流水蝦

營業中

休息中

地方好窄，抽氣好差好焗。野食一般。一坐低我都未夾蝦，個呀姐已經拎左一盤上面有好多胡椒鹽醃住既死蝦海鮮船，魚片較腥，蜆同鮑魚一般，鮑魚唔識喐。送既牛肉，牛粒都係差，但無選擇下叫做ok。任夾既肉片，燒完係唔好食既，又冇refill 過野食。雪糕櫃最下層 ，一盒盒嘅雪糕又唔夠凍。服務方面，基本上都無咩服務。整體係無環境設計可言！污糟！邋遢！俾呢個價錢，可以諗下試第2間，最少唔使焗著食。強烈不建議去, 十分伏 !!!!!一句講哂，真係無下次。

一直都想試下流水蝦，有日咁岩係社交平台見到佢既廣告，星期一至四 5:00-7:00 $288再85折，比出面平好多，即管試一試佢! 位置都方便。因為好早既關係，入去到得一枱人，位置任揀。一坐低Staff就會拎一大盤用左胡椒粉醃既蝦比我地燒先，另外仲送埋牛肉拼盤同海鮮拼盤。但肉質同味道話我地知唔係咁新鮮，不過本身都係為左食流水蝦個份樂趣，對其他食物冇話太大要求啦每枱隔離都有個水池+夾比食客自己夾，然後放落冰入面凍暈佢地就燒得啦~ 入面既蝦都算生猛，係會彈到夾唔到，好玩！不過都難免有死蝦既。今次係第一次食流水蝦體驗，有拼盤附送，另外又有燒烤食物放題﹑飲品同雪糕。埋單270其實都幾抵玩架!

上到去先食死蝦20，流水蝦完全冇，肉類少兼吾入味，雪糕就融融地，直接d講其實冇咩好味。服務一句講晒十問九吾應，完全被冇視，環境都冇特别而且坐得迫，其他吾講啦。。一心諗住可以不停食流水蝦，事與願違，大失所望。

第一次寫食評， 竟然係劣評2個人去食， 一開爐比2-30隻死蝦你先， 肉又未至於梅， 不過正常唔會比300去食死蝦囉。 自助夾嘅肉難食又冇味， 雪糕櫃最下層 ，一盒盒嘅雪糕又唔夠凍。 最正嘅係啲亞姐坐埋一堆， 唔知係咪食宵夜， 想搵個人買單都冇。好啦 搵埋單， 見到打單show¥問下啦！ 亞姐串爆你香港消費咁係港幣啦， 我問點解你唔改好張單呢.. 真係想問候佢 如果間鋪老闆睇到呢個食譜， 麻煩你改善下。真心難食 態度又差 真係等執笠…..

小妹今次又再嚟呢間流水蝦食飯，晚市放題有 2.5 小時任食 , 仲係魚缸夾大頭蝦 ，再即場燒嚟食，好玩又食得🤗  食物方面～牛肉拼盤及海鮮拼盤冇上次咁新鮮好味…唔知係嘛疫情生意難做，所以質素較之前差咗☹️蝦缸d蝦都唔係隻隻生生猛猛，所以好快冰暈一陣就燒得…夾蝦係幾好玩，且一大班人夾+燒蝦都幾funny😆🦪🐟🐙餐廳亦有其他食物，果D都係無限量供應及多款式，如: 生蠔，原條魚 ，蜆 ，墨魚仔，原隻魷魚，肥牛，雞軟骨，雞串燒，雞扒，豬扒，雞翼，各式丸類 及蔬菜，連熟食都有架, 有唔同嘅炸物及湯 🥰燒完野食, 小妹覺得最緊要食 甜品 ~ 呢度亦有唔同味道雪糕，泡芙，糕點，馬卡龍，生果杯，衞生不錯，夠膽食用😋🤤🥤飲品方:汽水，果汁，茶類…只係冇酒精飲品，絕對可接受。小妹覺得夾蝦🦐 幾好玩，雖然牛及海鮮拼盤不及之前，但勝在食物種類多，價錢冇加價🥸鍾意玩及食蝦嘅朋友仔，可以試下😎

本身Book左枱諗住請食飯同老公慶祝轉新工，因為我地兩個都鍾意食流水蝦，之前都成日食流水蝦，見觀塘開左又近我地，今次就試呢間新野。一去到佢話冇位叫我坐隔離房，隔離果間好似雜物房咁冇人坐，用黎擺雜物又冇乜冷氣，雖然都叫做有缸蝦但入面得好少蝦，而且d蝦都好細隻。 其他自助野食例如腸仔、牛肉果d全部喺隔離鋪，要行番出去工廈去佢本身間鋪先拎到野食。環境差都算啦，一坐低我都未夾蝦，個呀姐已經拎左一盤上面有好多胡椒鹽醃住死蝦，無錯，真係死哂既細蝦。我叫住個呀姐話我唔食呢d蝦，我自己夾新鮮蝦得架啦，點知個呀姐話「咪一樣，呢d蝦咪又係缸入面d蝦！」仲二話不說幫我開爐擺哂d死蝦落去燒住先，我叫住佢話唔要佢都夾硬幫我放哂落爐燒真係好嬲！ 如果我要食死蝦，洗乜黎食流水蝦呀？另外佢送左一盤海鮮船，鮑魚2隻、帶子兩隻，叫做不過不失啦，但送左果4隻生蠔係臭架！非常非常腥，離遠都聞到，所以我地冇放落爐燒都知一定唔食得！兩位85折左連加一Total $720。佢係平過其他流水蝦少少既，但d蝦又唔新鮮，新鮮蝦又少又細隻，仲要唔加蝦(佢話來貨唔穩定唔夠蝦)，食到一肚氣！奉勸各位千祈唔好中伏，唔好貪平（雖然其實唔係平好多）

開放返晚市堂食，就即刻約朋友去呢一間叫流水蝦的燒烤放題邊食邊玩😂流水蝦其實係一間類似韓燒放題店，但係佢最獨特之處係每一個卡位旁邊都會有一個魚缸，裏便有幾十隻新鮮游水蝦走嚟走去，如果你係想食啲生蝦，你就要用隻長鉗去夾佢上嚟放到燒烤爐去燒，呢個遊戲又真係幾好玩🤣啲蝦好新鮮又算幾大隻，簡直係生蝦咁跳，加上啲蝦好似知道俾你夾到就會無命😆所以喺缸裏面拼命逃命，所以你要夾到佢哋係有啲難道，但係夾到佢哋嚟燒又真係好鮮味，就係咁🦐🥢🦐🥢🦐🥢玩足兩個半鐘都唔會悶🥳而外邊任食的韓燒嘢食都係一般韓燒的食品，而腩肉片味道有啲怪怪的好似唔係好新鮮，其他的都OK啦👍🏻特別一提係我為咗要食埋最大最頑抗嘅一隻大蝦，我哋遲咗十五分鐘先走，店員都沒有趕走我哋，也沒有給任何壓力，服務態度好好，下次再有機會去觀塘一定要去再玩過🥳味道：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️抵食：⭐️⭐️⭐️⭐️回頭率：⭐️⭐️⭐️⭐️⭐️

早前係OpenRice 睇到觀塘有1 間流水蝦好平，今日就去試一試；去到見到佢個價錢更新咗，原先網上睇就係$245 更新到而家係$274 換1句話嚟講佢加咗價啦，先前$288／75折現在$288／85折變相加價。 今日13:00去到, 佢問有冇book枱 我哋冇book枱佢就即時安排我哋入咗咁我哋坐低之後佢就攞啲海鮮拼盤過嚟 過海鮮還有 帶子 鮑魚蜆鮮每樣 三個因為我哋三位 同埋一碟椒鹽蝦係要自己燒嘅 跟住我哋再過隔離舖頭攞飲同品和食品法，我哋攞咗魷魚五餐肉豬肉雞翼金針菇腸仔一般嘅嘢食當我哋燒得七七八八時， 佢攞咗一碟燒肉嚟嗰碟燒肉油花好靚嘅和牛，牛肩脊肉，豚肉因為我哋太飽啦食得所以我哋消咗件和牛輕輕過一個火，好好食 我同朋友講，雖然貴咗；但係都食得過我哋應該會有下次， 最後一提佢啲海蝦麻麻地因為數量唔多，.我哋嗰個位置佢冇加蝦，我哋要去到其他位置去取蝦 ；同一般嘅燒蝦唔同，一般燒烤會有人幫你剪頭呀去咗啲腳，但係佢係要自己做嘅最唔好就呢一樣嘢。

第一次食流水蝦既我，感覺好得意和新鮮，又有得即刻喺魚缸撈D生猛大蝦上嚟燒，啲蝦好大隻好多膏，除咗蝦仲有好多配料可以任燒，任飲任食兩個鐘都算超值，旁邊仲有一些熟食和甜品都可以任食！不足的地方只是可能位於工廈，衛生情況有待改善

今日同一班港女朋友去咗行megabox同apm 大家都滿載而歸 左手一袋右手一袋咁梗係去食埋飯先返屋企啦 經過一番搜尋之後見到呢間流水蝦 好似幾好玩 就決定入去食飯入到去餐廳環境都幾大又唔算多人 坐得幾舒服唔同種類嘅飲品同蔬菜等等都應有盡有 幾貼心啲蝦睇落蝦頭都應該有膏 而且隻隻都好生猛好有活力之後有一盤牛肉拼盤 有雪花肥牛同牛柳粒 啲油花好靚 油香好勁 牛肉味都幾重其他燒烤食品例如青口牛仔骨等等 質素就中規中矩啲大頭蝦經過一番處理之後終於可以燒啦 燒完之後啖啖肉而且肉質好爽好彈牙 蝦頭果然有好多膏 好甘香可口跟住就有一個海鮮拼盤 有大蜆 扇貝 鮑魚同白鱔等等 全部都好新鮮 味道鮮甜

今日同朋友去咗觀塘度行街行到咁上下朋友就話肚餓咁我哋就不如食埋飯先啦見到呢間哈哈燒好似又有得玩又有得食幾正所以就決定入去食飯 環境都算幾闊落飲品同燒烤肉食都應有盡有啲蝦非常生猛 全部都大大隻 一睇就知道啖啖肉跟住店員就上咗一個牛肉拼盤 有美國雪花肥牛同埋牛柳粒 一睇就知道係靚嘢 因為油花均勻 食落更加滋味驚喜 油香豐富而且牛肉味都好重之後就到燒蝦嘅部分 啲蝦個頭非常大 好多膏而且肉質好爽口彈牙 值得一讚海鮮拼盤包括鮑魚帶子蝦等等 全部都好新鮮 值得一提既係鮑魚爽口得嚟唔算好硬 老人家都食得到

唔知幾時開始興流水蝦燒烤，見到好似愈開愈多，咁啱見到觀塘都有一間，任食游水蝦仲要唔貴即刻同屋企人去試吓！每一台都會坐喺個蝦缸隔離睇住啲蝦游嚟游去🤣.一坐低，職員會自動攞一盤海鮮拼盤同埋一碟牛肉。呢兩碟就唔係任食，牛肉來講我唔係好識得分指定嘅部位，不過整體都幾好食，牛肉肉質食落口都幾腍。海鮮因為佢喺雪櫃雪住，有啲雪得太耐，不過啲蜆有驚喜，冇沙肉質飽滿同埋有海水味👍🏻👍🏻👍🏻之後當然係主角，喺個蝦缸到夾完啲蝦上嚟，即刻擺落冰水凍暈佢，然後再剪咗佢啲蝦蘇同埋腳，就可以擺佢落去燒！蝦肉實淨彈牙，仲有蝦頭啲蝦膏好好食😋👍🏻所以記得要食埋蝦頭，唔好掉咗佢啊！除咗流水蝦之外，佢仲有其他嘢食都係任食任飲。質素正常，不過選擇唔係好多。個人覺得串燒 同埋迷你紫薯仔燒完都幾好味，大家可以試吓！

觀塘美食攻略 樓上鋪 流水蝦燒肉放題觀塘有間專食流水蝦既放題,食足2小時,可惜而家無堂食,2月重開就去試下啦有自助區,放滿沙律,熟食,有飯麵,炸物雞翼等等各式小吃另有2個飲品櫃,十幾款汽水任飲,仲有雪糕球同埋杯裝雪糕一坐低就先上一盤蝦,先食蝦再撈蝦,每個人位隔離都有流水鮮蝦,可以夾蝦入冰桶凍暈佢再燒鮮蝦肉爽甜,肉厚鮮甜,仲有海鮮船,有扇貝,魷魚,蜆等等食材單係食蝦已經回本,鮮甜好食,幾分鐘就食得,一邊食一邊燒,火力夠熱店員服務又好快又好好態度,幫我地開大冷氣慢慢食唔會趕客,食超時都無趕走,埋左單就得仲有凍櫃提供幾十款食材任食,包裝青口,各式海鮮,凍蠔等等仲有幾款牛肉食,另有串燒,各式醃肉任食超好食有水準,抵食,流水蝦 觀塘開源道47號凱源工業大廈1樓B號舖

今日搞搞新意思 😏 唔止食飯咁簡單 , 而係嚟到觀塘嘅流水蝦食飯 !!晚市放題 2.5 小時任食 , 重點係可以親自嘅魚缸夾新鮮嘅大頭蝦 , 再即場燒嚟食 !! 聽到都覺得新鮮又好玩 !! 😎😎😎 一坐低就見到魚缸入面有好多彈下彈下嘅大頭蝦 Funny !! 😝😝 餐檯設備齊全 , 有 4 款調味粉 , 紙巾 , 濕紙巾 , 膠手套 , 垃圾桶 , 食蝦緊係會整污糟手啦 , 有膠手套就非常方便同乾淨喇 , 好細心呀 !! 抵讚 !! 👍🏻👍🏻入座後店員隨即送上限量嘅美國 Prime 牛肉拼盤同海鮮拼盤 ~ 🤤🤤 牛拼盤高質 !! 如果係任食就正喇 !! 🤣🤣 海鮮拼盤嘅帶子同白鱔超正 !!  夾蝦動作要夠快 ~ 夾完直接放入冰桶一陣冰暈 d 蝦先好放上烤爐 🤗 蝦頭多膏 , 肉質比較實淨 ~ 又好玩又好食 😁😁 夾蝦真係樂趣無窮 ~ 開心過食蝦 😁😁😁😁 !!!其他食物係無限量供應 , 有好多款式 , 包括生蠔 , 原條魚 , 蜆 , 墨魚仔 , 原隻魷魚 , 肥牛 , 雞軟骨 , 雞串燒 , 雞扒 , 豬扒 , 雞翼 , 各式丸類 , 各式蔬菜 , 如果一嚟到肚餓得滯 , 仲可以食住

▫️流水蝦任飲任食2.5小時 $328 75折仲係新張期間 所以仲有75折優惠🙆🏼‍♀️每個座位隔離就係大頭蝦缸 都幾生猛可以體驗下點夾蝦😆 都幾好玩另外仲有椒鹽大頭蝦 好入味啖啖蝦肉都幾新鮮😚.仲會送海鮮船同美國prime牛肉前者有鮑魚扇貝大蜆同鯇魚～鮑魚好肥美帶嚼勁😆 扇貝都好juicy牛牛油脂比例剛好 食落帶肉感.任食方面有幾款炸物同多款醃肉丸類菜類醃肉包括多款雞翼豬扒牛扒金菇肥牛同平時BBQ差唔多XD海鮮就有蜆魷魚青口生蠔同大魷魚幾推介食大魷魚🦑質地幾爽滑彈牙仲有我最喜歡既燒菠蘿同蒜蓉金菇 都要必食🤤當然仲有飲品同雪糕都任拎個榴連雪糕球好鬼正🤭.總結，以我記得其他都要三百幾以上埋單依間流水蝦比較划算～～有得玩仲有得任食大頭蝦😆個個都食到成張枱都蝦殼 戰鬥力好強🤭同埋送既牛牛同海鮮盤都很不錯喔如果想體驗流水蝦 依間真係唔錯