海灣茶居

營業中

休息中

大角咀附近都好缺乏呢類餐廳式既茶樓終於係港灣豪庭開左間海灣，今日去附近上堂學插花，同個同學仔上堂前去試下食嗌到成枱野，最後食唔晒要打包黑松露燒賣，鳳爪，雞扎，菜苗餃，口水醬手撕雞腸粉，柚子雲吞盞，煎蛋牛肉飯，海蛪熏蹄，同埋燉蛋；每樣食物質素都唔錯，平均，而且每籠都唔係細細件 平過酒樓好多。黑松露燒賣其實唔算好食到黑松露味，但每粒都大大粒，好滿足。口水醬手撕雞腸粉好好食，好新穎，個汁我地不斷用其他食物沾來食，手撕雞唔痴牙，好嫰。煎蛋牛肉飯係流汁荷包蛋，好有heart。埋單食到成枱野先$300蚊，好化算

話說今日去海灣豪庭探朋友， 朋友話最近喺佢屋企樓下開咗間新嘅點心茶居。 我哋就入去試下舖面都幾大而且都坐得好舒服，地方夠闊。我哋兩點半嚟到嘅時候都幾多人喎。佢嘅點心選擇算多， 仲有啲粥粉麵飯類幾好喎如果想飲其他茶都得喎👍山竹牛肉球，肥瘦均勻加埋喼汁真係冇得頂👍黑醋雲耳都好味喎，酸酸地啱曬夏天好開胃蝦鮮蝦大大粒， 加埋我最鍾意嘅辣油， 咪道立刻提升呢個菜苗餃可以係話我最鍾意食嘅，調味唔會好鹹而且個皮晶瑩通透， 非常鍾意松子齋粉果， 味道正常 不過就做得比較淋身最後我哋都叫咗個齋腸粉， 都係做得比較淋身，如果可以做得煙韌少少就更加好味甜品方面我哋就叫咗個椰汁桂花糕， 唔錯亦都唔會好甜啱曬我❤️ 總結: 竟然今日探朋友可以喺大角咀發現一間咁正嘅點心好去處, 將來都會搭車過嚟大角咀飲茶。 發現而家啲茶居點心仲好味過大酒樓， 未食過嘅朋友真係可以一試

今日去咗大角咀港灣豪庭,見到有一間新開嘅點心餐廳，平時飲茶多數係朝頭早或者下午.夜晚想飲茶嘅地方唔多。於是決定試吓，5:30pm過後就冇咩點心可以選擇.所以嗌咗點三同埋啲小食.醉豬手配海蜇醃製得好入味海蜇都好入味蝦餃蝦餃隻蝦好大好有鮮味小籠包小籠包就麻麻哋，冇湯汁皮有少少厚（可以唔點）流沙包皮薄一咬落去成個鹹蛋黃餡就出曬來.金錢肚 入味且好爽 仲嗌咗鳳爪蘿蔔糕，總得來講水平係唔錯，如果夜晚想飲茶都係一個唔錯嘅選擇

周末同家人去咗大角咀探親戚，係附近商場搵下嘢食。係商場見到一間食點心嘅地方【海灣茶居】。環境比起酒樓較好，因為係商場外圍望街景，所以探光度足，有大量自然光。茶居有卡位同圓枱。我地等有卡位先入座。覺得坐得舒適啲☺️呢道最抵就係茶芥只係$3位💯💯我地總共叫咗七樣食物。食物上枱時間都好快。黑松露北菇燒賣皇同蝦餃皇賣相都好吸引！燒賣皇上面加咗黑松露，味道好香，入面嘅豬肉好彈牙。蝦餃皇入面充滿蝦肉，肥脂唔會太多，都唔錯。鮮竹牛肉球口感較軟腍。醬皇金錢肚好香，金錢肚質感好軟彈，沾滿醬汁好惹味。宮延流沙包尺寸好迷你，奶黃食落起沙，甜甜地。✪ 黑松露北菇燒賣皇(4粒) 💲38✪ 月滿晶瑩蝦餃皇(2粒) 💲18✪ 古法鮮竹牛肉球 💲28✪ 醬皇金錢肚 💲30✪ 活拆鮮蝦香滑腸 💲33✪ 宮延流沙包 💲25✪ 大良薑汁雙皮奶 💲18【 海灣茶居 】📌 大角咀福利街8號港灣豪庭廣場地下G05號舖

今日假期，約了大角咀的朋友飲番個下午茶聚下舊，約了朋友附近的港灣豪庭的海灣茶居。餐廳裝修都好新潮、雅緻舒適。Menu款式都比較多選擇，比普通酒樓還要多了一些傳統款式。四寶滑雞扎$33裏面有蟹柳、芋頭、沙爆魚肚及雞柳、蟹柳，芋頭及雞柳都很入味。蒸出的汁非常鮮甜，沙爆魚肚及外面的腐皮吸收了湯汁的精華，好滋味！古法鮮竹牛肉球$28牛肉球很腍滑，有牛味又香， 不過我喜愛酸一些的喼汁，如果喼汁味道酸一些會更好。鮑魚北菇燒賣皇$38鮑魚北菇燒賣皇，除了高級酒樓，普通的酒樓都沒有這個菜式，鮑魚一開為二，頗有鮑魚味。燒賣裏面的北菇與瘦肉很夾，食落好鮮甜。醬黃金錢肚$30雖然經常去飲茶，都比較少點這個點心，金錢肚沾著滿滿的醬汁，非常的爽口野味！月滿晶瑩蝦餃皇$18蝦餃皇皮薄餡多，蝦餃非常鮮味多汁。大良薑汁雙皮奶$18/個薑汁雙皮奶又嫩又滑，不是很多地方可食到。

一向都係喺酒樓食點心，有啲好奇呢間茶居出單嘅點心會係點😏呢度環境企理，坐得幾舒服由於係weekend嘅關係，得正價點心冇下午茶套餐，但好食嘅話都唔緊要😙香茜滑牛肉腸粉嘅腸粉皮做到幾薄皮幾滑，有淡淡嘅芫茜味，牛肉當中混入左馬蹄粒，增加口感瑤柱鮮蝦菜苗餃都係皮薄饀靚，蝦粒彈牙而且都幾多鮑魚北菇燒賣皇份量十足😆鮑魚的骰但味道唔錯，肉餡有冬菇香味小籠包係爆汁架！肉餡大大粒mvp係呢個櫻花蝦蘿蔔絲酥，新鮮炸起熱辣辣，好酥脆好多蘿蔔餡😆😆最後食咗個甜品法式焦糖燉蛋，口感較為實淨但都算滑同有蛋香