海港酒家

營業中

休息中

每次去海港都大排長龍，等好耐先有位，今次有人去攞位先，去到啱啱好入座。我地三個人，叫左兩個主食同一籠叉燒包，叉燒包無影到相，但係我記得餡兒唔多，味道普通，無咩特別。兩個主食分別係黃金蟹肉大蝦伊面同一口鮑魚炒飯。呢個伊面味道上係值得稱讚，食落幾滑口，而且蝦既份量同size都幾足。唯一遺憾既係佢既「黃金」係碎紅蘿蔔，有少少取巧。一口鮑魚炒飯如果有去開海港飲茶，食過佢個鮑魚燒賣就會知有幾搵笨，鮑魚好似手指甲咁細粒。但係佢呢個炒飯出奇地鮑魚有五蚊銀咁大，而且可以分到每碗飯都有鮑魚，味道就無咩特別，但係飯炒得幾乾身，唔錯。

服務態度其差，唔休做。農曆新年服務最好，因為想你給他們新年利是。附近沒有大酒樓，以為獨市生意。大集團也如此，應該改善一下管理水平。服務質數比食物水平更重要。不要求高水平服務，但基本要求也欠奉

原本想係唔洗返工既星期日訓到自然醒，可惜天公不造美，比雷雨聲吵醒. 起左身訓唔番，只好陪屋企人去嘆番一盅兩件.由於落雨太多人黎海港食，足足等左9個字先有位，等到腳都軟.養顏燕窩蛋撻，女士們至愛❤️仲點左2，3樣邪惡煎炸物🙈香口，脆脆的，但少吃爲妙.為左彌補內疚感，叫了碟青菜叉燒包乾身了些,味道還可蝦餃皮薄，蝦夠大粒，幾有口感點心種類幾多選擇，味道價錢都ok,唯獨等位比較耐，放假住附近又得閒既朋友不妨黎試下.

海港酒家位於西環西寶城。到訪當天。我們點的食物包括甜薄𦉘、咸薄𦉘，春風得意腸、燒賣、蝦餃、馬拉糕，還有叉燒飯、燒肉等等。點心來的時候都非常熱，食物質素不俗。尤其是春風得意腸，外皮的腸粉非常煙靭，但內裏的油炸鬼炸得非常之脆。我特別推薦的是這間酒家的甜品是，椰汁燕窩羹，吃想去非常滑以外，還有旁邊的椰肉，也可以吃，是補顏養生是不二之選。餐廳人流比較多，午市時候一般需要排隊入座，而且價錢十分相宜，適合一班人一起去吃！

時日放假同媽咪去飲茶，去左寶翠園既海港酒家。 可能係下午茶時段，好多人等緊位，要等左30分鐘先入到去。 我地叫左個燒腩仔米線，叉燒米線同埋點心拼盤 (蝦餃x2，燒賣x2，鮮蝦素菜餃x2，竹炭流沙包x2)。 燒腩仔係瘦既，但只係跟左芥末而冇沙糖。問侍應攞，佢地就話冇，態度一般。而d叉燒係半肥瘦既，都算ok。不過最抵既就係個點心拼盤，2個人食啱啱好。蝦餃，燒賣同素菜餃係正常既。但係竹炭流沙包個皮太厚，同埋冇咩流心既感覺。整體而言，係價錢抵食，但食物同侍應態度既素質有改善既空間。

中式酒樓一向是屋企兩老慶生首選，一家人可以坐得舒服，餸菜就算無驚喜亦保證對胃口。西環海港環境寬敞，晚上通常都很「旺場」，坐滿一家大細。熱辣辣的黑椒豬手件頭足，黑淑汁夠惹味，膠質重，補充骨膠原一流。「必食」的籠仔糯米龍蝦蒸飯是飯局的亮點，以蒸的方式煮龍蝦令蝦肉保留鮮味，糯米飯混入南瓜、芋頭，香甜軟糯，入口還有啖啖葱蒜和蝦膏香。西蘭花炒帶子普普通通，帶子偏小，而且炒完後帶子都散開了。上湯蝦球伊麵很一般，蝦球沒味道，上枱不夠熱，再配合醬汁吃有點膩。鮑魚雞煲遜色，鮑魚小，雞肉不夠嫩滑，而且洋蔥多過雞肉。如果再加入栗子，相信可以生色不少。原本想給酒樓一個笑臉，但待應的服務態度令我卻步。待應大多「十問九唔應」，一副不耐煩的樣子。明白酒樓可能是人手不足，但不應是「臭臉」的籍口!

平時，多數去西寶城都是去海港食晚餐，味道唔錯，但是早餐平時就好小食，因要返學，暑假試一試令我大跌眼鏡。 叫左一個黑松露餃，食那時只有少少黑松露味，我都算了；d茶，完全唔得，無茶香，茶壺又難揸😭。 不過晚餐真的很好吃，特別是咕嚕肉、魚等，同出面d餐廳都參不多。不過，晚餐的X天橙汁，我唔係咁鍾意，甜得黎很假，我猜都是溝出來架啦。 我強烈建議你們，晚餐來食，因為比較好食。 希望可以改善一下點心和茶的質素啦！bye 👋

一行11人（6大5小）游完水，想盡快搵地方醫肚，要坐得舒服，又要夠冷氣，最好就係搵間酒樓食飯⋯大家都好肚餓，點完菜又掛住傾偈，唔記得影低個餐牌，大部分菜式都唔記得叫咩名添⋯ 叫咗兩款小食，滷水掌翼同酒糟鴨舌，味道不錯，當餐前小食，一流！ 又叫咗個孖寶，有呢度嘅招牌燒鵝，同一條斑條斑火候控制得很好，很滑！白灼蝦呢個唔記得係咩名，總之係豬手粒大力推薦嘅係呢款：椒鹽軟殼蟹，一上枱，大家已大叫好香，炸得好靚，賣相比餐牌的圖片還漂亮⋯每件都大大件，而且惹味可口，這碟軟殼蟹做得比坊間很多地方也出色，值得一試！勝瓜鮮竹⋯都唔記得叫咩名⋯呢餐比較多肉，要吃點清淡的瓜菜類先黑椒牛柳粒薯角大蝦伊麵，蝦很大隻，亦算爽口完全唔記得叫埋，只知有豆腐同肉。仲有呢味果醋骨，味道幾特別的，帶點酸甜，好像有點山楂的味道⋯其實味道也不錯，只是相比起，我比較喜歡吃咕嚕肉多一點食咗咁多嘢，又有魚蝦蟹食，味道亦唔錯！連飯連汽水，埋單才$14xx,都算抵食！（唯獨是條斑出菜真的很慢，全部小菜都食晒都未嚟，其他都ok)

今日去西環探個朋友既BB，隨便食餐晚飯先返屋企酒糟鴨舌，酒味好香呢個醬汁夠辣又麻，配上皮蛋一齊食好正晚飯孖寶，有魚又有燒鵝（例）燒鵝凍冰冰，麻麻地蒸魚超大條，蒸既時間岩岩好，好滑芝士龍蝦伊麵，芝士可以拉絲，唔會太水汪汪龍蝦啖啖肉但伊麵份量太少，多返d就好食物整體都ok，但上菜速度好慢

今日下午我們喺西環做完嘢之後去咗附近西寶城商場嘅「海港酒家」飲下午茶！我們叫咗韭黃鮮蝦腸嘅腸粉好煙韌軟滑，蝦肉都幾大隻，而且好爽甜彈牙！沙薑豬蹄粒肉嘅質感好鬆軟，而豬皮嘅質感就超爽滑彈牙，再配埋啲沙薑汁，令到味道更加惹味！核桃馬拉糕相當香甜鬆軟，再加埋粒粒嘅核桃碎一齊食，令到口感更加豐富！玫瑰豆沙包嘅包質相當軟熟，入面嘅豆沙餡料味道好芳香，但唔會過甜！剁椒蒸魚雲嘅肉質非常鮮甜嫩滑，香辣嘅剁椒令到鮮味更加提升，而且仲有啲粉絲舖底，吸收晒醬汁嘅精華，真係好正呀！

理想與現實，原來仲可以推到一個極致。。。看相片不解釋。我即刻問個部長，應曰：我會反映嘎啦。然後絕塵而去。完。你的相片說“得”，可是你的成品卻很誠實。我以前都有叫過，唔是咁樣law。。。。唔知有無違反商品說明條例？！

今日中午我們去咗西環西寶城嘅「海港酒家」飲下午茶！我們叫咗燒汁肥牛金菇腸嘅腸粉好嫩滑薄身，餡料係惹味嘅燒汁肥牛同爽滑嘅金菇，令到口感更加豐富！酥皮焗餐包嘅酥皮係菠蘿包皮，相當香甜酥脆，餐包嘅包質好香甜軟熟！柚子蜜脆蝦球表面嘅炸粉唔係好厚身，蝦球嘅肉質非常爽甜，而且都幾大隻，再配上酸酸甜甜嘅柚子蜜汁，真係超惹味醒胃！黑松露筍帶子餃嘅餡料有帶子同蝦肉，而且唔止得一隻，相當足料！翡翠筍蝦餃皇嘅餃皮好煙韌薄身，蝦肉好爽甜彈牙！雲腿魚寶扎係用爽滑嘅魚肚、彈牙嘅鮑螺片、軟滑嘅北菇、腐皮包著組合而成，再有啲雲腿絲舖面，平日食開嘅都係四寶滑鷄扎，但今次食呢個覺得好新鮮同特別，而且創意十足！沙律脆燈盞嘅脆燈盞形狀好似錦滷雲吞咁，再加上香甜新鮮嘅沙律，感覺相當清新！

一早預定，用餐當天才打電話說改菜單，龍蝦變蝦球。副經理兇悍地說有權改菜單而不作通知。算...食物味道還是不錯的，家人都喜歡。地板上都係蟹殼....整體員工都很和善，除了副經理。吃到一半，突然沒人上菜，大家就坐著等了超過半小時，期間家人更催了十多次，多個職員都有幫忙查看，但並無下文。最後店長去追，菜餚才姍姍來遲⋯⋯

今日中午我們去咗西環西寶城嘅「海港酒家」飲中午茶！我們叫咗蒜香珍寶元貝蒸飯、翡翠筍蝦餃皇、燒汁肥牛金菇腸同紫薯荔枝球！蒜香珍寶元貝蒸飯嘅珍寶元貝非常嫩滑彈牙，而且有八粒咁多，真係份量十足，蒸飯吸收晒蒜蓉嘅香味同珍寶元貝嘅鮮甜味，真係超惹味！翡翠筍蝦餃皇嘅餃皮好煙煙韌韌，蝦肉嘅肉質相當爽甜彈牙！燒汁肥牛金菇腸嘅腸粉好軟滑，肥牛亦幾嫩滑，加埋香濃嘅燒汁，真係幾惹味！紫薯荔枝球嘅表面非常香脆，入面嘅紫薯好軟滑，而且真係有粒荔枝肉喺度，令到味道超香甜！

Have been to this restaurant numerous times, but today would be the last time in my life.Went with husband and ordered a Coral Trout(东星斑) . Initially the staff fished out an unhealthy, injured one (with some skin coming off the body) for us and husband requested to have another fish. The staff told us we have to pay 400plus for it (we agreed though for the size, it usually cost us around 300). Shortly after he brought the one we picked into the kitchen, he came out to fish the unhealthy fish awa