浪人日本料理 (已結業)

來到第二年有情人的情人節，今天其實我們兩個都比較繁忙，百忙之中選擇了一間日本餐廳吃我們的午餐，又見到我愛的海膽三文魚親子丼，所以在刺身丼與這個之中，都是揀選了這個的。我蠻喜歡這邊是很快上菜，還會把整個餐一次過送上，不會分開的，適合午飯時間比較趕的時候進食。這個飯是有加了汁的，不是普通醋飯，但味道不會太強，不會搶走刺身的味道。海膽還算新鮮的，三文魚籽也是我一貫喜歡的味道，不會太腥，三文魚就是厚切，一啖咬下，很有口感。午餐包括前菜，沙律，茶碗蒸和面豉湯，合共要２５０元再加一服務費，我就覺得可以便宜一點了，雖則食物質素是不錯的，但都不會常來呢

在中環日本料理餐廳很多，呢間算係其中一間較高質素的餐廳不論餐廳環境、裝潢、食物質素都是很不錯午餐定食選擇多，但價錢當然有番咁上下，大概$160-$230 不等不過好驚喜係呢到飯和味噌湯是無限添加------------------------------🐶A5 和牛壽喜燒($200)定食當中包括沙律、小吃有枝豆等、碗蒸蛋、味噌湯味噌湯夠晒熱，還有蜆，感覺較平時的湯鮮甜碗蒸蛋好有蛋香，又好滑溜好喜歡當中沙律菜和枝豆都好新鮮到主角A5 和牛壽喜燒，湯底濃郁夠甜加上蛋漿的A5和牛真係夠晒滑口，肉很鮮嫩不過件數就少左d，但整體上呢個壽喜燒味道很好，好滿足！

叫左個海膽三文魚飯lunch set難食到不得了三文魚勁唔新鮮，肉質勁鬆散兼冇三文魚味魚子係腥海膽又腥又苦成餐飯一路食，啲腥苦臭味係個味蕾到混合，食到好想嘔從來未試過食魚生飯食到咁痛苦成個set最好食就係個蛋同兩碟前菜lol呢間野真係好垃圾我夠膽講兆萬啲魚生仲好過呢到.....總結黎講，有錢都唔好黎呢到食lunch, 又貴又唔好食，呢間野同樓上間花串比真係差好遠。拎果200蚊去兆萬食放題都冇咁嬲....

I was looking for Omakase, and thanks Openrice to introduce me to this restaurant.  The set included sushj, sashimi and skewer, which was a good variety, and could have a taste of each. Food tasted ok.

朋友生日，一心諗住食生蠔。11:30am 開始，出蠔唔算快，不過總算有！最差係未到1pm左右，就話生蠔已經售罄！😡下，有無搞錯！罷明搵笨！每次只准每人攞三隻，出得又慢！如果大家想食生蠔的話，都係去酒店比較穩陣！呢個價位，有好多選擇，如果知道咁早無生蠔，我一定唔會去囉！魚生都算新鮮，都算有選擇。炸物同串燒齊全！主菜方面，有睇頭，不過蝦唔爽囗，牛唔算「諗」，帶子已經算係最好！加咗任飲 Champaign，最初又話嗰支無貨！到最後又話搵到支，不過都唔係佢哋標磅嗰支！總結經驗，食蠔唔穩陣！唔會有下次！

一早就上網購買團購想試吓甚麼料子怎料到今午因為FormulaE第二天賽事中環要封路,所以在大會堂停車場泊車花時耐咗12:00pm開始而終於12:20pm先去到,還好即開生蠔仲可以食到。第一次幫襯見到個場唔算好大都坐滿四五十人。因為係半自助餐,所以有幾款係點題菜式只提供一次。其中成人嘅包括有A5和牛,鵝肝多士,大蝦及帶子。小童嘅就有吉列豬扒,燒魚。和牛非常可口大蝦略嫌粗糙,其本上肉質唔夠爽口。最令人滿意嘅係帶子,鮮甜香可口又大隻,可惜無得encore同時試埋小童果份餐,吉列豬扒還好。唔油膩爽口兼有肉香,燒魚油份足夠而皮脆自助嘅食物部份尚算多刺身,但略嫌要排隊輪候時間長食到甜品都OK,雖然細細件mini size。但水準唔錯㗎

數天前都蘭桂坊飲完酒之後四周圍搵嘢食。 四周圍的食肆人頭湧湧， 沒有訂位都幾難搵到地方坐低。 終於見到這座大廈層層都是食肆， 但大部分都是和食， 終於行入這日本料理試試。 好彩還有在門口有兩個坐位未有訂座。 最初見了一個串燒牛舌發覺味道很好， 在叫了一個刺身拼盤， 各款刺身包括牡丹蝦均很新鮮。 再見了一個海膽炒飯， 海膽分量十足，炒飯本身亦炒得很乾身。 再叫多一個大蜆麵豉湯。 全部食品品質十分優質，下一次一定會到來食其他食品。

^ 坐低點餐後有熱茶、枝豆奉送^ 這是經理為我們挑選的壽司拼盤，盛惠＄200。咁嘅價錢食咁多舊壽司十分划算，重點係有好多舊拖羅同埋海膽，好合本人口味！而且質素不是一般，食材新鮮又大嚿^ 日本直送。每人一夠唔夠囉咁鮮甜！好食到忘記了價錢^ ＄116 兩串厚切牛舌，加左蘿蔔蓉，入口味道濃郁，好夾，好食！^ 舞茸醬煎蠔 ＄148呢一個係今晚晚餐嘅重點不單止隻碟有特色，仲擺得好靚成件事好高級蠔來自松島，外脆內軟；蘿蔔蓉鬆軟而不鬆散。味道方面就更加唔使多講啦，個汁簡直一流^ 最後的甜品，經理送比我地一路傾計一路食嗰晚氣氛又好、環境又舒服、服務一流、嘢食又好味，總之食得好開心，多謝哂！

媽咪生日食好D🤤唔中意食放題既我加中意食放工題既佢，最後一於食好少少升級自己去食日式Brunch Buffet啦！價錢拍得住酒店級，款式種類相對來講比一般自助餐少，不過質素絕對夠高🙊單是和牛大帆立貝大紅蝦加上極鮮甜刺身仲有生蠔任食已經抵返晒👍🏻媽咪話單是呢個手咁大既扇貝街市都難買，要買都好貴😳🤔職業師奶...((🍴週末限定Semi Brunch Buffet 11:30 - 15:30 HKD $488/1位))介紹返，From the counter跟Beverages都係任叫任食，而一般Semi Buffet Main Course要揀一個嘛，但呢到係三個都有😍🙌🏻不是三選一 ← 有點驚喜！所以都唔洗落單，入座之後師傅會慢慢準備，即煮之後會直接送上🤡主菜三款都好正！首先上枱係大掌咁大既燒北海道帆立貝，好甜好鮮甜！而且燒煮火喉剛剛好☺️食落係岩岩熟既狀態，好嫩又非常彈牙，而且非常貼心地早已將其"起肉" 所以唔會出現裙邊或者佢本身有痴殼情況👍🏻💙🐮和牛每人只有兩粒份量偏少，不過A5鹿兒島和牛脂肪分怖好平均，入口有融化感又未覺膩🤤🦐西班牙紅蝦第一次試😳完全係餐廳食開龍蝦湯既味道呀！！豐富蝦

晚飯時間响中環，想食日本嘢，但係又想避開大集團嘅餐廳，於是search下openrice就決定嚟浪人日本料理。 去親日本餐廳我一定會叫軟殼蟹卷。呢度啲軟殼蟹卷都唔錯，軟殼蟹仲脆，而且飯粒軟同埋握得夠實，唔會一夾就散。 串燒（牛脷，和牛肋條，和牛五花，和牛小排）叫咗啲串燒送酒。當晚餐廳都幾多人，所以啲串燒都等咗一陣。上檯果刻，啲串燒係熱辣辣嘅，應該係即燒，唔係燒定再慶返暖俾你。個人覺得和牛肋條同和牛五花較為突出，食落口好香口，好重牛油味和牛壽喜燒齋食小食邊會飽，今晚做食肉獸叫埋壽喜燒。上檯再點火幫你坐暖果鍋，啲牛肉正常啦，反而個汁幾好，唔太鹹。清酒煮蜆清酒煮蜆又係用鍋上，再點火慶住個鍋。清酒經過煮熱後味道更加香濃，蜆肉鮮美。如果係用唔靚嘅蜆，係好易食得出。呢度呢樣嘢食有中上水準！火炙生牛肉牛肉表面火炙後切片入口，食唔到好生嘅肉味，唔鍾意食生肉嘅朋友都可以試下法式燉蛋食得太飽，叫咗一個甜品share，晚餐要有甜品先滿足！

平時食開既都係算係中價位既今次因為慶祝周年記念日, 所以一定要食餐好既和牛壽喜燒和牛入口即溶浪人烤飯團飯團入面有三文魚 肉鬆 芝麻 外面烤到好脆 加埋紫菜 口感非常好燒牛肉沙律配芝麻汁本來以為只係普通牛肉加沙律 點知上面加左好似辣油嘅特製醬汁 但一啲都唔辣 反而好香口明太子雞羽一客兩隻 我地叫咗兩客 上菜時雞翼係熱辣辣 炸到脆口 而且嫩滑 唔油膩 每隻雞翼入面都充滿咗滿滿嘅明太子 食落有少少辣味 又係香口之選軟殼蟹卷食軟殻蟹卷最怕上菜時軟殻蟹已經淋哂同凍哂 呢方面浪人做得好好 卷物放入口時依然係熱同脆口 唔使特別點沙律醬都覺得好好味特上壽司一set十二件 同朋友share剛剛好 十二款唔同嘅魚生 大部分嘅魚生都充滿油脂 一食就知係靚魚 而朋友特別鐘情大蝦 佢話非常新鮮 同佢係築地食嘅一樣咁好味 另外呢個set包埋麵豉湯 碗湯非常足料 大大隻蜆係入面明太子山藥棒棒糖山藥爽口 但本身冇咩味 所以配上較濃味嘅明太子 就非常配合蘋果雪芭 蕃薯雪芭黎到我最鐘意嘅甜品部分 本身想試menu上嘅桃同柚子雪芭 點知今日無呢兩種 真係有啲失望 但都照試下另外今日呢兩款 點知有驚喜 蘋果雪芭 蘋果味好重

今天和朋友食呢間日本料理格局一看就知係高級餐廳首先要讚的是餐廳環境不錯每枱之間都有簾隔住  私癮度做得不錯燒牛肉沙律配芝麻汁$68  醬汁好惹味 牛肉薄切易咬 蔬菜新鮮 推介店員推介 日本蠔 $68 一隻  鮮甜 沒有大咸海水味 易入口磯煮鮑魚拌海苔醬$110  海苔醬略咸，不建議點太多，否則蓋過鮑魚鮮味笛調 $160  店員推介，日本築地直送 姑且一試。 白身魚本來就比較淡口，配上餐廳自家醬汁，好惹味浪人卷 $288 有4件 每件都佈滿新鮮三文魚、吞拿魚、三文魚子及海膽，值得一提是日本大蔥有加分 口感好豐富，食左一舊好滿足大蔥吞拿魚腩卷物$108 又一卷物，壽司飯用了赤醋 我都係第一次食到 其實同普通壽司冇咩分別，勝在顏色夠特別，不過相比起，我會推介口感豐富既浪人卷

Bruch聽得多，都唔係咩岀奇野，但日式Bruch呢？又真係第一次試，不過都可以話佢其實係即係日式午市半自助放題，價錢——日式Weekend brunch $488+10% / 位包即開生蠔，刺身任食！刺身如三文魚厚身肥美。其他任食有串燒、沙律、海膽豆腐，鵝肝多士係推介！好搶手，鵝肝肥美，好大件。其他仲有天婦羅、炸物（如芝士年糕），甜品。主菜 : 煎西班牙紅蝦·燒北海道帆立貝·香煎鹿兒島A5和牛！唔係任拎，係每人一件，由廚房上菜，帆立具勁大粒，即燒好鮮味；和牛肉質夠嫩，好有外脆內軟既感覺；紅蝦肉好嫩，仲好大隻！飲品，除左汽水橙汁後外，仲有黑糖薑茶，咖啡。咁就過左一個好豐富既早上午 起身之後食一餐好既，感覺全日都會帶住好心情

朋友在中環下班，相約在附近吃壽司，選了這間環境舒適的餐廳。餐廳簡潔而帶有日本風味。點了火炙生牛肉，生牛肉薄切，外層輕輕炙燒過，雪花均稱，冰凍感足，放入口是濃香牛肉味，細心咀嚼，油香自自然然散發。賣相精緻的浪人卷，上面放上了吞拿魚腩蓉、海膽，三文魚子。結合了三樣我喜歡的刺身，吃起上來格外興奮！不禁要為它拍多兩張特寫！不得不提的是，海膽鮮甜味美！燒牛舌火喉控制得不錯，牛舌燒得很嫩，咬下是彈牙，不會難咬。海膽炒飯飯粒炒至粒粒分明，蛋和蔥很香口，上面鋪上海膽，整體不錯。

浪人日本料理 Brunch Buffet $488/人 只限星期六日 1130-1530)Buffet主要有...💁(好多字🐸)刺身🍣所有刺身都好厚身同鮮甜 啖啖肉 生蠔🐚 有海水咸香 算大隻沙律前菜🌱牛油果沙律脆片好正 大大粒牛油果配上酸甜呢沙律醬 再有香脆嘅脆片鵝肝多士🍞好厚嘅鵝肝 面頭有甜甜嘅蜜糖(!?) 油脂好香 不過多士有啲硬天婦羅🍤食咗炸蝦炸 新鮮炸起所以好脆 粉漿唔會過厚 不過其他天婦羅冇咪點新鮮出鍋串燒🍢燒茄子好juicy 面頭有微辣惹味嘅調味 其他嘅燒肉都普通啦炸物🍤食咗炸香芋球同炸薯仔(?!)環 我唔知咩黎呀 不過好少人食所以都淋曬壽司🍙太厚 食唔太出刺身呢甜品🍰tiramisu/芒果慕斯/豆腐芝麻/布朗尼 味道正常湯冇飲🍵.Main:燒北海道帆立貝🐚同蒜片一齊燒 好入味 仲有裙邊鹿兒島A5和牛🐮牛味夠 不韌不乾 配檸檬汁就唔膩香煎西班牙紅蝦🍤成隻手掌咁大!!! 有蝦膏 但肉身韌了.水果🍈🍓蜜瓜好甜好淋🍈其他普通仲送飲品🍹🍹🍹.都算對得起食物 環境同地點😂😂中環...真係冇計💸💸