海灣茶居

營業中

休息中

🌟港鐵南昌站15分鐘路程🌟時尚現代裝潢🌟點心小菜❣️地方比想像中大❣️裝潢比想像中更富有現代感❣️點心小菜咩都有 選擇眾多 眼花撩亂合 🌼南翔小籠包 ＄30-每粒小籠包肉汁豐富 啖啖湯汁-醮埋陳醋提味 一絕！🌼櫻花蝦蘿蔔絲酥 ＄38-酥皮鬆脆-每一啖都有蘿蔔絲-表面有一陣鹹香味 原來就係櫻花蝦 用作提味🌼蝦菇豆腐湯 ＄78-一大舊豆腐好滑 同個湯好夾-仲有好多菇類 幾隻大蝦 好足料！🌼月滿晶瑩蝦餃皇 ＄36-每一粒蝦餃入面都有兩隻大蝦-啖啖蝦肉 好有咬口🌼香草綠豆沙 ＄16-一入口 食到磨得細爛ge綠豆沙 好足料呀！-陣陣陳皮味 又晤會好甜😌

食過幾次下午點心，OK第一次食夜晚，唔掂；睇相1.  春卷，爖左2.  籠仔蒜香班片飯；太多油，個金蒜太多油，同埋爖左，食到一陣苦味，兼太多油，食完即痌；而且斑片有骨，唔知咩玩法？3.  就係呢咋炸蒜，食完除左痌之外，放屁同痌屎都一朕蒜味，頂唔順4.  泰式無骨鳳爪，中間係雪味5.  金銀蛋浸時蔬，用左「現」茶，有渣，食唔到其他點心叫左蝦餃，係OK嘅；另外，晚市唔知係咪人手唔夠，態度亦差；叫沖茶叫左3次，叫辣椒油叫左2次.......成日都話等等......晚市唔會再黎，完。

weekend晚飯，食客不多，卡位舒服。兩個人叫左一個小菜套餐，再叫點心加甜品。酸菜魚幾辣，算正常發揮。88蚊包飯，加10蚊有甜品。綠豆沙，雙皮奶，桂花糕樣樣都好食。點心真係好一般，相對較貴。

一直都好中意飲茶歎一盅兩件，但奈何平日要返工，放假又冇辦法早起都好少飲到茶。今次搵到間晚市仲有點心叫既茶居，環境光猛闊落，唔似平時酒樓坐得咁逼，晚市仲有唔少小菜可以揀添！✨胡椒豬肚湯一開蓋就聞到好香，胡椒味夠出，少少辣，啱晒暖胃，雖然係例牌，都有成4、5碗湯。而且入面除左咸菜同豬肚之外，仲有雞件架！小菜套餐仲跟一個飯同綠豆沙，非常抵食！✨瑤柱鮮蝦菜苗餃個皮夠薄，非常煙韌，而且即叫即蒸個皮唔會話比倒汗水搞到霉哂。個餡有大大隻鮮蝦，仲食到粒粒瑤柱肉，配埋豆苗唔會膩～✨蘿蔔絲酥越嚟越少地方有得食啦，見到即刻叫！蘿蔔絲酥炸得非常鬆脆，又唔會食落成口油，入面晚蘿蔔勁甜，而且口感柔軟多汁，同外面既酥皮有好強烈既對比，超級好食！✨煎釀茄子估唔到有成5舊～茄子勁厚切，煎到外層卜卜脆，但一咬落去又爆哂汁，釀肉份量都多，加埋醬汁好惹味啊！

最近比較忙好少機會可以坐定定休息吓，難得今日放假所以去咗飲茶～ 餐廳位於大角咀，主打多款即叫即整嘅點心同港式料理🇭🇰！設計方面比較新穎，店內掛滿霓虹燈裝飾，又有落地大玻璃，夠晒光猛🤭點心拼盤包括啖啖肉嘅燒賣、飽滿嘅蝦餃、半肥瘦嘅叉燒包、脹卜卜嘅潮州粉果同餡料豐富嘅瑤柱鮮蝦菜苗餃～ 食到舔舔脷好滿足呀😃 菘子素粉果皮薄餡靚，圓轆轆咁超級可愛😛主食方面叫咗碗清清地嘅廣島魚肚柴魚粥同惹味蠔皇豬手撈麵配點心食！兩款嘅份量都好足料，呢個價錢真係冇得say🙈 街邊車仔腸粉超級滑身而且皮夠薄，但食開重口味嘅表示加多少少醬汁就perfect啦🫣 甜品要咗花生糖不甩，估唔到外皮係薑汁味，口感軟糯，配埋椰絲同粒粒花生真係好夾💞

自疫情以來 好久沒有外出探望朋友最近趁朋友準備年底移民前 相約到大角咀附近來個簡單飯聚多年沒有到大角咀 很多都轉變了見到呢間新開既海灣茶居 價錢合理而且選擇亦不少值得一提是 茶芥亦只需$3位 非常抵正好是下午茶時段 於是同朋友一齊試下茶居舖面唔算細 裝潢亦帶點高雅相比一般酒樓多了一份親切落地玻璃窗設計 茶居可以盡覽街景外圍茶居有圓枱有卡位亦設有四人座座位間寬敞舒適 空間感算不俗望望點心紙 選擇可真不少除左傳統款 仲有不少特色選擇田園野菌炆米米粉炒得恰到好處 不會太乾太濕口感亦不俗 米粉不會太硬亦不會太腍配上冬菇、雞肶菇、洋蔥同紅蘿蔔絲食落富田園風味 雖然友人覺得味道偏淡不過個人甚為喜愛月滿晶瑩蝦餃皇蝦餃皇雖然未算好大隻好大飽滿不過勝在蝦肉不少 食落彈牙鮮美多汁而且肥肉亦沒有太多四寶滑雞扎雞扎有蟹柳、芋頭、魚肚同雞肉雞肉早已去皮而且肥膏亦不多 食落健康芋頭魚肚以至外層既腐皮吸收晒湯汁精華 份外腍滑入味瑤柱鮮蝦菜苗餃晶瑩剔透而且皮薄餡靚餡料鮮美蝦肉亦爽口味道剛好唔會太重味 仲粒粒飽滿五福臨門點心拼盤黑松露北菇燒賣皇有別於一般酒樓既純鮮蝦燒賣茶居將平平無奇既燒賣加入黑松露香氣提升左 整體味道

去開大角咀，諗唔到食咩，見有間新開嘅中式點心餐廳，又好耐無飲茶，所以就決定去試下。舖頭好闊落，坐得好舒服。估唔到夜晚都有得食即製點心，新鮮又好味😋😋😋天氣開始有啲涼涼地，夜晚有小菜食，叫左份胡椒豬肚湯，有跟白飯同綠豆沙。胡椒豬肚湯好足料呀😍😍😍胡椒味唔太辣，啱啱好👍🏻👍🏻👍🏻豬肚同雞都啱啱好，容易咬又唔會啲肉太老。食完仲有綠豆沙，一個人食嘅話會超飽😇我哋仲另外加左椰汁桂花糕、燒賣、瑤柱豆苗餃同鳳爪，質素都好唔錯👍🏻👍🏻桂花糕好香椰子味，同桂花好夾👍🏻燒賣同瑤柱豆苗餃都好足料，用料新鮮好味😋鳳爪蒸得啱啱好，唔會太腍，好爽，有嚼口整體好唔錯，啱晒夜晚想食點心嘅為食鬼👍🏻👍🏻👍🏻

呢日去大角咀探朋友，俾佢拉咗去一間新開嘅茶居食飯試咗”晚市小菜套餐”、”滋味獨享” 、”香脆點心” ，再追加甜品晚市小菜套餐🔸胡椒豬肚湯（例牌）配白飯及香草綠豆沙原來係胡椒豬肚’雞’湯胡椒味啱啱好，豬肚軟淋，雞件肉味唔錯齋飲同撈飯都好味道😋“香草綠豆沙”好’沙’嘅呢～～～香草味濃郁，又唔太甜，個糖水煲得好有水準，媲美糖水舖👍🏻（有追加嘅衝動）滋味獨享🔸一人籠仔蒜香斑片蒸飯 斑片無骨，啱哂我嗰個怕骨嘅朋友蒜香味恰到好處，惹味之餘食完陣蒜味唔會喺口腔維持太耐🤪仲有個籠仔都幾大，似二人前份量多啲～🔸櫻花蝦蘿蔔絲酥呢個賣相一流，味道亦出色酥皮一層一層好分明，酥脆得嚟口感十足內裡櫻花蝦同蘿蔔絲熱辣辣新鮮處理，影咗陣相先食都仲好夠熱㗎～🔸大良薑汁雙皮奶$10 有交易，幾抵食，質素唔錯呢個甜品係Order ”晚市小菜套餐”或”滋味獨享”以優惠價加購嘅（其他加購選擇有：香草綠豆沙、桂花椰汁糕、花生椰香糖不甩 & 是日燉湯）呢間茶居裝修光猛新淨，顏色配搭亦舒服，碗碟茶壺嘅選擇都落咗心思. Menu 製作幾精美，除咗有點心，仲有小菜、籠仔飯、煲仔飯、原煲砂窩粥、炒粉麵飯…… 食物質素唔錯，飯後無口渴感（讚

🔹️海灣茶居🔹️突然同朋友興起想去嘆茶，最近都比較忙碌，真係好少坐定定慢慢嘆下，所以去飲茶就最岩不過☺️發現到有間新開既茶居，門口是落地大玻璃既設計，茶居內亦可盡覽街外景色，室內設計都比較新穎，有各處都用要霓虹燈做出各種造型，就如Cashier 頂既招財貓茶居食物都係即叫即整新鮮制造，除左點心仲有好多小炒粉麵、燉湯、麻辣小龍蝦系列🤤款式都好多元化，真係唔知揀咩好下一次要叫多啲人黎食🤤叫多啲款式互相分享🥢蒸鳳爪 ($25)🥢鮮竹牛肉 ($28)🥢蘿蔔絲酥 ($38)可以見到一卷卷的條紋，外皮炸到金黄色，口感酥脆，但又唔油膩🥢桂花糕(凍) ($18)上層係桂花糕，下層係椰汁糕，這配搭唔錯🥢煎釀茄子 ($25)有點似煎釀三寶加左濃郁既醬汁🥢淮山螺頭湯 ($48)湯內既配料都好足👍

經過大角咀 新開咗間海灣茶居 就食返個下午茶23-25/9每枱送一籠黑松露冬菇燒賣皇 好佛心茶位$5 全日免收加一 性價比及食物質素都不錯除常見的水仙普洱🫖可加錢升級嘆其他靚茶葉點心即製即蒸 環境乾淨企理 難怪全場爆滿！·🆓黑松露冬菇燒賣皇優惠期間送一籠黑松露冬菇燒賣皇 原價$38由細到大都喜歡吃香菇豬肉燒賣 這裏還加了蝦黑松露控略嫌唔夠濃烈🖤但燒賣用料很扎實·🍲鳳爪排骨煲仔飯很欣賞海灣茶居的煲仔飯 米粒分明不硬 帶飯焦鳳爪排骨份量不少 精華更融入飯中 再加點豉油午市套餐附送營健清灼生菜🥬比單點更抵食🍡$10追加花生椰香糖不甩好少茶樓有得食懷舊甜點 一份六粒 價錢親民口感煙韌軟糯 配上香脆的花生碎 白芝麻 椰絲·🥟五福臨門點心拼盤對照返menu和網上圖片 感覺好像每次都不同是日配搭係蝦餃 燒賣 馬拉糕 叉燒包 潮州粉果最驚艷的是腩叉叉燒包🐷蜜味十足 肉質豐腴🥧古法馬拉糕馬拉糕蓬鬆柔軟 還帶有淡淡的蛋香 甜度適中熱騰騰的 撕開見好多細小氣孔 像海綿般柔軟🍤月滿晶瑩蝦餃皇店內蝦餃/燒賣提供2或4粒選項 好貼心的想法 蝦餃皮薄煙韌 晶瑩剔透 飽滿蝦仁內餡 口感脆彈 🧆古法鮮竹牛肉球牛肉味道濃

新開張都幫襯幾次，見到今個禮拜新張優惠，堂食任何惠顧都送燒賣4粒，今早一家大細又去食早餐，結果自己俾錢嘅好快送到，而燒賣係有落單，亦都追問過兩次，但到俾錢走人都唔見影，俾錢時職員仲話唔係已經到咗咩。其實屋苑商場，都係街坊生意，唔好咁樣做生意，唔會有下次

今日去試吓呢間新開嘅茶館☕️夜晚可以叫小菜或者點心都得🙌🏻 環境好舒服 仲有卡位坐👍🏻淮山螺頭燉瘦肉湯 $48個湯都幾甜，同埋唔會好似出面咁有一層油係上面，但份量就少左啲～金銀蒜粉絲蒸娃娃菜 $68如果嗰日唔想食得咁飽，其實叫呢個菜真係好啱🤣惹味又入味嘅蒜香粉絲係最正🤩同娃娃菜又夾😋櫻花蝦蘿蔔絲酥 $38蘿蔔絲酥好脆🤩同埋甜甜地幾👍🏻不過蘿蔔絲就唔係好絲🤣幾有咬口祖傳秘醬蒸鳳爪 $28鳳爪一定係茶樓必叫⭐️入晒味，加埋啲花生一齊食，一流⭐️鮮蝦菜苗餃 $28呢個就普普通通，同出邊食嘅味道差唔多，勝在抵食大件👍🏻鮑魚北菇燒賣皇 $38/2粒 呢到嘅燒賣真係唔同啲～有粒細細的袖珍鮑魚令到成個口感更加豐富😋宮廷流沙包 $26呢款流沙包好香，食落唔算好漏，食兩個唔夠喉🤣

做完野去附近搵野食，咁口渴朋友就提意去飲茶，上網search下邊度有得飲先，最近係港灣豪庭入面間海灣茶居，睇相都唔錯，就去試下佢先。坐低後店員問飲普洱定鐵觀音，揀左普洱茶，啲茶都幾香，夠晒滾好飲吖。再睇睇點心紙，款式都幾多，仲有午市客飯配燉湯添。落完單野食陸陸續續咁到，都好快手，全部上枱都熱辣辣㗎喎。🥢揚州炒飯先到嘅炒飯，幾香口，炒得粒粒分明又唔油膩，仲好多料添，下午茶特價黎計仲好大碟，抵食！🥢黃金咸水角呢樣都係熱㗎，同常茶樓都係做定凍左㗎嘛，點心舖果然水準高啲～炸得香脆，個皮煙韌有咬口。🥢腩叉叉燒包叉燒餡調味得唔錯，包身唔立口，好食。🥢黑松露北菇燒賣皇正正常常嘅燒賣味，黑松露味唔強烈。🥢月滿晶瑩蝦餃皇蝦餃皮略微厚咗少少，但餡料飽滿，都幾好食。🥢菘子素粉果松子同其他嘅素菜香口，咬落去仲有鮮味嘅蔬菜汁添。🥢大排檔煎釀茄子茄子厚切，炸得外脆內軟，正。🥢街邊車仔腸粉好大碟，而且夠哂多醬，腸粉就係要食醬嘛～🥢花生糖不甩最後仲有甜品糖不甩，一客有六粒，煙煙韌韌有咬口，最正係上面有勁多糖同椰絲花生碎等，好滿足。環境好坐價錢又唔貴，商場入面嘅抵食點心舖，唔怪得午市嗰陣咁多人等位啦，我哋等到下午茶先入

放假除了鍾意去 cafe 嘆杯靚咖啡，也鍾意去飲茶架 ~~上星期六就去咗大角咀開業冇耐的海灣茶居，嘆杯靚茶食點心啦點心款式都幾多，現場製作，即製即蒸全日免收加一，但是就要收番 HK$5 茶位費燒賣和蝦餃可以揀 2 粒或 4 粒就算一個人或者兩小口嚟飲茶，都可以食多幾款點心● 月滿晶瑩蝦餃皇 (2 粒) (HK$18)● 黑松露北菇燒賣皇 (2 粒) (HK$18)蝦餃皮厚薄適中，蝦肉飽滿足料 ~~黑松露和北菇的菌香將燒賣的味道提香提鮮 ~~● 宮庭流沙包 (HK$25)一咬開流心奶黃餡料就湧出嚟，奶黃鹹鹹香香又不會太甜● 祖傳秘醬蒸鳳爪 (HK$28)● 醬皇金錢肚 (HK$30)煮得夠腍又入味，醬汁仲好惹味 ~~● 上湯鮮竹卷 (HK$20)以清淡湯頭代替勾芡的上湯，吃起來無咁油膩 ~~最後, 梗係要食埋甜品至完滿 ~~見到下午茶特價點心有好耐冇食的糖不甩就點了客 ... ● 花生椰香糖不甩 (HK$12)淋上薑糖水再配上香脆的花生碎、芝麻和椰絲口感煙韌軟糯，香甜好食 ~~走的時候又被門口的 ...胡椒蝦衝天脆麵和胡椒豬肚雞的海報吸引著下次約多幾位朋友再嚟食過 ~~** 以上分享是以

呢日同朋友行經大角咀港灣豪庭，見到商場角落呢間新餐廳做緊下午茶點心特價，見價錢唔貴就入去試下啦。 被安排坐近窗卡位，落地大玻璃望到街景，感覺好寫意。 我地主攻下午茶精選: 💫田園野菌炆米：好夠味。米粉Q爽。個人認為可以再炆耐少少。分量超多，兩個人share 好夠食！💫古法馬拉糕：又鬆軟又有彈性，口感軟熟乾身。💫菘子素粉果：粉果皮煙韌， 蔥，菘子，花生，芹，芫茜各款餡料味道豐富。💫五福臨門點心拼盤🥢瑤柱鮮蝦菜苗餃：餃皮夠薄彈牙，饀料入味，菜苗翠綠新鮮。🥢燒賣啖啖肉無乜肥豬肉，肉質幾彈牙。🥢潮州粉果同菘子素粉果一樣，粉果皮煙韌，好足料，口感豐富。🥢兩款包都係的的式式，流沙包一撕開咇晒啲鹹蛋黃出嚟，鹹蛋味好濃；蠔皇腩叉叉燒包入面個叉燒係半肥瘦，唔會過乾或者得肥肉，蠔汁爆醬，食得好滿足。 💫街邊車仔腸粉：皮夠薄同滑，不過稍為淋咗啲。💫花生糖不甩：用咗薑糖水去煮個糯米團，味道唔會「死甜」，有淡淡嘅薑味，再加上椰絲同粗粒花生，口感軟糯有咬口。點心選擇同普通酒樓差不多，價格仲好親民，午市茶介$5/位，下午茶只收$3/位😱，另外下午茶有十幾款點心做特價即叫即蒸，，店員都好nice，行過不妨一試。