添記法式三文治

營業中

休息中

⭐️小法包有大小size選擇 今次揀左細size但其實都唔細 即叫即整 所以要等一陣先有法包夠足料 好多配料 包括有豬肝醬 扎肉 咸豬手 腩肉 醃蘿蔔絲 青瓜等法包香脆 豬肝醬好香 咸豬手鹹香配埋爽脆蘿蔔絲同青瓜 口感好豐富⭐️蒜蓉包蒜蓉包 好大塊 但偏薄身 烘得香脆 加埋滿滿嘅蒜蓉牛油 好難唔好食 我個人就鐘意蒜蓉包多過法包⭐️龍蝦片口感鬆脆有淡淡蝦味過下口癮都唔錯食物唔錯 環境服務普通 價錢可以 稱唔上平 但份量足 可以接受有興趣可以打電話去落單先 就唔使等咁耐

🇻🇳自從去完越南，一直對法包念念不忘🙈1️⃣🥖小法包 (推介指數⭐️⭐️⭐️⭐️⭐️)法包得一隻味，只有大或小可以揀，材料包括即豬肝醬、豬手、腩肉、札肉、醃蘿蔔絲等，大部份材料都是自家製，一咬落去超級脆，法包仲要唔乾，口感好豐富🤤豬手既咸香，醃蘿蔔既酸甜，仲有胡椒粉既香辣，成個包好野味🌟 堅持即叫即製，小店設有兩個Bar枱，因為疫情關係暫停左堂食

🥖越式法包脆皮小法包內裹住好多料，包括扎肉、紅蘿蔔絲、青瓜絲同嚼肉等，味道酸酸甜甜，爽脆開胃；加上胡椒同黑椒調味，令法包添上鹹辣，非常適合夏天食😋☀️Fresh and crunchy “Vietnam-style baguette” brought freshness in this summer! Shred carrot, cucumber, and sliced pork are seasoned with black peppers. Spicy and salty flavor is the best refreshment in tea time😉🤩

在一篇美食公众号里看到作者推荐这家小店是“隐世法包店”。今天正好来附近办事，特意规划时间绕道来此。一口咬下，酥脆到让人心里不禁小小激动一下。里面的馅料口感也调和的刚刚好。配上一杯咖啡，完美。

幾年前因為掛住去越南食過既法包所以特登上網搵睇香港邊度有得食。搵到呢間添記香港老字號，就嚟試下，放工特登過佐敦。越南都唔係間間都勁好食，但呢間俾我既感覺係，人地越南最唔好食既都不如。先唔講d 料，我覺得個包身先係靈魂！食過好食既越南三文治法包既人都會知，個包食落應該係外皮酥脆，入面鬆軟帶少少煙靭！諗下都想食俾完錢，可以見到老闆夾料整包，之後佢拎咗個包入焗爐焗，我見到既畫面係佢一邊休褲一邊整。。。觀感真係唔太好。。。我都唔記得佢有冇戴手套整包了。。。之後都陸續有人嚟order 食物。我最後拎到個包後咬咗一啖，咦！點解咁既！咁硬既！好似平時出街食到既法包多士咁脆喎！係成個包都係咁樣喎！當下覺得好唔開心，點解會好似食緊餅乾咁。我本住唔浪費既精神食完佢。一路食一路覺得好口乾，好似仲刮損咗個口。入面既配料印象中係酸酸味味，最好味係d 酸甜蘿蔔，其他配料都好印象模糊了，姐係唔吸引我囉。總結係呢個係港式越南法包三文治去過越南食過既朋友之後再食呢間一定會好失望！完全唔推薦

大法包 $82叔叔即叫即做，分3份，餡料都算簡潔，包括勁多蘿蔔絲/扎肉/青瓜/鹹豬手。麵包咬落皮脆內軟，而且好勁胡椒粉😂 鹹度十足，配上爽口既青瓜蘿蔔，就可以稍微中和返😌食到後期會好口乾，唔係想像咁驚艷，試一次夠曬🙂

以前細細個住喺附近，都會嚟呢間添記法式三文治買法式三文治做宵夜，咁啱今日係圓方行街，見咁近就行過嚟佐敦呢邊買份法式三文治返屋企做宵夜。間舖頭無論外觀同裏面都幾十年不變😅入到舖頭我就同佢講要一條大法包，可惜佢話賣晒，得返小法包，特登行過嚟梗係照要啦。其實大法包同小法包嘅分別只不過係大同細。等咗幾分鐘就有，熱辣辣！我冇即時食，我返到屋企先至食（返屋企車程大約半個鐘）我原本返到屋企直情唔記得咗果法包，可唔可以突然之間有少少肚餓先醒起，我冇將個發包加熱做過任何嘢，就係膠袋裏面攞嚟食，第一啖咬落去，脆到不得了！我冇諗過隔咗咁耐仲係咁脆個麵包，好驚喜！不過個味道好似同以前有啲唔同，而家好似比較光乾（我意思係裏面啲餡料）好似少咗啲水份嘅感覺，我唔係好肯定係咩嘢導致呢一個原因，但係整體上佢都係一個好食嘅包，同埋仍然好脆！

未食過呢種越式法包，見openrice呢到咁多評價，於是滿懷期待就去左試。係門口望未入去，已經有種好有歷史既老字號味道，入到去見到有個架賣越南食品，另外有個角落可以坐係到食，見d櫈都黑蚊蚊好污遭，睇得出好多年歷史啦，地下滿地都係法包碎，枱面有d殘留既包饀，店主可能都習以為常，對上客人食完都無清潔抹下枱個d，於是我同男朋友自己稍稍清潔下就坐低食包啦。叫左一個小法包（40蚊）同一個蒜容包（10蚊）小法包到手既時候係唔熱既，唔知道係本身唔係熱食定係凍左？食既時候，終於明白點解滿地法包碎，哈哈！無可避免，食到成身都係。個包感覺食落有少許乾身，如果多返d醬汁會juicy d，饀料感覺唔算多，無出現饀多到跌出黎既情況，有d失望。反易蒜容包食落更出色，熱辣辣脆口，但又唔會好硬好難咬開，包上面有d蒜容，食落好香口，睇到個紙袋就知道幾邪惡！店舖牆上痴左好多雜誌介紹，睇返2004年既時候，法包賣24蚊，然後再望下跟住落黎既年份同價錢，見到價錢愈來愈貴，去到而家既40／78蚊，除左通脹問題外，唔知係咪業主加租既租金壓力？令到價錢貴左咁多。味道係ok既，但呢個價錢黎講，加上進食既環境，食包就有點貴啦。

上篇同樣是吃越南法包的食評。相同的食物下，有比較，才能分出優劣。這間佐敦添記馳名久遠，但奈何總是找不著。今次特意專程前來，把車泊好，拿著電話地圖繞了幾圈，終在涇渭分明的唐樓群地下找到。原來前幾次，均是被門外路旁大車遮檔。此說明了添記非常低調的，沒加上大大塊招牌，不花錢做宣傳，也甘願寄居位置極不方便的老建築地下，以證明有麝自然香的真理。它名氣嚮透極了，是香港老字號的越南法包店，牆上也貼滿了外國報紙雜誌的訪問。先撐開話題說一下：餐廳如何會被海外雜誌社青睞訪問？我自己經驗是，只要餐廳主廚在國際烹調比賽獲獎、又或接受了海外知名媒體訪問。各國機構便會一呼百應，邀約函便應接不暇。自己曾於一個月內接待來自內地、日本、美國、及俄羅斯的旅遊雜誌社訪問。與公司各部門整夜同心協力，印制精美新聞稿小冊子，人事部擬定主廚背景、市場部與主廚討論菜式之中英遣詞用字等。印象較深是日本傳媒，雖然英文溝通欠佳，但拍攝十分認真，短短一款菜式連廚師硬照場景便佔了一整個落場時間，事後更寄回刊物留念。說回這間小店吧，裝修陳設簡單，推門內進便見鋁制小櫃枱，螢光餐牌字體端正寫著只賣主菜大法包及小法包兩款，沒有其他味道選擇，亦沒有地道

終於有時間 嚟佐敦呢度 試下呢個 法式三文治啦，因為男朋友講咗好耐想帶我入嚟試，但幾個月黎都冇機會所以心情難免有點期待，有點興奮 我哋order咗一個大嘅法包，價錢有點兒貴 要$78一個，不過食完之後都覺得係值得既個法包 好大嚿，同埋好長！呢個大法包又真係幾大吓，本身仲驚食唔曬㖭，包嘅樣子望落好靚入邊好足料呀有好開胃嘅酸蘿蔔絲，青瓜 ，扎肉片，豬肉碎，同埋d腩肉片等等啲酸蘿蔔絲鋪滿曬喺面，色水好靚而且食完後仲勁開胃添，啲青瓜都係食落好清新， 中和番啲豬肉嘅 肥膩感由於入面實在係太多料，所以食到 係咁跌曬啲肉出嚟哈哈哈而且個法包真係好脆好脆，脆到係咁跌曬啲麵包碎落嚟呀所以我哋食到成枱都係麵包碎今次學精咗，下次再食嘅話 要帶定啲紙巾嚟墊住啲碎同埋包嘅面都灑咗一啲胡椒粉令到個包更加惹味，不過亦都搞到我打乞嚏哈哈哈

今次要介紹一間 佐敦嘅小店😋間舖頭係食法式三文治架 我都係第一次見到呢一款嘅長法包夾住啲特別嘅材料 外面係一間唔起眼嘅小舖頭 入面係一個老伯伯經營左好多年~連我屋企啲老人家都識😂原來呢間舖頭都有好多唔同嘅報紙雜志有報道過 我都係去到先見到(´Д` )我哋兩個人買咗一條大法包$78 如果買細嘅話就$40麵包黎講真係有啲貴既!!不過第一次試下都好😚兩個人一人一半啱啱好 買嘅時候可以同老伯伯講切開幾多舊方便啲食 (＾ω＾)仲有蒜蓉包㗎不過我哋仲未試過 😣😣個包真係超級大條 個嘴細啲都唔得🤣🤣入面都好足料㗎 入面有紅蘿蔔絲,青瓜絲,扎肉片,碎豬肉同嚼肉(我都係第一次食嚼肉)食落去鹹鹹地 面頭仲有好多胡椒粉同黑椒嘅香味(⁎⁍̴̛ᴗ⁍̴̛⁎) 一啖咬落去脆卜卜但係又唔會好硬 估唔到呢幾樣野加埋係咁夾😋最特別嘅係呢間舖頭入面仲有一個小位置係買越南食品㗎🇻🇳如果想自己喺屋企整越南嘅嘢食 金邊粉,越南春卷皮....可以過去睇下 會唔會有啲啱嘅買🤩🤩營業時間:11AM-12AM 去到凌晨12點😂地址: 佐敦渡船角文苑街文耀樓 30號a座地下地鐵站A出口行過去大概10分鐘 有時夜晚肚餓仲可以買宵夜😋不過留意番 如果

多得男朋友帶我黎先知道呢度有間咁好食嘅小店呢幾年睇住佢不斷加價都依然經常買黎做宵夜 因為真係非常好食法包有分大細size最近食先發現大法包個包身比較扁平小法包比較圓身(唔知係不嬲都係咁 定最近呢次先係)嘴細嘅話大法包會比較容易入口細法包就好難可以一次過咬曬包同餡但係對我黎講細size已經好夠飽 所以都係食細嘅算包入面餡料豐富包底搽左豬肝醬 鹹鹹香香有豬手碎 食到煙韌豬手皮仲有腩肉碎 酸甜紅蘿蔔絲 青瓜絲餡料填滿曬法包每一寸空隙絕對唔會有嗰種’食到尾得返個乾爭爭嘅包嘅空虛感‘而且我覺得佢個包有別於出面食嘅法包絕對唔韌唔硬 唔會有‘要扯開個包嘅感覺’焗之前老闆會幫個包噴水 焗完非常之鬆脆另外仲可以叫加辣 老闆會加大量新鮮指天椒粒 平均分佈喺包入面味道更加豐富同刺激好可惜掛著食冇影到入面啲餡仲有記得哄埋去食嘅時候唔好大力呼吸因為包面灑上左胡椒粉 令到個包更加香大力吸氣會比面頭啲胡椒粉搞到個鼻好痕蒜蓉包唔識講好濃蒜蓉好濃牛油味 一樣好鬆脆係簡單得黎 有用心製作嘅蒜蓉包一定要試

舊式小店裝潢加上牆上貼上多年黎各大報章對添記嘅介紹, 好感受到添記屹立多年嘅歲月痕跡～ 位置雖然比較偏僻, 但不時都聽到朋友提起添記嘅法包😚 菜單好簡單, 大法包、小法包同蒜蓉包😆 睇介紹大法包有手臂咁長呀～～～😲 今次就咁叫左個小法包品嘗🤤 口感層次好豐富😌1️⃣ 小法包法包非常脆口💥 一咬就成身都係麵包碎🙈 好大陣胡椒香味餡料都好豐富😍 有酸甜蘿蔔絲、青瓜、扎肉片、豬肉仲有少量腩肉, 都幾肥下架😆 食嘅時候記住唔好吸咁大力呀... 黑椒會嗆喉搞到係咁咳😝 店裡面仲有個位係賣越南🇻🇳食品, 好似MAMA嘅米粉、河粉咁～ 真係好有越南🇻🇳小店嘅感覺呀～ 唔知幾時可以再返越南🇻🇳呢🥺

老實講，呢間法包店久仰大名，想試呢間好耐，但一直未有機會，今日放工終於有時間，就滿心歡喜去會一會佢，入到店內，好有懷舊小店既感覺，店內亦貼滿上報既舊貼圖，而老闆亦已滿頭白髮，整體感覺有一種老香港既情懷。。。好啦，講返食物質數，我本人覺得名過於實，由其試過大角咀間黃金法包，係有對比之下，味道非常一般，涵料方面，大家都知法包主要黎自平價酸菜但內裡份量極小，瘦身之選，唔知係咪咁岩我唔好彩定樣衰，總括而言，78蚊黎講真係有貴，無下次，完！

香港至所以被譽為美食天堂,除了可以食到世界各地美食外,香港人亦會懂得加以改良,創造出屬於本地獨有嘅外國料美食,以下要介紹嘅就係一個好好嘅例子.位於佐敦渡船角(近柯士甸站,廟街),文華新村裡面,有一間開了40年左右,經三次易手嘅越式法包店,一望招牌已經知道歷史悠久.裡面有過去二十年來大大少少 唔同雜誌報章嘅報導,日本報都有賣!(見下圖).賣嘅只有三款,大法包,小法包同蒜蓉包,價錢如果睇返舊照亦都可以睇出時代嘅變遷.試了($40)同蒜蓉包($10),所有包都係即焗好香脆.老闆態度亦好好可以請佢隨意將法包切開幾份同人一齊食.法包表面鋪滿了自家醃製酸蘿蔔絲,同埋正常傳統越式法包應有嘅材料包括札肉,青瓜,豬肝醬. 而同傳統越式法包不同的是,冇落芫荽,並加入了香港獨有嘅美極豉油同少量胡椒粉,另加了咸豬手,五香腩肉(見下圖cut 開見到有幾款肉),從而創造出香港獨有嘅味道,相信亦都伴著呢度嘅街坊成長($10)大半條都塗滿了牛油同蒜蓉,即焗十分香脆,聽說係當年小學生放學回家最愛買嘅廉價小食🤗.唔經唔覺講一條法包都打左咁多野,因為覺得除左食佢嘅味道(講真唔會話係驚為天人),更重要係感受背後時代嘅轉變,位