深仔記 (已結業)

呢度嘅招牌雲吞麵，只係$31，價錢親民。每粒雲吞嘅餡料，除咗豬肉仲有蝦，皮薄鮮甜彈牙，而且每粒雲吞都有好似金魚嘅散尾。麵質爽口，沒有鹼水味，每碗麵都撒上少量韮黄，湯底飲落清香唔覺味精。下次會再嚟試其它食物。

這兒的早餐價定價，由$16多士餐到最貴都只係$33歐陸早餐，凍飲+$3，價格親民。沙嗲牛肉麵，配餐肉雞蛋厚多士，牛肉食唔到鬆肉粉味，略嫌沙嗲汁唔夠香，餐肉煎得香透，仲有流心太陽蛋，多士烘烤得夠脆，牛油塗滿整整一塊多士，唔小氣👍，飲埋杯提神咖啡，一日嘅好開始。

到大埔探朋友，順便一起吃個下午茶。簡簡單單吃個麵吧。隨意找了附近一間麵店。有下午茶剛好。 下午茶點了: ▶️招牌雲吞麵🍜 正正常常，麵質幾好，也沒有過重皂水味。雲吞內的🦐都幾彈牙。整體可以但冇驚喜。 ▶️鮑汁雞腳麵🍜 雞腳炆得幾稔，鮑汁都不錯的，麵索了鮑汁後好正。雞腳size較小，應該大隻些會更好口感。 ▶️香炸雞翼 (加10元) 一碟有三隻，幾香脆。 ▶️飲品(加3元)🥤🥛 有豆漿、可樂等選擇。整體可以的。

住在大埔的我，大清早就行左去太和搵食，不過四圍都好多人，行行下被一間懷舊粉面店吸引住，走左入去幫櫬。原來深仔記大有來頭，是十大受歡迎雲吞粉面店，裝修很花心思，六七十年代裝修，可以邊享受美食，邊感受氣氛。因為仲係早餐時間，我就叫左 西煎雙蛋 加 仿鮑片火腿通粉改米粉，再來杯熱奶茶。食物方面有驚喜的，因為粉面店，個米粉煮得剛剛好，我愛吃辣，所以落了不少特製辣椒油，仿鮑片火腿米粉加辣椒油令味道提升了不少。服務員方面很親切，令食物多了一點人情味道。

今晚同朋友打完麻雀， 咁我就走咗去太和深仔記食宵夜， 佢哋推出咗一啲宵夜套餐， 咁我就揀咗佢哋出名嘅雲吞麵 、海蜇青瓜同埋黑豆漿。黑豆漿唔錯係香港製造，而且唔係太甜。正合我意。至於海蜇青瓜，海蜇其實都幾好都算爽口彈牙啦 至於旁邊嘅青瓜本來我都想食 ，但見到青瓜好似變咗黃瓜咁嘅色 我最後尾都係放棄咗冇食青瓜。 就咁原封不動擺咗喺隻碟度。至於個雲吞麵， 雲吞都算出色， 麵都算彈，冇 鹼水味， 湯底尚可以。 以佢哋offer嘅價錢， 其實都算係咁啦。

今天15xx行到太和個邊，覺得有d肚餓，就走左去深仔記食野，本身呢間最出名食面，但我太肚餓，決定叫個飯餐，叫左個桂侯牛腩飯，明明寫套餐，但個阿姐話唔包飲品，上面無寫供應時間到幾點，呢樣野如果係商品條例應該衰左，送到上來唔夠熱，係暖既，食落ok,但又未去到好好味，仲要主動叫佢俾杯水我，都無諗住斟杯水俾客，當時計埋我得3枱客，可能hea做，食完我同阿姐講唔包飲品好奇怪，個阿姐扮傻仲問我咩話，所以食1次夠，唔會再有下次

今日食lunch 去咗食深仔記雲吞麵加底再加多個油菜（芥蘭）其實個麵都幾彈牙，不過仲有少少鹼水味，個人嚟講就太多鹼水味啦雲吞裏啲蝦都叫多，而且都爽口嘅！雲吞size啱啱好雲吞麵都有5-6隻雲吞碟油菜就不過不失啦不過有一敗處，唔知係咪我飲咗一啖湯，我覺得味精/鹽份比較多，我口渴咗一個下午服務都不差的

大年初三落到樓下食個快靚正午餐結果樂多店都冇開，見到呢間開左仲好多人於是就入左去食，新年收加二服務費都合理。•油占多士（$18）超級厚切既多士，勁飽肚，但係烘得唔夠熱同脆，味道一般。•豬手雲吞面（$42）呢個唔記得影，豬手幾入味，雲吞都好食，唔錯唔錯。•油菜（$15）叫左菜心，煮得剛剛好夠嫩綠，份量幾多，抵食。————————————（5⭐️滿分，💫為半分）整體環境：⭐️⭐️💫食物外觀：⭐️⭐️⭐️💫味道：⭐️⭐️⭐️⭐️性價比：⭐️⭐️⭐️⭐️💫回頭指數：⭐️⭐️⭐️⭐️————————————

這是一間雲吞麵舖，但它的雲吞味道很一般，只有水餃、雞腳、牛腩及麵可以入口，其餘的出品都不是很好吃。早前，這間雲吞麵舖還學人賣西式早餐及雞牛豬扒碟頭飯。試過之後，失望而回，還是幫襯它的水餃、雞腳、牛腩及麵 ... (只有蝦子麵可以入口；米粉、河粉等等一概難食）值得一提的是，店內有一名操不流利廣東話的大陸婦人侍應，服務態度一般，顧客請注意。這間店的廚師很用心煮湯底，喝得出是用地寶魚煲出來的。若非如此，我不會浪費時間，刻意駕車到這裡買外賣。

今日去林村許願樹，係太和搭小巴，就揾咗呢間舊式茶餐廳試下，深仔記總店o係深水埗，太和呢間已經係第4間分店餐廳裝潢好有70年代feel，但唔殘舊，坐卡位幾舒服一睇餐牌，寫住「招牌雲吞麵」，咁梗係要哎黎試下啦，再叫咗個睇食評都唔錯既南乳豬手雲吞麵個鹼水味同大地魚味夠出、粒粒雲吞都食到鮮蝦、唯一要挑剔係個麵底，啲麵係爽嘅但唔煙靭彈牙；成個雲吞麵連湯我都食晒，幾唔錯南乳豬手夠入味亦唔太鹹，豬手煮得夠淋夠粘茶餐廳黎講，出品非常唔錯，比好多主打自己係雲吞麵專門店既好食

細細個的時候，父母已經帶過我去深仔記食雲吞麵，記憶中的雲吞皮薄餡多，事隔多年，今日途經大埔，有機會再次品嘗它的味道。點的食物有雲吞麵和油菜（芥蘭），作為一間老字號，它的價錢絶不昂貴，雲吞麵賣二十八元，油菜賣十三元，這幾乎拍得住政府熟食中心麵檔的價位。落單不夠，全部食物已經上枱，效率相當之快，雲吞麵湯底鮮甜，麵條沒有鹼水味，而招牌的鮮蝦雲吞大大粒，雲吞皮薄薄的，包住彈牙爽口的鮮蝦，整碗麵的水準依然是高水平的。

聽朋友講大埔太和之間有一間被視為全港十大雲吞必食嘅老店，喺大埔讀書讀左四年嘅我，竟然懵然不知，認真慚愧，所以今日落堂即刻拉埋幾個朋友一齊去試吓。店舖入面嘅裝修比較舊式，睇落似係用傳統港式風格作為建築主調，坐喺呢度進食，彷彿返咗去60年代嘅香港，別有一番風味！招牌雲吞麵當然係必點啦，我選擇了撈麵，雲吞非常足料，大大嚿，每一啖都係肉，蝦味10分濃郁，一啖湯，一啖雲吞，雖然唔算太大碗，但係食完有大滿足的感覺！因為實在太肚餓，雲吞食唔夠喉，我哋加點左炸雲吞，好少地方可以食到，食落嘅感覺好特別，外層炸得香脆可口，內裏包着野係熱辣辣嘅雲吞餡料，超級好食！總結來講， 如果你想來體驗一下古色古香的傳統雲吞麵，不妨黎試吓！

係我畢業嘅呢一年先聽聞 深仔記原來係香港十大雲吞麵之一趁住仲有堂喺大埔上，點都嚟試一試店舖入面係新式仿老香港派有大大隻標楷體嘅招牌，寫到明有咩出名有卡位、圓枱選擇啲菜放喺廚房出面綠色嘅窗框估唔到呢度都有茶餐廳嘅飯set如果學生嚟食嘅話，仲有優惠價我叫咗招牌雲吞麵一嚟到嚇咗嚇，點解冇雲吞嘅原來啲雲吞喺曬底啲雲吞食得出用咗新鮮蝦，好彈牙！雲吞麵唔夠飽，仲叫咗炸雲吞，之前都未食過感覺好奇妙，外皮超脆，配埋入面多餡料嘅雲吞另外再叫咗碟生菜唔知點解中式嘅菜都係圓碗形嘅

深仔記一直係我嘅最愛，好耐冇食，所以同朋友一齊試吓究竟有冇退步到時間尚早，但係都已經坐滿左唔少人，裝修以懷舊嘅港式風味作主題，零舍有feel餐牌一如以往有好多款麵食，而且價錢平民化叫咗椰青水，係if呢個牌子，有質素保證，味道鮮甜清新朋友仔叫咗黑柏葉同埋南乳豬手撈河粉，黑柏葉同一般牛柏葉嘅味道分別不大，只不過顏色係黑色，口感爽口新鮮。而南乳豬手既味道濃郁，好重南乳味，豬手煮得好腍，好正。河粉就煮得啱啱好。而我就叫咗雲吞牛腩撈麵，份量都幾大，牛腩係柱候牛腩，味道濃郁，而且肉質好腍。而雲吞就皮薄餡靚，鮮蝦爽口彈牙。撈麵配埋腩汁，食物好惹味。腐乳通菜，通菜煮得啱啱好，非常爽口，配腐乳，味道好夾另外分別叫咗炸水餃同炸雲吞，炸得非常香脆。水餃好飽滿，非常足料，啖啖肉。而雲吞都做得唔錯，好多蝦喺裏面。而且識落唔會覺得油膩，點埋甜甜地嘅沙律醬，味道好夾。整體來講，味道同埋價錢都唔錯，一樣keep到以前食開嘅水準👍🏻👍🏻👍🏻

大埔食野一向都多選擇，今次就黎試下呢間近住太和站既麵店啦。舖位好顯眼，就係條大馬路已經見到，招牌都好醒神。先試牛筋腩河，d腩熬得好淋，而筋有嚼勁。而河粉係幼身偏碎，連湯食就岩晒。最正係個湯底，係好香濃既腩汁，味精味唔重。咸雞牛柏葉粥，雞果然夠咸而且好嫩滑，令到清淡既粥潤色不少，而牛柏葉係原始既黑色，而係平日所見漂完白既色，食落好放心。粥底熬得好鮮甜、軟身，係我至愛既質感。炸雲吞（細），雖然話係細，不過都有成六粒。炸得好脆，而脆皮帶點咸香，唔係平日酒樓個d主要食個汁既風格。炸鯪魚球（細），同樣都係有六粒。醃得好香，味道好有層次，會食得好香魚味既內裏，加上咸香既表面，再蘸埋蜆汁帶點鮮味，愛重口味既人必食。