷: 其實係咸蛋黃炒鮮魷, 香味夠但味道略淡, 如果再重口味小小會更加正⠀⠀⠀⠀⠀⠀⠀⠀⠀Oreo泰式奶茶冰沙: 最頂層的Oreo碎好多, 連埋忌廉好有口感, 泰式奶茶混左好多朱古力味所以有種時奶茶時朱古力感覺, 好好飲!!!!⠀⠀⠀⠀⠀⠀⠀⠀⠀我地有八折優惠, 兩個人HK$390埋單性價比真心幾高, 不過我會話佢啲野其實唔係好地道果種風味, 而係調整左去就返香港人食開既味道, 所以如果你係想食好正宗泰/越料理, 呢間就未必啱你, 燦神: 百貨應百客

坐落渣甸街，簇新的Aura內有大量的食肆，可能消息還沒散開，有點旺中帶靜的感覺。要勞煩好友帶路，才發現這坐新食坊……😅😅到了三樓的泰越，餐廳環境光鮮，傢俱新淨，氣氛亦不錯。點了腰果炒蝦 $138，單看餸名，還以為是乾身的，沒想過是有醬汁的。雖然是濕炒，但腰果鬆脆度還算可以，椒味香而不辣，算是不錯。另一道是咸魚茸椰菜苗 $88，椰菜苗灼過再炒，口感相對軟腍，不會太乾硬。自己比較重口味，要是多點鹹魚蓉就更完美 😋😋小二哥哥推介的脆牛腩配咖哩汁 $118，外皮鬆脆，腩肉鬆化，肥脂充滿牛香，青咖哩有少許辣，味道一流 💖💖點了炒飯，沒有另配白飯或薄餅，沒法撈汁，有點可惜，這脆牛是絕對值得推介的 🖒💖💖西貢蝦膏海鮮炒飯 $98，材料豐富有肉鬆、炸臘腸、蛋、蝦醬、蛋、蟹柳、豆角、青口及櫻花蝦。以豆角粒取代蔥花或青豆，效果既美觀又討好 貼心認真。實情是太多人要走蔥，青豆亦不見討人歡心，這安排實在巧妙🖒💖。知道它還有越菜姐妹店在同坐大樓，找天定要去吃一趟，相信會有驚喜的 😍😍

星期日黎到這間泰越式料理的餐廳，位於渣甸街好方便！環境好寬敞，坐位好舒適，光亮的特別燈光設計，別緻乾淨；食物方面，我們點了5個菜餚：1. 小食拼盤有6款不同小食，包括：越南春卷（香脆內軟，餡有肉碎有芋蓉）、香蘭葉包雞（入味有葉香美味）、泰魚餅（軟軟魚餅口感，泰味濃，點上青咖哩更香）、蒜香軟殻蟹（鬆脆內軟有咬口）、雞肉沙嗲串燒（甜甜沙嗲汁配雞最夾、雞肉大塊香軟）、蒜蓉法包配咖哩汁（法包好香脆配上濃濃蒜味點上濃味青咖哩）2. 燒原條粟米：原條粟米切成4小條，易咬，但一邊有點燒燶！3. 燒菠蘿：好香甜多汁的燒菠蘿，最愛食菠蘿了！4. 鮮菠蘿海鮮炒飯：半隻菠蘿殻，炒飯多又配上好多食材，如：豬肉鬆、脆脆腰果、鮮甜菠蘿、海鮮（蠔、蝦、蟹柳）、蛋絲、提子乾，配上炒飯同食，唔油膩好香好有口感豐富美味！5. 泰越風情特飲：酸酸甜甜又解渴，菠蘿味濃粒粒的浮在特飲中，有微微薄荷味，配上梳打，好清甜

在銅鑼灣渣甸街的泰越概念，主打泰越菜式，今天晚餐就在這家樓上館子用膳，地方都頗寬闊，坐位也覺舒適，很多靠窗邊坐位，居高臨下，可以看到外面繁忙街境！寬闊的餐桌，高靠背沙發，坐得舒舒服服！餐牌提供很多款式泰國菜，也有燒烤套餐可選擇！紅酒，白酒，啤酒也有多款選擇！我點咗個青木瓜沙律、脆皮牛腩配咖哩汁，明爐原條烏魚，菠蘿海鮮炒飯！靑木瓜沙律，爽口醒胃前菜，酸而帶辣，十分醒神！脆牛腩配咖哩汁，炸得香口，外皮酥脆牛腩有咬口，這菜式送啤酒一流！明爐原條烏魚，酸菜酸梅汁，配菜有粉絲鮮冬菇絲，珍珠筍，椰菜絲等等！以酒精爐加熱，保持溫度，烏魚本身肉質鮮美，配合酸菜湯汁，辣椒絲等等，十分好味！再來是菠蘿海鮮飯，切碎的帶子粒，蝦肉，魚肉，青口，蟹柳等配以腰果提子乾肉鬆等舖在飯面上，色香味俱全，令人食指大動！

銅鑼灣區有很多樓上食店，有時也四圍覓食碰碰運氣。今天到了這間食店品嚐越式及泰式美食，真的比預期好得多。無論是服務態度、環境及食物質素，也要給它一個讚。首先介紹一下我認為今餐最美味的美食。香茅燒原條魚$148😍很嫩滑、吹牛腩配咖喱汁$118很惹味、越式蔗蝦$78很彈牙、蒜蓉法國包配咖喱汁$48很香脆、青木瓜沙律$78很香辣、越南新鮮春卷$58也不錯。用餐很，更送甜點給食客，一點也不馬虎。整體而言，我們也覺得這裡是值得被推介。適合2人、一家人或朋友共享晚餐的食店。

今晚黎到銅鑼灣嘅 Aura on Pennington 搵食, 估唔到上樓有間咁正嘅泰越菜｡餐廳樓底都幾高, 而且仲有落地大玻璃嘅卡位｡小食拼盤不得了嘅小食拼盤, 可以一次過試到 6 款小食｡香蘭葉包雞 (香蘭葉嘅香味完全融入雞塊中)、蒜香軟殼蟹 (軟殼蟹經過酥炸後, 更加酥脆可口)、雞肉沙嗲串燒 (燒完後肉質一 D 都唔鞋, 仍然保持到嫰滑多汁, 再加特製沙嗲汁, 超級惹味) ｡越南春卷 (餡料包入肉碎、粉絲 & 多款蔬菜, 外層炸到非常鬆脆, 但一 D 都唔油膩)、泰魚餅 (魚餅加入左些少香料, 令味道香香辣辣, 非常惹味)、蒜茸法國包配咖哩汁 (法包面鋪上厚厚蒜茸牛油, 所以烘完出黎香氣十足, 配埋咖哩汁食簡直係冇得頂呀)咸魚茸炒椰菜苗椰菜苗炒到好爽口, 加埋咸魚茸果種咸香味, 會不知不覺 KO 晒成碟｡脆牛腩配咖哩汁第一次食炸牛腩, 估唔到又幾驚喜喎 !! 牛腩以酥炸方式炸到金黃色, 所以外層夠晒脆卜卜｡牛腩肉質仍然係軟軟嫩嫩, 而且脂肪位置非常甘香, 牛味夠濃｡金不換香辣炒豬肉碎炒飯份量夠多, 用料十足, 飯炒到非常乾身, 味道香辣中帶點鹹香, 既開胃又好吃｡龍眼蜜龍眼味香濃

最近成日都去銅鑼灣食飯原來佢哋有一棟唔新開嘅嘢食叫A U R M上次食過一間韓國嘢今次見到有泰國嘢所以就想去試吓啦一出lift望到入邊都幾有feel同埋新裝修所以都幾靚唔好講咁多先叫咗嘢飲先因為好口渴叫咗個芒果沙冰同埋一個三色冰大大杯同埋個味道都唔錯之後仲叫咗個豬頸肉撈檬粉都幾大碗下同埋都有好多塊豬頸肉之後叫咗個小食拼盤佢嚟到我叫左出嚟咁大盆嘅有成六種種類嘅嘢食包括有串燒炸軟殻蟹蒜蓉包點咖喱汁荷葉雞魚餅同埋春卷串燒個醬汁好好食另外可以別是嘅就係蒜蓉包點咖喱汁蒜蓉包夠熱又夠香春卷都非常之出色軟殻蟹雖然得半隻但係啖啖肉食泰國嘢點可以唔食芒果糯米飯呢呢個芒果糯米飯夠熱上面嘅芒果又夠甜配埋椰汁冇得輸

因為我同朋友都住港島，出黎食飯通常都喺銅鑼灣食。今次朋友介紹我黎呢間V.Thai。今日奇餓，我地叫左好多嘢食，我最中意既係最唔起眼既雞肉泰式炒河。睇落平平無奇但佢既蛋香好出眾。條條河粉都上晒色上晒味，好夠火喉惹味得黎又帶啲小小辣好過引。第二推介既係佢香茅燒原條魚。一出場，好香。店員仲好細心幫我打開個魚皮。成條魚用厚厚既鹽包住燒，皮好香，啲肉比想像中多汁，軟熟。魚肚燒完都漲卜卜係因為入面充滿啲香草，好足料，所以真係成條魚都好香，老實講我無乜點到佢跟上既汁，哈哈。其實仲有食青咖哩同椰汁雞湯。同樣好足味足料。值得一提既係我嗰晚無乜話好口渴，證明佢地真係真材實料唔係靠味精。環境幾好，位置闊落又唔嘈，想同朋友靜靜地食個飯放心下係個好選擇。

泰國菜所用香料配合埋新鮮海鮮真是不得了！ 回家途中，記得銅鑼灣有家Aura on Pennington 《泰越概念》就上去了！ 地點優越、地方乾淨企理，適合多人用餐！ 餐牌上餸菜款色很多，其中香茅燒還售罄，很暢銷！ 價錢合理。明爐原條烏頭魚 HKD 188 細很心，有爐火提供，這樣邊食邊煮以保持溫度！ 配料份量適中不會夾不到魚肉而肉質白滑，味道鮮甜。 還有湯可自行加上！ 三色冰 HKD 38 椰子味很重！ 又凍又解渴！ 坐隔離的客人點了沙嗲串燒看似不會乾淨淨樣子，他們也說好味呢 ～～

好久沒有和好友一起敘舊了朋友提議吃泰國菜選了這間位於銅鑼灣嘅v thai喺希慎走出嚟大約5分鐘路程上到去環境好舒服 有好多卡位侍應非常有禮望一下餐牌 都幾多嘢食 有泰國菜同越南菜想食咖喱嘅可以食咖喱 想食pho嘅食pho我哋對啲燒烤幾有興趣叫咗燒茄子 $35 一客八件 份量非常足夠 上邊鋪滿左蒜蓉 超級滋味自選沙嗲串燒6支 $98我哋叫咗三串雞 三串牛雞肉好鮮嫩 牛肉亦都冇根 加埋秘製沙嗲醬食 食到唔停口!!蒜蓉芝士燒虎蝦 $20即叫即燒 上菜時熱辣辣 落咗勁多芝士 連埋啲蒜蓉同蝦一齊食 正Y蟹肉柚子沙律 $88呢個又係好好食 醬汁微酸 加埋炸蒜蓉 蟹肉同柚子撈埋嚟食 非常開胃嘅頭盤越式庶瑕 $78非常大支 同一個匙羹差唔多長 蝦肉滑非常好食 加埋啲泰式辣醬 非常推介估唔到喺呢度搵到間咁出色嘅餐廳 所有嘢食都令到我哋好驚喜 極力推介俾大家!!

上次食野黎過Aura on Pennington, 走時見到泰越，熱愛泰菜的我隔一星期即刻黎試一試。環境簡潔舒適，光猛休閒。三色冰椰汁作基調，伴有紅豆和綠色粉條。青檸柚子蜜兩者都是我平日喜愛的，柚子蜜加上青檸的香和酸，清新滋潤。越南牛肉河平日很少吃，是日不想吃太油膩的東西，想來碗清清地的河粉，吃得出牛是很好的牛肉，肉味豐富，質地柔軟，湯頭不膩帶微甜，出色！鐵板炒蠔仔鑊氣非常夠，上桌時仍然是冒煙的。蠔仔份量很多，粒粒飽滿新鮮，性價比很高。會再來的！

平時諗唔到食咩都會簡泰菜，因為分量多適合同朋友share食，今次就簡左銅鑼灣嘅V Thai.環境小清新，沒有太多花巧。座位寬闊，座位都好鬆動，見唔係太肚餓就試下佢地小菜質素如何。🔸馬拉盞通菜 $88通菜爽口唔老，魚露味比蝦醬味重，唔會太過咸，不過不失。🔸燒虎蝦 $20@1🔸燒海蝦 $12@1🔸燒扇貝 $20@1餐廳都是以蒜蓉牛油燒海鮮，蒜蓉味道突出，而且食材新鮮，性格比不錯，值得一試。🔸蒜香軟殻蟹 $98必食❗️❗️軟殻蟹新鮮炸起，唔會有太多油，加上蒜粒一齊炒，風味十足，配上啤酒一絕。🔸沙爹牛肉串燒 $36@2🔸沙爹雞肉串燒 $32@2呢度唔洗最少要半打，每款2串。個人認為雞肉比牛肉更出色✨ 雞肉肉質非常嫩滑，十分juicy😍😍🔸西柚+檸檬+蜂蜜果汁🍹 $52西柚味偏淡，反而蜂蜜同檸檬味較突出，飲落唔會太甜，加上食左咁多濃味食物，配上呢杯果汁的確幾清新～🔸三檸檬可樂 $38

平時係銅鑼灣食飯次次都係得個幾個商場，食到好悶，今日朋友帶我去左渣甸街Aura on Pennington，我第一次去原來成橦都食餐廳，以後食飯又多一個選擇了，今次我地食泰國越南菜泰式生蝦 $128每次食泰菜必點，生蝦好爽口，大隻厚肉，配埋蒜片苦瓜辣椒沾滿醬汁，一個字太好食！越南新鮮春卷 $58用左米紙去包，材料豐富，沾上魚露味道更佳金不換香辣炒豬肉碎飯$88原本朋友想叫生菜包，但見到類似嘅有炒飯就決定叫呢個，份量多，炒飯乾身唔會痴立立，每啖都肉碎，呢個炒飯都辣辣地椰汁芒果糯米飯 $68糯米飯暖暖地有咬口，椰汁杰身，芒果香甜原個鮮椰青 $48椰青清甜可口，內裏啖啖椰肉

今日去到銅鑼灣食泰國菜因為我哋餓到下晝所以要嗌多啲呢間泰國越南菜地點唔難搵係一座新嘅大廈入面裝修新淨應該開左冇幾耐首先越南口味嗌咗個春卷附近仲放左啲生菜伴碟仲好細心咁放咗葉墊住增加觀感又可以隔下油油炸趣身而且夠熱 但味道略嫌淡左啲啲呢度有半打串燒三串雞三串牛肉質鮮嫩冇鬆肉粉味 又厚肉烤得新鮮即時上碟個醬有濃厚嘅花生香味亦都唔會過辣 抵讚每次去間間泰國餐廳食嘢都會點炸蝦餅呢間啲炸蝦餅做得幾好炸得香脆又熱 得來唔會過分油而且蝦膠打得好爽口 又香忍唔住食咗幾舊好有罪惡感呢碟飯雖然配料幾好而且落咗啲香料都幾夾個飯但係佢炒得唔夠乾身冇粒粒分明 成啲飯都遜色左如果下次佢再將啲飯雪耐炒到再乾身啲就加分呢個燒雞要不停咁讚除咗啲皮燒得好薄肉質非常juicy所有位置都處理得非常入味完全冇鞋口嘅感覺

got the discount and go try the lunch. ordered a 炸牛腩 and 雞肉沙律。 The salad is ok just the lettuce is full of water, taste fair . For the beef it’s a nightmare the brisket is so tough you have to tear down the fiber to eat.... if you got discount you can try just avoid the beef dish if no discount there plenty authentic Thai restaurant near by