淥鼎記

營業中

休息中

“爵爺 無限378”包有錦繡前菜 2款，豪華時令刺身，香辣烤魚 （四揀一），然後有花膠美人鍋（六揀一）又包有頂级手切牛肉，豪華海鲜盤，金牌手打丸 ，食物豐富之極已經差唔多嗌嘢食已經好飽。睇到呢度都已經好開心啦，係唔係呢。仲有啲座位好寬敞呀，坐得好舒服。是日錦繡前菜係酥炸排骨同埋青瓜，青瓜係開胃菜，排骨就係喺主菜上檯前食吓嘢咁，幾唔錯。豪華刺身有五樣嘢，佢哋係帶子，赤蝦，吞拿魚，北寄貝，最驚喜係第五樣---象拔蚌，平時比較少見，好絲滑彈牙，亦都好大件👍食完大大條烤魚之後就來到打邊爐時間，豪華海鮮盤亦係好大份，有生蠔，元貝，鮑魚，大蝦和沙白，真心豐富，睇到都開心，唔够皮嘅話，之後都可以encore 蝦，生蠔同埋沙白。飲品都有2個櫃，選擇多多，而且啲青菜都用保鮮紙包住，够衛生，一定要畀like，同埋個個staff都笑容滿面，服務好好勤換碟，再畀多一個👍

這間是中式餐廳中的隱世日本美食！❤️🫶🏻⭐️這是一間中式餐廳，但是今日突然想食日式嘢，所以喺度叫日式嘢。對於一間主打中式餐廳來說這類的日式食物CP值算高！⭐️⭐️⭐️⭐️我先用中式的步行法，介紹這間餐廳。一進去，餐廳環境及擺設也很得體，第一杯來到的飲料，冰鎮奶茶，味道濃郁，茶味重，第一啖飲完茶味，後有濃郁嘅奶味。三文魚刺身，鮮味唔腥又滑口，非常厚身新鮮的。芝士玉子燒，是暖笠笠芝士很厚身，可能些少補充，芝士不夠熱（中間那塊芝士完全未溶的），個人覺得吃不夠軟身的芝士，吃落有些很滯的感覺，但是芝士下的玉子味道也很香。整體來說，不知道是玉子的汁有不夠還是芝士不夠溶，只是吃了兩口就有些滯。再之後到的是花枝丸蟹籽，非常足料。最後試了鰻魚飯，鰻魚少許黐牙，配上暖笠笠的飯，食落有些少滯口，是足料粥味的，但是不是最正宗的日式味道。以上大部份美食都非常新鮮好吃，只是個人比較挑剔，但是以這間主打中式地方來，付出和壽司郎差不多的價錢，在這個環境有私人房間、有這個質素的美食，性價比算高，如果大家去飲茶又突然間想食啲日本嘢也可以參考吓這篇文章。

之前都同大家介紹過淥鼎記嘅火鍋放題抵食又高質，不過一路以嚟個小菜都係食開佢哋嘅酸菜魚，今次嚟食試咗佢哋嘅雞煲，原來都好唔錯，要同大家分享吓😋今次嚟嘅觀塘店俾嘅前菜都好唔同，係個四宮格，賣相非常精緻，入面分別係烤腸、豆、酸辣鳳爪、豬手。唔單止賣相掂，味道都一樣得，等緊嘢食嘅時候食啱晒👍🏻雞煲一嚟到就好大兜，雞件都大大件，好多肉，唔似出面嗰啲好多骨冇乜肉食👍🏻炒熟之後雞肉都好入味，調味惹味得來又唔會太鹹，一嚿接一嚿咁食😍火鍋方面我哋揀咗蕃茄湯，但估唔到呢度嘅蕃茄湯係加咗芫荽嘅🥲作為唔食芫荽人士就趁佢未滾嘅時候就將佢撈咗出嚟啦😂唔食芫荽嘅話就注意。撇除芫荽嚟講，就咁睇呢個湯底顏色都睇得出蕃茄味道濃郁，味道清甜，食完雞煲唔想食咁漏，叫呢個就一流。我仲忍唔住喺落嘢食之前飲咗一碗湯😬而火鍋配料方面同之前介紹過嘅都差唔多，可以喺出面自己拎。而肉類可以自己scan QR code落單，豬、牛、羊、雞、蝦丸等等都有齊晒，另外仲有幾款海鮮eg.蠔、魚。自己最欣賞佢哋嘅係呢度嘅肉唔似出面啲火鍋放題咁切到超級薄，每塊肉都有返咁上下厚度，而且肉嘅質素有保證👍🏻每次嚟最鍾意嘅都係佢哋嘅安格斯同埋羊肉😋😋最後，嘢飲

年初二同親戚一齊嚟到「淥鼎記」食無限時火鍋放題，食得好開心！餐廳門面好有氣派，中式裝潢襯上大紅燈籠同金字招牌，充滿住濃濃嘅新年氣氛。呢度嘅放題每位$378，價錢唔算平，但食物種類同質素都幾吸引。主菜方面，我哋揀咗藤椒烤魚同木瓜椰子雞。藤椒烤魚外皮烤得香脆，魚肉嫩滑又入味，藤椒嘅麻香好過癮。木瓜椰子雞就更唔使講，個湯清甜滋潤，木瓜同椰子嘅香味完美融合，而且越煲越入味，我都飲咗好幾碗。套餐仲包括頂級手切牛拼盤、豪華海鮮拼盤同豪華時令刺身，牛肉紋理清晰，入口軟嫩；海鮮拼盤有齊生蠔、鮑魚等，新鮮度十足；刺身色彩繽紛，口感細膩。每人仲有一杯Haagen - Dazs雪糕！出面有40多款火鍋配料任攞，雖然話有40幾款，但我就略嫌選擇唔算多。總嘅嚟講，呢度食物質素唔錯，大家都食到好飽，今次聚餐開心又圓滿，以後有機會都會再嚟。

早幾星期先至同鄰居夜晚打完邊爐，估唔到屋企人話飲茶又揀咗呢一間。整好一個機會試埋佢個茶市。一入到嚟都幾驚訝，竟然全場爆滿，仲有客晏晝都嗌雞煲同埋水煮魚。不過呢啲夜晚打邊爐都有得食，今日就主力試點心。落單到到點心嚟嘅時間都唔算長，先上咗個豬手粒，呢個好入味又醒胃。雖然等到嘅時間唔長，但係值得讚就有啲點心真係熱辣辣，比起出邊好多酒樓嚟講，依度真係做得相當出色，夠熱呢樣嘢已經加好多分。整體上所有鹹點都好食。不過個花膠鮮竹卷就得一塊花膠仔，俾我手快食咗。如果每條鮮竹卷跟返一塊仔咁就好似好分啲。另外佢都有刺身，不過屋企人唔食生嘢，所以就冇叫啦。不過就嗌咗兩杯嘢飲，我就飲咗個恐龍蛋，好濃好好飲。嗰粒恐龍冰，都好有朱古力味。唔知係咪濃得滯，之後食啲甜品就覺得唔算太甜。不過整體嚟講，係值得encore嘅。

可能因為假期關係沒有下午茶，沒有折扣下三個人都食咗$520，雖然$520但係唔算食得好飽、價錢唔算平，味道係可以既，覺得最好食係三文魚酥，腸粉亦做得好出色，腸粉皮係超薄。酸菜魚都好食，但唔係好夠熱度，蝦餃都算好食整出嚟熱辣辣好好味，蒸土魷味道好，不過份量都唔多，蒸粉果雖然細細粒，不過味道好好。成餐最差係茶水，個熱水壺既水係唔夠熱，佢又係用茶包，所以係完全沖唔到茶未出嚟，咁叫咗杯熱奶茶，味道可以，又唔係好夠熱度，另外熊仔冰凍奶茶就好飲既。

餐廳位置方便易揾，地鐵站行過去不足5分鐘。餐廳面積闊落，樓底高。有卡座又有圓桌，2小口或者大班朋友聚會都好適合。餐廳中間有調味區和飲品區，飲品櫃會分開冷櫃和常温櫃飲品，非常體貼。今次揀左“爵爺套餐”，有齊小食，主菜，刺身，任食火鍋，絕對啱哂胃口大嘅我地。主菜揀左老壇酸菜魚（小辣），份量好多，魚肉嫰滑，配合埋酸菜嘅酸味，湯底嘅麻辣，刺激味蕾，食到停唔到口。配料都好豐富，有萵荀，蓮藕，寬粉，非常美味。時令刺身，有5款刺身，當中赤蝦大隻又爽甜，帶子肉厚，唔錯。黎到火鍋時間，揀左花膠美人鍋。花膠都頗大隻，湯頭清甜 。頂級手切牛拼盤，牛肉紋理分明，牛味唔算好濃郁，但入口嫰滑。海鮮拼盤，有生蠔，鮑魚，花甲，海蝦。每款都非常新鮮。花甲飽滿鮮甜，鮑魚彈牙，好正。QR code落單，仲有其他肉類，包括封門柳，羊肉片等等。仲有自助火鍋配料區， 選擇頗多，而且有蓋或者保鮮紙，衛生乾淨。特別要推介西洋菜，幼嫰無渣，吸收湯味，更加美味。甜品仲有Haagen-Dazs雪糕，真係好滿足。侍應態度友善有禮，收碟速度快，食物由前菜食到甜品，真係飽到捧住個肚呀！！

同鄰居打完波，就一齊出嚟食呢間打邊爐放題。呢間店最初頭啱啱開業嘅時候我食過一次，味道幾好嘅，不過嗰陣時就冇牛肉任食。今次再嚟體驗嘅時候發覺佢有啲牛嘅話都可以任意添加，呢度有幾好嘅。同埋唔知淨係雞煲仲有其他選擇，不過都係想懷緬一下個雞煲係咩味，所以都係嗌咗雞煲冇選其他。個雞煲係幾入味，又唔會嚡，勁想用佢啲汁嚟撈烏冬。其實食完個雞煲都半飽，呢個營銷策略其實真係唔錯。開始打邊爐，嗌咗個烏雞湯幾清甜，第一輪啲海鮮正正常常，可能我哋食20:00嗰場，後來上嗰啲蝦就有改善空間。佢跟餐嗰份和牛，同任食封門柳係正嘅，不過食完個雞煲真係食力大減。基本上都係鍾意佢呢度唔限時可以慢慢食傾吓偈。事次用餐為自費。

觀塘近APM有一間下晝可以飲茶，食酸菜魚，晚上可以打邊爐嘅食肆。餐廳座位都好多，主要有卡位，平時飲茶座無虛席。晚上選擇左小寶套餐，包括酸菜魚，火鍋湯底，任食安格斯肥牛，黑毛豬，雞件，丸類，韭菜餃芹菜餃。自助area都好乾淨每款餃子，炸響零，水魷都有蓋cover住，感覺衛生。飲品好鍾意水果茶，一jar 俾你幾個人share，喺雪櫃任攞。水果茶少少甜，有好多西瓜粒。大家食酸菜魚食得好enjoy，香味十足，魚片大大塊有十幾片。安格斯牛肉肥瘦都算均勻，可以encore四五碟。

觀塘附近飲茶既舖頭好多，呢間踩過界既點心淥鼎記都幾好食黃金鮮蝦餃皇 2件 $19.8👍🏻蝦餃好靚大大粒，個皮煙煙韌韌，蝦肉好多好爽口，配埋辣椒油超正鳳爪排骨飯 $38👍🏻呢個飯用日本米，蒸起熱辣辣好香，排骨同鳳爪都好餸飯沙嗲蒸土魷 $32👍🏻好爽口，沙嗲味香濃，好小地方有得食酥皮鳳梨叉燒包 $34👍🏻個皮好脆好甜，勁多叉燒大大件油潑辣子明蝦角 $36👍🏻新鮮炸起熱辣辣，蝦肉爽口，辣辣地好惹味

今日去觀塘亞太中心搵嘢食 天氣轉涼打個邊爐先 我地就去左 「淥鼎記」試下個小寶套餐 主菜可以六選一 有烤魚 酸菜魚 椰子雞等 我哋就試咗重慶雞煲🌶️店員首先會比一個四格前菜小食：台灣腸 白雲鳳爪 豬手 蒜心 賣相都好吸引又好食🤩先食雞煲然之後再打邊爐🍲雞煲嗌咗小辣加上紫洋蔥辣椒芫荽 好惹味 做到色香味俱全 雞肉食得出好嫩滑 唔會係好嚡嗰種😋 打邊爐湯底都有六款 我就揀咗花膠湯 最好食係安格斯prime三角肥牛 脂肪比例啱啱好 出邊都有其他配料可以攞 乾淨整齊 好衛生食物每樣都有蓋蓋好👍🏻有好多款雲吞同餃類 仲有丸類 薯粉萵筍等等除咗平時嘅罐裝紙包飲品之外，飲品櫃竟然有一壺壺嘅水果茶 有驚喜🍹📍淥鼎記 (觀塘)觀塘觀塘道414號1亞太中心8樓

等候時間太差，琴日我20:26已經開始等位，一開頭已經有問個女服務員需要等幾耐，佢話大概半個鐘。咁已經邊挽電話邊等，之後等到21:25 已經一個鐘。再問個男服務員既時候又話再等15分鐘。眼見著就黎10點。當我在問既時候，個女人仲要我繼續等。但係佢同旁邊要入場食飯既一家人講last order係晚上22:30分。即係話我等到我都冇任何好既用餐體驗，極度差評，連一句唔好意思都冇句。如果冇位置可以直接講，我都可以去第二間食

今日同同事去咗淥鼎記飲茶，呢間餐廳啲菜式包羅萬有，有中式點心🥟、日本料理🍣同打邊爐🔥，真係啱晒一大班朋友聚會，人人都有嘢鍾意食！其中中式點心嘅出品真係冇得輸，每一道都好有水準✨！叉燒包鬆軟香甜，餡料滿滿帶蜜汁香味；咖喱魷魚夠晒入味，魷魚爽滑彈牙🦑，啱啱好有少少辣勁；排骨細嫩入味；蘿蔔糕外脆內嫩，蘿蔔絲比例剛好，香口得嚟又唔油膩當然仲有荔枝蝦球🦐同打卡必備嘅熊熊檸檬茶🍋，視覺同味覺都滿分📸！總括嚟講，呢度啲點心款式夠多，質素又高，真係值得大家一試！下次有機會一定要再嚟！👍✨

觀塘美食多籮籮，今日就同爸爸黎到亞太中心呢到食雞煲同打邊爐。😋同爸爸揀咗小寶套餐，星期一至四$248/位，係120分鐘嘅火鍋放題。首先我哋要喺六款主菜入邊揀一款，烤魚同椰子雞都係四位起先至可以揀，所以我哋就喺雞煲同酸菜魚之間揀咗中辣雞煲。雞煲嚟到之前有四款小菜送上，包括有台灣腸，蒜芯，無骨鳳爪，同埋豬手。雞煲嚟到啦！雖然我哋叫左中辣，但係辣味都好勁，唔小心真係會俾辣味嗆到。啲雞肉好滑，真係啱啱好熟嗰種，避免佢哋越煮越老，我就熄咗個火，慢慢享用個雞煲。食完雞煲之後就可以揀個湯底打邊爐啦😋 我哋揀咗花膠美人鍋，入邊有大約六七塊花膠咁多㗎。😋火鍋配料方面，我哋試咗幾款肉類，當中我覺得羊肉片最特別🤭 我好鍾意佢個羊騷味❤️ 蔬菜類要喺雪櫃嗰邊自取，我欣賞佢每樣食物都係包好封好，衛生程度滿分。👍🏻飲品方面，除咗一啲罐裝同紙包飲品，餐廳都有一啲自家製嘅健康飲品例如酸梅湯，竹蔗茅根，蜜香紅茶，水果茶等等。我就揀咗清熱嘅竹蔗茅根，味道方面唔會過甜，感覺清潤。服務方面，由接待處到樓面嘅員工都感覺非常友善，而環境座位都闊落整潔，下次會再嚟。

作為觀塘上班族，與同事一起找地方吃飯時，「淥鼎記」無疑是我的首選 🤭👍🏻首先，一度點心實在出色。無論是蝦餃、燒賣還是叉燒包，每一款都新鮮可口。特別是蝦餃皮薄餡足，熊仔奶茶也特別可愛，是我每次來都必點 🐻🥰除了點心，酸菜魚和烤魚也是這裡的招牌菜。🐟 酸菜魚的味道令人驚豔，魚片鮮嫩，湯底酸辣可口，讓人胃口大開。最讓人驚喜的是，分量相當大，絕對能滿足食量大的朋友。而烤魚更是讓人印象深刻，搭配各種辛辣香料，讓人吃得津津有味。烤魚可以一直放在盤內加熱保溫，這點非常貼心。不過，對於怕辣的朋友來說，這道菜可能會有些挑戰，因為隨著時間 味道會越煲越辣 🙈🌶️🌶️不過，可能因為餐廳繁忙，我多次向店員要求拿辣椒醬及湯殼夾菜，他們似乎對我的請求不太理會🙃 但總的來說，淥鼎記的美食真的很吸引，對於觀塘上班一族絕對值得推薦！👍🏻🌟