海陸空

營業中

休息中

海陆空招牌套餐“海神汤”，在韩国上点年纪的人才知道的美食，相信绝大多数中国人都没有听过海神汤，绝对属于一吃忘不了，简直是大补特补。。。海陆空拆开来分解就是：海-海鲜汤、陆-牛膝汤、空-参鸡汤，三样大菜组合而成的膏汤，鲜到眉毛掉下来。内含澳龙+人参鸡+牛骨+鲍鱼、大虾……等等一众精品海鲜，这只澳龙尺寸可是比鸡还大！光如此size的澳龙在上海都得是4位数。店铺推广价也非常实惠，在北上广一线城市都不算贵，放在香港更加显得格外便宜，值得一试。尖沙咀地铁B2出口直行100米便到，交通极其方便。

早排食完晚餐，今次嚟食午餐十二點鐘到達，店員話最近做緊推廣，有買一送一優惠，今期係新品人參牛肋骨湯，原價128蚊，而家買一送一人蔘雞週圍都係，但係人蔘牛肋骨湯真係第一次食，上枱之後真係覺得超驚人，足料到不得了，有大大舊連骨嘅牛肋骨，同埋一條好粗好粗嘅人參，完全冇因為買一送一而偷工減料而且服務態度超好，店員仲幫我哋好細心咁剪開牛肋骨同埋條人參，等我哋方便食牛肋骨超級多肉，好淋滑，個湯都好好飲，好有人參味，條人參煮得啱啱好，質地淋淋地，味道濃郁另外叫咗個拌面，不過不失呢個買一送一嘅人參牛肋骨湯我真係可以日日食

😽筆者已經是第三次去海陸空餐廳，正是韓印紅旗下的韓國餐廳，很低調，價錢又貼地，沿着門口韓印紅logo入去就是海陸空餐廳。🎂這一次是跟朋友慶祝生日，預先告知餐廳，他們會生日預備大電視banner!店員會圍住生日者唱生日歌同埋有生日牌助興！氣氛很好，店員很投入！我們自己帶了蛋糕過去，也沒有收切餅費還提供蛋糕餐具給我們！和一個靚靚托盤！食物方面，味道都很不錯！🔆醬烤石板豬肉好香好惹味！送飯一流！🔆光陽式烤韓牛韓牛好幼嫩，熱辣辣奉上。🇰🇷老闆娘係韓國人，識少少普通話，人靚又賢淑大方，做左份蒸大蝦比我地，係用木箱裝住架，話係新產品，又幾好味🤤🔅韓式海鮮煎餅，第一次端上來，我們覺得先得很濕，不脆，不像平時吃的韓式煎餅找來了經理反映意見，隨即找廚師再做過一碟煎脆一點俾我哋，廚師解釋由於落多咗海鮮配料，導致今次煎得比較濕，連老闆娘都過黎睇下係咩事出問題，我很欣賞他們處理的手法和態度，只是一次小失準。📳如果經OpenRice 訂座，有餐廳指定菜式贈送，今次送上：🔅韓式菜包肉！好闊綽！又好食！每期送既禮物都唔同。🎊店內好闊落，場地好大！非常推薦大家過黎幫襯呢間咁有heart既韓國🇰🇷餐廳！過生日黎呢度搞好

我和囡囡，早前去過這餐廳。食她們的特色的海神鍋。昨天想再去海陸空。見到門口招牌是韓印紅以為只做零售，餐廳沒有營業。原來別有洞天。原來餐廳隱藏在內。直行入去大大的餐廳一覽無遺。現在新出啲菜式：1）扁柏木牛肉+五花肉蒸推廣價HK$118.00原裝扁柏木盒子承載靚靚韓牛薄片，牛味重，肉質結實而不老。五花肉肥瘦均勻，冧滑不膩。分量都多。2) 扁柏木大蝦蒸（2只起)HK$68.00雖然我叫左2只大蝦蒸，但都原只大蝦放在盒上蒸。大蝦焗了一場扁柏桑拿，鮮味無比。值得一試。注意： 如果兩個都想試下，先品嚐蝦後，再叫牛和豬。 那可保持熱度。

韓國菜之中最服醬油蟹，餐廳佔地空間好大，裝潢簡潔舒適，坐得好舒服前菜共有4款，包括泡菜、菠菜、小魚乾和番薯蓉。番薯蓉最有驚喜，番薯味濃郁，入口好creamy，面頭淋上果醬，酸酸甜甜，增加食慾😋醬油蟹套餐，用水果天然甜味調製後既韓國西海進口鮮蟹，蟹味好鮮甜，完全無腥味。透明蟹肉入口充滿鮮香，質感滑嫩，蟹膏甘香！蟹蓋配埋個飯黎食，每啖飯都有滿滿既蟹肉蟹膏，加埋蛋黃和紫菜碎，實在太幸福🥰果然係白飯神偷呀😂

香港已經好難揾到間有質素又抵食嘅餐廳……但呢間韓國餐廳真係好食又抵食🤤份量足，味道好，食得出用心制作…… 尤其是辣豬手同泡菜鍋。 喜歡辣嘅你一定要試。 配菜仲可以免費添加。服務仲好好。真係有服務，有態度，有質素👍

今日朋友生日，佢最愛食韓國菜。呢間都好有韓國氣氛，餐廳外係賣韓國食品。有啲店員係韓國人，仲有好多韓國客人嚟幫襯。如果有客人生日，所有員工都會過嚟唱生日歌同埋送果盤，好有氣氛😂😋海鮮泡菜煎餅 $90本人都唔係太喜愛泡菜味，但係呢個泡菜煎餅味道又唔係好濃，我又覺得好好味👍🏻😋辣炒八爪魚拌麵 $250唔食得辣嘅朋友呢道菜應該會覺得好辣，但係八爪魚好新鮮。雖然好辣，但係哩個醬汁拌麵又好好味👍🏻😋蜂蜜牛油+甜辣炸雞 $178呢個甜辣炸雞絕對唔係好辣，雞肉多汁，炸雞剛剛好唔會太厚，但又好脆👍🏻😋韓式滷水豬腳 $190/半份好欣賞呢個豬腳，個皮好Q彈，好有骨膠原feel😂而且切得薄薄細細容易入口。芝麻葉同其他蔬菜都好新鮮，包埋一齊食好好味。👍🏻😋海鮮刀削麵火鍋 $380各種海鮮都好新鮮，個湯底好鮮甜充滿海鮮嘅鮮甜味道。而且店員會過嚟幫手煮，唔怕煮過龍。👍🏻😋醬油蟹撈飯 $250從來都未食過醬油蟹，見呢度有朋友就專誠叫咗俾我試下。感覺好似食日本海膽，但味道比較鹹，但係都算鮮甜。👍🏻😋長壽米酒 $48/枝朋友生日梗係要飲長壽米酒，酒精度唔高，甜甜嘅米酒味道👍🏻本身都比較少食韓國菜，今次都幾多驚喜

本來我對韓國野一般，亦冇特別喜好鍾意食邊間但係朋友生日想食韓國嘢，就有人介紹咗呢間平凡中帶來不平凡嘅韓國餐廳😌門面係零售店，唔行入去根本就唔會知道係餐廳嚟嘅，而入邊比想像中闊，亦可能唔起眼，所以當日亦未滿座。驚OpenRice訂位，三個或以上訂座人數就已經會送醬油蟹或生拌牛肉，個人就覺得幾抵，因為出邊叫1份都要$100以上。前菜✔️✔️✔️價錢菜無論擺盤定係味道都合格以上，感覺似係一碟餸，不過不失👍🏾醬油蟹✔️✔️✔️✔️✔️贈送嘅菜式，今次就揀咗醬油蟹(一份)，唔腥亦都啖啖肉，唔會因為送嘅就將價就貨👍🏾仲配左個紫菜飯🙈超值海鮮嫩豆腐鍋配麵✔️✔️✔️入邊都幾多配料，有蝦同蟹，唔會淨係俾啲急凍海鮮你。不過入邊有麵，建議一上枱就盡快食用，如果唔係淋左就唔好食。獎忠洞韓式滷豬腳✔️✔️✔️入味夠淋，仲配左菜比我地包住食😌👍🏾正常發揮，但未算好驚艷半半炸雞（醬油&芝士）✔️✔️炸雞比我想像中遜色🥲勁乾身，芝士口味只係落左好少芝士粉係面，我地個個食落口都以為原味，要梅真啲粉先知原來芝士從何來。可以留quota食其他🤨海鮮泡菜煎餅✔️✔️✔️✔️同食開既煎餅差唔多，所以唔會太大要求。但佢做到唔多粉，唔係一patpat，煎得夠香。所以我

好食指數:🌕🌕🌕🌑🌑Cp值:🌕🌕🌗🌑🌑•醬炒豬肉配飯• $108夠曬熱！食落口好香口！鐘意佢炒嘅洋蔥 好香！唔會好生！豬肉份量ok! 唔會太咸！1人份量就啱 share食都有啲唔夠！•海鮮蔥煎餅• $98煎得好香！唔油！有啲似港式酒樓薄餅😂😂😂但係佢啲蔥就真係比較香啲唔會話食到好多麵粉 啖啖都有啲海鮮 例如魷魚•蜂蜜牛油炸雞(半份)• $99呢個炸雞就比較冇咁吸引炸到有啲乾身 係好有牛油味嘅但整體普通啲Ps 佢鋪頭真係好大間 樓底好高 坐得幾舒服 服務都好好～

同事提議lunch 食韓國菜🇰🇷於是就搵左附近一間韓國餐廳估唔到都幾有驚喜餐廳好寬敞，座位闊落門口好似超級市場咁有賣唔同嘅韓國食品Lunch 選擇都唔少天氣雖然熱，但最後都叫左一個辣味肥牛豆腐湯配飯嚟到一大鍋湯，已經聞到一陣辣味🔥湯味道香辣，雖然比想像中辣，但都忍唔到食晒成大碗湯😆 最後食唔晒啲飯，因為真係太飽🥲同事就叫左拌蕎麥冷麵配餃子都一樣份量十足，性價比高

同朋友慶祝生日，無收切餅費仲要有surprise服務，員工仲要好有heart咁做！食物好好味量足，尤其係個牛排骨同冷麵，正！唔係經openrice 訂座都有送個凍柿👍🏻唯一不足既係個柚子梳打，同柚子蜜差不多，無咩soda feel. 可能飲返啤酒會好啲。唔知係咪門口係韓印紅賣野，所以少人知入面係餐廳，星期日晚都唔full。但員工依然好熱誠咁服務，希望之後多啲人幫襯啦！

24/6/2023一行5人去咗位於尖沙咀嘅海陸空（韓印紅集團餐廳）叫咗：豬手（半份）：味道唔錯，份量適中。半半炸雞 （芝士、醬油）：份量都算多，但係芝士嗰邊完全冇芝士味不特止，感覺上仲好似冇醃製過咁， 完全冇味。醬油味嗰邊都還可以。明太魚煎餅：初時我哋以為唔會用好多魚嘅成份去整，但係又唔係，佢都算多魚肉，不過就有骨囉（吞唔到個種）牛排骨湯（ 配一個白飯）：有一條人參，牛排骨份量都適中，本來我哋叫侍應俾個鉸剪我哋自己剪，點知佢幫我哋剪埋。前菜：泡菜、茄子、魚仔、薯蓉 。我特別鍾意食魚仔。藍莓、柚子、士多啤梨梳打各一梨汁啤酒仲送咗冰柿：第一次食，幾神奇，冰凍之中帶一點甜。走個陣門口可自取益力多環境坐得舒服，冇限時，侍應都好Nice （由香港人及韓國人）門口位置係韓印紅商店，可以買啲韓國嘢食同飲品返屋企。

Lunch hour 難得唔使等位，走去試新嘢。喺尖沙咀金馬倫道嘅一間韓國菜。每次行過都以為係 supermarket😅，點知原來入邊係一間餐廳。咁啱今日本身冇乜胃口，order 左個辣海鮮拉麵，店員好好，提醒我哋份量比較大，可以一個拉麵2個人食😝😝😝呢個辣海鮮拉麵，雖然用急凍海鮮，但係都夠鮮味，而且勝在夠大份，我哋本身鍾意食辣，所以好OK，最正係個八爪魚🐙，店員仲會喺你面前剪開值得推介👍🏼

唔好睇呢間韓國菜嘅門面係一間超級市場，但其實地方非常闊落，而且食物亦都好味晚飯有訂座，所以佢畀咗一個私密嘅空間我哋隔離4位韓國大媽喺度燒肉，非常之香，但係我哋今晚冇燒肉，主要食返其他韓國菜，前菜來講只有三款，但係其實三款都好食，分別有泡菜海帶同埋菇，係可以免費添加，但係佢加咗一次就冇再畀我哋菜乾豬脊骨薯仔湯唔記得咗影相，但係係正宗嘅韓國味道，上面仲有紫蘇粉，好濃郁，脊骨嘅份量都有四嚿泡菜煎餅就較為普通，但係入面有少少海鮮粒豬腳我覺得做得幾出色，顏色好靚之餘亦都好入味點，咗特製嘅醬汁再用菜包嚟食係好好味嘅辣醬拌冷麵好食！雖然全部都係蔬菜,但係個醬亦都係好正宗嘅韓國味道, 酸酸甜甜辣辣，如果覺得太杰，佢仲有一碗牛骨湯可以畀你加入去一齊拌，我個人推薦一試

當日有人生日，店員好熱情幫佢慶祝生日，如果有人生日可以考慮去呢間餐廳。氣氛好好，有大螢幕電視機可以睇足球比賽。店員好有禮貌，嘢食好好食，特別推介冷麵，正宗而好食，爽口而不腻，夏天食透心涼。物美價廉，仲有特色韓式涼拌食，例如泡菜，芽菜等。這間餐廳好值得推介，如果用OpenRice，某啲時段會可以送一碟（圖下角），甜甜酸酸嘅醬汁加添口感。上菜速度快，口味滿足到不同對美食不同的喜好的人，香港必食嘅餐廳。