渝人碼頭 (已結業)

約三五知己最好係打邊爐今次揀了呢間試 店鋪地下層較幾細少不過感覺不會擠迫 我地食物都夠放枱面叫了松茸湯底和水煮魚湯底松茸湯底清甜 店員叫我們先喝水煮魚叫了辣味 可惜不夠辣食材新鮮 牛肉 蚌 手打丸味道也不錯不過價錢稍貴 份量也不多

今次同朋友食飯慶祝佢搵到新工，揀左呢間係佢公司附近既渝人碼頭🍲唔係個個同行友人都食到辣，所以揀左鴛鴦鍋，有辣有唔辣，任君選擇。松茸湯濃濃菇香，麻辣湯加左大量香料，味道相當有層次，而且辣度相當「足料」，唔食辣既朋友試左一啖即刻叫救命全晚叫左幾樽薏米水，貪佢去濕又健康過啤酒可樂嗰啲，飲落味道好真，而且甜度啱啱好，清新健康之選蔬菜類揀左皇帝菜同炸芋頭，皇帝菜唔使多講，次次打邊爐都一定叫，呢度既皇帝菜清嫩而唔老；而炸芋頭就夠粉同腍，好好食！西班牙嘅黑毛豬，肉質相當唔錯，食落一啲都唔嚡口，肥瘦均勻有肉香白鱔片，厚切魚肉好滑而且無骨，毫無腥味，正！打邊爐少不了一堆索湯既食物，叫左炸豆皮、生根同埋金菇。金菇份量夠多，好抵食；炸豆皮第一次食，同響鈴好唔同，煮耐左仲會保留番個口感，唔會腍到爛哂，都幾得意～

今日終於到我地食渝人碼頭喇鋪頭入面裝修好靚 有好多擺設 中菜feel非常濃厚我地嗌咗鴛鴦鍋 一個松茸湯一個酸菜魚湯店員建議我地先飲松茸湯 因為佢無味精 啱晒成日無湯水飲嘅我地 松茸湯非常好飲 越煲得耐啲松茸味越出 推薦酸菜魚湯嘅魚都好滑 不過可以有得揀辣度就更好呢度嘅食物亦好多選擇 一般鋪頭無嘅例如魚鰾 黃喉 牛肝等等 佢都都俾我地提供選擇食物亦非常新鮮 碼頭至尊牛肉拼盤裡面有幾種牛嘅部位 我係非常推薦 因為啲牛味好鮮甜 入口有濃濃嘅肉香 可惜分量較少 鋪頭入面仲有幾款甜品 我同朋友都好喜歡食糍粑 見到呢間有 真係好開心糍粑嘅口感好好 外脆內煙靭 出面有紅糖有豆粉 份量亦合理 如果有多啲紅糖會更出色總括而言 雖然呢間係川味店鋪 但因為佢主打無味精 我打完邊爐係完全唔口渴 松茸湯底仲可以keep住飲 喜歡四川菜又喜歡健康嘅 可以考慮呢間👍👍

室內裝潢設計簡單乾淨，坐落舒適～餐前小食，脆辣花生非常香口，但辣度唔小野嫁～叫左兩種湯，右邊係麻辣火鍋湯底，d底料超多，叫左中辣，真係辣勁十足！左邊係松茸菇湯底，未開始煮食材之前個湯仲可以飲嫁，非常清甜～新鮮皇帝菜，一般打邊爐一開始我會食左菜先，咁就唔會索到d油感覺更健康～鴨血，口感極佳，越煮越入味～粟米相當清甜，唔好放錯麻辣果邊呀～白鱔片，處理得好好，碎骨冇咁濟，肉質鮮美同埋無泥味，鱔魚香味濃厚，好食～碼頭至尊牛肉拼盤，有各種牛既部位，包括牛腩頭、牛胸爽、五花腱、同埋牛舌等，呢個係細size, 每款肉類大概有三至四件，一次滿足曬多個願望最特別既係牛胸爽，一舊白色看似脂肪，但其實佢係牛肋骨中間既軟骨，甘香得黎又清爽～碼頭三寶，全部都係麻辣火鍋必備既配料頭兩寶係黃喉同鵝腸，口感超爽脆～最後一寶係黑毛肚，吸滿麻辣湯之後好惹味～最後值得一讚既係上菜速度好快，服務有效率～

今日終於去左渝人碼頭到打邊爐。首先嗌左個鴛鴦火鍋，左邊係麻辣，而右邊係杞子雞腳鍋。適合哂鐘意辣同唔食辣既朋友一齊去食！之後仲嗌左d小食，有皮蛋同炸雞軟骨仲嗌左呢個雪花肥牛，佢切得好薄，口感都好軟，入口即溶，而且份量夠哂食！唔洗怕會唔夠食！仲嗌左呢個三式丸，賣相相當之靚，而且佢地既丸好特別，好有口感，好彈牙。仲有呢個炸腐竹！蘿蔔都好好味！唔會太硬，口感又正，味道相當甜，而且好新鮮！個魚肉都好彈牙，口感好好！值得一試！

朋友話帶我食重慶火鍋，今晚就黎食呢間渝人碼頭⛵️坐2樓，環境好舒服每張檯仲有紙巾提供，岩哂我呢d成日唔記得帶紙巾嘅人叫咗一個鴛鴦鍋-重慶麻辣大紅鍋同埋酸蘿蔔老鴨湯叫左小辣，但老闆好貼心呀真係，問我地食唔食得辣，話因爲會愈滾愈辣，建議我地改微辣老鴨湯好好飲同朋友每人飲咗一碗再叫老闆加湯先開始打邊爐手切肥牛睇相都唔使我多講 好嫩好有牛味凍豆腐食麻辣火鍋必點，索晒啲湯勁正重慶酥肉原來係豬肉，炸得啱啱好，啲肉係半肥瘦有%油唔會好鞋，好味炸豆皮食得辣嘅朋友真係要點呢個，一浸落個麻辣鍋度索晒所有辣味，我都有啲頂唔順呢個餃子係我至愛，超級濃嘅韭菜味，果然自家製係唔同d，用料好質素高鯪魚肉丸最好味，唔同街市加咗粉嗰啲，係真正鯪魚最後個湯底真係越滾越辣🌶🌶🌶🌶🌶我都建議大家微辣就夠了食到捧住個肚走呀，下次一定再encore！想試下個花膠雞煲

最近係公司附近發現咗一間成都邊爐店，火鍋湯底上面幾有新意，老闆仲係土生土長既成都人，味道應該好正宗，於是入去試一試。入到去環境幾靚，裝修好有四川風格，位置亦闊落。我地二人選左鴛鴦鍋，分別係‘酸蘿蔔老鴨鍋’（$88）同埋‘松茸鍋’（$88）次序是先飲湯，然後再加料打邊爐。兩個湯底都好足料，大量蘿蔔將香味滾晒出黎，老鴨亦好滑好夠稔，鴨味濃香但唔會有‘蘇’味，但略嫌有少少咸。而松茸鍋好有驚喜，菇味極濃郁，好好飲👍🏻 呢度嘅配料大部份都可以揀半份，唔使驚食唔晒，又可以試多幾款其他野食👍🏻《餃子拼盤》半份$32大大粒，皮薄餡多。《碼頭至尊牛肉拼盤》半份$248有牛柳粒、牛胸爽、牛肩，好豐富！全部都好新鮮，口感軟嫩，索埋湯汁完全唔洗點醬汁都好好味👍🏻《綜合手工丸子拼盤》$118最愛係墨魚丸，口感爽彈，好想encore!《重慶酥肉》$38呢個炸得好香脆，肉質有彈性，富咬口，食落油膩感不重，唔錯。總括黎講，呢間都算係質素幾好既成都火鍋店，亦具有特色，值得一試。

一年一度嘅書展又黎喇，每年都會去搏殺嘅我，今年都唔例外，行完書展梗係要醫下肚，朋友想打邊爐，見天氣濕濕地不如就食下辣啦。 餐廳雖然主打四川菜，但亦有唔辣嘅湯底揀， 店員都提議我地如果揀唔辣嘅湯底，可以打邊爐前飲碗湯，之後先開始打邊爐，但喜愛食辣嘅我地，當然係揀麻辣湯底啦。 火鍋配料有多種選擇，而多數配料都可以選擇半份，岩晒我地可以試多d唔同嘅配料。另外每樣配料旁邊都有一個淥嘅參考時間，咁就唔駛驚淥得太熟啦。 落單後湯底好快就送到，上枱時真係非常震撼，因為除咗個鍋面積大之餘，面頭亦鋪滿大量辣椒，真係望到都覺得相當辣。 用湯殼隨手一撈，已經可以撈到大量辣椒及花椒，相當足料，而老闆亦同我地講湯底完全根據四川口味，連辣椒都係由四川運落黎， 可以話係非常正宗。我地雖然叫左小辣，但辣椒會隨住時間不停滲出味道，令湯底越黎越辣，所以我地食到中途都要開始撈走部份辣椒，以免太辣食唔到。 醬料吧有多款唔同嘅醬料選擇，可以話係應有盡有。菜肉雲吞 :一份有八隻，雲吞皮呈微綠色，餡係白菜、韭菜及豬肉，比例剛剛好，入口香味十足，味道鮮甜。手工豬肉丸 :叫左半份豬肉丸，賣相非常精緻，豬肉丸以青瓜墊住，唔駛驚黏底。豬肉

。1）擺碟靚，睇得又食得手切牛，好重牛味，而且腍而嫩滑，脂肪均勻，配麻辣湯就會非常入味，灼10秒就夠，建議食法🥰羊:味道幾膻下，不過我就愈膻愈喜愛，肉質較結實。豬: 簿切豬肉片，好腍配合湯底好入味呀，唔好灼咁耐2）老鴨湯係一個養生滋補既湯底，冬天飲落去暖笠笠，配料豐富，有酸蘿蔔、紅棗、杞子、冬菇等肴制，鴨肉濃味而且非常嫩滑👍🏻作為廚師既我，一飲就飲得出佢真係無添加味精，非常濃郁鮮甜，吾小心飲多左幾碗😋重慶麻辣鍋菜單上列明以新鮮牛油、多種辣椒中藥而成鍋一到已經聞到好香，雖然點了小辣，但飲落👅都麻了，油而不膩，但配上牛，真係無得輸，最佳配搭，建議一定要叫寬粉。3）牛柏葉勁大塊，中意食既朋友記得叫😂4）炸豆皮，份量充足，薄薄地好脆口，煮2,3分鐘已經非常入味👍🏻 -👩🏻‍🍳👨🏻‍🍳Chef推薦8/10🌟-地址：渝人碼頭 (灣仔)灣仔莊士敦道6-12及12A號文熙大廈地下F舖-營業時間：星期一至日1200-1530/1800-0000

这家店开了也有一段时间了，第一次来试试结果让人印象深刻。店门小小的，很容易让人以为是一家路边小店，一楼用餐的人还挺多的，大多数吃火锅，国道非常狭窄，桌椅摆放的比较紧凑。二楼位置还是挺大的，但是只做了我们一桌，结果二楼的服务员算是这几年见过的印象非常深刻的。整个一张欠她钱的脸，说话做事极度不耐烦，一问三不知，还很冲，上菜拿餐具之类的声音巨大，这家店老板知道自己的服务员这么牛么？还好心情算是还行没有跟她扯。点了凉菜，水煮鱼，回锅肉，土豆丝，麻婆豆腐等，分量还可以吧，口味是经过本地改良的。买单的时候看着10%的服务费异常刺眼，佩服佩服。喜欢体验一下的可以试试二楼服务员。

今次已經唔係第一次食，今次試咗左嘅小辣以及鴨湯。水準仲keep到，d湯仲係好好飲。野食方便，午餐肉，鴨血同埋3秒海帶都好正。我地仲挑戰左個勁辣牛肉，老闆好好人，驚我地食唔到，送左jar檸檬薏米水比我地，真心正呢間一定會再去

酸菜魚一向係我最愛，見招牌同裝修都唔錯，諗住一試無妨。。食左咁多年酸菜魚 呢個都真係唔得一黎到個洛神花茶都可以，個酸菜魚，魚硬無口感，酸菜得幾條，黃芽白係底 ，黃芽白仲多過酸菜幾倍，湯底係淡到呢，完全都唔係個樣野。我個下係食緊酸菜魚定黃芽白魚。。。有碟午餐菜芯，菜好明顯係一早煮哂放上去，個例湯都仲可以。98蚊但咁既質素，真係唔得lol...... 自問食野都唔係好高要求，都接受唔到，食左一半走左埋單！激死

每日都會喺灣仔尋寶睇下lunch有乜嘢好食記得上次經過見到呢間門面裝修得非常中式嘅 火鍋邊爐川菜幾多人排隊，今日早啲嚟諗住去試一試。原來午餐都幾抵食，都有唔算唔少選擇 。我想食麵所以叫咗擔擔麵，呢度啲擔擔麵係乾撈，擔擔麵味道個麵有辣醬、肉碎同埋青瓜可以畀你撈埋一齊食而且午餐仲包餐湯、菜同埋前菜前菜仲有麻辣雲耳添，麻辣雲耳少少辣，好過癮，幾好味擔擔麵其實平時我鍾意食配湯底，但係呢度只有乾撈，麵質都幾彈牙好味喎。食食下唔係覺得好辣，唔係食得辣嘅人都可以接受到同事叫咗口水雞，口水雞呢個都幾辣，好香口。對於唔係好食得辣嘅我就覺得幾辣下。雞都唔「鞋」，兩個人share嗌兩個唔同款就最好。餐飲多幾多選擇，當中有落神花茶及桂花烏龍，我就揀咗桂花烏龍，好香茶味，大大杯可以嘆下茶

成日都會返深圳, 係深圳食水煮魚, 酸菜魚丫個D~ 但係唔知點解香港係好少見哩類型既餐廳, 可能香港人唔太仲意食淡水魚啦~ 但係朋友介紹我, 係灣仔莊士敦道文熙大廈 , 新開咗一間"渝人碼頭" 佢話佢個度D酸菜魚,水煮魚都幾好食, 所以今晚約埋朋友一齊去試下... 開心開心~ 去到環境真係好唔錯, 好時尚, 好有中國特色既地方, 卡位好濶, 坐得好舒服~~ 我地點咗一個必食水煮桂花魚(大, 四人用) $338, 加咗薯粉$38 孜然羊肉$148, 辣子蝦球$198 酸豆角肉碎炒飯 $88 ........ 水煮桂花魚 (開頭覺得有D貴, 上枱原來洗面盤咁大碗, 足夠4人食) 因為有朋友唔食辣我地點咗減辣, 未食聞到已經流哂口水~ 魚好滑, 但肉質好實淨好新鮮~ 仲 開始後悔頭先點咗咁多野~ 有D驚食唔哂~ 面頭D花椒好惹味~ 好好味~ 好辣既朋友必定要試既餐廳~~ 全給滿分~~ 正~

其實我本身唔係好食得辣，但點知我的同事個個都食辣。有時為左跟大隊唔想做獨孤精，都會硬住頭皮跟住去食，有時真係食到頭破血流架﹗不個渝人碼頭就好好，佢提供的午餐牌都幾靈活。有一個係完全唔辣的豉汁蒸排骨飯，哈但係我就心郁郁想試吓D小小辣的的野，咁我就問佢地有無D推介，咁侍應就話口水雞0拉，啲辣汁可以另上。啲雞黎到係幾靚，佢好似渒左水咁，肥膏, 皮同都肉都好分明，好爽口。上面舖左好多蔥粒，超香。咁我點啲啲辣汁，真係食得好滋味，我最鍾意係啲SET有好多配菜，有小棠菜同雲耳，全部新鮮同脆，睇得出佢地係真係用啲好食材，同埋係用心煮，超讚﹗最後仲有餐飲，我叫左薏米水，甜甜地就幾辣都食到啦﹗