海景咖啡廊

營業中

休息中

👌🏻環境：一入酒店上一層樓梯就係入口，環境很美，但遲book位所以安排坐門口位，冷氣完全不足很熱，還有門口位同入面既座位係二種feel。👌🏻服務：值得讚係收碟速度很快，侍應人手足夠，反而拎野食物既廚師就有點慢。👌🏻食物：👍🏻生蠔係法國生蠔，海水味很濃，但生蠔偏細粒，還有蠔吧得二個廚師，一個開蠔，一個梳蠔殼，長期有人排隊要等。👌🏻鴨肝反而少人拎，每次煎完就放上碟上，任人拎拎幾多件也可以，煎得很香口，但做不到入口即溶。👍🏻雪糕係Haagen-Dazs有多種口味選擇，重點係有師傅刮雪糕，十分方便。👌🏻刺身都少人排隊，刺身都很新鮮，但切刺身的師傅不帶口罩，會不停問客人要咩刺身，衛生不太注意。⭐️食物質素不錯的，但食物種類得很少選擇，食物無一樣做到十分好食值得再食，所以去一次就不會再試。⚠️注意每人至包一杯飲品，如需任飲要加錢。係Openrice列印張優惠及者係OKIBOOK網訂位有折扣。

媽咪生日，見到有網站介紹洲際有特價，就卜左位食自助餐慶祝，點知去到洲際先發現擺左烏龍，但最後都無放棄尼左尼間海景食，但下次真係會好小心，5會再比佢個舊名誤導。坐落左其實環境都幾好，如果可以坐到真係窗邊位相信感覺會更正，開始拎野食都行左個圈，決定由海鮮入手生蠔同蟹都5錯，拎左3，4轉，開蠔都好快，5洗排好耐，蟹就睇相都知正正子，而且去到中段仲成日都好快比人拎晒。食完生冷野去左拎個湯飲下，料都算幾足，而且5太咸。去睇有咩要食既時候發現有個好低調既正野，就係金箔意粉，味就ok, 5算太特出，但勝在食得過同打卡而且仲係師傅即刻整，熱熱地食飽飽梗係拎反d甜頭，發現都幾多細細個就好鐘意食既糖，所以都忍5住手拎左d尼食。以價錢同水準尼講，尼間自助餐都好適合一家大細尼食，因為熟食款式都多，5怕小朋友無野岩食，而且佢枱同枱之間既擺位都非常岩可能有bb車或者想要多少少空間既客人坐，員工都好有禮貌同收碟速度都好快。推薦

今年聖誕節揀左去呢度食自助餐。第一次去呢度，book之前上開飯睇過評價都幾好。海鮮種類都幾多，長腳蟹，麵包蟹，龍蝦仔，仲有專人即開生蠔，感覺都幾新鮮。壽司刺身有水準，其中帶子好鮮甜，另外三文魚，甜蝦，八爪魚等也不錯。熟食中最特別就係有原隻燒乳豬，皮脆肉嫩。甜品有Häagen-Dazs雪糕，仲要有10幾隻味，逐隻味試都有排食。仲有好多小甜品同朱古力噴泉，樣樣都好吸引。今個聖誕食到飽一飽，即使過兩日天氣凍都唔怕。

今年聖誕節，老公帶咗我去酒店食Buffet，一入到去已經望到個海景，令人心情好舒暢。食物款式種類好多，連蟹都有八款可以揀，鍾意食蟹嘅人千祈唔好錯過，生蠔新鮮即開即食，全部食物都好新鮮。熟食種類亦都好多，全部都好好食！最後再食埋甜品，雪糕係Häagen-Dazs，有勁多款口味，仲有好多蛋糕同埋其他甜品，食到我好滿足！不得不提呢度嘅服務好好，入面職員好熱心收碟，當日不停招呼我哋，令我哋覺得好賓至如歸。

如果你想搵一個靜靜地嘅地方食餐飯，你諗住去酒店就無死啦，點知呢間餐廳仲嘈過去大排擋，客嘅餐飲manner係一個問題，餐廳點樣去營造同控制餐廳環境又另一件事。全餐廳最靜同最舒服的，就係洗手間，曾經因為太嘈入咗去洗手間比對耳仔休息一陣。食物方面，一年比一年差，海鮮開始有走下坡嘅感覺，一味以大堆頭引誘你來。甜品還可以，味道還維持到。惟一可讚嘅，係每檔入面嘅職員有禮。餐廳佈局及排位奇怪，通道迫到基本上行都好有問題。

公司聖誕大餐揀左黎呢度食，一來近地鐵站，二來有生蛺，滿足左同事既需求，三來有我至愛既蟹腳。匯豐有8折，除開連埋加一，每人600，聖誕黎講都算抵食嫁啦。7:00準時坐低，我章過自己食左17隻蟹腳，好開心

最近考左個試pass左所以同男友來食buffet慶祝其實我好耐無食自助餐因為唔算大食而且就算好多選擇我都係食來食去個d野今次buffet都算久違話明蟹宴當然係好多蟹既選擇有冰鮮鱈場蟹腳，麵包蟹，軟殼蟹手卷，蟹粉鍋粑蟹粥，蟹湯，蟹肉雪糕我自己唔係樣樣都有食蟹腳食左兩轉不過不失麵包蟹我無食男友食左話好食蟹粉鍋粑好味蟹粉唔多但放在鍋粑上好香口雪糕無試覺得太怪另外食左大量凍盤蝦3轉即開生蠔自助餐而言算係高質溫度剛好有海水味係瘦既但瘦有瘦既味道熱盤食左大量牛排同羊架個燒菠蘿好甜甜品選擇好多只係我地比較遲去到食甜品時已經有d無得再refill食到既甜品之中最愛焦糖批生果選擇都唔多我地食左3個鐘覺得剛剛好service是一般酒店水平加上自助餐本身就自助好多service唔可以用同一個標準評定so far so good不過折左都唔算特別平其實呢個價錢都有好多選擇下次試第二間

因為慶祝朋友生日, 所以同公司同事10人行過黎慶祝咁岩做緊openrice優惠, 所以, 埋單請埋生日個位都係500左右就落到樓, 好開心一坐低, 就梗係橫掃全場, 見到生蠔, 同事們即刻衝過去拎, 不停re-fill, ok wor, 有誠意

平時都間唔中會食下buffet, 但今次覺得性價比高，食物質素同服務態度都令人滿意。食物尚算很多選擇，最重要有新鮮生蠔，很多buffet 而家已經吃不到新鮮生蠔。但生蠔bar職員很細心清潔生蠔，令人放心。我試過看到有些酒店餐廳職員求其掃兩掃便當清潔完畢。今次當中豐盛既海鮮，以長腳蟹非常出色，啖啖肉之餘亦有豐富海水味。熱葷亦有很多選擇，媽媽平常都會覺得buffet 不對胃口，今次都有讚冇彈。最令人心花怒放的當然是甜品, 選擇令人目不暇給，忍不住每款都想嘗嘗。食完兩球雪糕，令今晚晚餐畫上完美句號。餐廳職員亦很有耐心，充滿笑容招待我們，整體服務態度良好，希望能繼續keep 住一貫水準

海景嘉福嘅自助餐不嬲都係我同家人嘅至愛今次男朋友生日我就同左佢嚟試吓今個月有啲特別 因為Cafe M做咗蟹宴有好多平時冇 各式各樣蟹嘅菜式價錢比平時貴少少 但大家記得出示OpenRice上面的優惠劵 就會有discount生蠔一向係我喺呢個自助餐嘅主打 甜品亦係另一個佢哋做得出色嘅環節 其中我最喜歡就係佢嘅waffle 至於蟹宴方面有長腳蟹 麵包蟹 蟹肉雪糕 蟹羹 蟹粥 炸蟹殼 蟹玉米餅 蟹肉蒸玉子多到數都數唔晒而質素亦都相當唔錯整體來講我都好推介大家試就算唔係蟹宴 平時嘅自助餐亦都相當之唔錯

食物完全貼切主題，蟹-全部都係蟹。尤其是長腳蟹山，不段refill。蟹粉鍋粑極力推介。蟹味雪糕，特別嘅味道，一試再試。雖然蟹係主題，但配角食物也不輸蝕，尤其是燒肉甜品唔算多款式，可以有進步空間。服務頗佳，完全無出現外邊一般自助餐常清唔切碟的情況。讚。

又到最令我期待的自助餐啦！今次特意嚐新餐廳, 以"蟹´´為題的自助餐, 也正合他意。 大約8時半左右到達餐廳, 基本巡了一圈, 食物區規模尚可, 驟眼看種類也不少。凍海鮮區有生蠔, 蟹腳, 青口, 龍蝦仔和螺等。 之前吃過太多自助餐, 凍海鮮有點吃膩, 所以只打算小吃三兩隻蟹腳 (回本心態)就作罷, 但它的蟹腳太有睇頭了! 長腿不在話下, 體積也比一般自助餐的龐大。 蟹肉非常鮮甜, 最後我足足吃了三大梳, 大約12隻長腿才罷手, 這些巨型長腿吃畢已半飽。除蟹腳外, 是晚以蟹入撰的菜餚亦不少, 有奄仔蟹蒸糯米飯, 花雕酒蟹肉蒸蛋白, 咖喱炒蟹, 焗釀北海道蟹蓋, 蟹肉奄列, 冬蓉蟹肉羹, 蟹粥和蟹粉鍋粑等等。非蟹類的款式有燒味, 燒牛肉, 煎牛柳, 羊架和豬頸肉, 現煮粉麵, 南瓜湯, 咖喱, 印式烤雞和炸"麥樂雞´´跟薯條等等, 選擇還算多。可惜, 蟹類熱盤整體教人失望！蟹肉蒸蛋白很嫩滑, 酒味不濃, 不過沒蟹味; 蟹粥很綿但一樣沒蟹味; 焗釀蟹蓋和蟹粉鍋巴蟹味較濃， 味道不錯, 可惜敗在口感。 蟹蓋的焗釀餡料變成Q彈蝦丸的質感, 口感不太討好; 鍋巴很香脆, 不過表面的蟹粉餡太稠，

秋意漸濃，正是品嘗蟹饌的好時機。海景咖啡廊晚餐呈獻鮮味無窮的豐盛蟹宴，提供多達八款蟹種。海景咖啡廊廚師團隊搜羅多款時令蟹種，當中包括蟹肉纖細的鱈場蟹、蟹味濃郁的藍花蟹、蟹膏豐富的麵包蟹、身形龐大的皇帝蟹以及軟殼蟹、三點蟹及奄仔蟹等，讓自助晚餐成為目不暇給的蟹饌盛宴，多款蟹饌每晚輪流供應，為顧客帶來新鮮感。由多款新鮮冷盤至蟹類熱葷，食客都可品嘗到不同蟹種的美味。原隻凍蟹、奄仔蟹蒸糯米飯及花雕酒蟹肉蒸蛋白等都可讓顧客享受到蟹的原始鮮味。新加坡辣椒炒蟹、泰式黃咖喱炒蟹及焗釀北海道蟹蓋則以多款不同國家香料襯托出蟹的獨有鮮味，極之惹味。食客亦不能錯過鮮甜香口的蟹粉鍋粑及自家製的蟹肉窩夫配蟹肉雪糕。推薦：蟹粉鍋粑、炸薯條、皇帝蟹、麵包蟹、芝士、刺身每人有一杯飲品，用優惠券有75折服務員不足，成日都冇人清走碗碟及加水

或說今個月家姐生日甘啱見到海景嘉福洲際酒店有距至愛既蟹甘啱又見網上有75折所以這個星期就決定去試試星期六晚訂都有位星期日大約7點半到到凍既蟹擺左3款最失望係高蟹完全無膏。搞到無晒興致都算。。。皇帝蟹 不過大失都算大隻法國蠔😅我未食過自助餐d法國蠔可以瘦成甘瘦到擺左入口都吾覺食左開完蠔用好多水沖走晒本身蠔既鮮味😒真係吾知講咩冷盤有翡翠螺 青口 小龍蝦等另外有小量沙律。ham。熟食 有燒味同蟹既熟食同湯蟹肉糍粑 個名好有特色 但是好硬蟹肉糯米飯打開無咩糯米飯🍚但是大量蟹。蟹肉粟米湯無蟹味😩蟹肉奄列打開真係睇吾到蟹肉🤢刺身都係大路野三文魚 帶子 甜等叫左個軟殻蟹手卷隻蟹既溫度係仲凍過果到d冷氣導致要用難食形容唯一我認為最好食既係蟹粥有蟹味 香 綿 但是偏咸 可接受可能係我個人既口味同d生野同熟野今日吾係好夾😒所以我都係放棄 決定轉戰甜品雪糕味道得幾種無得特別 西檸味酸酸甜甜幾開胃杏仁霜？ 係凍蟹味雪糕🍦🤮🤮🤮🤮又咸又甜好奇怪豆腐花 暖暖地 無咩特別反而甜品🍮荔枝西米露幾清甜以往食自助餐可以食最少一打以上既生蠔同幾轉冷盤但是今次🤮🤮🤮🤮🤮🤮

而家我好多時會揀食lunch buffet，除價錢比較合理外，試過好多次食完dinner buffet後，到瞓覺都仲頂住個胃，好辛苦呢！還是lunch buffet食得舒服啲！早幾年食過Cafe on M印象已好好，咁啱好友冇試過，所以今次同佢哋嚟試下！我哋準12點入坐，一坐低真係俾呢度嘅海鮮區吸引住，直情俾個蟹腳山嚇親，因為呢度個蟹腳山堆得好高，唔止咁樣，一般自助餐嘅長腳蟹係剪開每隻腳，呢度可以話好豪氣，佢係成排腳俾你，攞一次已食咗3-4隻腳喇！當然呢度嘅長腳蟹水準都好高！呢度令我欣賞嘅係有即開生蠔供應，由兩位員工負責，一位開殻而另一位清洗蠔肉，絕對令人放心食用，坦白講，好多酒店只有dinner buffet至會有即開生蠔，而呢度連lunch buffet都有，好難得！不過呢度生蠔唔係任攞，而係每次由員工俾四隻，鍾意食嘅就要行多幾次，我都行咗三次，食咗一打呢！刺身係大路款式，有三文魚、吞拿魚、八瓜魚同鯛魚，另外壽司嘅賣相都幾好！刺身、壽司只揀咗少少，唔係因為差，係因為要留肚食其呢！相比起嚟呢度熱葷冇咁吸引，都係一般大路款式，不過都有天婦羅同羊架供應，怕羶嘅我都攞咗一件羊架加薄荷醬同介