淼屋 (已結業)

又與朋友食居酒屋🌝但呢間居酒屋係近期食過菜式比較特別嘅一間，除咗有室內用餐區外，更設戶外位置可飲酒吹水，環境都唔錯😌🏮酒盗薯仔沙律（$78）酒盗係用鹽醃魚內臟半年以上而成嘅鹽漬物，亦係日本特色嘅佐酒小菜，但以酒盗配沙律則第一次見😮味道唔止有一般沙律嘅清新，仲多咗份鹹鮮，幾有創意。🏮淼屋火焰雪山甲羅燒（$148）甲羅燒上置滿蛋白，店員將Rum酒倒入甲羅燒後再點火，食前將蛋白與蟹膏撈匀；甲羅燒蟹味極度濃郁，且帶陣陣酒香，整體幾特別😌配梳打餅同食可減低膩感。🏮海膽醬燒大老虎蝦（$128）老虎蝦幾大隻，肉質爽脆彈牙，海膽醬令味道更有特色，估唔到幾夾幾好食。🏮日本富山灣冰見海油金魚鮫（$98）油金魚鮫幾大件，魚皮燒得焦香帶脆，魚油十足且啖啖肉🤤加少少檸檬汁及配酸汁同食，已經好食到舔舔脷😋🏮脆炸吉列黃金廣島蠔（$128）廣島蠔肥美大隻，外層炸至金黃香脆，內裏又嫩又juicy，配埋味似千島醬嘅醬汁，真係非常可口😌🏮黑松露松葉蟹親子炒飯（$168）黑松露味尚算香濃，飯粒炒至粒粒分明，配埋蟹子及蟹肉等同炒，口感乾身且豐富😋建議加入甲羅燒與炒飯同食，味道更為豐富吸引，別有一番風味👍🏻

同同事有野傾，就搵間坐得舒服啲既餐廳。環境唔錯，食物都有幾多款🤔。Set Lunch有沙律、前菜、麵豉湯、主食、兩款小食🤪。沙律好新鮮，食落去索索聲。麵豉湯有少少淡。前菜係一啲漬物，坦白講真係唔知咩嚟😂。唐揚炸雞滑蛋親子丼 $148外面嘅炸漿有少少厚，但裏面嘅雞肉好滑好多汁好Juice，令我完全忘記咗炸漿既事😂。個飯有啲燒汁，甜甜地好開胃。啲飯係珍珠米，真係唔同啲😚。燒西班牙黑毛豬梅肉爽 $168黑毛豬唔錯，食落去唔硬😏。不過因為我食咗炸雞先，所以黑毛豬有少少比下去，好彩調味唔錯！個烏冬係稻庭烏冬，呢個都係賣點之一😍。小食：雞軟骨串燒+車厘茄鴨胸串燒兩樣都燒得乾身啊😳，入口既時候唔會成口油！特別係雞軟骨，好味道，無揀錯😍！小食：日式炸豆腐+有機翠玉瓜炸豆腐有少少似唔臭嘅臭豆腐，細細粒外脆內軟😂。燒翠玉瓜唔錯，如果厚啲就更加好食。燒得都唔錯架啦，乾身得黎裏面仲有汁😛。埋單$316（無加一）

今日晏晝係中上環一帶行, 夜晚見到呢度幾靚, 就同fd黎到一間居酒屋食dinner~入到去坐低~ 座位好闊落舒服, 呢度有露台位/室內, 我地就簡左室內既位置坐~呢粒山葵好得意~~就點左幾個小菜同主食.呢個係酒盜薯仔沙律，之前聽過酒盜係一種醃製既魚內臟，但一直無機會試，今次居然見到，即刻叫咗。個味道好特別，有少少辣口，有種腐乳既味道，一啲都唔腥，好開胃。之後係脆炸吉列黃金廣島蠔，入面粒蠔好鮮甜。即叫即炸，皮好薄身，超脆口呀。呢個超級驚喜既係 日本富山灣冰見海油金魚餃，個名勁長XD 魚餃外皮薄脆，入面魚油多肉汁又多，最後連骨都想LAM埋，因為真係勁好味，最推介係呢個呀，個人覺得係必必必必食推介。必必必必食!!!!!! 勁好味，大推!!!切開影張相先。之後係呢隻超大既海膽醬燒大老虎蝦。見到個名叫做老虎蝦就知，叫做大老虎蝦就更加大~食落去啖啖肉，超正。呢個係打卡必點既淼屋火焰雪山甲羅燒，點解係打卡必點用呢？因為出場時會點火，有火焰雪山睇~本身就咁食甲羅燒會有啲咸，不過加埋個疏乎厘就會中和番~最後加個黑松露松葉蟹親子炒飯，黑松露味好香，仲有松葉蟹肉~~~粒粒乾身炒飯，最後食到好滿足~~總括黎講

好耐無去上環，今日約咗朋友去食日式料理，係Akvo酒店上1樓，呢到環境唔太大，中間有張可以坐到8人嘅枱，入到去發現有間包房，有吧枱及其他座位，座椅係藍色，店內有日式佈置，簡單舒服 睇完個餐牌，就嗌咗個【酒盜薯仔沙律 $78】賣相好特別，加咗酒嘅沙律，面層係吞拿魚腸，薯仔蓉仲加入咗辣粉，所以食落帶有少少辣，仲加咗脆卜卜嘅薯片碎 呢個一定要拍片【淼屋火焰雪山甲羅燒 $148】店員會預先淋上酒精，再燃點起火，燒一燒厚厚層嘅蛋白，待火熄滅，將蛋白同蟹膏撈埋一齊，蟹膏甘香鮮甜，食過返尋味 再嗌咗隻【海膽醬燒大老虎蝦 (隻) $128】海膽醬帶出鮮味，大大隻虎蝦，鮮甜好味，食落爽口彈牙；【日本富山灣冰見海油金魚鮫 $98】油金魚鮫無細骨，肉質嫩滑，啖啖肉，鮮甜好味；【脆炸吉列黃金廣島蠔 $128】炸到粒粒金黃色嘅廣島蠔，咬落外層香脆，內裡熱辣辣軟綿綿，廣島蠔大大隻夠肥美，再配埋個秘製醬汁 最後叫埋個【黑松露松葉蟹親子炒飯 $168】用石鍋盛著炒飯，熱辣辣香噴噴，份量好足料，配料有超多蟹籽、黑松露、松葉蟹絲、蔥花、黑白芝麻、炸蒜，鮮味濃郁好味道，粒粒飯分明，食落口感豐富 淼屋上環蘇杭街57號Akvo

公司附近新開既日式小店，lunchtime人好多，擇左放工黎一嚐。.🍴酒盗薯仔沙律$78蔬菜沙律配中間圓圓的薯仔並加上薯片，清新開胃。.🍴脆炸吉列黃金廣島蠔$128超香脆既炸蠔，配上特色酸汁好開胃又脆口。.🍴淼屋火焰雪山甲羅燒$148蟹蓋盛載著creamy既蟹膏汁，配上蛋白造成既火焰雪山，旁邊配有梳打餅一齊食。.🍴海膽醬燒大老虎蝦$128海膽醬焗大虎蝦啊好好好好大隻👍🏻好鮮味又多膏，加上海膽醬焗香甜得黎唔會覺得腥。.🍴日本富山灣冰見海油甘魚餃$98魚餃位啖啖肉得黎又鮮甜，燒得岩岩好唔過火、價錢都好控食。.🍴黑松露松葉蟹親子炒飯$168黑松露控必點既炒飯，飯底唔多油，飯粒-粒粒分明，配埋松葉蟹，好鮮味又飽肚。

🔴燒日式慢煮無骨雞腿去到哪裡都要試它的雞肉料理，這裡的雞肉燒得很出色！用上義大利香草調味，令雞肉自己已經很有肉味，再加上雞腿的部分的肥膏香上加香😋不會有太多的肥膏，可是始終避免不了菜式的比較油，但我覺得還能接受。我選擇了和風烏賊汁，其實就是黑椒汁，入口不會很辣，但黑椒味依然香濃，而且質地夠濃稠不會稀稀的午市定食還包含薯仔沙拉和前菜。沒有想到薯仔沙拉是辣辣的，用上七味粉調味，是很特別的作法，而且還會越吃越辣呢。麻醬青豆也是很開胃的小菜🟠日式清酒白蜆意大利粉 x 燒茄子/柚子椰菜日式版的aglio olio加入了日式野菜整個健康指數滿分。意粉有到al dente，清酒味不算突出，始終是橄欖油作為調味的主角。意粉份量不算大，跟平常一個餐廳的主菜比少。蜆肉份量不少，也很肥美。但是可能炒得太用力，所以吃意粉的時候會有殼碎摻在裡面😅日式燒茄子的醬油味調得剛好，但如果份量能多一點就好了。反而柚子椰菜蠻大碟，柚子醬甜甜的配上凍食爽脆的椰菜蠻清新，可是略嫌整個菜式會偏甜

女朋友一向鍾意食日本野，襯住周年紀念就揀左間好少少既日本餐廳慶祝。餐廳佈置有Ｄ居酒屋feel，睇落幾高級。無食過依間唔知叫咩好，所以就順住前菜，炸物燒物，然後叫左個炒飯，後尾發現原來可以叫少樣都夠飽。海葡萄海草沙律：未食過海葡萄所以叫左個試下，望落好似綠色蟹子咁。沙律酸酸地幾開胃，作為前菜岩岩好。火焰雪山甲羅燒：蟹蓋配cream，然後可以沾餅乾食，特色係個蟹蓋好多膏勁香。日本富山灣冰見海魚鮫：本身我好憎食魚，係女朋友話要試先叫。因為細個食過D魚又多骨又腥，依個魚鮫真係好有驚喜，第一次食魚完全唔洗擔心有骨，放耐左都冇腥味，可能係我唯一肯食既煎魚。特色係大條多肉煎得香。脆炸吉烈廣島蠔：特色係即炸同外面果層面衣做到鬆炸，平時好多鋪都係就咁包住就算，冇依度果種層次感。日本青森縣八戶原隻魷魚：特色係大大條，隻醬幾好味。原本店員有推介我地食佢地隻鰻魚，話係主打，但我地兩個本身都唔食所以叫左魷魚。黑松露松葉蟹親子炒飯：見到廚房炒飯既功力，炒到粒粒飯都分得開，炒過飯都知唔係易事。食完覺得好滿足，仲要唔係貴兩個埋單先800蚊左右，平時食開日本野既朋友真心可以一戰。

位於上環的日本料理店，上一層樓，便到達餐廳門口。一開門已經看到整個餐廳的範圍，餐廳裡掛著日本燈籠，環境恬靜，播放著日本音樂歌曲；另一邊廂還有一間客房及外面一個小露台，可供客人品酒談天。海葡萄海草沙律加入了沖繩名物海葡萄，用來製作沙律恰好，皆因海水及海草味濃烈、且以鹽醃製過，而這個沙律的醬油有點鹹，整體會略鹹，不過蔬菜新鮮。火燄雪山甲羅燒 蟹膏甘香鮮美，帶海水鹹味。上面是一團蛋白泡，店員預先淋上酒精，再燃點起火，燒那些蛋白，味道會更鮮味。燒完後，並可蘸上蘇打餅一併吃，不會那麼膩。日式污糟雞有趣的菜式名字，全因它的外表烏卒卒，炭火烤，以致外表熏黑卻帶點炭香。雞肉肉汁多，而且入面肉質更加軟嫩。另外店員建議可以加上山葵一起吃，味道更佳。蒲燒原條德島鰻魚放在一個仿傳統日式熱爐上，爐下面純粹是小蠟燭。原條鰻魚已經烤好，掃上杰稠的甜燒汁。醬汁濃厚，鰻魚表面光澤，無骨彈牙。黑松露松葉蟹親子炒飯炒飯以石鍋盛著，上枱時熱烘烘的。日本米飯粒乾身分明。黑松露沒有很多，那本身強烈的味道不會蓋過蟹的鮮味。炒飯材料簡單，有炸蒜、黑白芝麻、粒粒蟹籽、蔥花、松葉蟹絲。

淼屋今日過開上環行街就去咗蘇杭街度搵食，經過見到有間日本菜一於想去試一試，裝修以藍色為主色座位唔算好多，外面有個小露台可以呼吸下，中午時段都坐咗接近6成人。侍應態度親切👍🏼精選午餐有七款咁多，主菜+小食+飯或讚岐湯烏冬，另外仲有沙律，前菜及湯。仲有超級午市優惠，有三款選擇最抵食$98起。蒲燒鰻魚飯 $168鰻魚肉質夠但配埋香濃醬汁加上白飯哩食，正呀，小食就揀咗燒茄子同埋日式炸豆腐，成個餐好豐富夠晒飽。燒西班牙黑毛豬梅玉爽 $168黑毛豬肉質鬆化，肉味都好濃，油潤甘香，小食揀咗有機翠玉瓜同埋雞軟骨串燒配讚岐湯烏冬。

星期五臨時起意去食飯，但想食嘅餐廳己有full晒，在上環兜咗一陣，見到呢間餐廳，心大心細覺得可以試吓，餐廳唔大，有十幾個位同一間房，仲有個露台仔可以坐幾個人。入去得最後一張檯，侍應主管非常禮貌，介紹我哋幾道菜。做緊promotion, 消費$400以上加$1可以有原隻燒魷魚（原價$128），都幾抵。當晚點咗以下菜式，全部非常好食，本來冇打算寫食評，所以冇影相。- 味噌豬大腸：好入味，肥美油滑唔停口- 燒雞腎：爽脆入味- 污糟雞：外表有烏卒卒炭汁但味道超好，加少許wasabi，更正！👍🏻👍🏻- 雪山羅甲燒：本來怕偏腥，但一試非常鮮美，加上小蘇打餅，必食之選👍🏻👍🏻😋差啲想再點- 原隻燒魷魚：加$1就食到，抵食，新鮮爽口味道不錯，燒汁做得好好，唔會太鹹，加少少薑蓉更清新- 炸蠔：蠔幾大隻，熱辣辣- 燒油甘魚鲛：非常大件厚肉，燒得啱啱好，皮脆肉滑，值得讚嘅係醬汁有柚子汁，唔會好濃好鹹，中和咗魚嘅肥美，點睛之筆，好清新😋- 明太子紫蘇豚肉卷：配搭新鮮，味道好夾，豚肉少少偏鹹同有少少鞋，但味道還是不錯的全晚每道菜都好好，侍應服務周到，唯一美中不足係空間細，有檯客好嘈大聲講大聲笑，不過亦冇辦法啦。

公司附近新開居酒屋，一個人食飯簡簡單單，就點咗個蒜香雞皮炒支豆，黑白唐揚炸雞同A5和牛壽喜燒。支豆經過蒜香同雞皮爆炒，未食聞到已經流口水，雞皮同蒜嘅味道亦都冇冚過支豆，仍然保留淡淡嘅豆香，送酒一流。主菜嘅炸雞分別淋上兩款黑白唔同嘅芝麻醬，炸雞外脆內嫩分量充足。最後嘅和牛壽喜燒牛肉入口即化，配菜鮮甜。餐廳整體唔係好大，但我幾鍾意佢有個露臺仔。整體嚟講值90分以上可以一試。

昨日三五知己相約到上環新開的樓上居酒屋"淼屋"一聚,店內面積不是很大,大約可坐十多人左右,但仍有一個可坐8人左右的包房,我們在包房內坐下,因大家都不喝酒,都點了一些果味梳打飲料,整晚餐單如下:水煮支豆秘製甲羅燒(必食推薦,入口甘香鮮甜的蟹膏讓人回味無窮)醬燒青森原隻魷魚富山灣油金魚鮫原條蒲燒鰻魚(必食推薦,鰻魚肉質彈牙,醬汁濃香,配上白飯,口感大滿足)鹽燒海膽龍蝦特級燒牛脷芯芥末旋風腸伊比利亞豬肋條黑白糖揚炸雞(必食推薦,兩款黑白醬汁各有特色,雞肉外脆內嫩)A5和牛壽牛燒最後5個人埋單計數3500左右,人均消費700,係上環黎講,食物質素同份量,對得住呢個價另外,呢間居酒屋有個小露台環境唔錯,可以坐幾個人,鐘意飲酒既朋友,食院野出露台飲番兩杯會幾好feel

舊日中菜舖位,空置一段時間,開了新的日本菜,兩層分別提供不同菜色,今天先試一試一樓的淼屋藍色裝修,座位不多,有些位置較迫,有些座位較寬敞員工有禮,效率高,不過雖然客人不多但上菜較慢午餐主菜(任選一款) + 小食(任選兩款) + (飯) / (讚岐湯烏冬)包沙律+ 前菜 + 餐飲沙律是蔬菜沙律+醋汁前菜是汁煮蘿蔔牛舌主菜五選一A天日塩燒鯖花魚$138B唐揚炸雞滑蛋親子井$148C白金豚肉生薑燒$158D燒西班牙黑毛豬梅肉爽$168E燒美國安格斯牛小排$188小食七選一燒椎茸燒茄子柚子椰菜(冷食)日式炸豆腐雞軟骨串燒車厘茄鴨胸串燒淼屋秘製激辛雞翼尖朋友話唐揚炸雞幾滑,但雞軟骨太乾我和另一朋友都吃鯖魚,鯖魚皮燒得很脆,魚肉也有魚甜味,這鯖魚相當出色炸豆腐雖然不太脆,但配上醬汁好味,烏冬入味不會太淡餐飲是雙檸檬菜蜜,可選熱或涷,酸酸甜甜,味道不錯新開業吧,餐牌寫包的Japanese Soup 沒有黎到但整體不錯,可以再來