海峰快餐

營業中

休息中

響筲箕灣搭地鐵，經過海風快餐，睇見佢啲煎釀三寶，外型都唔錯，所以買返幾件返去試吓。$10-4件， $20-8件，買多冇多件。根稱該鋪已經開業左20多年。因為疫情關係，費事喺街邊食，所以攞返屋企煎返熱佢。釀青椒，釀矮瓜及魚蛋，至於魚肉方面，雖然唔係全部魚肉，但係覺得有少少琳琳地，少少魚味。青椒及矮瓜，唔會炸得太老，青椒有少少爽口。矮瓜口感亦不錯。但係比較多油一點。冇辦法啦因為係用油炸。10零廿蚊 ，除咗買麵包，都買唔到乜嘢。

原本諗住去鶴嘴打卡📸️但突然落雨又凍~~即刻轉行程去掃街🤩.📌咖喱魚蛋 $8/5粒係超好食嘅魚蛋🤩勁煙韌嘅口感 唔係爽口彈牙四海嗰種🥰但係個咖哩就冇味嘅🤨如果揀辣味會出色啲🤪

Shau Kei Wan is filled with local street eats. But this one called 海峰快餐  (no English name) is located just outside the MTR station exit. We often grab something here just before heading to the bus stop to go to the beach. But as it's been a while since we've gone to the beach, we went here for nostalgia.They serve all the regular street eats but it's the fried chicken leg that's our favorite. The menu is in Chinese only but you can point at what you want and they'll put it all together for you.B

買左一盒炒米粉同一串魚蛋，點知老闆話淨反最後一盒米粉。反到屋企一開，啲米粉係臭嘅。。。 都唔知放左幾耐，咁都賣比人，有無搞錯。。。。。🤬🤬🤬🤬🤬🤬🤬🤬🤬

今日去買煎釀三寶買咗$30俾錢時俾咗三張$20當其時冇為意佢已經即時叫停我然後又說沒事了隔咗一兩秒後發現自己比錯錢同佢理論佢仲惡人先告狀以前平均一星期買一次不過以後唔會再幫襯之前有一次亦試過買$30煎釀三寶返到屋企發現比少左3舊！專呃人！

這家小店位置好有利，近巴士總站和地鐵出口。經常好多人排隊。他們有好多不同食物款色，早餐有已包好的三文治餐 $18，如餐蛋治、腿蛋治、茄蛋治、呑拿魚治等。亦有炒粉麵餐 $22，腸粉餐 $20等。更有通粉餐、兩餸湯粉麵餐等。如果大家在晚飯時間大概6:30pm至7:30pm之間去到這裡買煎釀三寶，好處是會熱辣辣😊😊。煎釀三寶 $10五件我買了二十蚊，十件，每樣要了一件後，餘下的都要了炸魚蛋，我一般都不太喜歡釀魚肉、魚蛋之類的，不過我就好喜歡這裡的炸魚蛋，第一是因為這段時間都是新鮮炸，第二是這裡的炸魚蛋做得和煮得好，皮脆又不會炸得太過。讚👍😊小店是家庭式，好有禮貌。😊😊

本人成日係到幫襯開買三寶。宜家賣10蚊5件，我今次買30蚊，有15件。每次幫襯開都係一位後生仔幫我執三寶， 佢每次執完之後都會畀個盒我望一望，對一對數。點知今次買果陣，轉左另一個人。咁諗住都無野啦，其實佢執果陣都覺得怪怪地，佢勁快執完，我都奇怪佢點解會咁快執完？同埋佢執完之後冇打開個盒俾我望一望然後對數。而係用一個好快嘅速度將個盒遞咗畀另一位同事叫佢代入袋然後收錢。我見到佢其實應該係未執青椒俾我，但因為我趕時間，加埋幫襯左咁耐應該唔會呃我既心態，所以無時間再打開個盒再同佢數一數。咁我臨走前再望一望佢，明顯feel到佢眼神好“私縮”。點知一番到屋企打開個盒！真係小左三件青椒！！可能你會話佢執漏咗啫，但宜啲野真係心照。所以想喺度呼籲大家， 買完煎釀三寶之後一定要數清楚數目，以免大家中招。

海峰係筲箕灣賽緊會隔離開店很久，由我中學時代已開始幫襯架，以前成日下午茶去四煎釀三寶、炸雞脾、蘿蔔塔？等等，到左番工啦，我又會買盒炒米或炒面回去公司食，呢度勝在抵食又大盒，比其仔地方平2-3蚊，心靈已好滿足了！呢間鋪細細地，但都有3-4位工作人員做野，生意旺到不得了，但手腳快，即叫即有，食物仲係熱辣辣添，但唔好諗住好健康，d野都幾油最近受到馬來西亞那邊啟發，叫左$10/4條腸粉，再加$8/串魚旦，仲係要辣既，唔好加甜醬，只要鼓油同花生醬，撈埋咖哩汁一齊，腸粉特別惹味好吃，這樣就變成馬來西亞華人美食-咖哩豬腸粉！記得自己帶環保餐盒去，唔好再用發泡膠啦

放工反屋企路程遠，又有點肚餓。來到地鐵附近睇下有咩小食來到馬會見有幾個人排隊就試下。煎釀三寶$10/5件 睇個樣好新鮮呀揀左魚蛋，豆腐同茄子。魚蛋好大粒😊唔係硬實實個種。岩岩炸好，外脆內軟茄子：因為炸過，好多油😂但食茄無想像甘油淋淋豆腐就無咩特別😝下次再試下其他先。😄😄

星期日懶得諗食咩...... 食海峰最唔傷腦筋～～～一次偶然發現可以雙拼炒麵同米，講句整盒鴛鴦就得，小店嘅好在於casual，選擇困難嘅人又少樣困擾～～朝早整完用冇蓋嘅盤載，所以已經凍凍地。比起好多舖頭優勝嘅地方係比較多料~~~~有菜、蘿蔔同紅腸絲...... 有肉嘅真係唔常有。幾有油香，所以都比較肥。要取捨喇～較鍾意炒麵，比較入味。炒米就爽啲。極大盒。舖頭有賣各式港式小食，想豐富啲可以加個料～～～～

相信就算唔係街坊都會食過呢間舖。佢開正MTR對面，巴士總站隔離，街市側邊，食盡地利優勢，就算啲小食賣得平都唔會蝕本。好似自我懂事以嚟間舖就喺度。初期只係開咗小食店，都係由老闆一家人經營。舖面好細、好熱，店員都被油彈到手傷晒。舖頭主打煎釀三寶、燒賣魚蛋...炒面同炒米大大盒又有豬油香，仲有少少紅腸絲，十零蚊盒有少少料真係算係咁架喇XD近幾年佢用埋隔離舖位開凍肉舖，真係好識做生意。BBQ嘅人貪方便就算佢貴過街市都會幫襯，佢入貨又會更加平，小食店成本就更加低~我哋一家間唔中會買佢嘅早餐食，廿幾蚊有豬扒厚餐肉面加凍飲，雖然唔健康，但真係幾最近放暑假見到電視教整炸蘿蔔餅。見到呢個名心裏面好不爽，明明由細食到大都係叫炸油池，改個咁嘅名顯得佢冇晒特色。因為咁，我就打算買個返嚟食，可惜老闆個仔話呢排蘿蔔唔靚唔賣住，惟有食返最普通嘅燒賣魚蛋。呢檔嘅燒賣當然冇呂仔記咁有魚味啦，但人哋賣廿幾三十蚊喎，我自問冇錢食貴價小食喇呢度嘅燒賣係有少少粉味，但甜甜地都算唔錯喇。而魚蛋係偏實嗰程，但仲係彈牙嘅。我幾鐘意呢個質感，有啲舖頭發到魚蛋好大，淋得滯冇晒咬口，有時會咬咗半粒魚蛋之後因為另一邊太重身，魚蛋又唔夠實，裂

星期六買個腸粉做個早餐，賣腸粉個阿叔賣到審犯咁!!!!!!!!!!!!!!!!!!問我要咩醬問到鬼食泥咁，我聽得唔清楚，就黑晒面咁，聽到個醬字咪以為佢叫我自己落醬，一拎起前面支醬就大聲話唔係叫你落，你講我幫你落😡幫到咁不如唔好幫啦即刻燥左啦!!!!!!!!!!!!!!!!!!!!!!!!!!!!!一朝比你咁搞法心情即刻燥晒，賣到你咁唔想做唔好賣啦，我唔係買你發脾氣係買腸粉呀😡以後都唔會幫襯😤

今天在筲箕灣，經過間小食店有煎釀三寶，而且7元4件，比外面便宜，便買了一份來試一試。我點了茄子，兩件紅腸和蟹柳，叫完便立即有，因為它不是即叫即炸，而是已經預先炸好一大堆，但都是熱辣辣。我先吃紅腸，覺得不算太差，仍然有點脆，而且魚肉十分好吃，又夠味道又彈牙，完全不會腥。茄子也算淋，因為我很怕硬茄子，它也挺軟身，只是魚肉少了點和很多油，而且店員會幫客人加豉油，但完全不夠，茄子根本吸收不到。蟹柳十分脆，吸了點豉油，它的豉油偏甜，不會很咸，我也十分喜歡，不過豉油實在太少，建議要先自行加豉油。

今天到筲箕灣買餸，一出地鐵站（A2出口），見對面有小食，便去看看，最吸引我的是店鋪整潔乾淨，感覺衛生，再看看食物，煎釀三寶也很新鮮及整齊的放在有蓋的隔油網上，再看價錢，嘩！很便宜呀！在這物價狂漲的日子，還有物超所值的食品，我想，應是做街坊生意不可以貴呢！我揀了愛吃的炸魚蛋、魚肉青椒（青綠又沒有縐紋）和魚肉茄子（保留住紫色外皮），一共12件，但只用18元！超平！買完餸，回家打開再看，還䁔䁔的，原來豉油也用膠袋仔入住，好有❤️思啊！看看圖片便知道青椒和茄子的色澤令你垂涎三尺，還有厚厚的魚肉，外表已經吸引了！再吃上口，一點肥膩感都沒有，還有口感同鮮味，夠哂新鮮！我只覺炸魚旦的皮有點厚重，但味道口感一樣味美！平日很少買這些油炸食物，但這間令人眼前一亮，下次要試他們的炒米粉，因為見住哥哥努力的做，夠新鮮！

是日早上去龍脊行山, 早餐還未食, 自己又不喜歡食包, 所以來到筲箕灣一出見到賣小食早餐的就過去買了.腸粉$7/4條, 4條都用盒裝, 真係巴閉, 我叫他多麻醬多芝麻, 之後拿到去巴士站一邊等車一邊食.本身我都不打算駒駒幾條腸粉就寫食評, 但一打開個盒真係忍唔住要拍下罪證!1. 我叫你多麻醬多芝麻但我冇叫你走甜醬喎2. 全部醬少得可憐其實我以前食腸粉真係會走甜醬, 所以都冇所謂. 但食落, 一點味也沒有, 沒有麻醬味, 甚至沒有豉油味. 芝麻又得幾粒, 真係孤寒到冇得再孤寒.唔夠醬都未到戲玉, 腸粉才是極品, 勁勁勁淋, 唔滑, 冇米味, 有雪味, 總之絕對可以用難食黎形容! 好心入貨都入好少少. 仲好意思收$7, 深水埗滑滑腸粉都只不過是$5/4條, 我都沒要求你要滑過佢, 但起碼給我基本的尊重. 要用難食來形容腸粉證明真是要整得好難食才會得到如此"美譽".想不到2011 年最後一餐早餐都食得咁唔開心.