浩記餐廳小廚

營業中

休息中

7點几到舖頭, 唔算多人, 一入去就有卡位了, 2個人叫左琵琶豆腐, 雜菜粉絲煲同西檸肉排。跟餐有白飯同例湯, 例湯係花生雞腳煲豬骨, 都几好味。先講琵琶豆腐, 份量夠大, 下面仲有生菜執底, 但味道偏淡, 唔夠香口, 因為味道淡份量又大, 2個人食就寡左點, 如果多點人一齊share 就啱la..啱晒點唔鍾意食太重口味的老人家同小朋友。雜菜粉絲煲有點失望, 成個煲勁多菜, 但粉絲勁少, 好似食2啖就冇晒咁, 不過點菜都算ok,唔會好老, 味道ok, 如果粉絲多返點會好點, 因為叫得粉絲煲其實粉絲都係主角ma..西檸肉排算係最好味的一個餸, 檸汁夠酸, 啱晒我呢點鍾意食酸的朋友, 用來撈飯正!!!!!!肉排都好冧, 一咬就化, 煮得啱啱好, 但可惜的就係份量比較細, 我地2個人食都覺得唔係好夠。 

豬扒炒烏冬$39之前一向叫開都係乾炒牛河 可能出名咗開始變咗質 不過都有繼續叫嘅 冇計喇 我自己又懶整 今次叫咗豬扒炒烏冬 個豬扒幾好食不過呢 都係同乾炒牛河一樣 勁多油 如果可以改善下呢樣就好喇 不過都好過乾炒牛河嘅 起碼炒得好均'暈'

想不到不夠一個月就再來浩記食飯，今次我們一行九人，浩浩蕩蕩。因為當天是假期，所以預先打電話預約訂位，我們比預約時間早到一點，餐廳已經坐滿人，要等一會兒才能入座。小食店加上我們人多，難免擠迫，長輩都稍有微言。不過我覺得環境尚可接受，有時家人擠在一起吃飯感覺也很親切。我們點了八個小菜，每個都會配一碗白飯和例湯。是日例湯是冬瓜湯。浩記的小菜都是大路選擇，當中我最喜歡的是豆腐班腩煲和鹹蛋蒸肉餅。班腩跟上次一樣很夠熱，入口外脆內軟，肉質嫩滑。而鹹蛋蒸肉餅蒸得很入味，普通但很有家的味道。不過生炒骨則一般，酸甜的汁醬味道不錯，但略嫌骨比例太多。圓飯桌上放有不同的家常小菜確是十分熱鬧，這頓也吃得津津有味，捧著大肚皮回家。

趁有空便到港島區找長輩們吃飯，原本打算在長輩家吃住家飯，但怕長輩在這種炎熱的天氣煮食辛苦，所以我們一行六人決定要附近的小菜餐館吃晚飯！姑姐提議去浩記，說這裡是家庭式的餐館，吃的是家常小菜，而且價格便宜。餐館格局看上有一段歷史，像家族經營的小店，同一餐館裡有很多相信是附近住的食客。長輩們決定好後便落單，每道菜都會送例湯和白飯，所以點菜後便送上兩大碗例湯，不過味道偏咸。先來的是半隻鹽焗雞，很夠味，而且雞肉鮮美，長輩們齊聲讚好，抵食。蝦醬通菜炒牛肉，全部即叫即製，很熱辣和夠味。長輩點名說要吃白飯魚煎蛋，很熱辣，份量偏多。妹妹想吃的魚香茄子煲，很惹味，但茄子太辣。其實已經吃到很飽，但長輩們想再追加多一道菜，叫了涼瓜班腩煲。班腩熱辣，外脆內軟，意料外美味。每道菜送白飯，份量很大。整體來說味道比一般茶餐廳或酒樓美味，最重要的是份量、味道均高過價格所應有的，全部即叫即製，熱辣辣，很有家的味道。不過不用特意來試，但是住在附近不錯的街坊之選。

星期日仲要返工，收工已經攰到死，諗住買外賣算數，見到食評都OK，就試下個椒鹽豬扒，我7點去到，落左order俾埋錢就係出面等，一等就等左20分鐘，我再入去問，個老闆娘就話整緊，再等多10分鐘，其他外賣已經一早走哂，呢個時候先有人走過黎問我係小菜定飯，大熱天時等左咁耐已經餓既感覺都冇埋，於是叫佢退錢，佢死都話整緊，再等多陣，我又問佢，你連我叫小菜定飯都未知你又點整緊呀？？佢仲要講多句話我自己講唔清楚，我講唔清楚你又點收我錢呀？嘈完幾分鐘就即刻有人拎盒飯出黎，臨走仲要抽多句水話我講野唔清楚，總之一定無下次！！有圖有真相

一個人在西灣河吃晚飯，不想吃得貴，不想又是太安樓，馬上便想到這兒。七、八點來總是滿座的。今天九點十分來到，約8成滿，總算不用等位。典型的茶餐廳格局：基本上任何你想到的碟頭飯配撘，又或各類小炒都一應俱全。偏偏在OR大熱的椒鹽豬扒飯不在餐牌內。不過也像好多茶餐廳一樣，想吃甚麼，叫就有架啦。點了椒鹽豬扒飯，自動配搭飲品，偏偏晚上沒有咖啡奶茶，只好點熱好立克。 椒鹽豬扒飯 （＄34）：份量十足的碟頭飯。椒鹽頗惹味，豬扒也夠厚身，沒有多餘油份，可惜肉質鬆散，感覺像梳打粉醃過頭。當然，這是普通街坊茶記，我不會要求它用上等新鮮靚肉。想起前天在SOGO銀座梅林吃的＄40豬扒，肉的份量差不多，沒有飯，但有大份椰茶沙律。銀座的豬扒跟這裡剛好相反：食材本身不錯，肉質與肉味都鮮明（雖然偏乾，不知是肉本身質素未夠還是煮的問題）。可是銀座的廚房沒有把豬扒炸好，因此整體水準不達標。但是你問我，我便寧取食材較好的那份了，最少豬肉入口的感覺較真實。作為街坊茶餐廳，其實浩記真的交足功課；作為平時吃，一餐半餐，非常OK。但不要錯覺這是值得你「跨區」特地來吃的茶餐廳，比它好的茶餐廳／食堂，很多地方都有。

招牌菜係我最鐘意既椒盬豬扒!!!咁岩屋企又話出去食..於是我就提議去浩記餐廳小廚度食^^我地點左個椒盬豬扒同羊腩煲&金牌鹽焗雞+2個飯個椒盬豬扒真係十個好味塊豬扒夠厚又多汁，食唔到雪櫃味而且一碟都有好多塊，唔會太咸太辣，招牌真係招牌呀鹽焗雞飯一般有啲鞋口，但點埋送埋嘅沙羗汁都放到落口既羊腩煲真係好抵食…大大煲夠飽肚最緊要係好入味…同埋lum~~~岩岩好埋單唔算貴…所以星期六日最多一家大細來算係咁啦下次,再來食過先

應好友邀去浩記食飯.本身諗住係茶餐廳既味道..但點知比想像中好食.!椒鹽豬扒::::本身唔鍾意食既我平時食1件就停, 但係浩記食左之後我食左好幾件, 因為真係好鬆.10個好食..! 霸王雞::::味道好夠....唔洗一陣...無哂!!!10個好食..麻婆豆腐:::::味道唔係好夠..呢味差左小小5個好食..蒸桂花魚:::住家飯咁...=]8個好食...炒菜::油唔係好多...8個好食...我會有下次...有機會大家可以去試..=]GOODDD!!!!!

雖然居於西灣河 但平日還是在家中用膳多好久沒來浩記吃晚飯小菜 大概都有1年多了 所以想再光顧的5人點了:一劈頭點了一支640blue ice解解渴 $11 生炒排骨 排骨是細細粒 一口吃掉 不用咬了再咬 但份量可以的 汁酸一點更好可惜青椒洋蔥太少了 有點失望椒絲腐乳炒通菜腐乳下得足夠 芡不會太濃 ok.紅燒豆腐汁的味道不錯 配上紅蘿蔔片 冬菇生菜的吃素的...推介健康嘛羅漢斎炆鴨掌這個的主角是鴨掌 可惜都不太入味味道與紅燒豆腐沒什麼分別 不推介大家點.整體1.上菜速度十分快 不需久侯2.小菜所用的汁料需差不多 但知道味精下得少 不至感到好渴3.價錢不昂貴 甚至比大多餐廳小館便宜 大概$38~464.提提大家 , 晚上經常爆場 吃晚飯要早點來 尢是假日!!

今日 lunch 同咗班同事柴娃娃去咗粉嶺蓬瀛仙館食齋，所以夜晚就想食點肉中和番吓。睇過食評知道呢度嘅招牌菜係鹽焗雞、梅菜扣肉、椒鹽豬扒及羊腩，於是就叫老公今晚嚟呢度食晚飯。原本打算叫一個椒盬豬扒飯 ($30) 同一個羊腩飯，點知個伙記話天氣回暖，已經沒有羊腩食了。 佢反而提議我地叫個金牌鹽焗雞飯 ($28), 見鹽焗雞都係呢度嘅招牌菜，咁就聽佢講試吓喇。個椒盬豬扒飯真係好好味，塊豬扒夠厚又多汁，一碟都有幾多塊，而且椒盬味道適中，唔過咸、唔過辣，果然唔錯。個鹽焗雞飯就反而一般咗啲，咁嘅價錢，都知唔會係新鮮雞，不過雖然啲雞肉有啲鞋口，但點埋附上嘅沙羗汁都可以嘅。隨飯有例湯附送，算唔錯喇。

得知老婆要OT, 特意前往西灣河pick her up, 順道跟她漫步一下西灣河靠山一帶, 充滿了70年代香港情懷的内街. 在途中,老婆說這處有一間小店的"椒盬豬扒飯"很不錯吃. 未幾, 浩記這家店便在眼前. 店子雖小, 但坐上食客卻滿, 乍看一下牆上掛鐘, 已是九時許, 想不到店內仍擠滿了人. 老婆點了椒盬豬扒飯+凍駌鴦, 而我則清淡點, 要一客紅燒豆腐飯+凍奶茶. 幾分鐘後, 態度有善的店員便把兩客飯端上.紅燒豆腐新鮮且挺入味; 而椒盬豬扒果然名不虛傳, 有鮮肉味而且軟硬剛恰到好處. 兩杯飲品亦有水準.六十元便可以嘗到一頓簡單, 愜意且回味的晚餐. 夫復何求? 一間必會"番兜"的茶記!

回家途中, 諗住去試吓咩無敵車仔麵, 泊好車, 行到門前, 才發現星期日是休息的! 見到轉角此店門前人頭湧湧, 行去看個究竟, 原來是間晚飯小炒店子, 生意不錯. 倒給了我可試試新嘢! 一個人揾位很容易, 求其一個位就可坐下, 看了菜牌一會, 見佢有羊腩煲, 也有羊腩飯, 天氣凍, 整碟羊腩飯暖暖肚也好! 先來一碗例水, 西洋菜湯, 湯內未有西洋菜, 清清地, 味道唔錯! 等了一會飯便送到, 份量適中, 除羊腩外, 枝竹, 馬蹄, 筍...等, 正當我想開始食, 心裏想着:如果有碟腐乳醬就更好了! 就在這時, 店員就拿來一碟腐乳醬, 真令我感動! 羊腩炆得頗腍, 味道唔錯! 最重要是價錢真合理! 眼見這裏有好多街坊幫趁, 相信其他小菜也會很有水準吧!

梅菜扣肉飯 @ HK$28 - 並不是傳聞中咁好食, 扣肉不夠林; 汁又希 椒鹽豬扒飯 @ HK$30 - 果然好正! 不過飯太多,下次要少飯。

此店的"椒鹽豬扒飯"做得好好，唔係其它地方可以吃到。其它的菜色都不俗。地方係就迫了點，但伙記落單快靚正，態度又好，唔係咁多茶餐廳有的

此店的"椒鹽豬扒飯"做得好好，唔係其它地方可以吃到。其它的菜色都不俗。地方係就迫了點，但伙記落單快靚正，態度又好，唔係咁多茶餐廳有的。