淥鼎記

營業中

休息中

經濟實惠小寶餐兩個人食可以有三個選擇揀其中一個老壇酸菜魚 重慶雞煲 風味啤酒鴨如果想食另外嗰三款要四個人同行先得睇網上比較多人揀嘅係花膠湯底 重慶麻辣湯底朋友想試田園蕃茄湯 好啦 遷就吓佢先食幾款小食，然後食主菜酸菜魚食緊期間可以QR code order叫定湯底。 然之後可以慢慢點海鮮點牛肉豚肉 一part唔需要太急，因為上菜速度都快 蝦丸墨魚丸，非常推介 夠彈牙始終呢個價錢要求太多選擇唔算好多 不過勝在整體質素唔錯封門柳肉味最重 蛋白質含量最高牛肩胛 牛翼板 係隻牛身比較前嘅部份油脂相對較少 同時可以食到牛油香味飲品特設常溫區 另有一渣渣水果茶最後食返啲件西瓜走人

First time having dimsum at a steamboat restaurant. I didnt have much expectation prior to the meal.We have an individual booth for dinning which is really impressed. It wont be too noisy.All dimsum are so nice!!Esp the fried taro, it's fluffy and crunchy.The prawn dumplings are big and fresh!!The ribs and chicken feet rice isnt oily, the rice are nice!The sauce for the squid is delicious. The squid is nice in texture.Would come back for next time and would love to try their steamboat at night t

預早訂咗位, 一行5人安排咗梳化卡位比我地座, 我地今晚係無限時打邊爐, 我都好怕限時食火鍋, 又要急住還枱, 食都食唔順暢, 我地叫咗個爵爺套餐, 除咗有跟餐四格小食外, 仲有主菜我地叫咗重慶雞煲, 另外仲有海鮮拼盤, 刺身拼盤, 牛拼盤, 係個套餐包既, 另外自助區仲有飲品無限飲, 打邊爐既配料除咗可以叫餐牌既仲可以出去自助區攞起碼都有三至四十款供選擇刺身拼盤 - 竟然有鮑魚囉四格小食 - 牛肚, 台灣腸, 青瓜同鳳爪重慶雞煲 - 份量超多, 要食晒個主菜先會幫你起爐, 去下一部份既打邊爐牛拼盤 - 呢啲係貴價牛片, 好食海鮮拼盤 - 又有鮑魚餐牌點既丸子類, 同自助區攞既丸類唔同總括而言, 如果要食呢個餐最少要有4-5個大食量既人, 如果唔係唔抵食, 因為個套餐已經好多野食, 食完已經食唔到自助區既野.

之前食過午市飲茶，覺得午市質素幾好，夜市做返佢老本行雞煲邊爐應該都唔會差得去邊，就決定試試。佢個爵爺套餐係無限時放題︰主菜6選1 (一次性) + 火鍋湯底6選1 + 3款一次性食物 + 數十款任食火鍋配料 + 自助吧 (蔬菜、丸類及麵食) + 哈根大師雪糕杯 (一次性)主菜6選1 (一次性)1. 原味椰子雞2. 香辣烤魚3. 藤椒烤魚4. 老壇酸菜魚5. 皇慶雞煲6. 風味啤酒鴨火鍋湯底6選11. 鴨血麻辣鍋2. 澳門豬骨鍋3. 花膠美人鍋4. 皮蛋芫茜鍋5. 田園蕃茄鍋6. 馬來沙爹鍋3款一次性食物1. 頂級手切牛拼盤2. 豪華海鮮拼盤3. 豪華時令刺身一坐低，待應就上左個小食拼盤俾我地，有台灣香腸、泰式鳳爪、麻辣牛肚同涼拌四季豆。四款小食都正常發揮，無乜特別需要評價。之後就上左個刺身拼盤，有4款時令刺身 (帶子、北寄貝、牡丹蝦、象拔蚌)。個刺身拼盤一上，見到象拔蚌，即刻加左少少印象分  (畢竟平時D刺身拼盤見唔到呢樣野，就算有，都係勁薄切) 但呢度嘅刺身全部都好大件厚肉，仲好鮮味添! 帶子同牡丹蝦都好甘甜，北寄貝又唔會雪到好硬，咬落去口感彈牙，象拔蚌完全無腥味，整體感覺唔錯。主菜方

一向有黎打邊爐不過今次真係有啲失望送嘅蠔唔新鮮好腥叫嘅蠔更加唔洗講又腥，仲係冰嘅未溶雪送嘅牛肉肥多過肉好彩叫嘅牛肉冇出現咁嘅情況其他野就一如既往，還可以希望下次改善下

觀塘晏晝飲茶超抵食嘅地方！😍本身佢夜晚係做打邊爐，估唔到點心都咁好食！😋蝦餃 $19.8鮮蝦菜苗餃 $30蝦餃燒賣都可以叫兩舊好方便，兩款餃都皮薄餡靚，好多蝦。🦐奶黃流沙包 $30真係流心嘎！好邪惡！香芋酥 $38造型好靚嘅天鵝，酥脆好吃。🦢叉燒腸粉 $34腸粉好推介叫，新鮮整嘅熱辣辣，又皮薄多叉燒。柚子蜜蛋散 $24芝麻卷 $28兩款飲茶甜品😍蛋散鬆脆，不過多啲糖漿會更開心，芝麻卷好香芝麻味又Q彈。

上網見到好多人推介淥鼎記打邊爐，淨係餐廳個名經已非常有氣勢，餐廳環境及用色偏向中國風，好有風格，而且坐位舒適，我地一行四人5：30入座位於觀塘道亞太中心晚市火鍋我地選擇左小寶套餐，任食120分鐘,首先主菜可以六選一有老壇酸菜魚、重慶雞煲、香辣烤魚、藤椒烤魚、啤酒鴨我地選左原味椰子雞好正呀，啖湯一流，d雞放湯後，雞肉非常漱滑，真係無得頂食完隻雞，跟住就可叫火煱繼續打邊爐，湯底又係六選一我地選左花膠美人鍋，份量多厚身花膠，相當滋補，用QR Code 開App落單非常方便，食物選擇多除左App選食物之外，外面配料任食外面飲品櫃內飲品可以任拎任飲個凍櫃仲有好多食物，可以任拎任食！每款都有蓋蓋住非常衛生極力推介下次一定再來食下佢其他套餐

好耐無食過了，心心絲想食下睇下質素有否保持。記得之前食過酸菜魚，今次就試唔同嘅，糾結在雞煲同烤魚之間的選擇，最後揀咗烤魚。套餐係無限時的。🏮小食：有四款小食任添，亦可隨時添。分別有泰式鳳爪，台灣腸，麻辣豬肚同木耳。小食好食，而且開胃。🏮主食：六選一，揀左藤椒烤魚，相比香辣烤魚，辣度只是少少，無咁辣。需要煮熱條魚，滾後配料就好入味，魚肉質嫩，無細骨，但魚肉還是要小心。🏮刺身：有四款，有三文魚、大蝦、原粒帶子同螺，都好肥美。🏮打邊爐：湯底係花膠美人鍋，先來頂級海鮮及手切牛，海鮮大隻新鮮，手切牛就無當年般嘅驚喜。其他打邊爐配料不過不失。無限時的確吸引，可以慢慢食，慢慢坐，慢慢傾。

2024眨吓眼就過咗半年，而 #小秘書 嘅「18歲」生日亦已經係三個月前嘅事🤭 勢估唔到呢晚我依然係「女主角」… 感恩身邊一班好朋友🫶🏻可能大家都知我喺 #火鍋控，呢晚特別安排喺 #淥鼎記 食飯，話一於要我不飽無歸喎😅 其實我上年都幫襯過佢哋嘅旺角店，但係環境明顯比觀塘分店逼夾，所以唔係朋友仔提議，呢餐我都未必會再encore😅 不過估唔到呢餐真係有啲驚喜❤️ 服務員安排我哋坐喺窗邊卡位，感覺都幾舒服❤️ 先上枱嘅係 #魚生刺身 併盤🐟 色彩繽紛嘅擺設好吸引，而口感都幾新感，以中式餐廳嚟講，質素算唔錯🤤 呢晚我哋揀咗 #香辣烤魚 做主菜，條魚都好有份量，不過話就話BB辣，但係對於唔食得辣嘅朋友仔嚟講就非常刺激，搞到紅都面晒🤭🤭 之後再嚟嘅係用嚟 #打邊爐 嘅 #肥牛 同 #海鮮拼盤，#鮑魚、#大蝦、#生蠔… 樣樣有齊，齋係食餐廳為我哋安排嘅食物已經飽到上心口🤤🤤 不過為口嘅我又點捨得唔出去自助吧走一轉，#肉丸、#水魷魚、#雲吞、#鴨血 … 一般嘅火鍋料幾乎都可以喺度搵到，而且仲有任飲嘅 #水果茶、#汽水 同 #果汁 🤤 最後餐廳仲加送過 #Häagen-Dazs雪糕 比我哋做 #甜品 🤤

呢排好耐無去飲茶食點心，今日同囡囡上完playgroup ，見到觀塘有間餐廳係融合中西元素嘅點心，就一於去試下先。環境好大，員工服務都十分之好，但我哋用餐嘅時間，可能係平日lunch嘅關係，同埋安排左坐正中間，環境就略嫌嘈咗一啲。✨黃金蝦餃皇有13個摺既蝦餃，原來係用人手去包，機器做唔到，蝦好大隻，非常有口感。✨蟹籽龍皇燒賣呢個食落唔錯，有新鮮既蟹籽，飲茶必點。✨沙律蝦春卷正常水準，冇乜特別。✨木魚蔥花蝦米腸鍾意佢嘅腸粉夠軟滑，係有種咬落唔會散咁嘅感覺。平時食酒樓嘅嘅腸粉好多好快就會淋patpat了。✨炸BB鴿炸得好香口好脆，不過可能叫BB 鴿就冇乜肉食😂啲點心都幾高質下，仲有其他幾款點心未試得晒，除咗點心，午餐都仲有日本刺身食好多選擇，另外夜晚有得叫火鍋任食冇限時同有酸菜魚，下次可以再約多d人一齊黎試下囉。

好耐無打過邊爐啦 今日朋友帶咗我嚟亞太中心嘅淥鼎記 我地就揀咗個小寶套餐 原來呢度係可以揀一款主菜再加打邊爐 主菜方面就揀咗酸菜魚一坐低職員就上咗四宮格嘅前菜比我地 有台灣腸 酸辣無骨鳳爪 豆角 同麻辣豬肚 雖然只係前菜但味道都唔錯 老壇酸菜魚 (小辣)酸菜魚大碟得嚟非常足料 有好多塊無骨魚片 口感好嫩滑 仲有蓮藕 萵筍 豆芽同寬粉 小小辣食落好惹味食完酸菜魚就上咗湯底比我地打邊爐 揀咗花膠美人鍋 有唔少嘅花膠 紅棗同杞子安格斯極佳精修肥牛係我嘅最愛 雪花均勻 肥瘦適中 安格斯牛板翼同封門柳無咁多脂肪但係牛肉味就會出d 除咗牛肉仲有豬 羊同雞可以揀 不過打邊爐嚟講我每次都係主攻牛肉出面自助區仲可以夾蔬菜 餃子 丸類 菇類等等 呢度竟然有鵝腸同金不換豬肉丸 係出面都比較少見 仲有多款飲品同自家飲料 好似竹蔗茅根同酸梅湯呢d 飲完即刻覺得無咁熱氣

今日同媽媽食下午茶，諗起淥鼎記下晝有茶飲所以帶佢試吓，佢試完話啲嘢好食，款式又唔錯，話下次要再嚟。下午茶時段14:00-16:00 截單時間為15:30，都見唔少人排隊，可以用GULU攞飛，下午茶點心款唔係好多，可以揀另一張正價點心叫，價錢都合理。下午茶孖寳有ABC三組，可以A+B 同 C+B組合，唔明點解冇A+C組合呢？1.（孖寶） 野菌鮮蝦菜苗餃 +  三文魚腩刺身 ：豆苗餃正正常常冇乜特別，三文魚腩刺身都幾厚，幾肥美2. 蟲草花叉燒腸粉：腸粉幾滑，味道唔算特出3. 黑松露三文魚酥：款式比較特別，唔係間間點心都有，味道幾好，酥皮香脆，可能都酥皮嘅關係有少少油，整體嚟講係好👍呢個價錢我覺得可以4. 荔枝百花球：呢個造型好靚，驟眼望落去都好似，入邊係蝦膠，出面係紅色嘅脆米5. 抹茶脆皮鳳梨叉燒包：幾特別嘅味道，比一般嘅雪山叉燒包好食，可能有菠蘿嘅關係所以食落冇咁滯，不過綠茶粉好似少咗啲唔夠色，冇乜綠茶味，但係都好好食，上枱果陣重係暖嘅👍6. 花膠蟲草上湯鮮竹卷：呢個比想像中好食，因為平時食嗰啲多數都係用腐皮嚟做，但呢個係用腐竹👍做嘅所以我覺得好食，花膠大概係兩隻手指甲咁大，味道唔錯，個

成日睇IG post見到想去試，一路猶豫因為飲茶始終唔係我嘅first Priority，要一大班人去先食到多啲嘢，但係又要夾晒成屋人就有啲麻煩，如果唔夾人貿貿然同阿媽兩條友去又食唔到啲乜，終於都係扚起心肝唔夾人兩條友走咗去嗌咗五碟嘢，食到好飽，我諗三個人會好啲每樣點心都三件三件同親阿媽食嘢飲茶，佢都冇得話事都係我揀晒俾佢食，因為我最麻煩揀完又後悔平時佢同人飲茶，10點已經飲完同我就被迫要晏少少，呢間茶樓10點先開門我哋兩個人叫咗五個點心包括有蟲草花叉燒腸粉、（蟲草花唔知去咗邊，一碟有六小件）蘿蔔糕（切到好似層層疊咁）松露雞粒酥（呢個好明顯係我最喜歡的酥餅/批類，所以我食咗兩件）陳皮蒸牛肉球同糯米夾 （煎糯米雞）本身睇IG啲相其實想叫埋奶皇包（粉紅色有金箔）同埋太極馬拉糕，不過兩個人點食喎。全部嘢食都唔錯，賣相精緻係我嘅口味仲要12點前埋單免+1免茶芥，其實都幾抵。不過肯定冇阿媽推介平時同啲師奶去食嗰啲早茶咁抵啦，佢話平均每人30幾蚊，而家平均每人都$80啦。開茶佢係每人一個茶包自己沖 ，都幾好呀，獨立自己想飲乜就飲乜。不過媽媽就應該麻麻哋

有一次約咗班舊同事一齊去打邊爐，我哋就揀咗呢一間餐廳，因為就腳。而我哋就叫咗一個套餐，有烤魚，刺身，同埋邊爐。首先講下個烤魚，烤魚本身就重口味，但係佢對辣度嘅調配係非常適中。而刺身非常之新鮮，有蝦，帆立貝，三文魚，鮑魚。。。再配埋刺身鼓油一齊食非常之好食。最後講到個火鍋，佢哋嘅火鍋配料係任拎嘅，配料選擇唔錯非常之多，質素唔錯，而佢哋嘅牛肉係牛頸脊，食落牛味充足，但我嫌佢哋切得太短同埋細。如果切長啲，厚身啲再好食啲。

老壇酸菜魚，魚係用新鮮嘅草魚嚟做，肉質好滑。酸菜好夠味，酸辣味好正。湯底仲有好多配料，例如豆腐、芽菜、豆芽等，好豐富。我哋仲叫咗個雞煲，雞肉好嫩滑，仲有好多配料，例如金菇、粟米、蓮藕等。雞煲嘅湯底好香，辣度適中，好惹味。