海景咖啡廊

營業中

休息中

一到秋天🍂🍂，就是食蟹既季節🍁.今次海景咖啡廊自助晚餐提供多達八款蟹種：鱈場蟹、藍花蟹、麵包蟹、皇帝蟹、軟殼蟹、三點蟹及奄仔蟹等等.菜式多到呢😱🦀原隻凍蟹 🦀奄仔蟹蒸糯米飯🦀花雕酒蟹肉蒸蛋白 🦀新加坡辣椒炒蟹🦀泰式黃咖喱炒蟹 🦀焗釀北海道蟹蓋🦀蟹粥 🦀蟹肉奄列 🦀炸軟殻蟹手卷🦀蛋白蟹肉炒飯 🦀粟米蟹肉湯🦀冬蓉蟹肉羹 🦀蟹粉鍋粑🦀自家製的蟹肉窩夫配蟹肉雪糕.有幾款特別令我印象特別深刻嘅蟹菜式，花雕酒蟹肉蒸蛋白及奄仔蟹蒸糯米飯，蒸蟹嘅做法完全食到蟹嘅鮮味。泰式黃咖喱炒蟹及焗釀北海道蟹蓋則以多款不同國家香料襯托出蟹的獨有鮮味，極之惹味。而最最最深刻一定係自家製的蟹肉窩夫配蟹肉雪糕，窩夫同雪糕都加了蟹肉，真係好新奇特別。.我就最鍾意蟹粥，暖暖的又好入味。我想講皇帝蟹超誇張，好大隻。

經過之前食過一次，而呢度既蟹肉大舊之餘又鮮甜，對於我呢個食自助餐主力食蟹腳既，簡直發現新大陸😂😂今次聚餐就介紹左同我一樣鐘意食蟹腳既朋友黎試下先🦀🦀上次都無食到麵包蟹，今次食個蓋原來好多膏😋😋

我之前食過星期六lunch buffet, 今日試過weekday 的⋯⋯⋯點知差好好好遠，冇蠔就預左，點知D沙律菜得番兩大盆，三文魚還好，大家都贊新鮮！去到熱盆，都有：點心，西冷（太熟），印度咖哩等等⋯d 燒腩仔個樣又麻麻。只滿意是他們的服務，笑容燦爛的！

連續3年黎呢到食生日飯，無諗過一年比一年差，啲麵包蟹無膏，仲要唔係好多隻，雪糕又話有莫凡比雪糕點知去到無莫凡比變咗另一隻牌子，啲蠔每年我都無失望，希望有所改善。。

第一次去這間酒店並吃自助餐。蟹類食品不少。凍蟹有鳕場蟹,這個ok.面包蟹脚ok但總的來說不夠鮮味。生蠔很小蠔味不濃。魚生没有試。熱食方面,辣抄蟹太辣。奄仔蟹不错,頗多肉。蟹粉米通非常惹味。蟹奄列加了芽菜ok.其他肉類如烧牛肉和煎羊扒很美味。最後甜品旦糕很少選擇,粟子的最好吃。豆腐花很新鲜,梨子批也不錯。雪糕很多口味。但蟹肉waffle反而很失望,賣相味道都不好。又,場地天花太矮,人多時太吵,美中不足。

今次又比我等到蟹主題，我係個好中意食蟹既人，今次有好多蟹既菜式，好吸引，亦好快就被人訂到好滿座，好在提早訂，除左蟹，仲當然會有即開生蠔，生蠔好鮮甜，食完再食，麵包蟹又超多膏，超吸引，食完今次又想再去食，聽講淨係去到十月尾，好想再去。

今次多得朋友比既驚喜，黎到食到鮮甜長腳蟹同埋生蠔，平時有d酒店自助餐無生蠔食，就算有，排一次都係得2隻😂今次淨係食生蠔同長腳蟹都食到超滿足，仲有其他熱食，飲左埋碗蟹肉羹同埋粟米羹，再食埋帶子刺身同軟腳蟹手捲，好耐都未試過食自助餐食得咁開心滿足 😋😋😋😂😂

秋風起時，就是最好品嚐各種新鮮蟹類的季節。能夠一次過品嚐各種蟹類菜式就最好不過！我特別喜歡他們的泰式黃咖哩蟹和蟹粥。 咖哩十分香滑，充滿泰式風味。蟹肉因為吸收了咖哩的精華變得十分香口。 蟹粥吸收了蟹味後鮮味更香濃，也帶點清淡的感覺，而且兩款菜式的蟹肉都十分鮮嫩，不會老身。蟹粉鍋巴十分有趣，廚師把蟹肉和雞蛋混和後變成金黃色的混合物，放在鍋巴上，閃閃生輝。鍋巴十分香脆，令到口感變得豐富。甜品亦都有蟹肉窩夫配蟹肉雪糕？對於把蟹肉混入甜品我還有點保留，但好肯定的是客人都紛紛排隊去品嚐這個新發明。還有私心推介他們的朱古力角落，分別有白，黑，牛奶朱古力和兩款糕點選擇。真是給我這個朱古力控一個大驚喜！如果你是蟹迷的話我相信Cafe on M 一定可以滿足你。

今次朋友介紹黎到海景嘉福食全蟹宴，當然主角就係我最鍾意嘅長腳蟹，平時喺另外酒店食過，d蟹肉好削之餘仲要浸到無哂味😣今次黎到竟然唔係一條條，而係一排排咁食😋😋簡直係啖啖肉😂除左蟹腳仲要有生蠔食，另外，我同朋友都忍唔住食咗兩碗既粟米蟹肉羹都好正不過最特別佢有一隻蟹味雪糕可以試食，咸咸地似沖繩食過嘅海鹽雪糕，雖然食唔出蟹味，但鹹甜嘅配搭好match👍

第一次食有咁多蟹既buffet，種類都多，長腳蟹鮮味最突出，麵包蟹多膏，另外蟹皇鍋粑好好味，個鍋粑非常脆口，拎左幾次，生蠔夠生鮮，甜品雪糕亦多選擇，除左平時食開既口味，仲有好特別既蟹味雪糕，真係值得一試既buffet

食物款式種類和質素都有驚喜，海鮮有長腳蟹.麵包蟹.翡翠螺.小龍蝦.青口和凍蝦任食。當然不少得生蠔。刺身都有七八種十分鮮甜仲自助餐好少有既軟殼蟹手卷，除了蟹菜款式仲有必食嘅羊架同牛扒，熟食方面有炒蟹.奄仔蟹糯米飯.蟹肉蒸蛋白，不能盡錄。好多精美甜品和不同種類沙律，仲有最愛十幾款既Haagen-Dazs雪糕，職員十分友善服務用心特別要贊係雪糕位的女職員，因雪糕可能硬的關係，她很用力去(畢)雪糕，但每次佢遞比客人既雪糕時都很有禮貌同面帶笑容。（十分抱歉冇睇佢個名牌）

係OR見到有COUPON, 而COUPON的版面見到又有龍蝦又有蠔又有蟹, 就沖去試啦.去到, 原來無龍蝦的, 現在的係蟹的主題.那先講蟹吧, 凍食就有松葉蟹腳/花蟹/ 麵包蟹,   其他的例如雪場蟹, 奄仔,  軟腳蟹, 可能溶入在其他菜式吧.松葉蟹腳, 超多任拎, 單食呢個其實都己經值個2, 300元.麵包蟹, 蟹蓋少見 (行到九點幾都無見, 可能我坐得遠)花蟹, 相對細隻, 無拎.凍食的其他如青口, 蝦, 螺... 全部無拎.還有法國生蠔, 每次可以拎4只, 雖然唔係好大, 但都好食, 我一共食了八只, 加上排隊的人唔算多, 要拎都好快手.日式檔口, 帶子較為名貴, 三文, 吞拿, 八爪, 甜蝦 等大路野,  一試無妨.反而壽司有三文魚腩, 肥美好食.隔離係凍肉, 有煙三文魚同巴馬火腿配蜜瓜.熱食方面, 有蟹肉羹, 花雕蛋白蒸蟹, 籠仔蒸蟹飯, 咖哩蟹, 蟹粉鍋巴, 蟹肉奄列, 蟹粥等, 其實好多樣化的.蟹肉羹, 蟹肉粥, 蛋白蒸蟹, 鍋巴  都好食的.蒸飯上的蟹, 唔知係蒸太耐還是那些蟹一早劏好, 反正係無味的. D肉亦唔實淨的.咖哩蟹我無食, 但聽聞都係麻麻地.熱食檔還有燒牛

第一次來呢間酒店食buffet，因為係親戚安排嘅晚餐聚會，所以一開始無了解呢個buffet係點。自助餐位於酒店低層，雖然係對住海，但個海景比出面條公路遮住左，所以唔係睇到太多海景。成個buffet分幾個areas，海鮮刺身，冷盤，甜品同熟食，種類唔算好多。海鮮方面有蟹腳，生蠔，蝦，三文魚，青口之類。D野都幾新鮮。除左有三文魚刺身之外，仲有煙三文魚，煙三文魚好好食，食左都好多件。至於生蠔，味道都係一般，唔知係咪我落得太多調味，d調味料蓋過左本身嘅鮮味。d蟹幾多肉，但味道比較淡，唔算好甜。反而，聽有試蟹粥嘅親戚話個粥幾好食，好清甜。另外，係熟食區個面有呢道蟹肉鍋粑，見到好受歡迎，好快比人拎曬，見佢refill左之後就拎左來試下，d蟹肉撈埋d蟹膏，甜甜地又鹹鹹地，配埋下面個鍋粑，食落個味唔錯。熟食區以燒／烤肉為主，有牛肉牛排，豬肉同羊架。羊架有d羶，其他肉就一般般，無咩太特別。比較特別係熟食個度仲有燒菠蘿食，食左好多塊。至於甜品，cake有8－10款左右，好多都係用生果整，酸酸甜甜，幾開胃。仲有朱古力噴泉，不過得棉花糖配，如果有多d水果就好。有haagen dazs雪糕任食，有大約八種味，有

Café on M offers a bountiful buffet lunch. The stars for us were the uber tender Lamb Chops grilled to perfection and their splendid seafood spread. The fresh crab, shrimp, crawfish & mussels were sweet, juicy and plump - truly a seafood lovers paradise. We feasted mostly on surf and turf and was so full we barely had space for dessert. We did enjoy a few scoops of Häagen-Dazs Icecream with their coffee and tea. So much food, so little stomach space. Service here is topnotch! Special menti

整體而論。出品質素不是太差。唯獨有某部分出品。比較小氣。現場即開生蠔，每位只可攞四隻。而且生蠔質數咁差。非常細隻，但論整體款式，都算不少。但遍東南亞，及印度口味比較多。本人一到場，即取了一碗粟米忌廉湯。當然全是冷的。還未返熱！通知經理後，他說電磁爐未有較大火。後來翻熱後，經理親自取了一碗給本人。整體而論，服務質素是有的。但出品質素有待改善。