海皇粥店 (已結業)

在openrice發現原來灣仔唔多粥鋪，又剛巧見到海皇粥店重新開幕，就走入去試試。呢度比舊鋪還要細，只有一層。雖然來嘅時候客人未坐滿所有座位，但好多人都一個人坐二人枱或兩個人坐四人枱，侍應又無動於衷，我和朋友只好自己搵枱搭。雖然海皇是專賣粥品，但餐牌上都多了不少飯類和湯麵，選擇多了！我點的菜乾排骨粥就麻麻了，菜乾本身應該非常易入味，可惜佢太吝嗇，落得太少菜乾，搞到味道唔突出，幸好排骨都有味嘅。有一點我非常不滿，這間鋪是侍應用電話落單的，我本身點菜乾排骨粥要多蔥，佢竟然搭我呢個粥冇蔥，我即刻心諗😑，海皇可否培訓下啲員工點樣運用電話落單。食物已經麻麻，而且夏天又唔開大啲冷氣，我同朋友淨係坐低已經非常熱，流晒大汗，又完全提供唔到應有服務，真係好失望！

同事成日都食海皇粥店買早餐，一路食一路讚。 搞到我地都想試。星期六，天氣凍凍地，想食熱野，今日試吓佢既早餐先。 我就選左大既艇仔粥同點心拼盤，$30,加個煎堆同外賣加$1,共$37。 艇仔粥當然有豬皮，魷魚同牛肉等，喜歡佢唔太多館，因為係食粥唔係食餸嘛。 粥都算綿，唔太咸，不過唔知點解都有人不少油響粥面。 另外我睇小左粥既威力，原來都幾飽。點心有燒賣，牛肉各一粒同腸粉，粉量剛好。 煎堆大大個，好多芝麻很香口， 唔覺得好油，用紙袋印油，都唔係印到好多油。同大家講聲，唔係好餓既話，記住叫細嗰個粥餐呢， 唔再點心拼盤可選擇炒米粉同炒麵呢。

媽媽說想看看灣仔翻新了的利東街，便早早起床來到灣仔，怎料很多店舖還沒開門。她想先吃早餐，唯有折返地鐵附近的粥店食早餐～進去時，店很細小，顧客則多，尚算整潔。鮮蝦腸粉，皮薄而滑，鮮蝦味道清甜，口感彈牙，醬油更提升蝦的鮮甜味，加上芝麻更香口。媽媽則點了大滿粥早餐，迷你艇仔粥，份量適中，暖和易入口，但青蔥不多，味道偏淡，配料油炸鬼外層浸泡在粥中已不夠香脆，味道一般；蝦米腸，加了芝麻/花生醬/甜醬調味很香口，比艇仔粥滋味得多。豆漿，豆味香濃，沒有加入大量砂糖，嚐到大豆本身的原汁原味。整餐簡單健康，老少咸宜，價錢大眾化，唯人手好像不夠，顧客落單加單也得等4-5分鐘，幸好態度尚可，還算滿意的中式早餐。

是日睇完牙醫，無咩胃口，就簡左海皇粥店，對上一次食海皇粥店，亦都係睇完牙醫，因為夠哂方便就腳，野食又算容易入口。簡左個感覺濃味些少又唔多需要咬既南瓜肉碎粥，同唔洗用力咬既蒸蘿蔔糕。個南瓜肉碎粥，得少少南瓜味少量肉碎同粟米粒，食落去感覺似飲緊粟米湯。而蒸蘿蔔糕比例唔係太好，太多糕而料太少，不過好多連鎖餐廳既蘿蔔糕都係咁既。食完會有種口渴既感覺，只可以講有飽肚感，但野食就比較清淡。我諗下次再食既時候應該都係睇牙醫既日子吧。

好耐冇食過海皇粥店，行過見到就入左去食～本來想試試最新既粥底海鮮窩，但係入到去好多人，而且唔見有人食，所以都係放棄左。我地叫左兩個特餐：艇仔粥＋糭，牛肉粥＋蒸羅白糕。呢間店係坐低落order既，要外賣就直接去櫃面。年輕職員送餐時並冇講低係咩粥，所以都唔知會唔會係同櫃客人，都幾尷尬。。。牛肉粥，入面既免治牛肉質素一段，反而油炸鬼幾好。艇仔粥，比牛肉粥多左魷魚同豬皮，幾粒花生咁。個粥食食下會變水咁多年黎都冇進步過。餐入面既糉同羅白糕超細份，質素可接受。

潮流興食粥底火鍋 但係動輒都要二三百先落到樓 行過經過海皇見推出過粥底火鍋 而且價錢非常相宜 就一於試下啦 地庫係專食粥底火鍋 主食方面可以還選擇 雙份肥牛，海鮮肥牛，雙份豚肉,雞件 除此之外仲跟配左一個蔬菜籃 入面有生菜金菇木耳粟米南瓜 仲有餃子同三色丸 粥底方面 則可以選擇白粥香莞皮蛋粥南瓜粥 又或者原味豆漿 最後我們點了 雙份肥牛加配了一份雞 白粥底跟油條 東西好快就來了 粥底不像平常街上的無米水 是真的是粥底但是比平時稀一點 食法是先把肉燙熟 最後粥連蔬菜一起煮一齊食 肥牛 肥牛肥瘦適中，牛味濃 而且新鮮無雪味 雞件 由於係補雞 所以雞帶有淡淡的藥材味 雞件頗為嫩滑 同粥一齊食非常夾 手打三色丸 分別是魚肉丸牛肉丸豬肉丸 丸並沒有下太多粉 而且頗為彈牙 味道不俗 此時粥己經變為較為濃稠 最後便加入了蔬菜 加入蔬菜的粥底頓時多了一份鮮甜 美味非常 總括而言 選擇雖然不算很多 但勝在價錢相宜 質素不錯 同場仲有細心的牙姐 時不時幫我們加粥底 又幫我地將熟同生既食物擺放好最適合一至兩人黎過溫暖既晚餐

知道海皇粥店新推出左粥底邊爐，立即同男朋友去試下出面食一次粥底邊爐閒閒地連加一每個人都要200幾蚊但呢到 $1xx幾蚊兩位 我同男朋友平時最鐘意就係搵平野食所以兩個人用百幾蚊食到粥底火鍋我地覺得好抵叫左一個海鮮加肥牛南瓜粟米肉碎粥底跟公仔面（出前一丁嚟嫁，海鮮係兩青口，兩舊石斑，一隻大蝦，肥牛約5片 厚身），一個醉雞皮蛋粥底跟油炸鬼（半條長條油炸鬼，半隻皮蛋既份量，碎雞約有8件）醉雞好入味 好香酒 杞子味 仲有兩大粒紅棗，龍眼肉都有5粒醃得好足料每個餐跟配菜，配菜有娃娃菜唐生菜同一紮金菇，三色丸大餃子，豆腐南瓜（南瓜好甜，煮到碎哂同皮蛋粥底一齊食 ，又香又甜 ，連平常唔鐘意食雞粥既男朋友都好鐘意食）海鮮個個就無咩特別，但肥牛係ok既，厚身過大x樂同吉x野個d，牛味都好好，最後煮公仔麵都好夠飽跟公仔面既粥底會水的，我估係希望無咁易燶同痴底，跟油炸鬼個個餐既粥底就好濃整體下次再去既話會食醉雞，真心好食海鮮未到就影左相 同忍唔住食啦，所以無影到。我地大約6點半食 ，可能因為星期四無乜人呢個鐘數，坐得幾舒服 兩個人有張圓台，又無趕客定催我地快啲走，姐姐態度好好，又幫我地加粥底值得一讚既係姐姐既

行開灣仔，走入海皇粥店。點咗炒麵、齋腸及凍荳漿。等咗3分鐘有得食。個炒麵好彈牙。加入甜醬同花生醬就更加好食。齋腸同樣爽口，加入甜醬同花生醬就更加好食。我個人會加入大量芝麻。杯凍荳漿好飲，好重荳漿味。

早餐食碗熱辣辣嘅粥一向係我心頭好，就算依家天口興，都仲係鐘意食熱嘅粥。而海皇嘅粥久負盛名，一直都係出品有保證嘅。不過朝早唔方便來呢邊食嘢，只好退而求次來呢度食lunch喇！蘿蔔糕，有煎嘅同蒸嘅，鐘意香口嘢嘅我梗係鐘意煎嘅喇，蘿蔔味濃，蘿蔔糕嘅表皮有d焦所以都幾香口。艇仔粥，裡邊用料好多，花生魷魚油炸鬼豬皮等、粥煲得比較稠，好有粥味，滿滿一碗熱辣辣好食落去出咗dd汗，不過我鐘意！油炸鬼係我真愛吖！呢度油炸鬼又香又脆，感覺就係啱出油镬嘅，外邊酥脆，裡邊仲有D韌牙，放落粥度浸下再食真係人間美味吖！鐘意油炸鬼嘅人妳傷唔起吖！

芝士、香草、炒蛋、番茄、腸，這幾種食品令你聯想到什麼? 西式早餐? 但如果我告訴你此腸不同彼腸，現在說的是腸粉的“腸”，你又有何感想? 沒想到海皇竟然如此勇敢創新，推出以上組合的腸粉，配以龍蝦汁。本人一向鼓勵創意煮意，假如配搭得宜，往往是傳統口味以外之驚喜。今日就嚐一下這新產品有沒有對胃口。第一次食腸粉唔跟豉油，透出紅紅黃黃的色彩，尚算吸引。遺憾是這中西合璧的口味，就當一場玩意兒吧。

天氣唔好，終於齊齊病咗，醫生話只可以食白粥白麵包，食到第三日，我同男友都開始厭啦。諗住都第三日啦，不如今日就唔好食咁淡，一於去海皇食粥啦。之所以揀呢到，一來近，二來平時冇食d咁嘅嘢，一時之間都係諗到佢。好多味精嘅南瓜粥，有少少肉碎同粟米粒，味道不太取好。有肉碎，冇皮蛋，有花生同⋯⋯都係味精多！埋單$42⋯⋯真係唔好有下次！我寧願係屋企食阿媽白粥。

在沙田居住的那段日子，經常到好運中心惠顧海皇粥麵，原因是他們的油炸鬼流轉很快，特別脆口，做出的脆兩沒有一般小型粥店的弊病，又焾又凍。搬離沙田後亦偶有惠顧海皇，都以灣仔為主，目標當然美味炸兩。今天路過灣仔，想着自己年多未有惠顧，特意到灣仔店翻尋味。先拍攝一下室內環境，桌與桌之間的空間感尚算不俗。再拍攝一下菜牌。驚覺販賣的食物項目，比開業之初多了兩倍不止。除粥品外，海皇還有少量蒸飯供應。點了艇皇粥及今天的目標食品炸兩。艇皇粥 HK$33份量頗大，估算約有6-700 毫升，先吃粥，有米香卻沒有豆香，估計沒有添加豆漿或腐竹，畧帶鹹鮮而吃後不會口乾，味精不多 ; 口感滑漏，但稍為稀了一點。用料方面頗豐富，有鮮鯇魚片、碎牛肉、水魷魚及鮮蝦仁，再灑上油條及炸魚皮，魚肉及牛肉帶肉鮮，魷魚蝦仁爽口，魚皮及油炸鬼有油香，整體而言，味道算是複雜豐富，合格有餘。炸兩 HK$20腸粉皮煙韌軟滑，油炸鬼外皮香脆，心有餘温，非常新鮮，而醬汁及芝麻等是擺放桌上任由添加，一向喜歡混醬，甜、辣、花生醬、甜豉油及芝麻通通加進去，味道口感超級豐富！總結： 油條要做得好，只有兩種辦法：第一是鮮炸，包腸粉前才炸油條，那油條必定鬆

天氣有小小凍，呢種天氣最岩嘅係打邊爐、食粥喇，無時間打邊爐所以去海皇度食粥喇。及第粥都算煲得好够火候喇，及第粥入邊老闆放咗好多粥料，粥稠稠的，味道很好，米也是偏糯糯的，喝起來很香，很有米氣，加上材料簡直不能更棒!一般系唔會注重粥嘅火候，但系海皇做到咗!平時飲粥都鍾意與油條一起，海皇嘅油條都金黃色澤，味道好香，擺落粥度浸泡一下再食，簡直人間美味。蝦米腸都很好吃，蝦米好鐘意，腸皮都好薄又好食，然後餡都幾多，價錢都唔會話好貴，真系好岩我地平時一齊去，食野都好有氛圍咯。服務都好周到嘅，侍應都很熱情。

另一個「諗唔到落街買乜」的午飯時間。翻免費報看到海皇的「爆炒糯米飯」廣告，心想很久沒吃糯米飯，勉為其難的去了。糯米飯只在午市及晚市時間供應，$29。店舖環境及服務態度問題，不提也罷。回去一看，感覺就像酒樓特點那種糯米飯格局，一個玻璃碗倒轉的份量，上面隨意灑些蔥、少許蛋絲，THAT'S IT，感覺求求其其。完全看不出它是爆炒，只像是在飯煲煲出來的糯米飯再隨意加醬油增添色調，蝦米及腊味幾乎要拿放大鏡才看得到，味道一般，感覺在吃齋糯米飯。印象裡這個價錢，會有可能在小食檔買到較足料的糯米飯。試過就算了。

Walked past and saw these soymilk desserts so went in and tried them.★☆★☆★☆★☆★☆★☆★☆★☆★☆★Mini glutinous rice dumplings in soymilk:The soymilk was lightly sweetened and it had a reasonable soy bean taste, however the dumplings were too soft otherwise it would have been a perfect dessert. ★☆★☆★☆★☆★☆★☆★☆★☆★☆★Sweet potatoes and ginger jam in soymilk:This was also another good dessert but the sweet potatoes were too hard and starchy but it was nice it had pieces of beancurd sheets in it.At the bottom