海灣茶居

營業中

休息中

同朋友經過見到有間新茶居決定去試吓，我哋大約5:30到達餐廳，店員安排卡位坐低。餐廳裝修新淨都幾靚，光線好充足亦坐得舒服，地板無笠癡癡。坐低睇餐牌，花多眼亂，因為呢度除咗飲茶，叫中式點心，晚市會有小菜，蒸魚，粥粉麵飯樣樣都有，仲有打邊爐添！今次第一次尼食，先試吓啲比較常見嘅菜式。因最近食到有啲滯關係，於是首先叫咗個瑤柱什菌咸雞砂鍋粥。啲粥好綿，雞肉似手絲雞肉，少少咸味無乜油，幾好;啲切片菇菌我估係炒過，好香濃菇味，啱我胃口。第二味就係金銀蒜蒸斑頭腩(配白飯):金銀蒜所指就係炸蒜加生蒜，斑頭腩就係龍躉，啲魚冇乜細骨，而且魚鱗刮得好乾淨(處理好有心機)，都算啖啖肉，粉絲鋪喺底，索晒啲魚汁撈飯一流。另外套餐加$28就有一款是日燉湯，今日係蟲草花燉雞湯，幾足料，除咗有一執蟲草花，一舊雞，仲有啲瘦肉同埋龍眼肉，飲落好甜，似係呀媽煲嘅湯。成餐飯嚟講，就係有少許偏鹹嘅住家飯感覺，食物有中上質素，二人埋單$194，性價比都算高，推薦大角嘴街坊得閑可以過嚟食下。

大角咀是我一向少有踏足的地方沒想到這一區有不少平民的美食店這次到訪深受街坊歡迎的聚腳店「飲茶」🫖小店有別於一般傳統酒樓裝潢以新式風格為主包括大理石紋餐枱及霓虹燈的掛牆裝飾🚦感覺更明亮及有質感💡🐖黑松露北菇燒賣皇罕有地加入黑松露🍄賣相更精緻✨另外豬肉肥瘦適中鎖實肉汁 口感不會太乾身🦐月滿晶瑩蝦餃皇蝦肉鮮味彈牙 整體晶瑩通透 十分飽滿🫔蒜香蝦春卷呈長條形比起傳統春卷餡料雖然較少但相對地更金黃香脆🐂古法鮮竹牛肉球口感爽彈 當中散發果皮香味加上馬蹄及莞荽碎使層次感昇華🐷蠔皇腩叉叉燒包面包鬆軟叉燒脂肪比例較多加上濃郁的醬汁整體味道香甜惹味🍯🥛大良薑汁雙皮奶口感綿密細滑奶香味突出但薑汁味道較弱

裝修有別於傳統酒樓嘅海灣茶居位於商場地舖位置~落地大玻璃顯得空間好寬敞，而且檯與檯之間有超過1.5m距離，環境舒適👏🏻更加唔會見到滾水淥腳嘅service👍🏻除咗日頭有點心食…夜晚都有㗎😀晚市仲有小菜套餐添呀💁🏻‍♀️<<金銀蒜蒸斑頭腩>>有八大嚿斑腩~有嗦晒味嘅粉絲墊底，包埋白飯同紅豆沙~都只係$88咋⚠️真係街坊價‼️唔使買，唔使洗，唔使煮，踢拖落樓就食得🫶🏻屋企都未必整到啲斑腩咁肉欣彈牙呀🙃勁欣賞佢嘅晚飯小菜套餐可以無限加購食品💁🏻‍♀️<<大良薑汁雙皮奶>>($10)💁🏻<<營健清灼生菜>>($25)💁🏻‍♂️<<是日燉湯>>($28)個湯真係要讚🤩超足料~~ 有大量蟲草花! 仲有雞件、瘦肉、龍眼肉等等! 滋補又清甜👍🏻以為叫一個小菜份量唔多，所以叫咗兩籠點心過吓口癮🤭🔸<<祖傳秘醬蒸鳳爪>>($25)皮骨鬆開，香腍入味，惹味到食完一隻又一隻😋🔹<<鮑魚北菇燒賣皇(2粒)>>($38)除咗粒鮑魚吸睛

今日去咗大角咀做嘢 所以放工之後就諗住同同同事喺大角咀食少少嘢再返屋企 我哋去咗大角咀嘅海灣茶居 我見到裏面都幾多選擇 有小菜有雞煲有酸菜魚仲有點心 有好多唔同種類可以滿足唔同人嘅需求 我真係好耐冇食雞煲啦 所以我哋就決定食雞煲 一齊食 叫咗一個中辣雞煲 食雞煲點小得Gas爐哩 一路食一路炒 好惹味 雞件嘅份量都好多 真係足半隻雞嘅份量 雞件都好入味 將佢嘅汁配白飯食真係一流 我哋另外仲叫咗一個手撕雞飯 手撕雞嘅份量都好多好白滑 我鍾意佢嗰麻香味 好惹味😍見到隔離檯個山竹牛肉球 忍唔住叫埋 真係好多選擇 來到熱辣辣真係同酒樓冇分別 好好食 牛肉球都大大粒 好滿足🤪其實我已經好飽 但係佢哋有好多唔同嘅加配套餐 所以我最後加咗$10叫咗一個双皮奶 上到嚟熱辣辣做最後嘅衝刺 真心推介大家試試甜品 有驚喜同埋真心抵食 睇下張單就知

平時返工都會經過大角咀呢間海灣茶居 ，餐廳環境寬敞，落地透明玻璃旁邊設有好多卡位，一邊嘆茶一邊欣賞下街景，比起傳統酒樓，多咗一份雅緻舒適，趁住放假約埋朋友去試下佢哋嘅下午茶。點心有好多款式，即製即蒸，全日免收加一，咁就可以嗌多幾個點心啦 。一人鴛鴦蒸飯鋪滿鮮蝦，魚肉的米飯，放喺鋪咗荷葉嘅蒸籠裏面，光睇賣相已經好吸引呀， 蝦，魚肉都好鮮甜，配合埋飯食一流 。潮州粉果晶瑩嘅粉皮包住好多馬蹄，肉碎，食落好清新。煎釀茄子茄子新鮮炸起，圓潤、飽滿、有光澤，沾上豉汁， 好惹味。 牛肉燒賣牛肉好鮮嫩，咬落仲好彈牙，比起酒樓嘅牛肉球好食得多。鮮竹卷熱辣辣腐皮包住豐富嘅餡料，味道鮮甜。最後仲嗌咗我最鍾意食嘅雙皮奶，桂花糕，糖不甩，可能係因為即叫即蒸嘅關係啦， 所有甜品都好好食， 糖不甩仲超彈牙。

估唔到夜晚都可以去飲個茶、嘆下點心😎😎😎😝😝話說有日我夜晚收工，老公神神秘秘話同我去食好嘢～原來就係去海灣茶居飲茶一入到去，感覺環境舒適，比起傳統茶樓多一分現代感，返咗全日工嘅壓力係入到去茶居嗰刻，都抒發咗唔少～而餐牌上有傳統點心，又有新式創意點心，更有一啲小菜客飯去食～而最抵食嘅係餐牌上嘅價錢明碼實價，免收加一。而茶位亦只需五蚊一位，十分公道。收咗工未食飯，於是老公話事，嗌咗一套客飯（蒜蒸斑頭腩）,配上白飯和綠豆沙。綠豆沙雖然細細碗，但都飲得到啖啖心機，煲到起哂沙，仲有濃郁的香草味，媲美街邊$30-40糖水而蒜蒸斑頭腩肉質彈牙，斑頭腩件件都好大件，大概有6-7件。而底下仲有索滿湯汁精華嘅粉絲～好好食呀！跟住我哋都仲係唔夠飽，於是嗌咗馬拉糕同流沙奶黃包兩籠點心馬拉糕一上枱熱辣辣，撕開仲有綿密蜂巢形狀，食落口軟綿綿，味道微甜至於奶黃包飽滿有彈性，撕開就有一股暖流好似岩漿流出來，香滑奶黃流心湧入口中，的確係人間美味。而最後我始終都忍唔住嗌多個甜品--雙皮奶（只需要$10咋！！）估唔到都有個小小嘅梛盅裝住（本身諗住得一隻細碗仔！），真係超驚喜！雙皮奶滑嘟嘟，仲會震騰騰～食落口有少少梛香，多多

嚟到大角咀嘅港灣豪庭搵食，商場唔算大。喺街鋪搵到間叫海灣茶居嘅點心店，下午茶時段啲點心平均都係十幾二十蚊 ，決定試吓有冇伏。◻️港灣柴魚魚肚粥口感綿滑，一路食會食到柴魚同魚肚，但魚肚唔算好多，但呢個價錢嚟講食完有飽肚嘅感覺，唔錯。◻️黑松露北菇燒賣皇(2粒)月滿晶瑩蝦餃皇(2粒)因為我平時都唔食茶樓嘅蝦餃燒賣，但朋友好想食，所以每樣點左兩粒，睇得出呢度嘅選擇好彈性，蝦餃皮薄餡靚，燒賣加埋黑松露都幾特別。◻️櫻花蝦蘿蔔絲酥全餐飯最滿意嘅點心，嚟到嘅時候溫度微暖，蘿蔔絲刨得好幼，好鬆脆😋◻️香煎蘿蔔糕蘿蔔糕煎得幾香脆，口感唔鬆散，$18/3件性價比極高！◻️車仔腸粉大大碟腸粉都係$15，四種醬汁任君選擇，配埋柴魚粥食其實幾抵同清淡。◻️大良薑汁雙皮奶10幾蚊碗性價比好高，但面頭冇預期中嗰層奶皮，味道唔錯，呢個價錢嚟講收貨！整體嚟講呢間點心店都真係好抵食，環境比較幽靜，適合同朋友飲茶慢慢吹水。

絕味口水醬手撕雞腸粉($38): 呢個一定係必點之選，腸粉夠滑，配上特製嘅口水雞醬汁真係好出色，麻辣開胃！黑松露北菇燒賣皇($18): 燒賣啖啖肉，又唔會有肥豬肉，再加小小黑松露點綴更加香。月滿晶瑩蝦餃皇($18): 蝦餃多汁飽滿，皮薄餡靚，蝦肉足料。宮廷流沙包($23): 一咬開已經有滿滿嘅流沙餡流出，奶黃鹹鹹香香，超好味！黃金鹹水角($18): 原本以為係芝麻餡，點知原來係流沙奶黃餡，煎堆亦都炸得夠脆軟！大良薑汁雙皮奶($16): 雙皮奶夠滑，呢個價錢真係出面食唔到！花生椰香糖不甩($20): 用薑汁煮嘅糯米團，咬口軟彈，再加椰絲同花生粒好有口感。個入認為呢間茶居真係好出色，環境寬躺，最重要係物超所值，點心足料，絕對可以再戰！

同老公行經大角嘴，係港灣豪庭商場入面，有間裝修幾modern 嘅茶居😊香港人就最鐘意一蛊兩件🤩於是就決定食呢間。 茶葉有普洱同鐵觀音，雖然茶款選擇唔多，但睇返點心紙，先$5/位茶錢，仲要免加一🤩比起一般酒樓，已經平好多倍👍🏻抵飲食物選擇好豐富，價錢亦唔貴。我哋叫左以下點心：個人推薦：黑松露燒賣，仲可以擇2或4粒，岩曬眼闊肚窄嘅朋友👍🏻燒賣大大粒，肉質juicy ！真係皮薄餡靚粟子鮮奶燉椰皇：好香好滑🤩岩曬冬天，由燉奶到椰肉都好絲滑🤩👍🏻蘿蔔絲酥：呢個真係必須要食👍🏻因為真係好酥化，酥到大力少少夾就散，配合埋香軟蘿蔔絲內餡，真係食幾多碟都唔夠。其他點心都好出色🤩炸嘢夠香脆，蒸點夠熱夠滑👍🏻埋單人均唔洗$100 ，好抵食

今日實在太凍啦！放假除咗匿系被竇，我系邊到都唔會去㗎！「咁落唔落海灣茶居飲茶吖？」媽媽問😌「落！落吖！依家換衫！」我答🥰唔系我為食吖！咁長輩想飲茶，我咁孝順，一定要陪佢去飲茶既☺️呢間海灣茶居係港灣豪庭廣場入面，新開無耐，所以環境都特別新淨，又免收加一，連茶錢都系5蚊位咋🥳五福臨門點心拼盤有燒賣、蝦餃、鮮蝦菜苗餃、馬拉糕同叉燒包，一次滿足五個願望🥳粒燒賣好彈牙，帶少少松露味；蝦餃同鮮蝦菜苗餃都超飽滿，白裡透「蝦」🦐；馬拉糕鬆軟；個叉包一摵開，啲叉燒多餡到流晒出黎，立即聞到陣陣叉燒香味，又熱辣辣😳腩叉叉燒包熱辣辣既叉燒包，每次黎呢到都一定會叫，佢真係整得好好食🥰潮州粉果呢個係我媽媽最愛，佢每次都點，話「好Fresh，好似去咗大自然咁🤗」我：大自然😦 咁誇？不過係好食既🥰流沙煎堆外皮撒上芝麻，再加上金黃色既奶黃內餡。外脆內軟，我都忍唔住台妹上身「咦，巧QQ夜😚」蠔皇腩叉腸腸粉順滑又彈牙，叉燒肥瘦均勻，醬油味道甜甜哋又唔會好鹹☺️ 成件事好match乾蒸牛肉燒賣牛肉好新鮮，完全冇腥味。雖然乾蒸，但一啲都唔乾😮口感仲入口即化，必食😋糯米雞超級大隻吖，我睇返menu，寫住足4兩，唔怪得咁大隻😳 荷葉

是日晚餐時間滿座，有啲食點心，有啲食小菜，有啲打邊爐，非常熱鬧。收銀處有隻招財貓霓虹燈，感覺真的幫到餐廳招財呢～蒜香蝦春卷 $35有3條，春卷外殼脆皮，內餡蝦滑口感嫩滑，好香口，沾喼汁食更美味。月滿晶瑩蝦餃皇 $36有4粒，蝦餃超大粒，皮薄餡靚，蝦肉彈牙。黑松露北菇燒賣皇 $36有4粒，燒賣上見到有黑松露，內裡有北菇和豬肉，口感很好。熱情果醬蝦球 $88有6個，係凍食既小菜。啡色脆卜卜杯形外殼，裝住沾滿熱情果沙律醬既蝦球。帶有酸甜味，蝦球彈牙，多重口感，係一款新穎有趣獨特菜式。紅豆沙真係起晒沙，超正，我勁鐘意，仲有好香果皮味，非常好，必定要食！

黎開大角咀做嘢但係又想飲茶 發現到#海灣茶居 啱啱新開張 座位有好闊落最重要係佢冇加一收費 茶位都係$5 抵到喊😍😍晚市小菜套餐羊腩煲（小） $98🐏配白飯及香草紅豆沙 冬天一定要食返個羊腩煲暖身😍 羊腩煲嘅調味啱啱好 羊腩炆得好軟淋 羊肉味唔錯腐竹唔會炆到好爛咁 馬蹄好入味齋用羊腩汁撈飯都好好味😋香草紅豆沙🍧陳皮味濃郁又食到香草味 平時好驚食紅豆沙係因為好甜咁岩呢到唔太甜 估唔到送嘅糖水都煲得咁有水準👍🏻👍🏻蒜蓉蒸蝦籠仔飯 $68🦐一上到枱香噴噴 好香嘅蒜蓉味加埋啲豉油淋落去 撈飯真係一流😌奶黃流沙包 $23 🍞熱辣辣嘅流沙包係蒸籠入面 好正😋食落去包包好軟食 咬落去啲奶黃真係流出來好耐冇試過真正嘅流沙包 之前食過好多都唔會流沙❤️

剛剛係附近探朋友，傾傾吓有啲肚餓，佢就帶我黎試下海灣茶居。大角咀黎講，真係性價比很高，食物好味，環境又舒服，寬敞闊落，好岩同朋友傾傾👍🏻剛巧下午茶時段，就更加優惠🎊我哋兩個人，叫咗好多野食，有甜有咸，滿足到胃食既我😋👍🏻點心拼盤 $38有一個流沙奶皇包，一件蝦餃，一件燒賣，一件潮州粉果，一件菜苗餃。全部都好味，大大件👍🏻菜心$20翠綠爽甜，大大條，又無渣👍🏻糖不甩 $12有少少薑汁味，配埋椰絲一齊食，好有童年回憶的味道👍🏻椰汁燉椰皇 $25椰汁味好清，個燉蛋都好滑，唔會好重奶味，非常啱我👍🏻蒸牛肚味道亦都唔會好重，牛肚好腍👍🏻上湯鮮竹卷 $20好鍾意呢個鮮竹卷，因為味道清清地，唔會好多醬汁👍🏻乾蒸牛肉燒賣好重牛肉同陳皮味，味道特出，配埋喼汁一齊食，就更正服務員亦都非常細心，經常留意到你枱面的情況，幫忙收拾枱面，讓你坐得好舒服👏🏻

今日在大角咀港灣豪庭行街搵食時，見到一間點心店，講明點心現場製作，茶錢$5位，全日免收加一，還有精選下午茶優惠，無理由唔入去啦。結果我們叫了滿枱點心，都只是兩百元，還有隻糯米雞食唔曬要打包。其中有幾款點心特別推薦：流沙煎堆仔 ~ 外脆內軟，入面的蛋黃流沙餡滾熱辣，小心燙嘴。（$18）福臨門拼盤 ~ 蝦餃、燒賣、潮洲粉果、鮮蝦菜苗餃和叉燒包各一件，只是$38，超抵。栗子鮮奶燉椰皇 ~ 質素媲美正宗甜品店，又香又滑。（$25）餐廳光猛闊落，價錢實貴，三點半至五點更免茶錢呢。

近年越來越多精緻點心舖 五花八門 咁啱係屋企附近開左間茶居 主打食籠仔飯同新式點心 店舖有好多用霓虹燈🟠🟡🟢整成嘅點心裝飾 環境乾淨寛落👍🏻黑松露北菇燒賣王 ($36/4粒)店舖除咗傳統點心之外都有一啲新款嘅點心 燒賣一上枱就有好香嘅黑松露味 咬落唔會有好多肥豬肉 係一個健康版嘅燒賣王一人籠仔蒜香斑片蒸飯🐟🍚 ($88)呢個係我期待已久嘅籠仔飯 出面餐廳好多時都係大籠 一個人真係好難可以食得到 而餐廳就提供自私一人食 斑片配上大量嘅金黃色的蒜頭 可以辟除鱼嘅腥味 斑片好滑身 完全冇骨啖啖肉 瑤柱肉碎蒸水蛋🍳 ($68)原本仲以為呢個蒸蛋細細碟 點知上枱嘅時候份量真係俾佢嚇親😳 蛋嘅熟度剛剛好 內裏有大量嘅瑤柱說 而且呢個套餐好鬼抵 除咗配上白飯之外仲送上一碗暖粒粒嘅綠豆沙 啱晒而家呢個天氣食😋