海港酒家 (已結業)

呢間分店前身叫海港酒家，晚餐出品一向都嘛嘛！裝修後改名海港薈！價錢提升以為有所改善，可惜水準卻不繼下降出名嘅燒鵝竟然肉質好乾，完全無燒鵝嘅香味清蒸老虎斑，肉身暗啞，爸爸是魚王，一睇就知極之唔新鲜，食落口冇鮮味之餘，而且痺脷！你估点解呢？同經理及主仼講，回覆係今天新鮮剛到，可能蒸得過火了！乜過火了會變痺脷嘅死魚其他海港似乎無咁差！係咪因為在新達廣場冇乜競爭， 品質每放越下實在令人失望，集團經營不應如此！ 大把提升空間！

呢間海港冇下午茶特價～因為係星期六日。特登去呢度飲 因為呢間質素好啲 之後又可以去街市買海鮮你揀啲金錢肚一般，配料少啲 平時有蘿蔔 但係未到同埋質素都OK鮮蝦菜苗餃好大粒好足料又小油！我食咗兩粒 正啊！呢個特別在個啲醬！硯介 咸咸地幾好送燒賣有好大粒蝦又有冬菇 啲豬肉又唔會太多肥膏 nice呢個我冇食。呢度有個侍應升左做經理 服務態度超級好勁有禮貌 又做得足 抵佢升 不過呢間海港好多人比較迫，而且個廁所都幾污糟 佢個價錢貴啲應該因為佢個質素好啲🤨

d待應成日問d野食完未,成碟雞未食都問幫你打包,9点成就趕收工咁,食到我地好趕。未食完野,親友未走已經張d圍板拆走。大家如搞婚宴真系唔好係度搞,服務態度太差了。我食過其他海港都好好,我唸系依間的管理問題。

海港基本上係我地成日黎幫襯既酒樓~ 無論係中午黎飲茶定夜晚黎食飯~~~ 但食評好似都係第一次打, 哈哈哈!!環境方面都係一般酒樓既格局, 坐得都舒服既~~ 忘記左要影相XD先黎既係濃湯螺頭花膠煲雞湯 呢個湯我地平時都有叫黎飲架~今次係用優惠劵免費送!! 平時就咁叫好似都係大約一百多少少..但今次送既質素竟然差過平時好多/___\!!成個湯既味都咸左好多同埋好味精... 湯渣都少過平時好好好多..T^T唔知關唔關係用優惠劵事...... 今次令人失望了..晚市海鮮孖寶 HKD148:脆皮燒雞半隻+蟶子4隻好鐘意呢個孖寶♥♥♥將最正既野食搭埋一齊佢有另一個選擇係配麵包蟹...但係我地嫌食蟹麻煩XD蟶子共4隻~ 其實每隻都幾多肉~ 最最最正係超多粉絲拌埋惹味蒜粒同香蔥!!!!♥♥♥其實食過幾次海港既海鮮類都係整得超正~~~ 另一個至愛就係蒜蓉蒸扇貝! 又係超新鮮超熱辣辣超入味架*v*脆皮燒雞同樣係我地係呢度既必點菜式!!!雖然得半隻, 但係份量一d都唔細 仲要勁好肉♥♥♥佢既外皮炸得真係好薄脆, 其實每次見返d相都流口水.....仲要有好香既雞味~~~ 高質燒雞!!!! love love!

今日同男朋友兩個去咗飲早茶。。其實都唔早，入座後剛剛嗌得切早點但可惜啲嘢食來得好慢。。成個鐘都未上晒啲點心腐皮卷 好油呀。。叉燒腸 正正常常不過不失棉花雞同燒賣 幾好味最後加個鳳爪排骨飯 兩個人剛剛夠飽酒樓位置係幾方便就腳 但質素就普普通通

一家人食飯，通常都會揀食中餐。今次因為慶祝生日，所以得三個人都叫咗好多嘢食。炸子雞好有驚喜，皮脆肉滑。上湯浸時蔬都唔錯，清清地，仲有腐竹同雜菌做配菜。椒鹽賴尿蝦好大隻。唔係成日有咁大隻嘅賴尿蝦食，回味無窮。燒羊架。但係本人係唔食羊嘅，淨係負責睇屋企人食😌。佢哋好似話幾好食。。

爸爸今日生日，諗住食下中餐，聽朋友講，呢間吾錯，就決定去訂座試下5個大人1個小朋友，叫左都幾多野食下，食物賣相吾錯，價錢合理，有魚有雞有蟹有龍蝦有湯，係個湯有少少咸之外，其他都幾好食下，下次都會再幫襯我地一家食到好飽仲要有個男部長幾好，好好禮貌，有傾有講！

住在大埔很久了, 一直沒有來新達飲早茶, 4位等了20分鐘左右, 還可以接受.點了9個點心, 等了大概10分鐘左右來了第一道, 中山薄鐣, 皮過厚, 且不熱的,  好明顯不是即時整, 炸蘿蔔絲卷,外表做的很精美,很細緻, 很吸引,  但一吃下口, 不是熱的, 我們很不滿意,  好明顯也不是即時整的, 斎腸粉來了, 除了平時必加的豉油外, 還附上花生甜醬很細心, 很好, 份量很多, 比一般酒樓的份量多, 但可惜的是不夠熱, 只是暖暖的,很奇怪. 最後, 蒸籠點心終於來了, 熱呼呼的蒸氣向上升, 馬上吃了叉燒包, 味道不錯, 但唯獨內藏太多肥豬肉,且不見很多叉燒, 醬料足夠.  流黃包是流心的, 但沒有蛋黃味; 綿花雞是熱的, 仍有蒸氣, 不錯, 千層腐皮很細緻, 層之分明, 但份量少的很, 馬拉糕很大件, 但味道非常一般總的來說, 260蚊, 4個人, 茶錢每人8元, 不是很抵, 蒸籠點心才是熱上, 其他食物的溫度有待改進

海港可以話係多間酒樓中至抵食架啦！雖然服務認真麻麻，酒樓又嘈又多人，但勝在價錢實惠，坐下食餐飯都幾唔錯。海南椰子雞鍋四人餐雖然我地只有三人，但都點四人餐啦！都係一人百幾姐，有齊11款食物兼有飲品。椰子鍋真有幾條椰子，算唔錯。湯底係椰子水，幾清甜。有成隻雞！雞都算大隻啦，絕對唔係無肉食果種。三個人食其實有點多。食剩好多舊呀。四人就應該岩岩好。雞肉加入椰子湯底入面煮，雞肉都有清香嘅椰子味，都幾正，別有一番風味。手切安格斯肥牛都幾大片，牛肉味都幾濃郁。而且，肉質都算幾嫩滑。西班牙黑豚肉煮耐左都唔會鞋，算厚切。松露墨魚丸好香嘅松露味道，咬落去果下香味特別重。魚丸好彈牙，仲有粒粒墨魚肉。黑蒜豚肉丸黑蒜嘅味道唔算太重，反而豬肉味勁啲，算係唔錯啦。

今日中午我們去咗大埔新達廣場嘅「海港酒家」飲中午茶！我們叫咗鮮菌炒年糕嘅年糕好煙韌彈牙，醬汁嘅味道唔會好鹹！翡翠筍蝦餃皇嘅餃皮好煙韌薄身，蝦肉好爽甜彈牙！剁椒蒸魚雲嘅魚雲肉質好鮮甜嫩滑，剁椒嘅香辣味更加帶出魚雲嘅鮮味！黑松露帶子燜水晶粉炒得都幾乾身，水晶粉嘅麵質相當煙韌彈牙，帶子亦幾鮮味，而且份量都幾多！客家黃酒鷄嘅嘅鷄肉係炒過，所以肉質比較香，湯底嘅味道有黃酒嘅清香味同鷄肉嘅鮮味，鷄肉嘅份量超多，非常足料抵食！

平安夜前夕，除咗係情侶睇燈飾嘅好日子，亦係毒拎聚會嘅好日子。一行3人，一於去大埔新達廣場嘅海港酒家食個下午茶賀一賀佢。燒賣：賣相好差，啲燒賣扁晒塌晒，好似有人食過咁。味道比賣相好，蝦夠爽脆，豬肉味濃郁，但係有啲乾身。雞扎：廢青救星，唔少朋友話，食雞扎嘅原因係唔駛lun骨就食到雞。讚一讚佢，成個雞扎都好挺身，證明好足料。咬入口，嘗到煙韌嘅腐竹，冬菇嘅鮮味，充滿湯汁嘅魚肚火腿同埋雞件，美中不足嘅係雞油味唔夠濃郁，雞扎嘅「雞」味唔見太突出，毒拎會有啲失望。鳳爪排骨飯：廢得嚟又唔怕lun骨嘅可以試下。飯有玫瑰露嘅香味，帶出蒸飯嘅米香，大讚。排骨夠滑，而且蒸得啱啱好，排骨好juicy。鳳爪呢就有啲霉，質感好爛，唔太好。蝦餃：賣相麻麻，蒸得有啲過火導致蝦餃塌下，蝦餃皮變得透明。味道方面，蝦夠爽脆，但略嫌乾身。潮州粉果：賣相唔錯，但可能蒸得太耐，所以令到d皮比較淋身，肉類同埋蔬菜嘅比例平衡，但係略嫌較淡。叉燒腸粉：無咩特別，不過不失。鹹水角：0分重作！！！～先唔講味道，上枱嘅時候，啲咸水角係凍嘅！！係寒冷嘅平安夜前夕，毒拎走去飲茶無非都只係想感受到聖誕節少少暖意。對呢件事，毒拎表示極之憤怒同埋遺憾。

又到午茶時間，愛飲茶。香煎芋絲餅有3件，雖煎到有d黑，但好脆，芋頭足量，一條條既芋頭，又無唔新鮮感覺，也不是很油牛肉腸，皮都算薄又滑，而且牛肉多，每口腸粉都有牛肉

呢度既下午茶入枱好快，等左約十五分鐘就有位。 叉燒牛肉鴛鴦腸，即拉腸粉，仲一次有兩種口味，唔駛揀!!香煎芋絲餅，芋頭夠粉，可惜煎得唔透?定係煎左好耐? 唔脆口，只係微暖黑椒金錢肚，夠"霖"又夠入味養生棉花雞，雞夠滑，份量亦足鳯爪排骨飯，朋友ORDER的，佢只係食左一半，材料少但飯多，飽肚之選下午茶大中小點$13.5，茶錢都係$7，都幾抵食~ 主要都係傾計，坐左差唔多兩個鐘，一人都係幾十蚊。

今晚我們去咗大埔新達廣場嘅「海港酒家」食晚飯！我們叫咗赤小豆粉葛煲唐排煲得火候十足同相當足料，所以湯底嘅味道極之濃郁！豉油皇游水花竹蝦嘅外層煎得好香脆乾身，醬油嘅味道唔會好鹹，蝦肉嘅肉質超爽甜彈牙！晚飯孖寶：游水星斑仔嘅肉質蒸得非常嫩滑，味道好鮮甜！脆皮燒鷄燒得超金黃香脆，肉質相當鬆軟嫩滑，完全唔會有「嚡」嘅感覺！甜品：蜜梨紅元燉桃脂嘅味道非常香甜滋潤濃郁！

眼見門外多人排隊以為這館必食之選吃過之後必定令你失望，除非你對食物一點要求也沒有，祗求飽肚。菜牌上的圖片可說是他的重要賣點，看上去非常吸引，當菜端上桌前已覺有點不妥，吃下去就令你非常失望必無下次，感覺就象將食物煮熟給你吃算了，一點要求也沒有，價錢不算太平祗是合理，感覺上到連鎖餐廳吃個套餐還要好。今天之後才知道原來很多人對食物沒要求，祗求飽肚。