海灣茶居

營業中

休息中

大角嘴 海灣茶居 朋友住在港灣豪庭，知道我喜歡周圍試小店點心，告知我豪庭廣場有間餐廳晚市仍然有點心供應。而且全日免收加一。今日放假，便專誠去試一下。餐廳向街那邊全是落地玻璃窗，引入柔和天然光線，很舒服。座位夠闊落，兩個人安排入座於卡位。此店不是傳統酒樓，是一間裝修雅致的點心店。一般來說，點心店如果只收幾蚊一位茶錢，都是沒有茶葉可供選擇，而且也不能對茶抱有希望，但海灣茶居雖然只收$5茶位，卻有兩款茶葉給你選擇，加分！我選了鐵觀音，茶葉質素也不錯。因為當天到的時候已經是黃昏，所以打算當成是early dinner。叫了蝦餃（$38/4粒）燒賣（$38/4粒）之外，就叫了一個酸菜魚晚餐（$88），每款小菜套餐都配有一碗白飯和一碗綠豆沙，但是綠豆沙已經沒有供應，改成是紅豆沙。如果叫了小菜套餐，是可以用優惠價無限添加多種食物，包括甜品和燉湯等等。所以我另外再用加配價點了兩個甜品：薑汁雙皮奶（$10）和椰汁桂花糕（$12）。蝦餃燒賣水準都很高，蝦餃餡料很大粒，皮也不厚。燒賣內有冬菇和蝦仁，調味都很適中，而且很彈牙。酸菜魚迎合香港人口味，不是太酸太濃味的，配上白飯造成酸菜魚湯飯也不錯。甜品幾款，甜度

屋企附近，幾個月前開咗間新嘅茶樓，有別於一般茶樓，海灣茶居空間感寬闊🤗，設有梳化位🛋，而且有一邊梳化位全是落地大玻璃🪟，感覺更加開揚光猛☀️。晚市📔除咗有套餐、小菜、打邊爐外，竟然仲可叫點心，不過就唔可整返個1️⃣盅2️⃣件啦，因為原盅蒸飯，晚市係暫停供應嘅，除咗蛊飯，晚市同樣唔提供腸粉，生滚粥等，大家可能要留意下啦😆。我地今次叫咗個小菜套餐和幾款點心試下。晚市小菜套餐：胡椒豬肚湯(例)跟白飯跟紅/綠豆沙 $88豬肚湯🐖係成煲上嘅，裡面好足料🫢，包括有勁多嘅豬肚🐖、雞件🐓、酸菜、紅棗和杞子。湯底呈奶白色有陣陣嘅胡椒🧂香味，味道酸中帶鮮，撈湯送飯🍚一流😋。桂花椰汁糕(跟套餐) +$12一碟有三件，上層桂花糕下層椰汁糕🥥為一件，賣相幾靚。唔單止睇得味道都好，桂花味香清甜，椰汁味🥥香濃🥰。紅豆沙(跟套餐)紅豆煲到起曬沙🫘，有豆香味，稀杰度啱啱好又唔太甜，好食😋。月滿晶瑩蝦餃皇(4粒) $36蝦餃🦐皮薄餡靚，蝦肉彈牙，味道鮮甜😋，大大粒好有口感😍。黑松露北菇燒賣皇(4粒) $36燒賣嘅蝦肉🦐同豬肉🐖嘅比例啱啱好🤗，加埋黑松露同北菇🍄，令到香味更加提升，味道更濃🥰。古法馬拉糕 $20馬拉糕非常鬆

Ooo新派點心專門店ooO港灣豪庭廣場地下既「海灣茶居」是新式的點心專門店，與一般傳統的酒樓不同，小店的坐位有卡座，與檯之間亦有很寬敞的空間🥹，環境舒適。餐廳點心是即叫即蒸，保證食品質量👍🏻。OooooO✨瑤柱鮮蝦菜苗餃 $30皮薄餡靚，蝦肉爽口，味道剛好🌟OooooO✨黑松露北菇燒賣皇 $38滿滿的蝦肉，燒賣加入黑松露即叫即蒸，新鮮趁熱食OooooO✨蒜香蝦春卷 $38春卷香脆，剛炸起但唔會太油春卷餡的蝦肉非常爽口😃蒜香味的春卷沾喼汁更惹味OooooO✨白灼菜心 $25份內大大碟，白灼唔油膩飲茶有偏好會點菜食🥬OooooO✨活拆鮮蝦滑腸粉 $33腸粉皮厚薄剛好，鮮蝦🦐爽口連腸粉的甜醬油都唔錯OooooO👍🏻腩叉酥 $30香酥外層夾了腩叉帶甜甜的蜜汁味🐖

今日走咗落去大角咀望望D電單車零件，睇吓又有D咩啱用零件，未睇完女友小熊已經嗌肚餓! 之後一路睇... 一路𠵱𠵱哦哦....."隻迫力有咩特別啫!你用緊果個咪好地地....""新尾燈靚咩? 咪又係紅色燈....."下刪一億字...... 攪到矛心情睇，轉移視線去食飯!食咩好呢? 眼前最近係海灣茶居! 為咗回避D噪音，即刻沖入去幫襯. 打開份 Menu 即刻被 "魚翅花膠撈黃金飯" 吸引，小熊點咗沙薑雞例牌，為免唔夠食，再點多三籠點心，有蝦餃，金錢牛肚同牛肉球.睇嚟海灣茶居好重視茶藝，不單只店名叫茶居，Menu 又特別介紹講解吓茶葉，連個茶壺都好別緻.沙薑雞雞肉豐富唔係D無肉瘦雞，沙薑汁令雞肉惹味提升不少.原以為是日係一餐平平無奇普通不過無甚驚喜嘅晚餐，戲肉依家先上影.... 突然間後面侍應一聲 "唔該讓D位俾我!" 我仲心諗 "枱面咁大唔夠位嗎? 我叫D都係碟頭飯之嘛？枱面好多位喎？" 轉頭一睇，嚇一跳! 成個人頭咁大碗魚翅撈飯放上枱!!! "吓!!! 唔係嘛!!! 咁巨型咁大碗!!!" 心中暗罵之餘更多更大感覺就係震撼! 咁大碗魚翅撈飯簡直殺死人! 唔打得都睇得夠哂台型! 氣勢嬴哂

我媽好鍾意飲茶🫖，所以我成日同佢周圍飲，今日來到大角咀廣灣豪庭廣場呢間茶居試吓，我地1430來到，全場full晒👍🏻犀利。呢到裝修得好舒適，落地玻璃透到少少光入嚟好精神，佢地除左有傳統嘅普洱同水仙之外，重有幾款升級茶選❤️我地揀左🌹瑰荔堂煌茶試下，淡淡嘅玫瑰花同荔枝味，入口清新～呢到啲點心全部都好抵食又好味😋重要即叫即蒸，上枱全部熱辣辣，正👍🏻我同媽咪叫左幾款點心，潮州粉果，個皮厚薄適中，入口煙靭👍🏻超足料，蝦餃大大粒皮薄，勁多蝦入口彈牙，北菇棉花雞，啲雞好滑，必食推介☞︎ 手撕雞腸粉😋腸粉同啲雞都超滑，雞上面有芝麻同花生，有少少辣汁，全部撈埋一齊食😋正到暈❤️，白灼生菜我媽飲茶每次都要叫碟菜食😄好健康，臨尾我地重整返碗紅豆沙滋潤下，紅豆沙煲到爛晒超正，又唔太甜。門口出面個廣告燈片重寫住憑當日的士收據消費滿$500，可獲即時全單$50折扣。呢到重要全日免收加一，真心好抵食👍🏻大家快啲來試吓啦。

同朋友行開大角咀個邊，好鐘意食點心嘅我，一見到人氣推介嘅茶居，即刻入黎試下😋餐廳寬敞，坐得好舒服👍🏼除左一盅兩件，仲有籠仔、砂鍋粥同燉湯，好吸引😍，不過今次下午茶就試左點心先鳳爪排骨飯，飯粒分明香口，排骨爽滑👍🏼香麻流沙煎堆仔，一啖咬落去啖啖流沙，必食推介🤩最愛之選黑糖蜂巢糕，超級香濃好味，煙煙韌韌😚黑松露北菇燒賣同蝦餃皇，係食點心皇牌，每次飲茶都一定有🤗皮薄餡靚，粒粒大蝦，燒賣仲有一陣黑松露味。最鍾意佢可以一盅兩件，一人一件，又可以試多啲其他款當然食點心就唔少得鳳爪、腸粉啦，仲有大良雙皮奶，兩個人食咁多，真係好滿足整體黎講，好味而且性價比，仲要免收加一呀😆

之前同老婆經過港灣豪庭行街食飯，見到有間海灣茶居於是去試吓，估唔到點心同小菜都咁好食瑤柱鮮蝦豆苗餃，好飽滿又晶瑩剔透，鮮蝦都幾爽口，配搭瑤柱同豆苗都幾好味古法鮮竹牛肉球，軟嫩嘅肉質口感，由微酸嘅喼汁帶出牛肉嘅味道，不錯～古法馬拉糕，非常鬆軟，香甜可口，一定要趁熱辣辣嘅時候食 👍🏻重慶麻辣雞煲，一拎出嚟就已經聞到好香，雞肉鮮嫩，辣度亦都恰到好處，非常惹味！👏🏻下次再試埋其他點心同埋小菜，希望不斷有驚喜 👀

好鍾意嚟海灣茶居一盅兩件，啲點心大件又抵食，惹味又唔會夾咸～仲可以坐窗口位，望住個街景慢慢嘆。腩叉酥 $28勁酥脆個皮！！入面包住嘅係好香好軟嫩嘅叉燒，啲汁勁香濃勁正！蝦春卷 $35呢個個皮又薄又脆，一啖咬落去勁有口感！啲蝦夠晒新鮮，加埋啲酸酸甜甜嘅醬，個胃口即時打開晒！蝦餃 $18/2粒蝦餃呢家嘢飲茶就必嗌架啦～呢度嘅蝦餃皮薄餡靚，隻蝦夠晒大隻，嚟親呢度都一定會叫蝦餃！蒸鳳爪 $25蒸鳳爪好冇食就真係好睇個醬汁調較成點，好怕出面啲蒸鳳爪好似俾堆油浸住咁。呢度嘅蒸鳳爪一樣有落花生、豆豉、辣椒，咸味剛剛好又唔太油，老人家都一定好啱食。鮮竹卷 $26第一次喺度食鮮竹卷，鍾意佢個腐皮浸滿上湯，我哋連個湯都試飲埋，係正架😆😆一啲都唔咸仲好鮮！欖菜肉鬆炒飯 $54呢個飲勁驚豔！！估唔到欖菜炒飯係咁咁咁咁好食！！！可能係廚師炒得好夠穫氣，真係勁香！仲要又平又大碟，兩個人都夠食！性價比超高！

平時放工都係食晚餐，想晏晝食個下午茶都要等放假先，依日就去開大角咀，係港灣薈就見到依間以點心為主嘅餐廳 - 海灣茶居。唔好睇佢細細間，座位係相當之闊落，而且燈火通明，好啱同朋友嘆茶打牙餃。依度點心都係師傅即叫即蒸，所以全部係新鮮滾熱辣，睇睇我哋今次食咗啲啦～宮庭流沙包依個流沙值得一讚，包皮唔厚，入面嘅奶黃好流質，咬太力小心會辣親個咀呀櫻花蝦蘿蔔絲酥依個係我個人至愛食，平時去酒樓必𠼻點心，但係依度就加入咗櫻花蝦，少少蝦嘅鮮甜味道加埋滿滿嘅蘿蔔絲，好味！香茜滑牛肉腸唔好睇佢個皮好厚咁，其實係入面牛肉大大舊，令到成條腸粉好飽滿，加上鼓油嘅加持，提升咗牛肉嘅鮮味。鮑魚北菇燒賣皇鵪鶉蛋燒賣就食得多，原粒鮑魚燒賣，真係第一次食，大粒粒又有鮑魚嘅鮮味，可惜一籠得 2粒。月滿晶瑩蝦餃皇蝦餃又係要讚下佢，真係皮薄餡靚，蝦都有2大舊，好抵食！瑤柱鮮蝦豆苗餃好推薦大家食依個， 餃皮晶瑩剔透，豆苗同啲蝦填滿哂，健康又飽肚～

香港近年開咗好多點心專門店，標榜手工點心，現場製作、即叫即做，啱晒喜歡一盅兩件，但又唔想幫襯集團式酒樓嘅我。最近就有朋友推介咗港灣豪庭廣場地下呢間「海灣茶居」畀我，原來店舖除咗主打即製點心之外，晚市仲有精美小菜、海鮮、養生燉湯等供應。揀咗平日嘅下午茶時段到訪，店內食客不多，唔使等位就可以直接入座，環境輕鬆寫意，座位闊落舒服。每次去食點心都會嗌蝦餃、燒賣同叉燒包，今次當然亦唔例外，三款點心都新鮮熱辣，即點即蒸。月滿晶瑩蝦餃皇 ($18)  蝦餃斤量十足，兩大粒，外形扎實飽滿，賣相美觀，加上餃皮剔透，蝦肉爽口彈牙，食味不俗。另外呢款黑松露北菇燒賣皇 ($18)  亦係必食之選，用上大大粒北菇同厚實入味嘅豬肉炮製，食落非常彈牙，加上頂頭嘅黑松露，入口帶迷人香氣，味道唔錯。腩叉叉燒包 ($18)，叉燒包體積不小，包皮甚是鬆軟，入面嘅腩叉非常正，肥瘦均稱，加埋啲醬料，鹹甜相襯，特別滋味。香麻流沙煎堆 ($18)  煎堆外層黏滿了芝麻，食落超香口，脆卜卜、甜膩膩、煙煙韌韌，加上內裡香滑微甜嘅奶黃餡，口感一流。另外呢客櫻花蝦蘿蔔絲酥 ($38)  亦屬水準之作，酥皮造工細緻，入口熱辣辣、乾身又鬆化，

又係隨機試試小店嘅時候 今次試既係一間小菜中式店一入到去有驚喜因為好乾淨好企理由於就快到關門既時間先入去 所以好快就穩到位卡位好舒服酸菜豬肚雞煲個湯真係好惹味 而且裏面係滿滿嘅雞同埋豬肚裏面每一樣材料都好新鮮 而湯底嘅味道恰到好處飲完都唔會口渴豬手撈麵見到佢嘅汁都令人垂涎三尺一碗已經有三大塊豬手性價比超高而麵都幾彈口蒸水蛋水蛋裏面有好多肉碎 依個豉油底 有種鮮味佢哋嘅味道混合埋一齊送飯真係好正而且蒸得好滑呢個餐係附送白飯同埋紅豆沙嘅甜品紅豆沙佢係熱嘅 而且超綿密 味道都好濃厚好重紅豆味最後仲有個薑汁燉奶 薑味唔算太重 我同朋友都食得好開心店員超友善好好人

年三十和家人來這間茶居一齊食晚飯，座位坐得舒適，裝修新穎。我哋叫咗：楊州炒飯炒飯好有鑊氣，d飯粒粒分明，配料有叉燒、蝦仁、雞蛋、菜粒，味道唔會太鹹而且好夠味！叉燒包普通味道，但比起出邊街邊檔好食。臘腸卷一籠有兩個，內𥚃的臘腸好大條。蝦餃好大隻，裏面有一粒半嘅蝦仁，一籠有四粒。鮮竹牛肉好新鮮，唔會伏，有咬口！糖不甩有好多椰絲花生碎喺面，幾大粒，味道不錯。流沙煎堆仔外脆內軟，咬落非常有口感，煙煙韌韌，內餡有少少流沙，值得推介。雙皮奶有點失色，感覺一般，似普通燉奶多啲。

晚飯時間同朋友👧🏻一齊喺大角咀，路過呢度，見到有抵食晚餐，咁都唔考慮啦，就嗱嗱聲入去開餐😆叫咗兩個「晚市小菜套餐」，係 $88 嘅「一人雲吞雞（例)」同埋 $78 嘅「腩叉蝦仁炒蛋」，「晚市小菜套餐」包「白飯」同「陳皮紅豆沙」😆「一人雲吞雞（例)」幾好彩有隻大雞髀🤩，雞肉嫩滑，仲幾多肉🤩；仲有三粒大雲吞；湯底就味道濃郁😆「腩叉蝦仁炒蛋」：雞蛋炒得幾滑；雞蛋裏邊有叉燒又有蝦仁，都算幾豐富😆仲叫咗 $28 嘅「瑤柱菜苗餃」：蒸得熱辣辣，幾好味😆「陳皮紅豆沙」唔係好甜，煲得好滑😆

之前有人同我介紹過一間點心餐廳D野又平又抵食好少可可以賣到咁平竟然係咁平作為一個飲茶控叫蝦蛟&燒賣就當然架啦而當然唔少得我鐘意既牛肉球& 春卷而主食就揀左秘傳腩叉飯蝦餃 (2粒) 蝦肉爽彈又夠鮮味 蝦餃皮厚度適中，煙韌彈牙不黏口仲見到原粒蝦真係正燒賣蝦燒賣金黃大粒 豬肉鮮味有肉汁,入口冬菇味好香好味道，而肉餡比例恰到好處，既有蝦鮮味同豬肉既肉香味😊牛肉球山竹牛肉球大大粒，足料得來又唔會死實實，牛肉既香味好濃郁十分彈牙爽口春卷長條形一桶上 有3條 點沙律醬食食落香脆可口秘傳腩叉飯叉燒都係厚切，叉燒肥瘦均勻,叉燒軟腍又有少少燶邊, 燒得剛剛好不過又講真晚市會比較多小菜又或者可以打邊爐但係如果想主要食點心就比較少腸粉類, 生滾粥, 咸水角或蘿蔔糕, 蒸飯都暫時供應小過見到隔離既小菜賣相都唔錯可以搵日再去試試呀~

星期日睡醒已下午二點多，便相約即將一起旅行的朋友到我家附近的海灣茶居填肚， 到達已近四點， 仍然坐滿7成，我倆離座時仍然不斷有客人入座。看到海報這裡有售無添架羽地製的過年糕點， 有我愛吃的煎芋頭糕 便order了， 芋頭糕含有大大糕鮮芋頭及超多臘肉，超足料超正。為了品嘗不同點心 我們叫了五福臨門點心拼盤， 很大的蝦餃 啖啖蝦肉，晶凝通透的粉果，正常的燒賣，薄薄皮的菜苗餃（正），以及馬拉糕 （不甜 ，正）。每次吃 點心 我必叫鮮竹卷，但當天的味道頗淡 。 亦有吃大大隻的灌湯餃但味道與鮮竹卷差不多 個人覺得淡了一點點 （應該是冇放味精😂😂）。竟然有柴魚花生粥 二話不說便叫了 大大碗 超多柴魚及花生🥜义燒飽是細細粒，3-4 啖可吃完 最適合我們女孩子👍👍一定要吃奶黃炸煎堆 超脆 不油膩 超超超👍👍👍👍👍👍最後我們各人一個粟子牛奶放燉椰皇 我倆咁 光光 都只是 218 元2 人 超抵食。