海港酒家

營業中

休息中

花膠螺頭煲雞湯，認真係抵飲必點，百多元畢到8碗仔，足料好好味。燒鵝皇夠大隻，但有一點蘇。龍蝦烏冬底，龍蝦都OK，烏冬好味過E麵呀。清蒸多寶魚，又鮮又甜。上湯浸雜菜，清清地都好好味。

訂了枱補祝父親節，卻吃出一肚火 早於半個月前訂枱時講明要大枱，因為有十二人，當時話盡量安排。去到俾左張中枱我，算，可能有人早過我book，但到食完發現有兩張大枱成晚都無客....... 杯杯碟碟偏向污糟，有D重有飯粒黏住..... 訂了<超值全包宴>，一分錢一分貨，預左唔會太出色菜式出得好慢，廿分鐘先上一個菜，要不斷催上枱次序亂來，一開始先上翅..... 重要個傳菜阿姐原兜擺低就走左，要我地向經理反問係咪要自己落手先搵人嚟 跟住係重點三斤龍蝦伊麵，味道唔差的，但份量，我敢講，殼就有三斤，中間的肉極少，實扣起左，得返D頭頭尾尾... 最過份係蜜豆蝦球炒珊瑚，一擺低，全枱哇一聲，因為蝦球同珊瑚蚌少得過份，一人都無一隻，我問個女經理會唔會少左D，佢重發我脾氣話:「阿生，我地全部都秤過重量先上枱!」大佬!你秤既係蜜豆咋下話?蜜豆係好多，但無理由蝦球同珊瑚蚌得咁少 清蒸原條大青斑，理所當然是死魚，但又係太細條，平均每人都分唔到一匙既份量 鮮菌浸時蔬竟然係甜品之後先上..... 好，彈完，講返D值的讚既地方芝士龍皇卷當然無海鮮，但味道還可以鮑汁荷葉飯有D過左火，燶

我去咗嗰度後，叫咗個福建炒飯，成$75阿!以為好食先至會咁貴，點知要等成1個幾鐘頭都未來，嗰時趕時間，想取消!就是在這時候，那炒飯來了。見到個炒飯有汁嘅，因炒飯常是乾的，也罷，可能根本也是這樣。我送2個字給那炒飯：難食!D瓜係軔嘅，食到我一肚火!此屬本人感覺，乃真人真事，無任何虛言!!!!!!

年夜飯靠近，又是家中老人家牛一、擇定良神吉日，一家人齊齊整整去食晚飯‧‧‧揀上海港純粹因為正坐客之前幫襯過反映不俗，所以全家就取決在此店吃上我們的年夜飯一貫港式風格，格調亦沒有大灑金錢之裝修、踏實而自然的酒樓格局總教人吃得自在脆皮乳豬$598完裝上枱之乳豬，芳齢就不得言知、但入口鬆化脆皮，色澤偏紅入口卜卜聲，但皮不算十分簿、尚算合格碗翅$約價310.一位每盅份量不輕，有金華火腿、原粒元貝、鮮雞及排翅每碗都很多料，味道濃而不過於咸、絕對是個人推介自已做功夫多，時間長、花費三百多元有一碗滿足的盅頭翅實在太滿意了蟶子皇$276大大隻蟶子加上濃濃的蒜香，口感與味道並全肥大之蟶子入口新鮮肥美，要上街市也要百多元一斤、現在多花一點，乾手淨腳下我想還是上街吃好了大元貝$234.數數下原來一碟子也足十二隻，不過為了大睇、將之片薄，口感當然略欠失色但在堆砌上之蒜蓉和粉絲下，又好像將嘴巴突然埋滿論鮮甜度亦見一班上湯炒雜菜$58.當然是穏打穏紥之作，不會為素菜而添加過多之咸味結雜上雲耳、菜心、芹菜、芥蘭等以蒜子起鑊，驟然間覺得自己身在福中要知足簡簡單單心知足時口也滿足果皮蒸鮑魚仔$216.新鮮之鮑魚好像每每

我本人唔食大閘蚧(但我同事話都幾新鮮)還有臘味糯米飯, 蚧粉水餃皇, 合時生果, 冇位上載,嗰個翅影相時己剩出6碗,所以份量好多,全晚最好味是糯米飯,我食咗2碗,只是生果(西瓜)一般,但論價錢,質數及環境,算是非好.

老友的生日,幾忙都要去~因為我想珍惜身邊的朋友,識左成十幾年的朋友唔係通街有的.所以都找個地方來吃個賀壽飯,又可以聚一聚酒樓最好的是可以給我們坐到幾點都唔會趕我地走~最重要係選星期1-4的時間因為平日會無咁多人同有比較多優惠套餐,小菜等等海港酒家吃晚餐都是第一次,之前都是來飲早茶/下午茶等我生日的朋友都推介海港酒家吃飯,話上次都食過幾好的.而且都開左無幾耐,裝修的環境好光鮮,而且又唔會好迫,只係冷氣真係太太太大啦~所有菜來到都一陣間就吹到冷,都有叫侍應關細少少冷氣,係中央冷氣,都無法控制1)別不同的果醋骨-好特吃的名稱,其實是金沙骨,好似士多啤利汁來煮,睇下去個骨好似好煙囪,但係錯~~原來好淋,有少少似無錫骨咁,好味道2)$138有條龍躉,味係好低呀~火喉剛剛好,魚肉好滑和鮮味3)魚湯花膠娃娃菜-湯是好清甜,花膠數量不少,細細件的,抵食~$624)豆腐煲-這個就比較油膩,唔多想推介5)蝦 -一斤到,是新鮮的.只係比較細 6)大閘蟹-$48真的好一般,前後我們分開叫左二隻,後來的二隻大閘蟹蒸了出來後,手腳都是散曬的.連個蟹鉗都難左,唔多似係蒸個時出現的問題,二話不說要退,經理都好好,幫我

It was my pleasure to join a private 80-year old birthday party, especially all expenses were paid by the host. I was worry about the MSG in Chinese food. Surprisingly it was better than I thought. Still MSG was there; luckily it was still in my manageable level. I would like to recommend it for everyone if you love authentic Chinese food in a fare price. Its comfortable atmosphere is quite difficult to find in a regular and busy Chinese restaurant like this (not compared it to a hotel bec

已有好一段時間想食芝士焗龍蝦伊麵底, 只係一直無機會. 呢晚老公回家途經海港, 於是外賣回來. 但你估也估唔到, 佢D龍蝦最細都兩斤幾, 即係要成七百幾蚊. 無辦法, 老公照買, 點知外賣一出嚟, 竟然有三大盒. 真係可謂物所值. 我地唯有將佢分開三晚嚟食. 佢D伊麵絕不欺場, 唔係就咁係將D芝士龍蝦鋪係面就算, 而係加左芫茜同洋蔥撈過, 所以就咁食伊麵都覺得香, 誠意可加.龍蝦因為大隻, 所以真係啖啖肉, 肉質又爽, 食左吞埋仲仍然唇齒留香.芝士唔會太鹹, 亦唔會太濃, 恰到好處, 食完仲要"lam"埋手指先得. 絕對係我食過咁多之中最好味既芝士焗龍蝦伊麵底. 只係份量多左D姐. 另外, 講返佢既早午茶, 其實我經常逢禮拜日都嚟飲茶, 因為呢度D點心唔太差, 但價錢又唔太貴, 係土瓜灣呢度可以算係最平靚正既一間. 所以每逢週日定必大排長龍. 我最愛佢個蝦餃, 會有翠肉瓜係入面, 好夾味. 仲有佢D腸粉亦好滑. 只可惜有D美中不足係佢D甜品, 品質經常參次, 時好時壞, 令我卻步. 佢既下午茶係超抵, 所以如果時間許可, 可以等食下午茶.

聽說這裡有便宜的早茶喝，而且又好久沒有來這一帶活動了。在送了太太上班之後，到附近便利店買份報紙，就到來開個位喝茶吃點心....開了一壺普洱，從特價點心紙內點了潮州粉菓、排骨陳村粉及灼時菜餃子三款。接着便邊呷着茶邊嘆報紙等吃....看了差不多大半份報紙，其中一味灼餃子才端來。餃子是典然平價超市大袋裝的亷價產物，皮又韌又硬之外，肉碎餡就更是鹹得要命；灼生菜則正正常常，沒有甚麼特別....最噁心的是看見碟邊有不少黑色的指模印及洗不乾淨的食物殘印，實在是離大譜...好了，再等多二十分鐘，連報紙廣告也看完了，還是一碟東西也看不見。等得火了，拿起結帳咭就走向櫃檯...連收銀阿姐也只是隨口問了一句走單的事，接着便收了我十八大洋....心想一層....咦.....就算是加了雙倍茶錢，一件價值四元八毛的特價點心，怎可能埋單會變成十八大洋?這分明就是騙人了吧....唉....沒有心情，也沒有氣力跟她理論....以後不會再來便可....

昨晚在這裡吃過團年飯,好滿意今日約了阿叔一家,二表姐母女及妹妹一家三口合共14人,來個大團拜下午茶.中午一時多已來拿位,誰知等吓等吓,當有位的時候已差不多下午3時30分,是我們有史以來飲茶等位最長時間可能是喜氣洋洋的節日,間中又同傻BB玩吓,等的時候沒有令我們有太大的鼓躁及不耐煩我們被安排坐在一間大廳房,入去時只剩下一枱食客,所以比平時寧靜好多,沒多久只餘下我們這枱,我們還說笑好像包起這間大廳房,又多侍應給我們服務,抵消了剛才要等那麼長的時間.因為大家都餓了,食什麼都無所為,最緊要快,所以由弟弟及表侄女負責點叫,好在都不用等太久,點心隨隨而上,最後擺滿一桌面:燒賣~~~蝦餃~~~奶黃包~~~叉燒腸~~~蝦腸~~~粉果~~~菜餃~~~雞雜~~~粥~~~咸薄罉~~~花生甜薄罉~~~鳳爪~~~小籠包~~~蘿蔔糕~~~黑松露海皇酥~~~炆麵~~~口水雞~~~魚翅飯等等30多樣(其中有多款都是打孖或叫3客)....有些就忘記了食過什麼總體好多款點心都有水準,印象比較深刻的有黑松露海皇酥~~~外皮鬆化,內餡帶子蝦好鮮味魚翅飯(忘記詳細名稱)~~~炒飯底再配個魚翅汁,撈起來食好美味口水雞~~~我自己

今年是我們一家人第一次出外食團年飯,年年都是媽咪好不忙碌預備豐富的年夜飯,今年她可以輕輕鬆鬆食番餐不用自己煮,係時候讓你休息吓,而且今年有Y表弟同我們一起團年.不知是否每逢節日,好多酒樓食店都是推出套餐,散叫小菜選擇並不太多,最後同弟弟點了以下幾款:竹生豆腐$78~~素食為材,清清淡淡金菇瑤柱豆苗$78~~味道可以,但豆苗唔幼嫩,有些老乳豬併盤$108 ~~乳豬皮脆肉嫩,腩仔肉層次分明好鬆脆,連平日少食肉的表弟也稱讚,油雞都夠滑,海哲又夠爽別不同果醋骨$88~~真的幾不同,好香的醋味,以煲仔上夠晒惹味,又好開胃薑蔥枝竹斑頭腩煲$88~~薑蔥香氣四溢,又是一個好惹味的餸,伴飯一流,枝竹夠淋又入味,頭腩份量又多黑松露大蝦球$88~~雖然有黑松露,但我們都不懂得欣賞,不過蝦球都好爽彈,西芹亦好清爽今晚大家都食得好滿意,這裡的小菜平均質素好,份量又足夠,今晚食客多,侍應們自然忙得不可開交,雖然這樣我卻遇到一位全晚都笑容滿面的侍應小姐,每次我叫她的時候,她都不慌不忙回應我的問題,謝謝

爸媽極力推薦 所以就試試了 下午茶茶錢六塊一個人 還不錯 茶不淡 點心大中小都是$13.5一碟 價錢不貴waiter的服務就麻麻地了 叫很久才會理你食物很不錯 至少沒有味精 吃多多也不會覺得thirsty

今年也一如以往的進行了團拜後，就去酒樓吃飯，兩圍的人馬，真的是一早預訂了才有位坐，坐好後點菜，其實也不用想了，也是形形式式的酒席菜，最後大家決定點一個名為發財好市魚翅餐，另加送紅酒一支，仿佛是現今酒樓酒席菜的大趨勢。店家送的是二零零九年的澳洲酒，是一支非常新的酒，相信以二零一零年的年頭來說，就只有南半球的酒是先有得喝，也是一貫澳洲酒，都是用上Shiraz，而喝起來就是很Dry，而且酸度是挺高的，相信用來配肥膩一點的食物也可以，本人絕不是一個品酒的專家，所以也只可以說出以上的味道及感覺而已。此餐也是一如以往的酒席菜 ，有燒味拼盤、有着新年特式的發財好市瑤柱脯、其他的如富貴珊瑚雪花蚌、賀年千絲帶子球及富貴海味一品窩，也有例牌的竹生海香燴魚翅、清蒸台灣大青斑、當紅脆皮燒雞，之後來一個單尾是腊味糯米飯，最後有賀年美點及黃金滿盤作結。先來的不是拼盤，而是富貴珊瑚雪花蚌，材料也真的很豐，菜類有五顏六色不同的選擇，主打的是西蘭花及芹菜，另也有紅綠黃椒及一點白合，全都煮得軟腍而入味，而珊瑚蚌及雪花蚌也不錯，兩者也很爽而彈口，尤其是那雪花蚌，真的是有「動L」的感覺的。未及吃完上述的那款菜，在枱上也未轉夠

日本蠔 ($28/10隻) - 好鮮甜, 乜都咁洗點, 必食之選 肥牛 ($18) - okay,桂花蚌 ($42) - 得個爽字, 無乜味, 下次唔會再叫.酸梅湯 ($18/渣) - 唔夠酸三文魚刺生 ($32/6片) - 無味炸腐皮 - 好油, 唔夠脆.西洋菜飯 - okay.

鄉下有親戚老遠出城,附近好少少的食肆不多,近年來都是往海港跑.星期天關係,一早已訂好檯,而所有房都闢作一般大堂用.大大小小十一人坐得舒服,但人手可能不足,往往要自己落手落腳擺餐具.魚湯花膠娃娃菜 : 個人幾怕娃娃菜淥得唔夠稔,是日魚湯清甜,娃娃菜菜身夠稔,入味,加上少許紅椒及炸過的蒜粒,的確好冶味.燒汁安格斯肥牛粒 : 完全唔知做乜,燒汁芡好杰,牛肉粒無乜味,加上三色椒炒都救唔返,失敗.東山羊腩煲 : 自從食過妹記咁差既羊腩煲之後,真係求其一間都好食,至少南乳汁夠濃,枝竹炆得恰到好處,羊腩份量足,而且又夠稔同入味,加上用 gas 爐保溫,算係暫時呢個幾月黎食到最好既.琥珀河蝦仁 : 其實即係合桃蝦仁,不過兩者無乜關係,河蝦處理手法同清炒蝦仁一樣,合桃用蜜糖燴過,然後分別上碟,根本兩者無溝埋一齊炒.閩南糯米蒸肉蟹 : 足八兩肉蟹一隻放飯面蒸,蟹汁沁入糯米飯內,味道變得多層次,可惜糯米飯不是生炒,而且比較"濕".如果可以乾身一點就更好了.燒鵝(半隻) : 食過元朗天鴻出爐燒鵝之後,真的有比較,雖然說燒鵝是海港一主打菜,而且半隻足一圍人享用,但鵝身油脂比較多,而且放置一段時間,冷卻了的鵝皮及