海港薈

營業中

休息中

即日訂枱，預留晚飯7位訂18:3018:10打黎話晚飯得18:00同20:15我話訂枱時無人同我講佢問我幾點可以到我話即刻落街都要10分鐘黎到無枱俾我完…………

7月24日，特意揸車去青衣城shopping兼食晏。我哋兩人都想飲茶，去咗三樓海港薈。雖然好近下午茶時間，但都唔想等，寧願正價時間入座。叫咗好幾個點心，其中包括「腐皮素鵝」，心想係自己認識嘅腐皮卷之類。點知嚟到以為上錯菜，因為見到幾件用炸粉嚟做嘅點心，完全領會唔到，原來就係「腐皮素鵝」。初時話俾一位女部長知，上錯點心。點知佢極度無禮貌咁答我，呢個咪係「腐皮素鵝」囉！我直覺咁答，唔係喎、呢個一啲都唔似，都唔係我哋想食嘅嘢。但佢堅持話，佢哋酒樓係咁做呢個「腐皮素鵝」，如果我哋唔要，咁佢哋酒樓賣俾邊個呀！真心唔想食！除咗唔想咁熱氣食咁多炸粉、呢個點心嘅賣相又唔好、而且油淋淋、見到都無晒胃口！其實佢哋嘅其他點心都比一般大酒樓做得差！好似個豉椒牛肚，一嚟到見到鋪著好厚又竭(杰撻撻) 嘅生粉䊢，真係無晒胃口！食物無水準、服務就更差！呢間酒樓，真係唔知點樣喺呢個時勢生存！

話說我同老公請四大長老食飯慶祝母親節，因為老人家鍾意食中菜，但又唔想去唔遠，所以就係附近搵嘢食，之前幫襯過海港早茶，佢啲食物質素一向都穩定，環境都算舒適，我哋間唔中都會幫襯。雖然我哋唔係簡母親節正日，但去到所有枱都幾乎坐滿，好在我哋一早比錢落訂，我叫左松葉蟹6人宴，佢哋上菜速度都算快，食物份量好足夠，好多時係酒樓食嘢啲餸都係凍冰冰，但佢啲餸好新鮮熱辣辣，松葉蟹肉鮮甜，冬瓜盅入面好多海鮮，咕嚕肉冇用肥肉而係用豚肉，海班魚肉質彈牙，炒蝦球都大隻又爽口，服務就不過不失啦，888六人餐性價比算高，希望繼續保持水準。

未講野食已經要打八十大板，下午茶時段都明係忙，但一入座就見到上手食客食到成張凳同地下都係粟米粒，我請姨姨可唔可以幫幫手掃左地下啲粟米，佢話「咁少事！坐啦！你等等啦！」等左一陣，拎個掃黎，掃左兩下就走。我再望一望個地下，嘩，掃左等於冇掃！我都明我請你幫手掃係有啲難為，但我都只係想舒舒服服飲個茶姐！野食正常，冇投訴。櫻花蝦煎薄撐：完全見唔到櫻花蝦。奶皇包：啱啱蒸好，流心，好食。燒腩仔米線：燒腩仔較柴，但好在唔太鹹。黑芝麻煎堆：呢個幾好食，攤凍左都仲係脆。

今日同屋企人食飯，book咗枱7:30，老實講，真係好耐未去過酒樓食飯，點知7:15一去到，只得四枱係大廳，現在食肆真係好難做OK都冇所謂，叫咗個12人set，最緊要唔係唔使諗，又包咗野飲，加埋全包宴，唔使俾+1，只係二千零蚊，真係抵首先上係乳豬皮脆，肉都算嫩，交足功課後上大蝦雖然唔係龍蝦，大蝦仁好爽脆，個芡汁，味道剛剛好，加埋啲配菜清新，都算係好食帶子珊瑚蚌配西蘭花正常酒樓菜式，味道唔係太突出，清淡又好食炸子雞皮脆肉嫩，味道剛剛好炸蟹鉗正正常常，不如評論，但係唔係話佢唔好食蒸魚我諗應該令我最失望嘅，本身好期待，但係始終條魚肉質問題，蒸魚時間幾好都冇用，我覺得啫鮑魚冬菇配小棠菜正常發揮，冇乜驚喜，又唔係唔好食炒飯最有驚喜，反而我自己覺得最好食總括嚟講，二千幾蚊未到三千蚊，11至12個人食，簡直係物超所值，性價比高，質量唔係太差，算平，(當中有其他菜式，同甜品都冇提及)，真係必定再去多次

同事退休暨生日晚宴在此舉行，訂了龍蝦鮑魚宴，有同事唔食龍蝦，改了蟶子皇煎米粉底。鴻運脆皮皇子豬全體～微暖，皮勁脆，一致好評蟶子皇煎米粉底～說好的煎米粉呢？補回消失的煎米粉～大獲好評翡翠帶子珊瑚蚌～好足料百花炸釀蟹鉗～最期待這菜式，姍姍來遲，好驚喜，兒時回憶既味道😋，可惜醬汁由紅醋變了泰式酸甜醬🙄竹笙海皇燴魚翅～不過不失，不是我杯茶，我比較喜歡燉湯😎清蒸蝴蝶沙巴龍躉斑～好滑，魚鱗打得好乾淨蠔皇南非鮑魚扣鵝掌～鵝掌入味夠淋一品脆皮醬燒雞～皮脆肉滑😋😋歡樂大蟠桃～生日宴不可缺少既😍😍有奶皇及蓮蓉餡各半總括大家意見，酒水連加一人均大約$300～抵食，下次活動要再來這裡

今天晚上家人在此吃開年飯，見有全包宴就點了，即使價錢並不便宜。落單後，我們叫職員改那枝紅酒轉啤酒，他們只願意轉換兩樽細籃妹 330ml, 一枝紅酒價錢等於兩枝細樽啤酒，完全不合理7.00pm 落單，第一道菜差不多等了45分鐘，跟著有些相隔近20分鐘，骨碟滿是龍蝦殼，完全沒有人會換碟，加茶更完全沒有，最後上甜品已是9.20pm。每人平均消費$582, 卻換來如斯服務，完全不成比例，絕對不會再來。

約了親戚一聚，見佢地有個全包宴套餐幾抵食便一早訂枱。去到原來是海景仲要邊位位置唔錯，每道菜賣相不錯也好味，最後既大蟠桃有奶黃同蓮榕味同好大個好靚，最重要係冇限時，又食又飲傾成晚都可以呢！

同事生日將至，大伙兒柴娃娃相約去食燒肉，最後因為多人喉嚨不適改咗去飲茶打電話去訂位，原來八位以上才可以訂位飲茶，人少就要攞飛了排隊。主角樣樣都想食，但胃既容量太細，好彩男同事們有食力，全部清碟，無做大嘥鬼這裡既炸物好脆，唔油膩，好正炸豆腐外脆內軟、煎堆既芝麻好香腸粉好滑；炒腸粉惹味。蒸點心夠熱，好味道生日要食麵，來一個豉油王魷魚鬚炒麵，好有鑊氣再來一個鴛鴦炒飯，白汁既蝦好大隻無雪味，蕃茄紅汁既酸味剛剛好，先吃白汁再來一口紅汁，好鬼正，全場第一

一班人去食，叫左長腳蟹皇子豬宴拎完位後，店員就提醒可以係出面揀長腳蟹，預半個鐘去蒸，蒸完成個上台，都幾震撼。每個蟹腳都多肉，仲有滿滿既蟹膏另外裝開，皇子豬皮脆，肉質嫩滑，食落去完全冇肥膩既肉，出乎意料帶子都足稱，差唔多有兩個10蚊硬幣大，食落去好新鮮反而我覺得時菜鮑魚既芡汁太多，食唔到時菜既味道總括黎講 一分錢一分貨 長腳蟹係意料之外🤤

🍴深海龍躉兩味 $368 (7.5/10)翡翠炒球龍躉嫩滑有魚味，下面係清爽嘅西蘭花。清蒸頭腩龍躉嫩滑有魚味！🍴（半隻）脆皮乳豬 $248 (8/10)乳豬皮香脆，油脂豐富，肉質都好嫩滑，唔會有豬仔味。🍴西蘭花炒帶子珊瑚蚌 $168 (7/10)帶子都幾滑，珊瑚蚌爽口，西蘭花都係好清爽。🍴海港小炒皇 $128 (7/10)魷魚豬肉韭菜，炒得都幾香口，欣賞佢有魷魚鬚。🍴上湯焗蝦球伊麵 $168 (5/10)蝦球好爽口，伊麵好腍好掛汁。🍴豉椒炒莆田蟶子 $138 (7/10)鹹香夠味，蟶子大隻冇沙。🍴阿拉斯加長腳蟹（堂食）$1287 (8/10)叫咗清蒸，蟹肉鮮甜鹹香，有蟹味，冇異味真係值得一食！🍴招牌燒鵝皇（半隻）$238 (8/10)估唔到燒鵝都有驚喜，個皮好香脆，有鵝肉嘅香味。🍴成都水煮牛肉 $168 (8/10)牛肉有口感有牛味，都幾好食，辣到適中，下面有好多寬粉。🍴皇阿瑪鮑魚雞煲 $168 (3/10)雞煲份量比較少，雞肉鞋口，調味都係還好。推薦指數: 7.5/10整體嚟講都係好唔錯，小菜晚飯都好食，長輩親戚食飯啱曬。

屋企長輩推介這一間酒樓，話長腳蟹抵食。做晚輩的當然要盡孝心。星期五晚上酒樓好多客人，好彩一早訂咗位。阿拉斯加長腳蟹 （5斤幾）$1287真係抵食，清蒸蟹肉鮮甜，蟹膏另外用小碗裝住另上，果然見到好多台客人都叫長腳蟹。脆皮乳豬（半隻） $248皮脆肉嫩，唔錯。招牌燒鵝皇（半隻）$238肉質嫩滑，味道濃郁。深海龍蹩兩味 $368.翡翠炒球 & 清蒸頭腩味道可以，份量不算多。西蘭花炒帶子珊瑚蚌 $168海港小炒皇 $128上湯焗蝦球伊麵 $168豉椒炒莆田蟶子 $138皇阿瑪鮑魚雞煲 $168雞味道唔錯，但係鮑魚只有四隻。成都水煮牛肉 $168以酒樓的菜式來說，食物質素，以及味道都是不錯的，但是菜式的份量比較少。長腳蟹是非常抵食。但酒樓人手明顯不足，侍應和部長都非常繁忙，以致服務方面有所扣分。

we had family members visit us from overseas. It was their first time in hong kong so we wanted to bring them to eat fresh king crab. We ordered three and they were all so sweet and delicious. Very fresh. Do come early as there is a line up to get the best crab!

食過幾次 嗌親辣椒醬都話啲職員都會比豆瓣醬我問過起碼10個職員得2個比辣椒醬我 其他都話得豆瓣醬冇辣椒醬 見過隔離枱啲阿公阿婆比貼士1個2個甘去問候 好似吾洗做甘又有服務

週末family day當然要做下孝順仔女，陪長輩飲茶啦😁今日去呢間酒樓係青衣城都算受歡迎，長期都有好多人排隊，所以我地都專登提早半個鐘去攞票等位，但要注意5️⃣位以上就要過半數先比入座😉==============================環境：⭐️⭐️⭐️⭐️⭐️酒樓樓底夠高，而且好多窗感覺好開揚，坐位編排唔算太迫👍🏻每檯都有個小火爐🕯️暖住茶壺，好細心🩷==============================食物：⭐️⭐️⭐️⭐️⭐️1️⃣黑松露帶子餃🥟餃子面放左少少黑松露🍄，入口好香黑松露味，帶子味反而唔係太明顯2️⃣翡翠筍蝦🦐餃皇蝦餃皮煙韌唔易穿，蝦肉彈牙，竹筍就唔係幾食到3️⃣蟲草花野菌🍄餃呢款餃個皮就淋左d,餡料偏重菇味4️⃣西班牙黑毛豬🐖叉燒包外皮軟熟唔痴牙，叉燒餡無咩肥膏又唔會太濃味，好食😋5️⃣上海小龍包小龍包個皮雖然韌左少少，但真係包得住入面d湯，就算凍左都唔會痴住個蒸籠，可以原整夾起成個包，入口湯充滿口腔，非常推薦👍🏻6️⃣奶皇千層糕🍰呢款糕點餐牌介紹係懷舊糕點，中間黃色部分係有咸蛋黃🥚碎ge 奶黃，成舊食落口味道似流沙奶黃包😋7️⃣櫻花蝦🦐煎薄撑薄撑煎得夠薄同脆，好香口👍🏻8️⃣豉汁煎酸雙寳🍆🫑釀係青椒同茄