海街丼 (海濱匯)

營業中

休息中

📍九龍灣 海街丼以前食過佢哋喺九展嘅分店，已經覺得佢哋嘅定食好出色，今次見到佢喺觀塘開咗新分店，而又喺我今日工作嘅附近，所以就同朋友收咗工之後過嚟，睇吓佢嘅質素如何。餐廳係位於海濱匯嘅一樓，裝修比較開放式，但係都保留日式餐廳嘅風格，位置坐得好舒服。٩(˃̶͈̀௰˂̶͈́)و醬汁吞拿魚丼連茶漬飯高湯 $200佢呢個吞拿魚定食有兩種食法，首先店員同我哋介紹隔離有一盤類似啫喱嘅東西，其實係醋嚟，可以自行加入去飯入邊一齊食。而食到三份一左右就可以加入另外有一壺嘅高湯，整返一個熱辣辣嘅茶漬飯出嚟。佢嘅吞拿魚刺身係有調味，而佢嘅高湯都好香甜，普遍嚟講質素都真心唔錯。味噌燒油甘魚定食 $145佢呢個油甘魚方面，定食有兩舊油甘魚腩，仲有沙律、麵豉湯、同漬物，味覺尚有多重嘅享受。而佢嘅油甘魚加上麵豉調味，令到成個魚肉嘅味道更上一層樓，再加埋白飯一齊食，真係超滿足。

海街丼主打日本直送魚生飯，每次食都好滿足☺️☺️☺️最初在東京開店，後來經香港店主帶來香港，全部海鮮食材跟調味料都係日本空運到港👍<海寶丼> $170<刺身三點> $160<海寶丼>賣相好吸引😚 丼飯鋪滿吞拿魚、油甘魚、章魚、穴子、蛤蜊、小扇貝、真雪蟹、鮭魚同青瓜海鮮既量係多到可以啖啖都食到🤩🤩🤩，刺身新甜，肉質彈牙👍每款丼飯都配有一小碟茄子前菜、特製壽司醋果凍、茶漬飯配料同用保暖杯裝嘅特製「魚介出汁」，可以一丼二食😍食法1️⃣：加入醬油、芥末、壽司醋果凍個醋啫喱同海鮮飯非常夾，令鮮味提升一個層次👍👍👍食法2️⃣：吃到一半，可加入碎紫菜、芝麻、脆脆三款配料，再倒入鮮魚熬製嘅「魚介出汁」，整成茶漬飯享用茶漬飯淡淡清甜，好食又暖胃兩種食法都好好食，食完好滿足☺️☺️<刺身三點>刺身三點分別係吞拿魚、油甘魚、帆立貝油甘魚鮮甜，帆立貝肥美刺身同丼飯，我比較推介海鮮丼，海鮮丼完勝✌️

🥜環境舒適，商場人流不多，可以好好同朋友歡聚おまかせ丼（Omakase 丼）連茶漬飯高湯 $270🥜超豐盛，有大拖羅、赤身、海膽、三文魚籽同埋玉子，用料十分新鮮又足料🥜大拖羅好厚好肥美，平時我好少食吞拿魚，因為覺得有時會有陣魚腥味，但呢度完全唔會！🥜玩味濃，一丼三食一上菜店員好細心咁樣講解食法。1️⃣咩都未撈2️⃣ 綠色小碟係啫喱醋，可以自己撈落醋飯，鹹鹹甜甜3️⃣食淨三分之一嘅時候可以將湯壺入面既湯汁倒出，加入芝麻、蔥粒同埋玄米粒一齊食，湯汁嘅味道鮮甜，熱辣辣，配埋一齊食另有一番風味燒明太子 $48🥜從未食過燒嘅明太子，值得一試🥜唔會太鹹，配飯食更正

今日去開牛頭角海濱滙做野，做完野喺呢度樓下果商場見到呢間叫海街丼的日式餐廳非常吸引！🤭 入去醫下肚先番屋企先😍😍入面裝修唔錯，餐具都好精緻😀😀喺度睇緊餐牌時，店員就過黎向我推介咗一啲刺身和丼飯😌原來呢度有個丼飯叫廚師精選，每日的配料都唔同既😃 今日就叫呢個先啦☺️☺️食完呢個刺身丼仲可以用魚湯黎整茶漬飯🥰魚湯仲要喺用保温壺裝住，保持熱度，超級正😍😍😍廚師精選丼魚湯做茶漬飯海街丼 (海濱匯) (觀塘)觀塘海濱道77號海濱匯1樓13-14號舖

之前經常幫襯過鰂魚涌店，見最近搬咗嚟公司樓下，開張第二日即刻落去試，食完就再book星期一12:45部門team lunch 11位，當然仲同我哋講會比一張過嘅長枱我哋。星期一12:15如常有人打嚟reconfirm booking,12:30我哋就連同經理出發，落到去有個侍應同我地講要等，因為埋緊單，等等下唔對路，就問咗一個自稱姓蕭嘅經理，佢答我就埋單，仲要分開兩張枱！我問點解，佢就話冇辦法，因為本身係唔會有得訂枱！我想問，係你哋話可以訂枱呢？當時仲要自稱經理嘅蕭小姐話冇辦法！只有係繼續等，同埋分開兩張枱嘅方案！完全冇諗過解決方法同埋道歉！我哋同事同經理都感到不快，唯有轉場，仲要同公司其他同事講永不幫襯！