海港酒家 (已結業)

難得閒日休假，兔小妹盡點孝心，陪兔媽媽到大埔歎一盅兩件~位於大埔火車站上蓋的海港酒家，以抵食美味贏得不少捧場客。即使是閒日，酒家門前都堆滿茶客，人頭湧湧，尤其到了下午茶優惠時段，情況更為墟陷😱。兔小妹跟媽媽約下午二時到達，已見大批食客擠在大堂等候入座。😲客人可選擇“搭枱” 或“不搭枱”。兔小妹為了能快點入座，便選了“搭枱” ，可惜也要在門外等大半小時，輪候三十多張枱才能入座。😧兔小妹被安排到較靜的廳房坐，一張12人的大圓桌“搭” 了三枱客人，幸好還算寬敞。侍應生開茶位時，遞來了一疊厚厚的點心小食單。跟大部份酒樓一樣，是即點即蒸，在點選的食物旁寫上數量，把單子交給服務員，點心就會送到面前。點心的款式很多，為保持新鮮感，吸引新客，還推出限定點心和限時優惠。兔媽媽抽出只限星期一至五的優惠點心單，在上面選了4款點心和小食。😆雖然酒家大，人客多，但無阻其上菜速度。不一會，食物源源奉上。先到的是甜醋豬腳薑。甜醋煮得很濃很稠，豬手軟腍，雞蛋入味，味道不錯。唯豬手份量偏少，薑太多，香醋過甜，吃下一整碗會有膩滯感。接著送上XO醬炒蘿蔔糕。賣相不太吸引，原本粒粒蘿蔔糕炒得有點碎爛，XO醬欠奉，不過蘿蔔糕炒

認識我的朋友，應該都知我非常喜歡吃中式點心，所以這天回大埔看醫生後 (又感冒了!!) 又來到新達的海港飲茶. 中午12:00，客人已相當多，而且我等不搭枱的2人枱，最後居然等足1小時，而最令我驚訝的是，我居然坐係度等等等! 我真是生病了，一個沒吃早餐就坐了個多小時車回大埔的病人，等位的戰鬥力原來可以如此強!柴魚花生豬骨粥 ($11.8)病人是要吃粥的，所以即使不愛吃，於生病時都總會吃少少. 粥的熱度不夠，而且味道偏鹹，很一般.金粟墨魚餅 ($18)話說早前於屯門分店吃過金粟墨魚餅，墨魚餅相當厚身，而且充滿嚼勁，亦是即煎的，味道好得沒話說. 這次來到同集團酒家，當然再點，想回味一下. 可惜這店的墨魚餅相當薄削，而且是煎定的，只帶微暖，很失望呀!!香煎芋絲餅 ($16)一客3件的芋絲餅，但比平時吃到的size小一點，是長方型而非正方型的. 同樣是只帶微暖，愛吃熱辣辣、香口炸物的我，又一次失望. 幸好內裡是香軟的芋絲，比起薄削墨魚餅好吃一點.養生棉花雞 ($18.8)其實不太喜歡吃棉花雞，不過生病時口味好像有點轉變. 魚肚只有3小塊，至於雞肉都幾多，尚算嫩滑，味道普通.大埔店的點心質素比起屯

朋友升職請食大餐, 當佢話去海港, 我仲唸住普通餐啦, 點知去到見到佢叫左近期大熱蒸氣鍋蒸氣鍋未上先食刺身, 唔洗多講見到己經知大大條, 好鮮甜, 好爽口OMG....龍蝦刺身, 太正啦, 好耐無食, 超級好味, 好彈耳, 好新鮮蒸氣鍋就有蜆, 雖然有幾隻有沙, 細細隻但D肉都幾厚身, 好甜蒜容唔夠多, 我覺得唔夠香鮑魚好鮮甜, 好有咬口, 超正D丸反而好好般, 成日覺得丸應該用來HOTPOT襯D, 最後粥底作結尾, 3個人食咁多野飽到上心口, 埋單 $2000, 我都未試過係街坊酒樓食晚飯食成2千蚊, 真係超滿足, 多謝好朋友 ^^

我地5大1小襯復活節假期就去一去嘉道理農場遊玩一番，今日天氣超好，好耐無見過既太陽都出黎🌞，心情大靚😎本來諗住去完嘉道理就去海港試下佢既養生石鍋蒸海鮮，點知黎到新達廣場呢間完來無架，另一間海港燒鵝酒家先有😭，失望之際見到佢有個六人餐$988都幾抵食，既然黎到就試下啦。 燒鵝有炭燒味 魚都幾滑 上湯蝦球伊面，唔知點解有芝士味😂，食淨好多味道一般 素雞👍🏻熱，散叫 響螺雞湯 濟洲橙汁 叉燒，散叫，廋左少少

當天為家人之團年飯，一行人食第二輪 (晚上8:30)，有老有少，我們於８時到達，知客招待尚算滿意，很快已經有檯。我們明白，年近歲晚，酒樓人手緊張，只有套餐提供，大家也不介意，一位女侍應過來招呼，謂︰「二千以下圓套餐，不包茶芥。」我們點了一個$1880的套餐，當中有翅，有蒸魚，再加一隻燒雞和一碟糯米飯，小孩要汽水，所以再加兩罐汽水。兩罐汽水轉頭已到，我們繼續閑聊。可惜，等候了二十分鐘，什麼東西都沒有奉上，我們叫另外一位侍應過來跟進，她說︰「你們沒有下單，跟著才問你們叫了什麼。隨後，道歉也沒一句，走開去下單。我們質問那位最先為我們下單的侍應，為何有這樣的服務態度，她發惡︰「我沒有為你們下過單，你們不要屈我。」我們問她，那兩罐汽水如何送到？如果沒有人下單，意味著是我們自帶，應該不用付錢，她立即有卡上補回那兩罐汽水，然後走開。..... 這樣的服務態度真劣。 約五分鐘後，有人拿一中窩魚翅上桌，大家已餓壞了，立即把它幹掉，但他們又奉上一大窩魚翅，我們知道有可能其中一窩魚翅不是我們的，有機會付貴價錢，少吃了份量，我們也沒有追究。 可是，他們又把蒸魚送錯，那侍應還說一句︰「你要不要？」那碟魚比我

紫心香芋丸 (中點)外脆內軟，內裏香芋軟糯，甜而不腻，入口鬆化。流沙煎堆仔(中點)煎堆皮不脆且過厚，只是微熱，流沙奶黃沒有奶黃味，淡淡的，甜度不足。家香煎薄罉 $18煎薄罉, 圍邊煎得很脆，但薄罉略為過厚，薄罉變了厚罉, 配料有葱，火腿，菜甫等等，味道適中。金鈔米網腸 (精點)腸粉微熱，米網不脆，淋了，配料有蝦和椰菜，蝦彈牙，椰菜甜，有但米網淋了，太令人失望。鮑汁鳳爪 $18濃濃的鮑魚，鳳爪很淋，很入味，味道適中，不會過鹹。 

今日中午我們去咗大埔超級城嘅「海港酒家」飲中午茶！我們叫咗翡翠筍蝦餃皇、香茜牛肉腸、鮮蝦菠菜餃、手工懷舊鷄卷、流汁奶皇包、鮑汁鳳爪、百花蒸豆腐、流沙煎堆仔、湯丸紅豆沙、薑汁擂沙湯丸同桑寄生蓮子蛋茶！翡翠筍蝦餃皇嘅餃皮好薄身，蝦肉亦好爽口彈牙！香茜牛肉腸嘅腸粉好嫩滑，牛肉嘅肉味都幾香濃！鮮蝦菠菜餃嘅餃皮好煙韌彈牙，餡料亦相當惹味！流汁奶皇包嘅包質好香滑鬆軟，奶皇嘅味道非常香甜！鮑汁鳳爪嘅鳳爪炆得好腍好入味！百花蒸豆腐嘅豆腐相當嫩滑，蝦膠亦好爽滑彈牙！流沙煎堆仔炸得好金黃香脆，口感亦好煙煙韌韌！

飲茶，是香港人生活的一部份，當然，也是廣東人生活的一部份。所以，身為香港人、廣東人的我，出街食飯，好多時都會想起飲茶，是日，見外父係美國返黎咁耐都未同佢食過飯，於是找了一個星期天，我同太太一早出大埔，約飲茶。而我們就選擇了近火車站的《海港酒家》。向來，星期日在香港任何一個地方飲茶都係人山人海，幸有外父早了少少到，而且我們只是三個人的細檯客，所以等了一小時應該也有了，就有位。(叫位叫得好快)。未坐低，帶位已經問定我們要什麼茶，效率十分之高。埋到位，檯亦已經收好，set 好。所以，我們一坐低，就立即揀點心。早上飲茶，習慣就是食到飽，所以外父就叫了一隻糯米雞。大大隻，而且帶有很香的荷葉味，看得出也吃得出，這糯米雞勝過所有快餐店的出品。馬拉糕，一籠原隻上，份量之大令人開心，味道也十分之香甜，食得出片糖的香味，只不過，這一種算是迷你版的馬拉糕，感覺上，欠了鬆軟。流沙包，現時，大大小小的酒樓都做流沙包，因為是風氣，也是奶皇包的升級版本，流沙飽，的確比奶皇包吸引。餡料香，帶適中的咸蛋味，甜味又剛好，是一個無需要彈的流沙奶皇包。也是為太太而叫的羅漢齋粉卷，其實是羅漢齋腸粉的變種，粉卷皮比較厚，餡也比腸

今晚我們去咗海港喺大埔新達廣場店食晚飯！我們叫咗阿拉斯加長腳蟹、鹽燒南非鮑魚、招牌燒鵝皇、拆蟹肉花膠燴生翅、西蘭花炒蝦球、清蒸沙巴龍躉同健康紅米炒飯！阿拉斯加長腳蟹非常新鮮，肉質彈牙！鹽燒南非鮑魚燒到啱啱好，唔會過火變韌，非常香脆香口！係本人嘅必食推介！招牌燒鵝皇保持一貫水準，皮脆肉嫩多汁！拆蟹肉花膠燴生翅有超多蟹肉同花膠，非常足料！健康紅米炒飯炒得非常乾身，唔會太油，粒粒香口！

海港酒家，門口長期人龍，證明生意好好。點解唔使等位？因為有訂座ga ma。公司請食飯，負責人揾到海港的全包宴，星期一至四是1498！講真，俾千五過你，叫你去大埔街市買材料，整番一圍同樣的酒菜，你都整唔到。咁，有乜食ga？嗱，睇嘢啦！燈燈燈凳，首先登場的是乳豬，新鮮燒好，皮脆，唔肥，有些少瘦肉，冇臊味，唔會過鹹。有了這個打頭陣，大家對這“一席酒”好有信心。跟住，阿姐“跳咗線”，先上雞絲翅。呢個名實不副！菜名中的東西，都唔多覺，冇雞絲，食落味道似豬肉絲，不過味道ok，勾芡也不太“杰”不會變成漿糊，也沒有人棄權。廚房出品快，阿姐上菜自然快，接下來是上湯蝦球伊麵、翡翠珊瑚炒帶子、泰式黃金墨魚餅。這三樣都是海產，材料新鮮，火候控制好，沒有over cooked，所以都很爽脆、有海產的鮮味！大家都好勤力咁起筷。跟住就到魚嚹！龍躉兩味：蒸頭腩、炒球。果然好魚，我鐘意頭腩，魚皮有豐富膠質，但依然彈牙。我地食啊食，食啊食，其實都無法清碟，廚房出品也慢下來，脆皮雞可能要慢慢燒（炸），所以斷片，不過唔緊要，食飯另一個功能，就是吹水，於是大家就倒帶三十年，講很久很久以前的事，大家就樂了。醬燒雞，終于來了，頗受

今天早上和媽媽到海港酒家喝茶, 點選了鳯爪排骨飯, 蟹子燒賣, 辣汁釀冬菇, 炸香芋圓, 當中最好味的是鳯爪排骨飯和炸香芋圓, 因為熱辣辣地呈上, 尤其是炸香芋圓外表炸得脆卜卜, 內裡甜甜地, 食幾粒也不覺多, 辣汁釀冬菇便稍為遜色, 因為不夠熱, 希望下次有改善, 整體來說, 海港酒家街坊價錢, 算是不錯的選擇.

貫徹中式一向抵食夾大件的SELLING POINT，是次訂購一圍菜式當然沒有失望。推介1) 翅 - 正! 足料!2) 龍蝦伊面 - 大大隻，啖啖肉，肉質鮮甜味美!份量足敗筆之處- 燒豬 - 太乾，燒焦了，不合格。- 龍躉兩食 - 沒有魚鮮味道! 太多蒜蓉味，蓋過了食物本身味道!服務: 太差，當晚隔離擺婚宴，人手明顯不足! 其中有個經理態度還很惡劣，念在一家人開開心心食飯先沒有同佢吵! 之後成程飯只叫其他低級小小的阿姐招呼!意見: 此餐總括來說很滿足，不過寄語那位經理改善一下服務態度，不要一副咀臉對所有客戶!

今年親節本想同爸爸去吃片皮鴨，但嗜魚的他最後叫我改訂海港…… 這家海港酒家我曾到訪過，但並沒有很深印象，或許是因為我還未找到值得我再光顧的招牌菜吧！這次encore 可說是順應父親大人的意思喔！父親節當日因較旺，我們選了較早輪的6:30時段用餐. 剛到達時，人潮並不多，只見幾圍桌子坐了食客. 快到7:00時，酒樓差不多已座無虛席了！雖然是日是父親節正日，但酒樓並無強制食客揀選套餐，可散叫，這點確實值得一讚！ 最後，我們4人共點了4餸1.當中，台式豬手煲味道較出，亦較為特別. 用上黑椒醬慢火炆煮，豬手軟稔入味，膠質感重，有嚼口，但又不會過稔像是吃肥膏似的.  加上面層灑上黑椒粒，頓時增加味覺上的豐富感，十分惹味，帶有少許黑椒微辣刺激味蕾！ 另外，我們也點了酒樓的招牌菜:  海港燒鵝皇！但可能我們都期望過高，味道並沒有預期的好！ 肉質夠滑多汁, 但整體覺得較為油膩，吃後要喝口茶去沖洗油膩感. 

見今日星期日同家人一齊去大埔中心海港酒樓。一入到去落第一次單。已經有幾樣嘢無。不過算啦。見佢地原來2月17日開始裝修無都無辦法。不過跟住就真係谷氣。我地3點叫第二次嘢。等到3點半嘢食仲未黎就吹下佢啦。點知一個都幾高級嘅男仔「四眼的」同我講：點心無啦！我話晤係掛，我等左成30分鐘而家先話無？？我問佢「我落單嘅時候你晤講？」佢竟然答我「咁我就晤知啦！」嘩！有無攪錯！你做到管理級竟然咁答我。仲要一句晤好意思都無。我以後都晤會再黎。如果呢間酒樓嘅老闆看到我呢段食評。晤該你訓練下你D員工基本嘅禮貌！

屋企人提早食家族飯, 預祝個中秋。一行8個人, 其中有兩個小朋友 個service都做得幾好,我地book左19:30,但有人早到左。咁咪睇下可唔可以早少少入去坐, 19:10只係得兩個人到左都比入。 好得意喎~成個menu得一圍12人既壽宴同4人份量既晚市套餐。原本諗住叫半圍再加野,e家唔使啦~直接全散叫。 個落單姐姐都幾好人。見我地咁既陣容,直接叫我地唔好叫4人餐,個咁既價散叫都仲要再扺食d。 食物方面, 唔係好outstanding, 但質素好過出面一般酒家,特別係隻燒鵝。食物均屬中上水平(自問做過神秘顧客,食過至少廿間酒樓)my menu::-鮮松茸螺頭燉竹絲雞-海哲燻啼- 海港燒鵝皇- 花膠冬菇炆鵝掌- 台式豬手煲 - 薑蔥炒蟹- 西蘭花帶子炒珊瑚蚌- 椰汁燉燕窩 對個人黎講, 個價係合理既,唔可以話平,不過我d親戚見到張單都歪晒咀,所以都幾見人見智。如果有機會再食呢類家族飯,可以再黎一食