渝味曉宇重慶老火鍋 (聚賢逸居) (已結業)

嘩渝味而家做緊季節限定鮮活海蟶。身為渝味既忠實粉絲！梗係要來試吓啦！山珍菌湯底最愛呢個湯底！每次都要食！夠清又多菇食😋鮮活海蟶蟶子到！未食先興奮！嘩肥美爽口仲好鮮甜tim!真係頂瓜瓜👍串鮮蝦新鮮彈牙爽口！好味道！美國桶肥蠔呢個又係必食之選！淥熟咗啲蠔都一樣咁大隻！真係見到都溜哂口水！記住淥5分鐘就岩岩好啦！🤤🤤🤤蓮藕片識食梗係食蓮藕片啦！好健康有益嫁！新鮮嫩牛肉呢個淥3分鐘就夠！如果太耐就變咗老牛啦！烏冬再來一個自製牛肉烏冬！真係very good!

今日原本去大學個friend，誰知咁啱响黨鐵見到雞乸咁大個廣告！攪到我突然想打邊爐🍲於是即興改地點...搭多個站去堅離地淥一淥佢😆😆依用QR CODE落單好鬼簡單方便，以前寫order紙都驚佢睇漏，手機落單百份百準繩永冇漏單👍🏽一嚟到見佢新出咗個季節限定嘅海蟶, 梗係要試吓啦...味道好鮮甜再加上我哋叫咗蕃茄湯味道好夾😀店員好細心提醒滾4-5分鐘就食得！值得推介🙌🏼今次手痕想試吓麻辣牛肉...嘩！堅辣！用咗勁多辣椒醃到見唔到塊牛肉為止😂😂我個人建議平時食到大辣嘅人，一定要試吓😋😋

其實已經好耐冇打邊爐，因為哩一排好似冇咁緊張，所以趁禮拜日就同朋友一齊去打下食下好嘢喇！用手機點餐好方便，每樣都可以叫半份，所以可以試到好多種。叫咗小辣嘅麻辣湯底，同埋菇菌湯。菇菌湯落料都幾足，有好多茶樹菇，食落味道濃郁。誠意推介佢哋嘅生蠔因為真係好大隻，食落好滑！手打蝦話都非常之唔錯，配埋彈牙嘅魚籽，好彈牙好好味。牛肝都唔錯，唔會有腥味，食落爽口。原來牛骨髓冇咩味。而爆漿魚丸就比較普通，比較似貢丸，相比下就欠咗少少特色。上菜非常快手，買單加一，值得一試！

今次約朋友,相約在西環還以為來到西區食飯會比較少人估唔到同樣滿座,呢度打邊爐食材新鮮湯底鮮濃,食材質素佳,服務好湯底濃到幾乎不用沾醬汁伴食美國安格斯肥牛$216一份烏冬一份 $42(2件)蔬菜食材可以半份半份咁落單唔怕食唔曬!都係16蚊份白蘿蔔片甜粟米,鮮蝦雲吞,湯底每位38,另收茶位醬料20埋位先上一碗糖水,清潤一下味覺自助落單,用電話掃瞄QR CODE一目了然,可以睇返自己食過咩食材平均一位大約200-300蚊左右啦番茄濃湯加大骨滋補湯非常足料放滿金姑番茄片,連湯底都係啖啖番茄酸香配埋肉類食味道最夾大骨滋補湯,偏濃,放了粟米,紅蘿蔔等食材美國安格斯肥牛一份非常足料,估計最少有200克,切片不會切得太薄身,肉質細緻嫩滑我有個特別食法,係牛肉放碗中加熱湯燙熟咁樣食法,牛肉係最嫩滑,不會過熟特別甘香灼幾灼就食得雲吞有八粒一份,細隻左D,但係味道唔錯肉餡偏少,唔夠飽滿,蝦肉偏細隻唔夠爽口仲有配埋件即棄式圍裙比你用唔會彈到全身都係火鍋湯食火鍋我傾向食湯底偏濃夠味唔洗另外有加太多醬料簡單加少許麻油,蔥花已經夠曬香氣最後加碗紅糖冰粉完美作結,冰粉有大量提子乾,果仁碎冰粉物如其名,非常通透,透心涼

位於西環尾的渝味曉宇是我去過最舒適的火鍋館，座位寬闊之餘通風又做得好，不怕打完邊爐一身邊爐味。這裡以重慶麻辣湯底作招萊，但不套好辣的我每次都會選擇較清淡的湯底。這裡的特點是每項餸都可以點半份，分量剛剛好，適合情侶二人來撐腳。這次選了大骨湯和雜菌湯。豬骨湯採用了大豬骨熬製而成，湯底呈奶白色，合豐富骨膠原和蛋白質。菇菌湯底亦十分養生滋補。季節限定的鮮活海蟶($39)蟶子水滾5分鐘左右就食得，味道鮮甜而且清洗得乾淨，吃著不會有沙。曉宇嫩牛肉($42)肉質非常嫩滑，個人覺得比手切肥牛更美味，是我每次來的必點之一。手打蝦滑($45) 用新鮮蝦肉打成膠狀，吃著十分爽口彈牙。鮮蝦雲吞($30) 及韭菜水餃($30)鮮蝦爽口彈牙很新鮮，餡料還有瘦豬肉，如果加多一點肥豬肉會更香濃；水餃皮偏厚，咬下有少許肉汁。熟鵪鶉蛋($22) 雖然高膽固醇，是十分邪惡的美食，但偶爾放肆一下還是需要的。萵筍條($18)及唐生菜($18)萵筍頭切要滾多一會兒才熟，更喜歡之前設成薄片堆砌成一朵玫瑰花的擺盤。鮮竹笙($30)吸收了湯的精華，不用沾醬油吃已很夠味。

渝味曉宇 | #堅尼地城一直想食呢間火鍋，收工黎西環分店！用手機落單好方便👍🏻喜歡食內臟的朋友會中意呢到，黃喉毛肚鴨血等 都係招牌菜！ 呢段時間食野最關注衛生問題，碗碟全部睇住姐姐用熱水煲住，都放心啲，而家用夾夾上枱 ！ 首先有雪耳紅棗糖水滋潤下，清甜不錯！海蝦🦐🦐半份有4隻 有蝦膏 肉質彈牙 炸腐皮 🥰有d似炸嚮領 配上蕃茄湯底一流 吸哂d湯汁 不會過油黑豚腩肉 🐷半肥瘦的腩肉 有豬肉的香 食落沒有雪藏味娃娃菜🥬新鮮娃娃菜 勁清甜美國安格斯優質肥牛 🐮油脂分佈平均 見到肉色轉變就食得 肉質嫩滑 炸芋頭💜外層粉皮薄 炸得鬆化 香味極濃 啖啖芋頭 可以就咁食用苔粉必點，吸哂湯頭！煙韌又彈牙！鴛鴦清湯 😋走牛油 蕃茄湯 山珍菌湯 甜味極重 好有茄味山珍菌湯 有好多種類的菇 令到湯底勁濃🥰

見聽晚係母親節，於是就早一晚帶媽媽食好啲，去咗打邊爐🍲。媽媽話佢好耐無打過邊爐喇，所以都相當期待。我哋六點半鐘去到，餐廳已經有幾枱客食緊，去到七點幾、八點直頭要等位添！我前幾日Book定西環店食，都係因為佢仲有位，其他分店已經Full了👏。餐廳採用QR code落單，因此無實體Menu。 首先，醬料／茶位費每人$20，每枱枱面均放有豉油同醋等醬料，唔使行嚟行去拎，方便👍。還未上菜前，店員已為我哋送上暖胃嘅紅棗雪耳糖水😊，不過我硬係覺得佢係飯後食嘅，哈哈。另外，店員亦有不斷為我哋添茶🍵。湯底方面，我哋要咗鴛鴦麻辣鍋($38/位, 按人頭計算)：🍅蕃茄湯拼🌶小麻小辣大紅鍋。呀媽話一場嚟到，要試下辣，不過依個辣鍋對我來說有啲過火，所以我都係食返蕃茄湯算。依個蕃茄湯勁濃勁正🤤，我飲咗勁多，入面仲有唔少金菇。至於餸料方面，餐廳絕大部份項目都有得揀半份或者全份。我哋兩個人食，所以全部都嗌咗半份，份量啱啱好😍，又可以食多幾款。重慶炸酥肉($32)，我之前食福建菜好似食過...，而呢到嘅出品比較特別，因為落咗唔少花椒，所以食落麻麻的，幾得意😜。剛剛炸起嘅時候，酥肉外皮超脆，建議要襯熱食。鮮活海蟶($3

愛上了食重慶及川菜的味道，今日來到西環堅尼地城，又選擇了食此間在港有不少分店的渝味曉宇重慶老火鍋。餐廳裝修非常雅緻有特色。先要了個鴛鴦鍋重慶麻辣拼大骨滋補鍋最愛麻辣湯底，令灼過的每款配料都帶麻辣及多了一重重慶的麻辣味道。美國優質肥牛粒食火鍋少不了牛肉，今晚就揀了美國優質肥牛粒。肥牛粒比一般肥牛片灼的時間要多一些，及多了一重口感，肥牛粒吸收了濃湯底的味道，麻辣又有牛味。牛心椗牛心椗真是非常爽脆，有口感又美味。珊瑚蚌及桂花蚌平常食火鍋，較少要珊瑚蚌及桂花蚌，過今晚就想試嚇珊瑚蚌及桂花蚌的重慶味道，2款都非常新鮮及爽口，麻辣又帶鮮味。稻田毛肚稻田毛肚，切得很大塊，口感有少少硬及帶點爽，但麻辣可口。齋菜及蔬菜要了娃娃菜、皇帝菜、冬瓜及鮮腐竹，食得非常美味。

又好想打邊爐喇，作為麻辣火鍋fans🙋🏻‍♀️諗都唔洗諗喺公司搭地鐵坐多幾個站🚇終於試勻哂渝味曉宇喺港島區分店方便用電話📱scan QR code落單細心為客人提供一碗清潤雪耳糖水❤️我哋都幾impress同埋真係好食😋🎈四月至八月季節限定🎈鍾意食海鮮朋友襯呢段時間可以試吓✅今次唔自私，揀個鴛鴦鍋，細心可自選小辣大辣小麻大麻🌶🌶🌶次次都會點鮮魚膘，新鮮仲大大份，好有咬口🤤左：重慶炸酥肉唔知點解之前冇叫嘅呢，炸得香酥，好香口好好食！右：萵筍條更喜歡厚切好juicy😋都係每次必點嘅黑豚腩肉，半肥半瘦入口寧舍爽口軟滑👅紐西蘭精品羊肉卷，羶香有咬口羊肉卷都係每次麻辣火鍋perfect March 🌟爽口墨魚滑爽口彈牙超好食鴨血，嫩滑掛上麻辣湯底惹味！呢間係我一次又一次翻嚟食嘅麻辣火鍋除咗食物質量好，服務都好好！

最近越來越常吃麻辣火鍋，尤其上次吃完海蟶覺得根本是人間美食，隔幾天又忍不住來了。特色迷你燕餃（半份） $32迷你燕餃size果然非常迷你，份量卻不算少。由於size迷你，所以一定要放在特別附上容器內，也十分方便，可以直接拿上來倒進碗子內。皇帝菜 $32皇帝菜新鮮，也不用煮太久，配番茄湯底鮮甜。曉宇苕粉 $52苕粉吸收了麻辣湯的精華，彈牙好吃。鮮黃喉 $108黃喉爽脆，看到彎彎的就好了。稻田毛肚 $118毛肚也新鮮，乾淨，輕輕煮10秒就好了！鮮活海蟶 $78重頭戲鮮活海蟶，果然還是一樣的肥美新鮮好吃，太幸福了！渝味曉宇絕對是我最喜歡的麻辣火鍋之一呢！

渝味曉宇重慶老火鍋-麻辣火鍋有人說辣味不是味覺，而是痛覺，是種感受，而且是會上癮的，自從嘗試了幾次重慶老火鍋的麻辣，每次辣度都提升，感覺像著了魔上癮了，今天又自然地走進重慶老火鍋的店了。重慶辣大紅鍋拼蕃茄濃湯火鍋店相當貼心，提供雙拼的鴛鴦鍋，適合不能吃辣的人一同打邊爐，重慶辣火鍋當中加入大量花椒、辣椒，看見顏色就知道不惹少，湯底又麻又辣；而番茄濃湯雖然一樣也是紅色，相對就溫和很多了，味道酸酸甜甜非常開胃，麻辣牛肉重慶麻辣火鍋，當然要叫一款麻辣牛肉，雙重麻辣刺激。午餐肉 火鍋必點入口即溶腍身的午餐肉。黑豚腩肉梅花間竹，肥瘦分明五層肉，黑豚腩肉。手打墨魚滑 手打的關係，彈牙倍增爽滑的墨魚滑。包心魚丸爆漿的包心魚丸。牛筋丸 有咬勁多汁的牛筋丸。特色迷你燕餃 每一隻也非常迷你，別緻的一口燕餃。鮮蝦雲吞 鮮味飽滿的鮮蝦雲吞。鮮腐竹爽口的口感，索滿湯中精髓。油條一浸一咬，麻辣湯充斥在油條之中，相當脆身。唐生菜爽脆新鮮的唐生菜。紅糖糍粑煙煙韌韌像麻薯般的糍粑，上面佈滿甜甜的紅糖漿。

好嘢就唔怕成日食，今次我遇到對手啦！呢個辣妹真係不得了，睇佢斯斯文文白白淨淨，原來食得好辣。基本上所有嘢佢都要掉落去辣果邊，而呢個用大豬骨煲嘅靚湯底嘅存在意義就煲淥菜。呢個靚女今日帶我嘗試左好多第一次，第一樣係黃喉，天真嘅我以為佢係喉嚨痛，殊不知原來係血管，爽脆到不得了，真係長見識了。第二樣係鮮魚鏢，我以為會好腥，但係食落又完全冇腥味喎，反而又係脆脆地，幾得意。第三就係豬大腸，豬大腸打邊爐真係第一次，而腸佢啲色水，本身應該係已經滷熟左，因為淥一陣已經好腍，而且冇異味。另外，今次嚟到有季節性限定嘅蟶子，唔好睇佢咁短，其實好肥美。淥到佢打開左，岩岩好熟，超級鮮甜。今次試左佢啲韮菜餃，睇落比較瘦小，唔夠脹卜卜，韮菜都唔夠香，比較普通。另外當然唔粉得必叫嫩牛肉，今次比較大塊，又滑又啖啖肉，好正。而鴨血亦係麻辣鍋必備，煲到最後入晒味，好好食。而冬瓜蘿蔔都係唔少得嘅，但留意返係要落麻辣果邊先夠正。今次嗌左娃娃菜，娃娃菜要煮到夠腍索晒湯先夠正。今次索左啲大骨湯真係甜到不得了。每次都可以叫到成檯餸，真係好滿足。

渝味曉宇重慶老火鍋今日到位於西環息的渝味曉宇重慶老火鍋，上次食過麻辣火鍋覺得吾錯，今次再黎 過下辣癮。西環分店比起銅鑼灣空間更闊落更舒適 佢哋其中一樣最貼身嘅就係一坐低就會送碗糖水畀你先，非常潤喉。一嚟到我哋點左個鴛鴦鍋先口味揀咗麻辣同菇菌湯底上次試咗牛油麻辣好香口今次走咗牛油，味道變咗清油麻辣，非常清麻，不錯一開始我哋食咗甜品先 糍粑好軟口煙韌，點埋啲糖漿好好食之後開始食主角啦安格斯肥牛的 肉味濃郁， 油脂豐富。食麻辣火鍋，當然要叫金菇啦！金菇吸曬啲辣汁，好吃！竹笙亦都夠爽口! 佢全部配料都ok新鮮食辣嘢配埋洛神花茶清爽解渴又解辣!

跟朋友食生日飯，而家好多餐廳同酒家都唔做夜市，難得呢間火鍋店有開門營業，仲開正嚮地鉄站附近，放工過到黎都仲好早。先來一碗煲到好膠既紅棗雪耳糖水，每人一碗，火喉十足的!這店雖是以「辣」聞名，我們還是選了豬骨及雜菌鴛鴦鍋。結果還是滿意 --湯味濃而不太鹹肉配菜也合適。這碟是重慶耗兒魚，烚熟後魚肉也不會散晒出來，細骨唔多又有魚鮮味，我幾鐘意食美國安格斯優質肥牛，齋睇樣都知係好野--不會太過油膩，也不會太過鞋口迷你燕餃細細隻，一口一啖，啱晒女仕們既口型當我心理作用也好，手打出來的蝦滑總覺得是較為彈牙。Anyway，肯定較機打的來得新鮮重慶火鍋味道濃郁，門口有清水及薄荷糖俾客人飯後清清口氣，好貼心的安排

媽媽話想試屋企附近的重慶火鍋，既然細佬今晚要加班，我們兩個人就去吃個火鍋！火鍋店都幾大，坐得很舒適！這裏的火鍋湯底費事按人頭計的，$38一位。可以選擇鴛鴦鍋，都有很多選擇，這裏下單是用QR code！本身這裏最出名是麻辣湯底，但是我跟媽都有少少熱氣，今次就選了皮蛋芫茜湯和大骨滋補湯，芫茜下下火。這裏的火鍋材料，全部都有半分可以選擇，我們兩個人來吃都不用擔心材料太大碟！點了這裏的招牌火鍋材料。分別是槄田毛肚和嫩牛肉！毛肚大約淥十幾秒就可以了，口感非常之爽脆！必點嫩牛肉，新鮮牛肉非常嫩滑，而且要鮮味又有口感！瘦而不柴，多吃也不會有膩感！鮮蝦雲吞裡面啖啖蝦肉，鮮甜爽口，雲吞皮薄！我覺得萵筍好適合打邊爐，因為放湯的時間久了也不會影響口感，咬下去的口感就是清爽多汁！手打三寶丸有牛丸、蝦丸和墨丸，新鮮手打，全部都好彈牙！想不到有鮮魚膘，很喜歡這種充滿膠質同時間又爽口的口感，很新鮮，一點都不會腥！雖然鴨血是麻辣火鍋的最佳拍檔，下這樣的清湯底也不錯呀，加醬油麻油也很好吃！手打蝦滑加上蟹子，爽口彈牙到不得了！油條脆卜卜，放湯2,3秒就食得！