海灣茶居

營業中

休息中

海灣茶居有d似點心專門店， 有唔少特色點心。 又可以叫小菜， 連打邊爐都有， 算係幾多元化既一間餐廳呢到環境算幾好， 望落幾乾淨企理。側邊有卡位， 枱與枱之間都有d 空間，唔會太逼我地兩個人食， 見佢既小菜晚餐款式都幾多，叫小菜系列仲包埋糖水四川老壇酸菜魚($88)魚好滑， 火喉煮得剛剛好。 師博既走油功力令到舊魚片超滑，近乎唔洗咬都可以吞落肚個底仲有娃娃菜， 豆芽，豆卜，薯粉做配料， 加埋碗飯同綠豆沙， 真係超滿足綠豆沙煮得好綿， 入面既香草味完全混和晒係綠豆沙到， 香得黎好濃郁既口感， 同埋唔會好甜清灼生菜($25)另外加錢點既， 有菜食先健康嘛一人籠仔蒜香班片蒸飯($88)勁多蒜混左係飯入面， 蒜粒唔係放係飯面就算， 係完全混和晒飯到， 每啖飯都食到勁香蒜味。班片係滑既，同酸菜魚既魚唔同，呢個班片魚味更香濃 叫呢個蒸飯都等左幾個字， 趕時間既朋友可以考慮叫其他。另外叫左個瑤柱鮮蝦菜苗餃($28), 皮滑唔癡口， 餃入面蝦同菜既比例都適中， 味道唔錯， 唔會好濃味

好鍾意食一盅兩件 近年愈嚟愈多飲茶嘅茶居裝潢都好靚依間係大角咀嘅海灣茶居 就有好多霓虹燈裝置 有心思到連茶壺都靚啲 啱晒打卡蝦餃同燒賣係飲茶必食之選依到嘅月滿晶瑩蝦餃皇同黑松露北菇燒賣皇都可以嗌兩粒一籠 咁就可以嗌多啲唔同款蘿蔔絲酥 唔係到到都有得食依到嘅櫻花蝦蘿蔔絲酥 蘿蔔絲好甜 個酥又好鬆脆 好食到想encore 除咗點心 仲有午市套餐 嗌咗一人籠仔蒜香石斑片蒸飯加養生燉湯個蒸飯一上檯啲香味湧晒出嚟 份量都唔少 兩個人食都可以燉湯 熱辣辣 好足料 飲完即刻暖笠笠

我超級懷念在酒樓食到嘅蘿蔔千絲酥！ 超級好食😋！ 難得見到呢間有🥰 非常酥脆💕 酥皮層次明顯，新鮮製作，外焦內軟，酥鬆鮮香。蘿蔔絲酥以白蘿蔔做餡，加入少少香料調味， 勾勒出蘿蔔絲清甜~令人一口接一口！！經典雙皮奶，🤩是把牛奶放進碗中慢慢燉滾凝結，小碗內的雙皮奶味道好似蛋白燉奶，奶凍香滑，而且甜而不膩。💗好香，奶味都好重。到酒樓飲茶，豉汁蒸鳳爪是必叫嘅點心。經高溫油炸，鳳爪脹身飽滿，🥢皮骨鬆開，所以吃起來就特別腍滑鬆軟。

📍海灣茶居大角咀福利街8號港灣豪庭廣場地下G05號舖 🦔⸒⸒柴魚粥配豉油皇炒麵 $48呢個係下午茶餐嚟～ $48好抵食！柴魚粥食落去鹹香十足 有唔少配料增添口感😋豉油王炒麵都好大兜！炒麵吵到好乾身🥰 好好味！雙皮奶 +$10雙皮奶食落去口感好滑 再配淡淡嘅薑汁味 正😚糖不甩 +$10糖不甩食落去煙韌 有椰絲同埋花生碎增添口感福臨門拼盤 $38一共有五款點心🥧 啱晒選擇困難症嘅人🤣有叉燒包、馬拉糕、蝦餃、燒賣同粉果各一件😛最愛叉燒包 包體鬆軟 中間仲有唔少叉燒餡鮮竹卷 $20鮮竹卷湯底濃郁 食落口感豐富 臘味蘿蔔糕 $19蘿蔔糕係蒸嘅 食落去相對比較健康中間仲有唔少蘿蔔絲同臘味粒😆陳皮牛肉腸 $23一共有三條 中間夾住一啲牛肉碎食落去只有少少陳皮味 腸粉皮厚薄適中😆香芒布甸（凍） $20食落去芒果味香 口感好滑

其實晚上有點心食已經好好, 可惜既係晚上都有好多點心係叫唔到例如腸粉同粥同部分點心都有寫明晚市不供應.金錢肚係我覺得點心必點既點心. 一般醬汁味道都十分濃烈, 無咩大問題.口感方面有小小硬. 可能係蒸時間不夠長. 份量正常沒有問題.小籠包, 點心小籠包唔係間間都好食. 呢間都算唔錯, 主要湯汁夠, 肉都夠大件, 同埋夠熱, 皮厚度正常不易穿. 點心店黎講算係唔錯.春卷比較特色 , 入面既蝦肉有成條咁長, 落足料.外皮夠脆, cp 值夠高.姜汁雙皮奶, 有小小似豆腐花, 食落口感偏向結左既奶多d份量唔算多, 唔會太飽肚 , 冬天叫來暖暖胃唔錯.整體唔貴 人頭費100/head左右抵食!

本身以為會同平時飲茶一樣，只係得點心,點心同點心。入到去見到周圍既座位都擺放好有心思，牆身亦都有好多同點心有關既設計，除左善用空間，將玻璃窗旁邊既位置設有4人卡座，中間大廳位置都設有圓檯供一家大細既家庭。茶居都好多元化種類的美食，自選生滾粥，粥底$30，可自選1項或以上的配料，有鮮牛肉﹑鹹雞件﹑手打豬肉丸都係加$13，新鮮斑片加$28，皮蛋﹑菜苗﹑什菌加$9。養生燉湯都有4款，是日燉湯$38﹑淮山螺頭燉瘦肉湯$48﹑五指毛桃燉赤肉湯$68﹑花膠燉赤肉湯$78。燉湯非常入味﹑湯料十足。風味小食有爽口海蜇燻蹄(例)$68，餐前小食都係一個開胃菜。甜品都有好多選擇，都係中式為主，花生椰香糖不甩就係其中一款，花生同椰絲比例恰到好處，不會太甜。

呢間位於大角咀港灣豪庭商場地下位置既茶店,環境超闊落,夜晚就係食火鍋既,全日都供應點心,所有點心都係即叫即蒸,我地坐低左之後就叫左一個午餐,午餐選左柴魚花生豬骨粥配豉油王炒麵,再加多$38就可以有一盅好正既淮山瘦肉湯,湯味濃郁熱辣辣,入面仲有好多材料,養生之選,仲有叫左一碟黑松露燒賣,燒賣彈牙圓潤,牛肉球牛肉味十足,仲有小編推介必食蒸既瑤柱蒸蘿蔔糕超軟綿,蘿蔔味好香,口感超軟,芝麻糕都好香濃芝麻味捲成條狀啖啖黑芝麻香,即炸流沙煎堆圓碌碌,入面一咬落去就有咸蛋黃既流沙涵料,外層好香脆。

早幾日大角咀探完朋友…朋友話樓下開左間新既點心餐廳。最鍾意呢種點心舖…唔使限時限刻都有點心食4點幾到啱啱好下午餐時間…姐姐推介下午餐特價既叉燒包…我地仲點左好多野…牛肚 …鳳爪…蝦餃…燒賣…豬腸粉…山竹牛肉…煎蛋牛肉飯所有野黎到都出哂煙熱辣辣👍🏻…蝦餃燒賣仲有兩粒點…咁就可以點多幾款點心呢度蝦餃皮薄餡靚…好多蝦😍😍個煎蛋牛肉飯份量好慷慨…個豉油調得好好味…撈飯味道提升好多其他點心都唔錯…呢度所有野食都唔會好肥膩…又唔會好鹹…比出面好多點心舖健康…而且點心定價合理！大家去開大角咀又想食點心的話…呢度係一個唔錯既選擇

歎翻一盅兩件竟然唔使加一服務費？茶錢都只係$5/位，超級抵呀‼️呢度嘅座位同裝修好新式，卡位幾舒服，店員態度都好好呀💕煎封倉魚 $70皮煎得好脆。嫩肉夾埋豉油食唔錯呀🤩飯都餸到幾碗呀。綠豆沙套餐仲送埋甜品，抵💟雙皮奶+$10套餐可加少少錢有唔同嘅side dish同甜品。仲要唔限一個餐加一個，夠哂自由度。蝦餃(4粒) $36蘿蔔絲酥 $38小籠包 $30夜晚都仲有點心食🌸食物中上水準，全部熱辣辣😍好正。

竟然比我喺大角咀發現有一間好抵食既新式茶樓！😻地方新、乾淨，用大落地玻璃，好光亮😀望到街景。兩個人食到咁飽都係人均一百蚊左右！佢連煲仔飯餐都只係$48！我叫咗鳳爪排骨煲仔飯😝 好熱而且有飯焦🥳 幾驚咁平會唔好食但係完全相反！好食而且啲料都好多👏🏻什菌無骨鹹雞粥+豉油王炒麵=$48呢個又係超級抵！唔好以為兩樣嘢都會好細，真係好大碟😋 個粥煲到好綿綿，好香雞味🤭餐廳好細心燒賣蝦餃都有得揀兩粒😀 好適合拍拖嚟食，又唔會太飽，又可以食到好多種類

Shrimp spring rolls 🍤 蒜香蝦春卷 $38蒜香蝦春卷好精緻，一式三條，即叫即炸好香脆，仲有淡淡蒜蓉香🧄Steamed egg white with milk in coconut shell栗子鮮奶燉椰皇 🍳🥥 $25雖然望落去椰皇燉鮮奶冇超級滑脫脫，但係食落去都可以，而且有香濃嘅椰汁味🌴Steamed turnip cake 🥕 瑤柱臘味蒸蘿蔔糕 $25瑤柱蒸蘿蔔糕好健康，份量好多好大嚿，價錢相宜，性價比高👍🏻Cantonese sponge cake 🍰 古法馬拉糕 $23Barbecued pork bun 🥯 蠔皇腩叉叉燒包 $25 Dumplings with juicy scallops 瑤柱蒸湯餃🥟 $23 啡色嘅馬拉糕有香濃嘅黑糖味，鬆軟又香，值得推介😋，叉燒包熱辣辣，唔會太甜都唔錯Dried stock fish congee 🐟 魚肚茶魚粥 $23呢個魚肚柴魚粥入面有大量花生🥜、魚乾同魚肚，粥煮到好綿密，大大碗好飽肚啊！

之前嚟食過，覺得呢間餐廳嘅性價比幾高高，呢日同朋友嚟開附近，再試吓佢其他小菜先Order 咗一份”晚市小菜套餐”，一款”精美小菜”，再以跟餐優惠價加購咗”是日燉湯” 同 “大排檔煎釀茄子”結果2個人share 1⃣️湯1⃣️點心2⃣️小菜1⃣️甜品晚市小菜套餐🔸古法支竹羊腩煲 配白飯及香草綠豆沙開始秋涼，見到有羊腩煲，即刻叫番個試吓先上枱時發覺個煲唔夠熱，店員即時補番個gas 爐，一路煲住一路食，熱辣辣當堂好味哂～ 一人份量都有幾多件羊腩，冬菇夠哂入味，如果支竹可以再淋啲會更佳跟餐嘅“香草綠豆沙”水準保持～依舊係好’沙’嘅呢～香草味濃郁，又唔太甜精美小菜🔸 芥蘭炒臘味呢個係因為朋友想食多啲菜而order嘅正正常常🔸是日燉湯諗住叫個燉湯暖暖胃，估唔到又幾足料同夠火候啵～🔸大排檔煎釀茄子呢個跟套餐追加嘅item香口好味呢次回頭，用膳感覺仍然良好，再次證明呢到係一間值得推介嘅街坊食堂

約左老人家食晚飯 佢又想食點心 又想食小菜所以搵左呢間滿足到佢兩個願望既試下 呢到唔只 點心、小菜、 連打邊爐、酸菜魚都有 唔洗驚揀唔落手點心 全部黎到熱辣辣 即叫即蒸 黑松露北菇燒賣皇(4粒)大大粒 因為有黑松露 所以幾香 食落啖啖肉 不錯 月滿晶瑩蝦餃皇(4粒）都係好大粒 食落好爽口 皮既厚度適中 宮庭流沙包 打開仲係流心 流心蓉都幾濃 幾好鮮蝦柚子雲吞棧出面未見過 外面脆卜卜 上面有蝦 下面原來係沙律醬撈柚子 食落唔單調 有柚子refresh 下 推薦 呢到既小菜有跟白飯同糖水 叫左金銀蛋浸時菜 份量都多 佢連個湯都幾好飲 撈飯一流最後上埋綠豆沙 唔錯 煲到起沙 又唔會太甜 屋企人食到好滿足呀

位於大角咀嘅 海灣茶居 有落地大玻璃，又有卡位，坐得舒適，可以望下街景，點心又夠空間放，好適合慢慢歎茶🫖。當日我地揀啱下午茶時間入座，部分點心設有🈹優惠，更加抵食😎🔸黑松露北菇燒賣皇最愛燒賣💕呢度嘅燒賣加入矜貴嘅黑松露， 餡料亦無肥豬肉，味道唔錯。而且可以揀兩粒或者四粒，夠彈性。🔹腩叉叉燒包腩叉醬汁比平常嘅叉燒包醬更香更惹味，必點😆🔸瑤柱蒸湯餃除咗瑤柱，湯餃入面重有木耳同粟米，爽口味甜✨🔹栗子鮮奶燉椰皇椰皇好香又入味，鮮奶滑滑嘅，好滋味😋當日重食咗月滿晶瑩蝦餃皇、香芹上湯鮮竹卷、瑤柱臘味蒸蘿蔔糕同埋花生糖不甩，咸點甜點都有，好滿足💕

最近大角咀開咗間新嘅茶居😎點心種類夠多，而且全日供應😛當然亦有小菜可以選擇🥳最正係無加一服務費🤩茶芥每位都只係$5😎五福臨門點心拼盤😜$38五款配搭，每款一件😙有蝦餃、燒賣、粉果、叉燒包同馬拉糕🤗燒賣仲有黑松露響表面添😏瑤柱蒸湯餃🥟$23 湯底好清甜，湯餃夠大件😛餡料豐富，味道唔錯，感覺清新👍香芹上湯鮮竹卷😙$20鮮竹卷包著飽滿多汁嘅肉餡😙食落層次感十足，味道清甜鮮味😋月滿晶瑩蝦餃皇(2粒)🦐$18蝦餃皮薄通透，蝦肉肉質爽滑彈牙😛乾蒸牛肉燒賣🐮$18牛肉燒賣味道同口感跟牛肉球都幾似😋加埋喼汁一齊食，特別惹味😌腩叉餐包(2隻)🤓$18鬆軟嘅餐包，配上香甜嘅叉燒餡😍如果入面啲叉燒再多啲就更正😚碧綠潮州粉果😛$16我至愛嘅潮州粉果😘粉果呈現半透明狀態🤓入口煙韌，皮滑彈牙，餡靚可口🤩街邊車仔腸粉😚$15腸粉軟嫩滑溜，份量都幾多🤤花生糖不甩☺️$12好耐冇食過，估唔到呢度有得食😍糖不甩口感軟糯，薑汁味比較重😜香草綠豆沙😉$12綠豆沙起晒沙，絕對係真材實料😙仲要有好多綠豆蓉喺𥚃面😋海灣茶居 (大角咀)大角咀福利街8號港灣豪庭廣場地下G05號舖